Municipal Government of Angat

Municipal Government of Angat Official page of Municipality of Angat
(2)

Sa paggunita natin sa Araw ng mga Bayani, binibigyang-pugay natin ang mga Pilipinong nag-alay ng tapang, sakripisyo, at ...
31/08/2026

Sa paggunita natin sa Araw ng mga Bayani, binibigyang-pugay natin ang mga Pilipinong nag-alay ng tapang, sakripisyo, at serbisyo para sa bayan.

Ngunit ang diwa ng kabayanihan ay hindi lamang matatagpuan sa mga pahina ng kasaysayan. Makikita rin ito sa ating mga komunidad—sa mga magulang na nagsusumikap para sa pamilya, mga g**o at manggagawang tapat sa kanilang tungkulin, mga boluntaryong laging handang tumulong, at mga mamamayang nakikiisa para sa ikabubuti ng nakararami.

Sa bawat araw na pinipili nating tumulong, makiisa, maging responsable, at maglingkod nang tapat, naipagpapatuloy natin ang diwa ng kabayanihang ipinamalas ng mga nauna sa atin.

Ang kabayanihan ay hindi lamang alaala ng nakaraan. Ito ay pananagutang maaari nating isabuhay ngayon.

Sa ngalan ng Pamahalaang Bayan ng Angat, isang taos-pusong pagpupugay sa lahat ng bayaning Pilipino—at sa bawat mamamayang patuloy na gumagawa ng kabutihan para sa kapwa at bayan.

Mabuhay ang mga Bagong Kasal!Pinagtibay ng ating Punong Bayan Reynante S. Bautista ang pag-iisang dibdib nina Mr. & Mrs....
28/08/2026

Mabuhay ang mga Bagong Kasal!

Pinagtibay ng ating Punong Bayan Reynante S. Bautista ang pag-iisang dibdib nina Mr. & Mrs. Andrei and Mary Grace Lopez at Mr. & Mrs. Reegor and Trisha Nicole Calderon. Nawa’y magsilbing inspirasyon ninyo ang isa’t isa at dalangin namin ang inyong maayos, masagana at masayang pagsasama. Maging sentro nawa ang Panginoon sa inyong pagmamahalan.

Muli, Congratulations and Best Wishes!

WALANG PASOK | AGOSTO 28, 2026Dahil sa patuloy na pag-ulan suspendido ang face-to-face classes sa lahat ng antas ng mga ...
28/08/2026

WALANG PASOK | AGOSTO 28, 2026

Dahil sa patuloy na pag-ulan suspendido ang face-to-face classes sa lahat ng antas ng mga pampubliko at pribadong paaralan sa Bayan ng Angat ngayong Biyernes, Agosto 28, 2026, simula alas-12:00 ng tanghali.

Pinapayuhan ang lahat na manatili muna sa ligtas na lugar at iwasang lumabas kung hindi kinakailangan.

Ibayong ingat, mga Angateños! 🌧️

Isa na namang karangalan ang hatid ng Barangay Niugan sa Bayan ng Angat matapos nitong makamit ang 2026 BEST Barangay Aw...
27/08/2026

Isa na namang karangalan ang hatid ng Barangay Niugan sa Bayan ng Angat matapos nitong makamit ang 2026 BEST Barangay Award – Building Excellence in Service and Transparency for Barangay.

Ang parangal na ito ay pagkilala sa mga hakbang at pagsisikap ng barangay tungo sa mahusay na pamamahala, transparency, accountability, at mas episyenteng paghahatid ng serbisyo para sa mamamayan.

Sa pamumuno ni Punong Barangay Roberto Maximo katuwang ang Sangguniang Barangay Niugan at mga kawani ng barangay, naging bunga ng sama-samang pagsisikap ang pagkakamit ng parangal na ito bilang pagkilala sa kanilang patuloy na pagsusulong ng maayos at responsableng paglilingkod sa barangay.

Ang tagumpay na ito ay patunay na ang tapat na paglilingkod, maayos na pamamahala at sama-samang pagkilos ay may mahalagang ambag sa pag-unlad ng komunidad.

