07/04/2026
ISANG PAGLILINAW PATUNGKOL SA FAKE NEWS NA “SUSPENSYON NG ALKALDE”
Bagamat hindi po polisiya ng ating lokal na pamahalaan na patulan ang mga maling balita o fake news na ipinapakalat ng ilang indibidwal at hindi beripikadong mga plataporma, minarapat po ng ating bagong administrasyon na linawin at tuldukan ang mapanlinlang na impormasyong ito.
Wala pong katotohanan ang balitang “suspensyon ng alkalde.”
Ang anumang usapin na may kinalaman sa ganitong bagay ay unang ipinapaalam sa mga direktang sangkot, at hindi sa publiko sa pamamagitan ng haka-haka o tsismis.
Ang ating pamahalaan ay bukas sa anumang lehitimong imbestigasyon bilang bahagi ng transparency at good governance. Bukas po ang mga rekord ng transaksyon, at higit sa lahat, bukas ang opisina ng alkalde upang dinggin ang hinaing ng mga empleyado at mamamayan para sa patas at maayos na pamamalakad.
Sa mga nagnanais na pumalit sa pamumuno, hinihiling po namin ang kaunting pasensya. May tamang panahon para sa pulitika—hintayin po natin ang halalan sa 2028. Sa ngayon, mas mahalagang pagtuunan ng pansin ang kapakanan ng ating mga kababayan sa gitna ng mga hamon na kinakaharap ng ating bansa.
Sa mga patuloy na sumusuporta at naninindigan para sa isang malinis at tapat na pamahalaan sa Lungsod ng San Pablo, taos-puso po kaming nagpapasalamat sa inyong tiwala.
Maraming salamat po.
