San Teodoro Public Information Office, Western Nautical Highway, San Teodoro (2026)

07/08/2026

𝗟𝗜𝗕𝗥𝗘𝗡𝗚 𝗦𝗘𝗥𝗕𝗜𝗦𝗬𝗢𝗡𝗚 𝗟𝗘𝗚𝗔𝗟, 𝗛𝗔𝗧𝗜𝗗 𝗦𝗔 𝗠𝗚𝗔 𝗧𝗘𝗢𝗗𝗢𝗥𝗘𝗔𝗡

July 31, 2026 | Naging matagumpay ang isinagawang Libreng Serbisyong Legal ng Public Attorney's Office (PAO) para sa mga mamamayan ng San Teodoro na ginanap sa Municipal Lobby, Municipal Grounds.

Sa pamamagitan ng programang ito, nabigyan ng pagkakataon ang mga Teodorean na makapagkonsulta nang libre sa iba't ibang usaping legal, kabilang ang legal advice sa mga usapin sa lupa, pamilya, ari-arian, at iba pang legal na concern, gayundin ang libreng notaryo, pagpapagawa ng affidavit, at tulong sa correction of birth certificate.

Layunin ng programang ito na mailapit ang serbisyong legal sa mamamayan at matiyak na ang bawat Teodorean ay may akses sa tamang gabay at serbisyong kinakailangan upang mapangalagaan ang kanilang mga karapatan.

Lubos na nagpapasalamat ang Pamahalaang Bayan ng San Teodoro sa Public Attorney's Office (PAO) sa patuloy nitong paghahatid ng mga serbisyong legal na tunay na napapakinabangan ng ating mga kababayan.

04/08/2026

The Municipality of San Teodoro proudly congratulates our Municipal Accountant, Ms. Shiela Dimaculangan, for being crowned Mrs. Legacy Crown Philippines - Culture & Heritage 2026 during the coronation held on July 25, 2026, at The Heritage Hotel, Pasay City.

Your achievement reflects grace, excellence, and a true commitment to public service. We are proud of you!

04/08/2026

𝗣𝗥𝗢𝗧𝗘𝗞𝗧𝗔𝗛𝗔𝗡 𝗔𝗡𝗚 𝗜𝗬𝗢𝗡𝗚 𝗔𝗡𝗔𝗞 𝗞𝗢𝗡𝗧𝗥𝗔 𝗧𝗜𝗚𝗗𝗔𝗦-𝗛𝗔𝗡𝗚𝗜𝗡

Alam mo ba? Ang 𝙧𝙪𝙗𝙚𝙡𝙡𝙖, na kilala rin bilang 𝘁𝗶𝗴𝗱𝗮𝘀-𝗵𝗮𝗻𝗴𝗶𝗻, ay isang sakit na dulot ng 𝙍𝙪𝙗𝙚𝙡𝙡𝙖 𝙫𝙞𝙧𝙪𝙨. Karaniwan itong may mild na sintomas, ngunit maaari itong maging lubhang mapanganib, lalo na sa mga buntis dahil maaari itong magdulot ng pagkalaglag o malulubhang kapansanan sa sanggol.

𝙈𝙜𝙖 𝙨𝙞𝙣𝙩𝙤𝙢𝙖𝙨 𝙣𝙜 𝙧𝙪𝙗𝙚𝙡𝙡𝙖 𝙣𝙖 𝙙𝙖𝙥𝙖𝙩 𝙗𝙖𝙣𝙩𝙖𝙮𝙖𝙣:
- Lagnat
- Pamumula ng mata
- Kulani (Lymphadenopathies)
- Panghihina ng katawan
- Mapupulang pantal o rashes

