What are the opening hours?

Monday 8am - 5pm Tuesday 8am - 5pm Wednesday 8am - 5pm Thursday 8am - 5pm Friday 8am - 5pm

https://www.facebook.com/114792494560307/

LGU Sanchez Mira, Manila North Road corner Gomez Street, Barangay Centro Uno, Sanchez Mira (2026)

Q: What is the address?

Manila North Road Corner Gomez Street, Barangay Centro Uno

24/09/2026

GOOD NEWS SA UMAGA: Ilang beses nang umaabot sa regional spotlight ang Public Employment Service Office (PESO) ng Sanchez Mira -- at ngayong 2026, panibagong magandang balita na naman ang hatid nito sa bayan.

Muling kinilala ang Local Government Unit (LGU) of Sanchez Mira sa pamamagitan ng Public Employment Service Office (PESO) bilang Regional Winner sa 2025 Search for Best PESO – 2nd Class Municipality Category ng Department of Labor and Employment (DOLE) Regional Office No. 02. Ang pagkilalang ito ay dagdag sa sunod-sunod na pagkapanalo sa regional level ng PESO Sanchez Mira mula pa taong 2022.

Personal na dumalo sa awarding ceremony kahapon Setyembre 24, 2026 sa Tuguegarao City, Cagayan sina Mayor Abe Bagasin at PESO Manager Glennah Marie F. Fuertes upang tanggapin ang parangal para sa LGU.

Ayon sa DOLE Regional Office No. 02, ipinagkaloob ang pagkilala bilang patunay sa mahusay na performance, dedikasyon at commitment ng PESO sa epektibong paghahatid ng employment facilitation programs at serbisyo ng DOLE, gayundin sa suporta ng LGU sa pagsusulong ng employment opportunities at pagbibigay ng responsive at de-kalidad na serbisyo sa mga mamamayan.

Bahagi ang awarding ng 2026 Regional Kabuhayan & 2025 Best PESO Awards, kung saan kabilang sa mga kinilala ang mga natatanging PESO mula sa iba't ibang kategorya ng mga munisipalidad, lungsod at lalawigan sa buong rehiyon.

Para kay Fuertes, higit pa sa isang trophy ang pagkilalang ito dahil dala nito ang tiwalang ibinibigay ng mga taong patuloy na sumusuporta sa PESO.

“These recognitions would not have been possible without the people who supported and gave their confidence to PESO Sanchez Mira,” wika ni Fuertes.

Ipinahayag din niya ang kanyang pasasalamat kay Mayor Abe Bagasin dahil sa buong suporta nito sa mga programa ng PESO, gayundin sa DOLE Cagayan Field Office, DILEEP focal persons, TSSD, DOLE Regional Office No. 2, at sa lahat ng naging katuwang ng tanggapan.

📸 PESO
🖋 M.P Ulep-Ambrosio

24/09/2026

‼FOUND‼️

Napulot po ni Jefferson Cabuyadao sa harap ng munisipyo ang card na ito na nakapangalan kay Rosemarie V.

Sino man po ang may-ari ay magtungo lamang sa Tourism and Information office para maclaim ito.

Maraming salamat po.

24/09/2026

Pormal na pinagtibay ang partnership ng Philippine Crop Insurance Corporation (PCIC) Regional Office 2 at LGU Sanchez Mira kahapon -- Septyembre 23, 2026 -- para sa mga mangingisdang umaasa sa kanilang bangka bilang kabuhayan.

Nilagdaan ang Memorandum of Agreement (MOA) nina Mayor Abe Bagasin, Mario G. Lumibao, Regional Manager ng PCIC RO2, at Ma. Concepcion P. Ventura, MSD Chief, bilang hakbang para maisulong ang insurance coverage ng agricultural commodities, kabilang ang mga magsasaka at mangingisda ng bayan.

Bahagi ng kasunduan ang pagbibigay ng funding support mula sa LGU Sanchez Mira para sa insurance premium coverage sa ilalim ng Agricultural Producers Protection Plan (AP3) ng PCIC.