Congratulations, Barangay Niugan!
Isang tagumpay na ipinagmamalaki ng buong Bayan ng Angat!

Muling inilapit ng Pamahalaang Lokal ng Bayan ng Angat ang iba’t ibang serbisyo sa komunidad sa pamamagitan ng Municipal...
25/08/2026

Muling inilapit ng Pamahalaang Lokal ng Bayan ng Angat ang iba’t ibang serbisyo sa komunidad sa pamamagitan ng Municipal Joint Services sa Barangay (MJSB) na isinagawa sa Barangay Pulong Yantok, sa pakikipagtulungan ng Tanggapan ni Sen. Risa Hontiveros.

Humigit-kumulang 308 benepisyaryo ang napagsilbihan sa iba’t ibang serbisyong pangkalusugan, pangkabuhayan, at pampamayanan, kabilang ang medical at dental consultations, blood chemistry, eye check-up, libreng gupit at masahe, pamamahagi ng vegetable seedlings, animal vaccination, at iba pang serbisyong inilapit mismo sa komunidad.

Kabilang sa mga benepisyaryong ito ang 21 kabarangay na may karamdaman na personal na binisita sa kanilang mga tahanan sa pamamagitan ng Dalaw Bahay, upang maihatid mismo sa kanila ang kinakailangang serbisyo at tulong.

Naging matagumpay ang aktibidad sa pakikiisa ng Tanggapan ni Sen. Risa Hontiveros, Angat Eye Clinic, Sangguniang Barangay ng Pulong Yantok, Jowable Youth, Angat Kalusugan at mga volunteers mula sa Barangay Pulong Yantok.

Sa bawat serbisyong inilalapit, mas napapalapit din ang pamahalaan sa mga taong higit na nangangailangan. Patuloy nating isusulong ang mga programang nagbibigay ng konkretong tulong at pagkakataon para sa bawat kabarangay—dahil sa Angat, mahalaga ang bawat isa.

Pinangunahan ng mga kawani mula sa Public Employment Service Office (PESO) at Municipal Nutrition Office (MNO) ang lingg...
24/08/2026

Pinangunahan ng mga kawani mula sa Public Employment Service Office (PESO) at Municipal Nutrition Office (MNO) ang lingguhang Flag Raising Ceremony, kasama sina Punong Bayan Reynante S. Bautista, Kon. Blem Cruz, Kon. JP Solis, mga kinatawan ng Angat PNP at Angat BFP, at mga kawani ng Pamahalaang Bayan ng Angat.

Binigyang-pansin ang pagkakamit ng Pamahalaang Bayan ng Angat ng Seal of Good Local Governance (SGLG) para sa CY 2024, na kinilala sa ginanap na 2026 PhaLGa Excellence Awards.
Ang pagkilalang ito ay patunay ng patuloy na pagsusulong ng Pamahalaang Bayan ng Angat ng mabuting pamamahala, transparency, accountability, at mahusay na paglilingkod-bayan.

Isang karangalan na magsilbing inspirasyon upang patuloy na pagbutihin ang paghahatid ng serbisyo para sa mga Angatenyo.

Isinagawa sa Pamahalaang Bayan ng Angat ang Orientation on Drug-Free Workplace Policy para sa mga kawani ng pamahalaang ...
22/08/2026

Isinagawa sa Pamahalaang Bayan ng Angat ang Orientation on Drug-Free Workplace Policy para sa mga kawani ng pamahalaang bayan, mga halal na opisyal, at mga Punong Barangay, upang higit na mapalawak ang kanilang kaalaman at pag-unawa sa mga umiiral na polisiya at programa kaugnay ng drug-free workplace.

Pinangunahan ito ng mga kinatawan mula sa PDEA Bulacan Provincial Office na sina PDEA RO III Glenn Guillermo, PO IAV Liwanag Sandaan, at PDEA PO Bulacan Ronamel Reyes, katuwang sina MLGOO VI Cecil Caburnay at ADAC Focal Person Dra. Miel Kathleen Franco.