𝙋𝙖𝙖𝙣𝙤 𝙞𝙩𝙤 𝙠𝙪𝙢𝙖𝙠𝙖𝙡𝙖𝙩?
Kumakalat ang rubella sa pamamagitan ng maliliit na patak ng laway kapag ang isang taong may sakit ay 𝘂𝗺𝘂𝘂𝗯𝗼 o 𝗯𝘂𝗺𝗮𝗯𝗮𝗵𝗶𝗻𝗴.
Ang pinakamabisang proteksyon laban sa tigdas at rubella ay ang pagbabakuna. 𝗟𝗶𝗯𝗿𝗲. 𝗟𝗶𝗴𝘁𝗮𝘀. 𝗘𝗽𝗲𝗸𝘁𝗶𝗯𝗼

📅 Mula 𝗔𝘂𝗴𝘂𝘀𝘁 𝟭𝟬–𝟮𝟴, 𝟮𝟬𝟮𝟲, isasagawa sa Bayan ng San Teodoro ang 𝙈𝙚𝙖𝙨𝙡𝙚𝙨-𝙍𝙪𝙗𝙚𝙡𝙡𝙖 𝙎𝙪𝙥𝙥𝙡𝙚𝙢𝙚𝙣𝙩𝙖𝙡 𝙄𝙢𝙢𝙪𝙣𝙞𝙯𝙖𝙩𝙞𝙤𝙣 𝘼𝙘𝙩𝙞𝙫𝙞𝙩𝙮 (𝙈𝙍-𝙎𝙄𝘼) kasabay ng 𝙑𝙞𝙩𝙖𝙢𝙞𝙣 𝘼 𝘼𝙙𝙢𝙞𝙣𝙞𝙨𝙩𝙧𝙖𝙩𝙞𝙤𝙣.

Hinihikayat ang lahat ng mga magulang at tagapag-alaga na dalhin ang kanilang mga anak na edad 𝟲 𝗵𝗮𝗻𝗴𝗴𝗮𝗻𝗴 𝟱𝟵 𝗻𝗮 𝗯𝘂𝘄𝗮𝗻 sa pinakamalapit na Health Center, Barangay Health Station, o designated vaccination post sa inyong barangay.

Sama-sama nating protektahan ang bawat batang Teodorean laban sa tigdas at rubella.

01/08/2026

𝗣𝗥𝗢𝗧𝗘𝗞𝗧𝗔𝗛𝗔𝗡 𝗔𝗡𝗚 𝗜𝗬𝗢𝗡𝗚 𝗔𝗡𝗔𝗞 𝗞𝗢𝗡𝗧𝗥𝗔 𝗧𝗜𝗚𝗗𝗔𝗦

Alam mo ba? Ang 𝙩𝙞𝙜𝙙𝙖𝙨 (𝙢𝙚𝙖𝙨𝙡𝙚𝙨) ay isang lubhang nakakahawang sakit na maaaring magdulot ng malubhang komplikasyon tulad ng pulmonya, impeksyon sa tenga at mata, pamamaga ng utak, malnutrisyon, at sa malalang kaso ay maaari pang humantong sa pagkamatay.

Mga 𝘀𝗶𝗻𝘁𝗼𝗺𝗮𝘀 ng tigdas na dapat bantayan:
- Mataas na lagnat
- Pamumula ng mata
- Sipon
- Ubo
- Mapupulang pantal o rashes

Ang pinakamabisang proteksyon laban dito ay ang pagbabakuna. Libre. Ligtas. Epektibo.

📅 Mula 𝗔𝗴𝗼𝘀𝘁𝗼 𝟭𝟬–𝟮𝟴, 𝟮𝟬𝟮𝟲, isasagawa sa Bayan ng San Teodoro ang 𝗠𝗲𝗮𝘀𝗹𝗲𝘀-𝗥𝘂𝗯𝗲𝗹𝗹𝗮 𝗦𝘂𝗽𝗽𝗹𝗲𝗺𝗲𝗻𝘁𝗮𝗹 𝗜𝗺𝗺𝘂𝗻𝗶𝘇𝗮𝘁𝗶𝗼𝗻 𝗔𝗰𝘁𝗶𝘃𝗶𝘁𝘆 (𝗠𝗥-𝗦𝗜𝗔) kasabay ng
𝗩𝗶𝘁𝗮𝗺𝗶𝗻 𝗔 𝗔𝗱𝗺𝗶𝗻𝗶𝘀𝘁𝗿𝗮𝘁𝗶𝗼𝗻.