Saklaw nito ang lahat ng rehistradong may-ari ng fishing boat sa Sanchez Mira na may aktibong permit o lisensya ngayong 2026, upang magkaroon sila ng karagdagang proteksiyon laban sa mga panganib na maaaring makaapekto sa kanilang kabuhayan.

Para kay Mayor Abe, mahalagang matiyak na hindi naiiwan ang mga fisherfolk pagdating sa mga programang nagbibigay ng seguridad sa kanilang kabuhayan.

Sa pamamagitan ng MOA, nagkakaroon ng mas malinaw na mekanismo para mailapit ang insurance protection sa mga lokal na agricultural producers, partikular sa mga mangingisdang nakadepende sa kanilang mga bangka bilang pangunahing puhunan sa araw-araw na paghahanapbuhay.

Hindi man nito inaalis ang mga panganib na kaakibat ng pangingisda, layunin ng partnership na magkaroon ng dagdag na safety net ang mga fisherfolk ng Sanchez Mira kapag dumating ang panahong kailangan nila ito.

📸 A. Marantan, Jr.
🖋️ M.P Ulep-Ambrosio

23/09/2026

𝗚𝗢𝗢𝗗 𝗡𝗘𝗪𝗦 𝗦𝗔 𝗨𝗠𝗔𝗚𝗔: Itinama na ng Philippine Statistics Authority (PSA) ang pangalan ng Sanchez Mira sa opisyal nitong Philippine Standard Geographic Code (PSGC).

Dati, may gitling (-) sa gitna ng "Sanchez-Mira", at ang kamaliang ito ay ginamit sa lahat ng official websites ng gobyerno.

Ang maling PSGC na ito ay ginamit na rin ng National Mapping and Resource Information Authority (NAMRIA), pati na ng mga pambansang broadsheets, at broadcast networks -- sa kanilang mga mapa, mga artikulo, at programa sa telebisyon.

Kahit munti, ang pagkakamaling ito ay madalas magdulot ng perwisyo sa mga taga-Sanchez Mira, lalo na sa digital platforms. May mga kaso ng Sanchez Miranians na hindi maka-access sa mga online portal dahil lamang may "kulang" sa spelling ng pangalan ng ating bayan, lalo na kung spelling-sensitive ang entry.

𝗔𝗡𝗚 𝗣𝗔𝗚𝗞𝗜𝗟𝗢𝗦

Sa ilalim ng administrasyon ni Mayor Abe Bagasin, kumilos si Draftsman 1 / IT Officer-designate EJ Casil gamit ang saliksik ni Tourism Operations Officer I / Information Officer-designate Carla Pulido Ocampo, upang itama na sa wakas ang pagkakamaling ito sa buong bansa.

Bunsod ng hamon ng mga representante ng PSA na dapat magsumite ng mga 𝗽𝗿𝗶𝗺𝗮𝗿𝘆 𝘀𝗼𝘂𝗿𝗰𝗲𝘀 at iba pang historical documents na nagpapatunay na Sanchez Mira at hindi Sanchez-Mira ang pangalan ng ating bayan, inilabas ni Ocampo ang mga sumusunod:

📖𝗖𝗲𝗻𝘀𝘂𝘀 𝗼𝗳 𝘁𝗵𝗲 𝗣𝗵𝗶𝗹𝗶𝗽𝗽𝗶𝗻𝗲 𝗜𝘀𝗹𝗮𝗻𝗱𝘀, 𝟭𝟵𝟬𝟯 - 𝗩𝗼𝗹𝘂𝗺𝗲 𝗜𝗜, published by the United States Bureau of the Census in Washington, 1905 (excerpted)

📖𝗘𝗿𝗲𝗰𝗰𝗶𝗼𝗻 𝗱𝗲 𝗹𝗼𝘀 𝗣𝘂𝗲𝗯𝗹𝗼𝘀 𝗱𝗲 𝗖𝗮𝗴𝗮𝘆𝗮𝗻, 𝟭𝟴𝟲𝟯-𝟭𝟴𝟵𝟴, documents preceding the founding of Sanchez Mira, extracted from the National Archives of the Philippines (selected pages)

