Hon. Mayor Najie B. Gapangada

16/07/2026

TUNAY NA MARUNONG ANG POONG MAYKAPAL

Ang mga pangyayaring ito ay naging daan tungo sa pagkakaisa.

Binigyan ang lahat ng tapang at malasakit upang labanan ang mga ganid sa kapangyarihan.

16/07/2026

PABATID SA MADLA

Nais pong ipaalam sa lahat, lalo na sa mga Chairman ng mga barangay, na ang liderato ni Mayor Najie Gapangada ay iginagalang ang inyong mga karapatan. Karapatan na mamili ng susuportahang pampolitika, karapatan magpahayag, at karapatan na gawin ang nararapat upang paglingkuran ang inyong mga nasasakupan.

Umpisa pa lamang ng ating panunungkulan ay naranasan ninyo ang tulong ng lokal na pamahalaan at hindi tiningnan ang inyong pinapanigan, sa kabila ng malamig na pagtanggap ng iba noong panahon ng kampanya.Wala pong mababago. Kung hindi man tayo magkasama sa isyung politikal, kailangan pa rin nating magkaisa sa pagtulong sa inyong mga nasasakupan.

Pagpalain nawa tayong lahat ng Poong Maykapal.

12/07/2026

RAMDAM KO ANG INYONG SUPORTA AT PAGMAMAHAL SA LUNGSOD NG SAN PABLO

Naninindigan ang ating pamahalaan sa tama, makatarungan, at legal na proseso. Patunay nito ang ating paggalang sa kalayaan sa pagpapahayag at sa karapatan ng bawat isa na magsalita.

Tahimik nating hinarap ang mga personal na batikos at mga walang batayang paratang. Hindi tayo gumanti sa ingay, sapagkat naniniwala tayong mananaig ang katotohanan. Sinabi ko noon, at inuulit ko ngayon: kung ang pagtatanggol sa kapakanan ng ating mga kababayan ang aking magiging pananagutan, handa ko itong harapin.

Ngunit kung ang kasinungalingan at mga walang basehang akusasyon ay gagamitin bilang kasangkapan upang agawin ang kapangyarihan sa maruming paraan, hindi na lamang ito usapin ng isang tao o ng isang administrasyon.

Usapin na ito ng taumbayan. Usapin na ito ng ating demokrasya.

Hindi lamang ito laban ko.

Ito ay laban nating lahat.

Mananatili tayong matatag, nagkakaisa, at nakatindig para sa katotohanan, malinis na pamamahala, at sa kinabukasan ng ating mahal na Lungsod ng San Pablo.

- Hon. Mayor Najie B. Gapangada
MAIBA NAMAN Movement

12/07/2026

10/07/2026

08/07/2026