Hinihikayat ang lahat ng mga magulang at tagapag-alaga na dalhin ang kanilang mga anak na edad 6 hanggang 59 na buwan sa pinakamalapit na Health Center, Barangay Health Station, o designated vaccination post sa inyong barangay.

Huwag nating hintaying magkasakit ang ating mga anak bago tayo kumilos.

Sama-sama nating protektahan ang bawat batang Teodorean laban sa tigdas at rubella.

31/07/2026

𝗣𝗔𝗚𝗛𝗜𝗛𝗜𝗚𝗣𝗜𝗧 𝗦𝗔 𝗣𝗔𝗚𝗣𝗔𝗣𝗔𝗧𝗨𝗣𝗔𝗗 𝗡𝗚 𝗕𝗔𝗧𝗔𝗦 𝗧𝗥𝗔𝗣𝗜𝗞𝗢

🚦 Bilang tugon sa sunod-sunod na mga aksidente sa kalsada, paiigtingin ng Pamahalaang Bayan ng San Teodoro ang pagpapatupad ng 𝗠𝗨𝗡𝗜𝗖𝗜𝗣𝗔𝗟 𝗢𝗥𝗗𝗜𝗡𝗔𝗡𝗖𝗘 𝗡𝗢. 𝟬𝟳-𝟮𝟬𝟮𝟭 na may titulong:

"𝘼𝙣 𝙊𝙧𝙙𝙞𝙣𝙖𝙣𝙘𝙚 𝙋𝙧𝙤𝙫𝙞𝙙𝙞𝙣𝙜 𝙍𝙪𝙡𝙚𝙨 𝙖𝙣𝙙 𝙍𝙚𝙜𝙪𝙡𝙖𝙩𝙞𝙤𝙣𝙨 𝙂𝙤𝙫𝙚𝙧𝙣𝙞𝙣𝙜 𝙑𝙚𝙝𝙞𝙘𝙪𝙡𝙖𝙧 𝙏𝙧𝙖𝙛𝙛𝙞𝙘 𝙞𝙣 𝙩𝙝𝙚 𝙈𝙪𝙣𝙞𝙘𝙞𝙥𝙖𝙡𝙞𝙩𝙮 𝙤𝙛 𝙎𝙖𝙣 𝙏𝙚𝙤𝙙𝙤𝙧𝙤, 𝙊𝙧𝙞𝙚𝙣𝙩𝙖𝙡 𝙈𝙞𝙣𝙙𝙤𝙧𝙤 𝙖𝙣𝙙 𝙋𝙧𝙤𝙫𝙞𝙙𝙞𝙣𝙜 𝙋𝙚𝙣𝙖𝙡𝙩𝙞𝙚𝙨 𝙛𝙤𝙧 𝙑𝙞𝙤𝙡𝙖𝙩𝙞𝙤𝙣 𝙏𝙝𝙚𝙧𝙚𝙤𝙛."

Layunin ng ordinansang ito na mapangalagaan ang kaligtasan ng lahat ng gumagamit ng kalsada at maisulong ang kaayusan, seguridad, at kaginhawaan ng publiko. Saklaw nito ang lahat ng uri ng sasakyan, pati na ang mga drayber at may-ari ng mga sasakyang bumibiyahe o dumaraan sa Bayan ng San Teodoro.

⚠️ 𝗦𝗶𝗺𝘂𝗹𝗮 𝗯𝘂𝗸𝗮𝘀, 𝗔𝗴𝗼𝘀𝘁𝗼 𝟭, 𝟮𝟬𝟮𝟲, mahigpit nang ipatutupad ang mga probisyon ng ordinansa. Sa pakikipagtulungan ng PNP San Teodoro Municipal Police Station, sa pamumuno ni PCPT Arthur A Atiwag II, Officer-in-Charge, magkakaroon ng checkpoint operations at mas pinaigting na traffic enforcement upang matiyak ang pagsunod ng lahat ng motorista sa umiiral na mga batas trapiko.