📖𝗥𝗲𝗽𝘂𝗯𝗹𝗶𝗰 𝗔𝗰𝘁 𝗡𝗼. 𝟳𝟴𝟬𝟵 - Aldaw ti Sanchez Mira

📖𝗕𝗶𝗼𝗴𝗿𝗮𝗽𝗵𝘆 𝗼𝗳 𝗚𝗲𝗻𝗲𝗿𝗮𝗹 𝗠𝗮𝗻𝘂𝗲𝗹 𝗦𝗮𝗻𝗰𝗵𝗲𝘇 𝗠𝗶𝗿𝗮 (after whom our town is named), published online by Real Academia de las Historia, Madrid, Spain

Samantala, inisponsoran naman ni SBM Carlo Cachapero ang Sangguniang Bayan Resolution No. 2026-12-058 - A RESOLUTION REQUESTING THE PHILIPPINE STATISTICS AUTHORITY (PSA) AND THE NATIONAL MAPPING AND RESOURCE INFORMATION AUTHORITY (NAMRIA) TO CORRECT THE PHILIPPINE STANDARD GEOGRAPHIC CODE (PSGC) NAME OF THE MUNICIPALITY FROM "SANCHEZ-MIRA" TO "SANCHEZ MIRA" -- upang tuluyang ipahayag ang suporta ng Sangguniang Bayan of Sanchez Mira sa direktiba ni Mayor Abe Bagasin na pabilisin ang proseso ng pagtutuwid na ito.

𝗔𝗡𝗚 𝗣𝗔𝗚𝗧𝗔𝗧𝗔𝗠𝗔

Ang opisyal na pagtatama ay inilathala ng PSA sa kanilang Press Release noong Abril 2026. Pormal naman itong ipinabatid sa LGU Sanchez Mira sa pamamagitan ng isang email mula sa PSA-Cagayan noong ika-18 ng Setyembre 2026.

Nagpapasalamat si Ocampo sa mga kaibigan mula sa Cagayan Heritage Conservation Society Community at sa Cagayan Museum and Historical Research Center, kabilang sina Arch. Michael Tabao, Cagayan Museum Curator Kevin Domingo Baclig, at si Cagayan Museum Researcher Jake Coballes, para sa paghawan ng daan patungo sa mahahalagang primary sources na patunay ng aktwal na paraan ng pagsulat ng pangalan ng Sanchez Mira.

𝗧𝗮𝗻𝗱𝗮𝗮𝗻, 𝗣𝗶𝗹𝗶𝗽𝗶𝗻𝗮𝘀: SANCHEZ MIRA, hindi SANCHEZ (DASH) MIRA.

---

🖼️ A. Marantan, Jr.
🖋️ C. Ocampo

23/09/2026

FIESTA RECAP SERIES: Bago pa man ang pagputok ng araw ay gising na si Mayor Abe Bagasin upang salubungin ang mga siklista ng Sanchez Mira para sa 𝗦𝘂𝗻𝗿𝗶𝘀𝗲 𝗙𝘂𝗻 𝗕𝗶𝗸𝗲 𝟮𝟬𝟮𝟲.

Sa kanyang maikling talumpati, sinabi ni Mayor Abe na bagama't inabot ng krisis ang kapistahan sa taong ito, hindi maaaring mawala ang Fun Bike, lalo na't cycling ang isa sa mga flagship sports ng Sanchez Mira.

Naki-siklo rin si SBM Chel Monje sa umagang ito, bilang pakikiisa sa espesyal na komunidad na matagal nang mahalagang bahagi ng kapistahan ng Sanchez Mira. Si SBM Chel ay kabiyak ng siklistang si Philip Cachapero na isa sa mga pangunahing nagsimula ng SIKLO Sanchez Mira kasama ang grupong Arya Bira.

Ang buong fun ride ay ginabayan ng pinagsanib na pwersa ng Municipal Disaster Risk Reduction and Management Office sa pangunguna ni LDRRMO Jovitor Biado, Jr. at ng Security and Enforcement Division ng LGU Sanchez Mira sa pangunguna naman ni Security Officer Paul Pacris.

33 kilometro ang tinakbo ng Sunrise Fun Bike ngayong taon. Ang ruta ay dinisenyo ni Allan Oamil, siklista at lider ng Ti Sanchez Mira Bisikleta Asosasyon o TSAMBA, at isa sa mga iginagalang na haligi ng komunidad.