Tinalakay sa orientation ang mga sumusunod:

• Salient Provisions of Republic Act No. 9165
• Drug Identification
• DDB Regulation No. 13, Series of 2018 on Drug-Free Workplace
• IRR on LGU Implementation
• Community-Based Drug Rehabilitation Program

Sa pamamagitan ng tamang kaalaman at pag-unawa sa mga polisiya, patuloy na napapalakas ang responsable, ligtas, at maayos na serbisyo publiko.

May mga pangalan sa kasaysayan na hindi lamang inaalala, kundi nagsisilbing paalala ng tapang, paninindigan, at pagmamah...
21/08/2026

May mga pangalan sa kasaysayan na hindi lamang inaalala, kundi nagsisilbing paalala ng tapang, paninindigan, at pagmamahal sa bayan.

Ngayong Ninoy Aquino Day, ating alalahanin ang sakripisyo ni Benigno “Ninoy” Aquino Jr. at ang kanyang ambag sa kasaysayan ng demokrasya sa ating bansa.

Nawa’y magsilbing inspirasyon ang kanyang paninindigan upang patuloy nating pahalagahan ang kalayaan, pagkakaisa, at responsibilidad bilang mamamayan.

𝗔𝗟𝗧𝗘𝗥𝗡𝗔𝗧𝗜𝗩𝗘 𝗪𝗢𝗥𝗞 𝗔𝗥𝗥𝗔𝗡𝗚𝗘𝗠𝗘𝗡𝗧𝗦 𝗙𝗢𝗥 𝗚𝗢𝗩𝗘𝗥𝗡𝗠𝗘𝗡𝗧 𝗢𝗙𝗙𝗜𝗖𝗘𝗦, 𝗔𝗟𝗧𝗘𝗥𝗡𝗔𝗧𝗜𝗩𝗘 𝗟𝗘𝗔𝗥𝗡𝗜𝗡𝗚 𝗠𝗢𝗗𝗘𝗦 𝗙𝗢𝗥 𝗦𝗖𝗛𝗢𝗢𝗟𝗦 𝗢𝗡 𝗔𝗨𝗚𝗨𝗦𝗧 𝟭𝟴Pursuant to Mem...
17/08/2026

𝗔𝗟𝗧𝗘𝗥𝗡𝗔𝗧𝗜𝗩𝗘 𝗪𝗢𝗥𝗞 𝗔𝗥𝗥𝗔𝗡𝗚𝗘𝗠𝗘𝗡𝗧𝗦 𝗙𝗢𝗥 𝗚𝗢𝗩𝗘𝗥𝗡𝗠𝗘𝗡𝗧 𝗢𝗙𝗙𝗜𝗖𝗘𝗦, 𝗔𝗟𝗧𝗘𝗥𝗡𝗔𝗧𝗜𝗩𝗘 𝗟𝗘𝗔𝗥𝗡𝗜𝗡𝗚 𝗠𝗢𝗗𝗘𝗦 𝗙𝗢𝗥 𝗦𝗖𝗛𝗢𝗢𝗟𝗦 𝗢𝗡 𝗔𝗨𝗚𝗨𝗦𝗧 𝟭𝟴

Pursuant to Memorandum Circular No. 128, government offices are directed to implement appropriate alternative work arrangements in the National Capital Region and the following provinces on August 18, 2026:

📍 National Capital Region (NCR)
📍 Ilocos Sur
📍 La Union
📍 Pangasinan
📍 Benguet
📍 Zambales
📍 Bataan
📍 Tarlac
📍 Pampanga
📍 Bulacan
📍 Cavite
📍 Batangas
📍 Rizal
📍 Laguna
📍 Occidental Mindoro

Unless otherwise directed by their respective Local Chief Executives, alternative learning modes for classes at all levels in public and private schools shall be implemented in the aforementioned areas.

Agencies involved in the delivery of basic and health services, disaster preparedness and response, and other vital services shall continue their operations and render the necessary services.

The suspension of work or adoption of alternative work arrangements in the private sector shall be left to the discretion of management.

Address

Angat, Bulacan
San Roque
3012

Website

Alerts

Be the first to know and let us send you an email when Municipal Government of Angat posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Municipal Government of Angat:

Shortcuts

Share

Category