Ang pagpapatupad na ito ay hindi upang manghuli at magpataw lamang ng parusa, kundi upang maiwasan ang aksidente, maprotektahan ang buhay ng bawat motorista at pasahero, at mapanatiling ligtas ang ating mga lansangan.

Hinihiling ang kooperasyon at disiplina ng bawat isa. Ang pagsunod sa batas trapiko ay pagsunod sa kaligtasan.

📌 Para sa kumpletong listahan ng mga traffic violations at kaukulang penalties, pakibasa ng kopya ng ordinansa na kalakip ng post na ito.

31/07/2026

𝗟𝗜𝗚𝗧𝗔𝗦-𝗧𝗜𝗚𝗗𝗔𝗦 𝗦𝗔𝗡 𝗧𝗘𝗢𝗗𝗢𝗥𝗢

Bilang inyong Punong Bayan, ang kalusugan at kinabukasan ng bawat batang Teodorean ay isa sa aking pinakamahalagang prayoridad.

Kaya naman buong puso kong hinihikayat ang lahat ng mga magulang at tagapag-alaga na makiisa sa 𝙈𝙚𝙖𝙨𝙡𝙚𝙨-𝙍𝙪𝙗𝙚𝙡𝙡𝙖 𝙎𝙪𝙥𝙥𝙡𝙚𝙢𝙚𝙣𝙩𝙖𝙡 𝙄𝙢𝙢𝙪𝙣𝙞𝙯𝙖𝙩𝙞𝙤𝙣 𝘼𝙘𝙩𝙞𝙫𝙞𝙩𝙮 (𝙈𝙍-𝙎𝙄𝘼) at 𝙑𝙞𝙩𝙖𝙢𝙞𝙣 𝘼 𝘼𝙙𝙢𝙞𝙣𝙞𝙨𝙩𝙧𝙖𝙩𝙞𝙤𝙣 na isasagawa ngayong Agosto 10–28, 2026.

Kung ang inyong anak ay edad 6 hanggang 59 na buwan, dalhin sila sa pinakamalapit na Health Center, Barangay Health Station, o designated vaccination post upang mabakunahan.

✅ Libre
✅ Ligtas
✅ Epektibo

Sa pamamagitan ng pagbabakuna, napoprotektahan natin hindi lamang ang ating sariling mga anak, kundi pati ang buong komunidad laban sa tigdas at rubella.

Sama-sama nating pangalagaan ang kalusugan ng bawat batang Teodorean. Pag bakunado, protektado!

31/07/2026

𝗟𝗢𝗖𝗔𝗟 𝗧𝗢𝗨𝗥𝗜𝗦𝗠 𝗖𝗢𝗨𝗡𝗖𝗜𝗟 𝗠𝗘𝗘𝗧𝗜𝗡𝗚 𝟮𝟬𝟮𝟲

July 30, 2026 | Bilang bahagi ng patuloy na pagsusulong ng isang mas matatag at napapanatiling sektor ng turismo, isinagawa ng Municipal Tourism, Culture and the Arts Office (MTCAO) ang Local Tourism Council Meeting 2026, kung saan tinalakay ang mga plano, programa, at mga susunod na hakbang para sa patuloy na pagpapaunlad ng turismo sa Bayan ng San Teodoro.

Dumalo sa pagpupulong si Punong Bayan Hon. Karen Ponce-Miranda, DMD, kasama ang mga Department Heads ng Lokal na Pamahalaan, mga miyembro ng Local Tourism Council, mga kinatawan ng Community-Based Sustainable Tourism Organizations (CBSTOs), mga tourism site owners at managers, at iba pang mga stakeholder ng sektor ng turismo.

Sa pangunguna ni Mr. Joel D. Plaza, Tourism Operations Officer I, tinalakay ang Local Tourism Development Plan (LTDP) 2027–2030, kabilang ang mga pangunahing programa, proyekto, at mga inisyatibong magsisilbing gabay sa pagpapaunlad ng turismo sa susunod na apat na taon. Tinalakay rin ang mga nakalatag na aktibidad para sa pagdiriwang ng 98th Founding Anniversary ng Bayan ng San Teodoro.