Dasal naman ni Tourism Operations Officer Carla Ocampo sa kanyang maikling mensahe na sa susunod na taon ay harinawang maikasang muli ang SIKLO Sanchez Mira, kung hindi na masyadong ramdam ang epekto ng pandaigdigang krisis. Sakali man, ang susunod na SIKLO ay 5th Edition na, patunay ng patuloy na paglakas at paglawak ng MTB cycling race na ito.

📸 A. Marantan, Jr. + B. Yadao + K. Calivoso
🖋️ C. Ocampo

23/09/2026

Personal na iniabot ni Mayor Abe Bagasin, kasama sina SBM Val Macalma at SBM German Valdez, ang mga helmet para sa mga mag-aaral na sina Francez, Jovie Mar, Frenz Niño, at Roldan na pawang taga-Capanikian, Barangay Centro 2 kahapon, Septyembre 22, 2026.

Kasunod ito ng mga bagong bisikleta na ipinagkaloob sa kanila noong nakaraang linggo sa inisyatiba rin ni Mayor Abe, na layuning makatulong sa kanilang araw-araw na pagpunta sa paaralan.

Ayon kay Barangay Kagawad Estrelita Estabillo, naging bunga ito ng pagiging malapit ni Mayor Abe sa mga bata. Sa isang pagkakataong bumisita ang alkalde sa Capanikian, nakipagkuwentuhan at nagtanong siya sa ilang nakilalang mga bata tungkol sa kanilang kalagayan sa pagpasok sa eskwela. Doon niya nalaman na araw-araw naglalakad nang malayo ang ilan sa kanila papunta at pauwi ng paaralan.

May mga pagkakataon din umano na naaabutan sila ng ulan habang naglalakad. Dahil dito, may mga araw na napipilitan silang hindi pumasok, lalo na kapag mahirap ang kondisyon ng panahon.

Nang marinig ni Mayor Abe ang kanilang kwento, agad niyang binigyang-pansin at gumawa ng paraan upang kahit paano ay mapagaan ang kanilang paglalakbay patungo sa paaralan.

Ngayon, bukod sa mas mabilis na biyahe, may dagdag na rin silang panangga sa daan bilang bahagi ng mas ligtas na pagpasok ng mga bata sa kanilang mga klase.

Maliit man itong tingnan kung tutuusin, malaking ginhawa naman para sa mga batang dati’y umaasa lamang sa kanilang mga paa para marating ang paaralan.

📸 A. Marantan, Jr. + A. Peregrino
🖋️ M.P Ulep-Ambrosio

23/09/2026

Inilunsad ang TANIM+: Smart and Sustainable Tissue-Cultured Crops Advancement for Nutrition, Innovation, and Market Development kahapon -- Setyembre 22, 2026 -- ng Cagayan State University (CSU)–Gonzaga Campus, katuwang ang Local Government Unit of Sanchez Mira. Ito ay isang Integrated Circular Technology Demonstration Farming Project na pinondohan ng Department of Science and Technology (DOST).

Mula punla hanggang pamilihan, itong bagong farming initiative ang maglalatag ng mas makabago at sustenableng paraan ng produksyon ng gulay at iba pang pananim sa Barangay Centro 2, Sanchez Mira.

Layunin ng proyekto na ipakita kung paano maaaring pagsamahin ang makabagong teknolohiya, produksyon ng pagkain, wastong paggamit ng likas na yaman, at oportunidad sa merkado, upang makalikha ng isang mas sustenableng farming system para sa komunidad.

Pinangunahan ni Rev. Fr. Kenn Jervic S. Cajilig, SVD, Parish Vicar ng St. Roch Parish, ang pagbabasbas ng proyekto, na sinundan naman ng project tour, audio-visual presentation, at mga mensahe mula sa mga katuwang na institusyon.

Nagbigay ng pambungad na napananalita si Trinidad S. Fuertes, CWL Archdiocesan and Unit Adviser, habang inilahad naman ni Dr. Froilan A. Pacris Jr., Campus Executive Officer at Project Leader, ang project rationale.

