Barangay San Miguel

11/08/2026

📢 BAGONG GUIDELINES AT SAFETY PROTOCOLS SA BADEO

📍 SAN JOSE PROPER → SAN MIGUEL

Para sa kaligtasan ng ating mga residente at mananakay, ipinapaalam ang bagong schedule ng operasyon ng Badeo:

🕔 MORNING: 5:00 AM – 10:00 AM
🕓 EVENING: 4:00 PM – 10:00 PM

⚠️ MGA PAALALA:
🔹 Sundin ang itinakdang oras at safety protocols ng Badeo.
🔹Pag Malakas ang alon STOP operation.
🔹Kapag walang Pasok manatili sa bahay.
🔹 Mahigpit na sundin ang mga tagubilin ng mga personnel na nakatalaga sa lugar.
🔹 Huwag tumawid kung delikado ang lagay ng panahon o malakas ang agos ng tubig.
🔹 Magsuot ng life jacket at laging unahin ang sariling kaligtasan.
🔹 Para sa mga bata, senior citizen, buntis, PWD at may karamdaman, tiyaking ligtas ang pagtawid at may kasamang responsable.

📌 TANDAAN:
-Ang Bantilan ng Badeo ay isasagawa ng Municipal Engineering Office sa lalong madaling panahon, kapag passable na ang lugar at maayos na ang kondisyon ng panahon.

- May magbabantay na Phil. Coastguard sa oras ng operasyon ng Badeo.

🙏 Hinihiling ang pakikiisa at pagsunod ng lahat.
Kaligtasan ang ating pangunahing prayoridad.

📞 MDRRMO San Simon Hotline:
(0919) 060 3615

09/08/2026

08/08/2026

Paalala mula sa San Simon Police Station ‼️

07/08/2026

🚧 PAGSASAAYOS NG DAAN

Nagsagawa ang Barangay Council ng San Miguel sa pangunguna ni Kap Gemma Punsalan sa pagtambak at pagpapatag sa mga bahaging nagkaroon ng lubak dulot ng patuloy na pag-ulan.

Layunin nito na mapanatiling ligtas, maayos at passable ang ating mga kalsada para sa lahat ng ating mga kabarangay.

Patuloy ang Barangay Council sa agarang pagtugon sa mga pangangailangan ng ating komunidad. 🤝

20/07/2026

Taos-pusong pasasalamat sa 𝓑𝓪𝔀𝓪𝓽 𝓑𝓪𝓻𝓪𝓷𝓰𝓪𝔂 𝓜𝓪𝓴𝓲𝓴𝓲𝓷𝓪𝓫𝓪𝓷𝓰 𝓟𝓻𝓸𝓰𝓻𝓪𝓶, sa pamamagitan ng 𝘚𝘰𝘤𝘪𝘰-𝘊𝘪𝘷𝘪𝘤 𝘗𝘳𝘰𝘫𝘦𝘤𝘵𝘴 𝘍𝘶𝘯𝘥 (𝘚𝘗𝘊𝘍) 2 pcs tent at 100 monoblock chairs at 𝘗𝘳𝘦𝘴𝘪𝘥𝘦𝘯𝘵𝘪𝘢𝘭 𝘈𝘴𝘴𝘪𝘴𝘵𝘢𝘯𝘤𝘦 𝘵𝘰 𝘉𝘢𝘳𝘢𝘯𝘨𝘢𝘺𝘴, sa ipinagkaloob na suporta at biyaya sa ating komunidad. Maraming salamat po!

10/07/2026

16/06/2026

𝐏𝐔𝐁𝐋𝐈𝐂 𝐀𝐃𝐕𝐈𝐒𝐎𝐑𝐘

Ipinababatid sa publiko na ang isang bahagi ng Badeo na matatagpuan sa Purok 1, Barangay San Miguel ay kasalukuyang isinailalim sa 𝐑𝐄𝐒𝐓𝐑𝐈𝐂𝐓𝐄𝐃 𝐀𝐂𝐂𝐄𝐒𝐒 bunsod ng pagguho ng lupa (soil erosion) at pagkakaroon ng mga nakikitang bitak sa lupa sa nasabing lugar.

Bilang pag-iingat at para sa kapakanan ng kaligtasan ng mamamayan, mahigpit na pinapayuhan ang lahat ng residente, motorista, at mga dumaraan na pansamantalang iwasan ang apektadong lugar hanggang sa maisagawa ang kinakailangang pagsusuri at kaukulang hakbang ng mga kinauukulang tanggapan.

Hinihiling po namin ang inyong pang-unawa, pakikiisa, at kooperasyon upang mapanatili ang kaligtasan ng bawat isa.