Office of the Vice Mayor, San Pablo, Zamboanga del Sur

18/05/2026

📣 Mga Negosyante ug Aspiring Entrepreneurs sa San Pablo!
Ang Department of Trade and Industry (DTI) – Negosyo Center nagadapit kaninyong tanan sa seminar nga:
✨ “Expanding Business Opportunities: SB Corp Loan Program for Entrepreneurs” ✨
📅 May 19, 2026
⏰ 9:00 AM – 12:00 PM
📍 Municipal Gym, Poblacion, San Pablo
Kini nga seminar maghatag og impormasyon ug giya bahin sa SB Corp Loan Program aron makatabang sa pagpalambo ug pagpalapad sa inyong negosyo.
Take this opportunity to learn more about financial assistance programs para sa inyong negosyo ug future investments! 💼📈
Kitakits ta! Daghang salamat.

📣 Mga Negosyante ug Aspiring Entrepreneurs sa San Pablo!

Ang Department of Trade and Industry (DTI) – Negosyo Center nagadapit kaninyong tanan sa seminar nga:

✨ “Expanding Business Opportunities: SB Corp Loan Program for Entrepreneurs” ✨

📅 May 19, 2026
⏰ 9:00 AM – 12:00 PM
📍 Municipal Gym, Poblacion, San Pablo

Kini nga seminar maghatag og impormasyon ug giya bahin sa SB Corp Loan Program aron makatabang sa pagpalambo ug pagpalapad sa inyong negosyo.

Take this opportunity to learn more about financial assistance programs para sa inyong negosyo ug future investments! 💼📈

Kitakits ta! Daghang salamat.

06/04/2026

📢 PAHINUMDOM SA TANANG MANGINGISDA SA SAN PABLO! 🌊🐟
Gipahibalo ang tanan mahitungod sa bag-ong gipatuman nga Municipal Ordinance No. 11-12 nga nag-regulate sa paggamit sa Compressor sa pagpanagat sulod sa kadagatan sa San Pablo, Zamboanga del Sur.

Tumong niini nga balaod ang pagpanalipod sa atong kinaiyahan, pagsiguro sa kaluwasan sa mga mangingisda, ug ang pagpatunhay sa atong abot sa dagat para sa umaabot nga henerasyon.

✅ Kinsa ang Tugotan nga Mogamit sa Compressor?
Dili tanan mahimong mogamit niini. Kinahanglan ang mangingisda usa ka:
1. Bona fide resident ug rehistradong botante sa San Pablo.
2. Miyembro sa rehistradong Fisherfolk Association.
3. Rehistrado sa Municipal Agriculture Office (MAO).
4. Adunay valid nga Mayor’s Permit para sa compressor fishing.
5. Naggamit og rehistradong motorized pumpboat.

🚫 Mga Importante nga Gidili:
1. Dili Pwede ang Menor de Edad: Hugot nga gidili ang pag-apil sa mga bata.
2. Spawning Period: Gidili ang pagpanagat sa panahon sa ting-itlog sa isda (panahon sa "mangitlog ang isda").
3. Spatial Restriction: Gidili ang pag-compressor sulod sa 100 meters gikan sa bisan unsang Marine Sanctuary o No-take Zone.
4. Safety First: Ang hose kinahanglan dili molapas sa 60 meters ang gitas-on, ug usa lang ka diver matag compressor.
5. Destructive Methods: Hugot nga gidili ang paggamit og pabuto, hilo, o bisan unsang makadaot nga paagi dungan sa compressor.

⚠️ Mga Silot ug Multa:
First Offense: ₱2,500.00 nga multa ug/o 10 ka adlaw nga community service + pagkumpiska sa mga gamit.

Second Offense: ₱2,500.00 nga multa ug/o 3 ka bulan nga priso + pagkumpiska sa mga gamit.

Third Offense: ₱2,500.00 nga multa ug/o 6 ka bulan nga priso + pagkumpiska sa pumpboat ug tanang gamit, ug permanenteng diskwalipikasyon.

📅 TRANSITORY PERIOD:
Adunay gihatag nga higayon para sa compliance hangtod sa March 31, 2026. Wala pa’y ipahamtang nga multa niining panahona aron mahatagan og higayon ang tanan sa pag-proseso sa ilang mga rehistro ug permit.

Alang sa dugang impormasyon o pagparehistro, palihog bisitaha ang Municipal Agriculture Office (MAO).

Atong ampingan ang atong kadagatan para sa malungtarong panginabuhi! 🛶⚓️

06/04/2026

📢 PAHIBALO SA TANANG NAGNEGOSYO OG ISDA SA LUNGSOD SA SAN PABLO, ZDS 🐟

Aron mapadayon ang kahapsay ug saktong sistema sa atong pamatigayon, ang atong Sangguniang Bayan, ubos sa pagpangulo ni Vice Mayor Atty. Banjo Cordero, nag-panday sa Municipal Ordinance No. 10-12 nga pormal na usab nga gi-aprobahan ni Mayor Divine Neleh Taucan Anghad.