Sa kanyang mensahe, binigyang-diin ni Mayor Karen Ponce-Miranda ang kahalagahan ng sama-samang pagtutulungan ng lokal na pamahalaan, pribadong sektor, at buong komunidad sa pagsusulong ng turismo. Ayon sa kanya, ang turismo ay isa sa mga pangunahing susi sa pag-unlad ng Bagong San Teodoro, kaya't hinikayat niya ang bawat isa na makiisa, mangarap, at magtulungan upang higit pang maipakilala ang likas na yaman, kultura, at mga natatanging destinasyon ng bayan.

31/07/2026

𝗔𝗥𝗕𝗢𝗥 𝗗𝗔𝗬 𝟮𝟬𝟮𝟲

July 31, 2026 | Bilang pakikiisa sa pagdiriwang ng Arbor Day, nagsagawa ng Tree Planting Activity ang Pamahalaang Bayan ng San Teodoro sa Sitio Agsambalilo, Barangay Calsapa upang isulong ang pangangalaga sa kalikasan at pagpapalawak ng forest cover sa bayan.

Pinangunahan ang aktibidad ng Municipal Environment and Natural Resources Office (MENRO), at Municipal Disaster Risk Reduction and Management Office (MDRRMO), katuwang ang Rotary Club of West Naujan and Calapan, kasama ang 138 TUPAD beneficiaries.

Sa nasabing aktibidad, humigit-kumulang 1,500 mahogany seedlings, na handog ng Rotary Club of West Naujan and Calapan, ang naitanim bilang ambag sa reforestation efforts at pangangalaga sa kagubatan ng San Teodoro.

Patunay ang gawaing ito na sa pamamagitan ng sama-samang pagkilos ng lokal na pamahalaan, mga katuwang na organisasyon, at ng komunidad, mas mapapalakas ang mga programang nagtataguyod ng pangangalaga sa kalikasan at isang mas luntian at mas matatag na kinabukasan para sa susunod na henerasyon.

30/07/2026

𝗟𝗜𝗕𝗥𝗘𝗡𝗚 𝗦𝗘𝗥𝗕𝗜𝗦𝗬𝗢𝗡𝗚 𝗟𝗘𝗚𝗔𝗟 𝗣𝗔𝗥𝗔 𝗦𝗔 𝗠𝗚𝗔 𝗧𝗘𝗢𝗗𝗢𝗥𝗘𝗔𝗡 ⚖

May legal concern ka ba? Huwag nang mag-atubiling sumangguni!

Maghahandog ang 𝗣𝘂𝗯𝗹𝗶𝗰 𝗔𝘁𝘁𝗼𝗿𝗻𝗲𝘆'𝘀 𝗢𝗳𝗳𝗶𝗰𝗲 (𝗣𝗔𝗢) ng 𝙡𝙞𝙗𝙧𝙚𝙣𝙜 𝙎𝙚𝙧𝙗𝙞𝙨𝙮𝙤𝙣𝙜 𝙇𝙚𝙜𝙖𝙡 para sa mga mamamayan ng San Teodoro. Ito na ang pagkakataon upang makakuha ng tamang legal na payo at iba pang serbisyong legal nang libre.

𝙈𝙜𝙖 𝙎𝙚𝙧𝙗𝙞𝙨𝙮𝙤𝙣𝙜 𝙃𝙖𝙩𝙞𝙙 𝙣𝙜 𝙋𝘼𝙊:
✅ Legal Advice (tungkol sa lupa, pamilya, ari-arian, at iba pang usaping legal)
✅ Libreng Notaryo
✅ Pagpapagawa ng Affidavit
✅ Tulong sa Correction of Birth Certificate

🗓 Petsa: July 31, 2026
🕘 Oras: 9:00 AM
📍 Lugar: Municipal Lobby, Municipal Grounds, San Teodoro

Huwag palampasin ang pagkakataong ito. Dalhin ang mga kinakailangang dokumento kaugnay ng inyong legal na concern upang mas maayos kayong matulungan.