Ania ang mga mahinungdanong lagda nga angay ninyong masayran:

📍 HUGOT NGA GIDILI (Para sa Brgy. Poblacion ug Marcos Village):
Ginadili na ang pagbaligya og isda gawas sa atong Merkado Publiko. Kung kamo namaligya sulod sa Barangay Poblacion ug Marcos Village, KINAHANGLAN nga adto lamang kamo mopahimutang ug mamaligya sa sulod mismo sa Public Market.

✅ KINSA ANG EXEMPTED?
Wala gi-apil niining balaoda ang mga Marginal Fisherfolks o kadtong atong mga gagmay'ng mangingisda nga manuroy bitbit ang ilang kaugalingong kuha (o kadtong ginabaligya sa ilang kaugalingong miyembro sa pamilya).

📍 PARA SA UBAN NGA MGA BARANGAY:
Mahimong magpadayon ang inyong pagpamaligya og isda gawas sa Poblacion ug Marcos Village, APAN hugot nga gikinahanglan nga kamo mokuha og Mayor's Permit ug mobayad sa mga gilatid nga bayrunon sa atong munisipyo.

⚠️ PAHIMANGNO:
Adunay tukma nga silot ug multa nga ipahamtang ngadto sa bisan kinsa nga masakpan nga mosupak niini nga ordinansa.

Gihangyo ang kooperasyon ug pagsabot sa tanan. Ang inyong pagsunod sa atong mga balaod dakong tabang padulong sa mas hapsay ug asenso nga San Pablo! Daghang salamat.

06/04/2026

📢 PAHIBALO SA TANANG VENDORS UG KATAWHAN SA LUNGSOD SA SAN PABLO, ZDS 📢

Alang sa kasayuran sa tanan, ang atong Sangguniang Bayan pormal na nga nagpasar sa Municipal Ordinance No. 09-12 (Sponsored by Hon. Dennis P. Cordero).

Kini nga ordinansa naglangkob sa mga bag-ong lagda, regulasyon, ug taripa kabahin sa pag-abang, paggamit, ug pagdumala sa mga pwesto (stalls) sa Wet Section sa atong San Pablo Two (2) Storey Public Market.

Aron masiguro ang hapsay nga pamatigayon ug patas nga oportunidad para sa tanang vendors, ania ang mga mahinungdanong probisyon gikan sa maong balaod:

📍 SAKOP SA ORDINANSA (Sec. 3)
Kini magamit sa tanang stalls sa bag-ong wet section lakip na ang namaligya og isda, karne, manok, utanon, ug uban pang daling madaut nga produkto.

📍 BINULAN NGA ABANG (Sec. 5 & 6)
Ang opisyal nga Monthly Rental Rate gitakda sa ₱500.00 matag stall (para sa isda, karne, manok, ug utanon). Kinahanglan kining bayaran sa dili pa matapos ang matag bulan.

📍 USER'S FEE UG INSTALLMENT SCHEME (Sec. 9)
Adunay administrative charge o User’s Fee nga ₱10,000.00. Aron mas mapagaan kini para sa atong mga vendors, mahimo kining bayaran pinaagi sa installment:

Initial Payment: ₱2,000.00 inig pirma sa kontrata.

Balance: Ang nahibiling ₱8,000.00 pagabayaran sa parehas nga kantidad sulod sa lima (5) ka bulan.

📍 KWALIPIKASYON UG KONTRATA (Sec. 7 & 8)

Ang aplikante kinahanglan usa ka residente ug rehistradong botante sa San Pablo.

Dili pwede makapanag-iya og sobra sa duha (2) ka stall.

Ang matag kwalipikadong vendor hatagan og Lease Contract nga balido sulod sa napulo (10) ka tuig.

📍 MGA GIDILI O PROHIBITED ACTS (Sec. 13)
Hugot nga GIDILI ang mosunod:
❌ Pag-sublease, pagbaligya, o pagpasa sa pwesto ngadto sa laing tawo.
❌ Pag-usab o pagpadako sa stall nga walay pagtugot gikan sa LGU.
❌ Paggamit og "dummy" aron makakuha og daghang pwesto.
❌ Mga hugaw, imoral, o ilegal nga binuhatan sulod sa merkado.

⚠️ PAHIMANGNO SA MGA SILOT (Sec. 18)
Ang mga masakpan nga mosupak niini nga ordinansa makaatubang sa mosunod nga silot:

1st Offense: Warning ug/o Multa nga ₱2,500.00

2nd Offense: Multa nga ₱2,500.00 ug 15 ka adlaw nga pagkasuspinde sa operasyon.

3rd Offense: Multa nga ₱2,500.00, kanselasyon sa Lease Contract, pagpapahawa (eviction), ug dili na tugutan maka-apply og stall sulod sa usa (1) ka tuig.

(Hinumdomi: Ang Transitory Period aron makatuman niining mga lagda natapos na niadtong March 31, 2026, busa hingpit na kining gipatuman karon.)

Gihangyo namo ang hugot nga kooperasyon sa atong mga vendors aron mapabilin ang kahapsay, kalimpyo, ug kalamboan sa atong Merkado Publiko. Alang sa dugang pangutana, palihug bisita sa atong Municipal Market Management Office. Daghang salamat!