Serbisyong legal na abot-kamay para sa bawat Teodorean, hatid ng Public Attorney's Office.

28/07/2026

𝟰𝟴𝘁𝗵 𝗡𝗮𝘁𝗶𝗼𝗻𝗮𝗹 𝗗𝗶𝘀𝗮𝗯𝗶𝗹𝗶𝘁𝘆 𝗥𝗶𝗴𝗵𝘁𝘀 𝗪𝗲𝗲𝗸 𝟮𝟬𝟮𝟲
July 22, 2026 | Bilang pakikiisa sa pagdiriwang ng 48th National Disability Rights Week 2026 na may temang "Rights First, Legislation Forward: Strategic Action for Equal Participation and Inclusive Development," buong pusong ipinagdiwang ng Pamahalaang Bayan ng San Teodoro ang talento, kakayahan, at inspirasyong hatid ng ating mga kababayang Persons with Disabilities (PWDs).

Sa pangunguna ng Municipal Social Welfare and Development Office (MSWDO) sa pamumuno ni Ma'am Annabelle H. Medina, MSWDO, katuwang si Sir Heidi A. Arenillo, PDAO Focal Person, at si Mrs. Marlyn A. Bernados, President ng Taga San Teodorong May Kapansanan (TSMK), naging tampok sa programa ang Search for Ms. National Disability Rights Week 2026, kung saan ipinamalas ng mga kandidata ang kanilang ganda, talento, at kumpiyansa. Sa pamamagitan ng kanilang mga pagtatanghal, muli nilang pinatunayan na ang kapansanan ay hindi hadlang upang maipamalas ang kanilang kakayahan at maging inspirasyon sa iba.

Narito ang mga nagwagi:
👑 Ms. National Disability Rights Week 2026 – Title Holder
• Ms. Gracechel H. Tolentino – Barangay Tacligan
🥈 1st Runner-Up
• Ms. Janna Marie C. Magbuhos – Barangay Calsapa
🥉 2nd Runner-Up
• Ms. Joyce B. Lugatic – Barangay Lumangbayan
🏆 Special Awards
• Best in Production – Barangay Tacligan
• Best in Talent – Barangay Calsapa
• Best in Casual Wear – Barangay Lumangbayan

Nagbigay rin ng mensahe ng inspirasyon si Mr. Reginaldo M. Tolentino, MPA, PDAO Focal Person ng LGU Pinamalayan, na nagbigay-diin sa kahalagahan ng pagkilala, paggalang, at pagsusulong ng mga karapatan at kakayahan ng bawat PWD.

Dumalo rin sa pagdiriwang sina Sangguniang Bayan Members Hon. Josilyn C. Alpuerto at Hon. Isagani M. Lazo, na nagpahayag ng patuloy na suporta ng lokal na pamahalaan sa pagsusulong ng mga programa at serbisyong nagpoprotekta at nagtataguyod sa kapakanan ng sektor ng PWD.

Ipinaabot naman ni Punong Bayan Hon. Karen Ponce-Miranda, DMD ang kanyang taos-pusong suporta sa ating mga kababayang PWD. Binigyang-diin niya na nananatiling prayoridad ng kanyang administrasyon ang pagsusulong ng mga programang nagbibigay ng pantay na oportunidad para sa lahat. Ipinaalala rin niya na ang kapansanan ay hindi kakulangan, kundi isang patunay ng katatagan, determinasyon, at kakayahang magtagumpay sa buhay.

Muling pinatunayan ng ating mga kababayang PWD na walang pinipiling kapansanan ang husay, talento, at kakayahang magtagumpay.

San Teodoro Public Information Office

07/08/2026

04/08/2026

04/08/2026

01/08/2026

31/07/2026

31/07/2026

31/07/2026

31/07/2026

30/07/2026

28/07/2026

Address

Website

Alerts

Shortcuts

Share

Category

Listing takedown request