Dumalo rin bilang kinatawan ng CSU si Prof. Audy Quebral, Vice President ng Research, Development and Extension bilang halili Dr. Arthur G. Ibañez, ASEAN Engr., OIC-Office of the University President. Nagbigay rin ng mensahe si Dr. Virginia G. Bilgera, Regional Director ng DOST-Region 2.

Bahagi rin ng programa ang paglunsad ng Babeng Tangkiran Project, na pinangunahan ni Dr. Ana Marie C. Cauilan, Vice President for Internationalization, Partnership, and Resource Mobilization (IPRM) ng CSU. Naroon din si Municipal Agriculturist Ridel T. Cabulisan at LnB President Sabino Cocos, Jr. bilang pagpapakita ng suporta sa proyekto.

Pinahayag naman ni Mayor Abe Bagasin ang pasasalamat sa CSU-Gonzaga at pagpapahalaga ng LGU sa pagkakataong ipinagkaloob sa Catholic Women’s League (CWL) ng St. Roch Parish - Sanchez Mira bilang pangunahing katuwang at benepisyaryo ng proyekto.

Ibinahagi rin ng alkalde ang kanyang commitment sa personal na request ng CWL na makahanap ng paraan upang magkaroon ng solar-powered irrigation system ang farm, bilang dagdag na suporta para sa tuloy-tuloy at mas sustenableng produksyon ng gulay.

Matatandaang nagkaroon ng pagpupulong noong Hulyo sa pagitan ni Mayor Abe, CSU-Gonzaga at CSU-Sanchez Mira Campus, kasama ang mga magiging benepisyaryo mula sa CWL, upang talakayin ang proyekto at ang magiging direksyon nito.

Ayon kay Agnes Galano, Archdiocesan Adviser, magandang bisitahin ang farm dahil mayroon nang mga gulay na maaari nang anihin at ibenta sa merkado. Maaari rin itong maging “pick and pay” destination para sa mga bibisita at nais pumili at bumili mismo ng kanilang mga gulay.

Ibinahagi rin ni Galano na sumailalim na sa project-specific training ang mga miyembro ng CWL upang mas maging handa sila sa pangangalaga at pagpapatakbo ng farm.

May plano rin ang CWL na mag-imbita ng mga paaralan at barangay upang bumisita sa demonstration farm, na maaaring magsilbing aktuwal na learning site para sa mga nais makita kung paano isinasagawa ang makabagong pamamaraan ng crop production.

Ayon naman kay Lexter Tapec ng Office of the Municipal Agriculturist (OMA), kabilang din sa mga component ng proyekto ang vermicomposting at tissue-cultured banana project, na bahagi ng mas malawak na konsepto ng circular technology demonstration farming.

Pinagtibay naman ang pagtutulungan ng mga institusyon sa pamamagitan ng MOA Signing sa pagitan ng CSU, CWL, at LGU Sanchez Mira.

📸 A. Marantan, Jr.
🖋️ M.P Ulep-Ambrosio

22/09/2026

Talas ng isip, tibay ng katawan, at tatag ng paninindigan ang sinusubok sa bawat hamon ng 2nd Cagayan Provincial Mobile Force Company (CPMFC) Platoon Challenge Season 3 sa pangunguna ni PMAJ Jefferson D. Mukay, Acting Force Commander ng 2nd CPMFC. Ang programa ay ginanap sa Headquarter ng CPMFC sa Barangay Curva, Pamplona na sinimulan kahapon, Setyembre 21, at tatagal hanggang Setyembre 23, 2026.

Bitbit ng kompetisyon ang temang “Skills, Stamina and Spirit,” na nilalahukan ng mga tauhan mula sa 1st hanggang 4th Mobile Force Platoon, kasama ang mga piling personnel mula sa CPMFC Headquarters.

Dumalo bilang guest speaker si Mayor Abe Bagasin, na nagbahagi ng mga aral mula sa kaniyang mahabang karanasan bilang sundalo at lider sa Philippine Army.

Bukod sa mga kalahok at opisyal ng kapulisan, naging kapansin-pansin din ang pagdalo ni Miss Philippines Earth 2026 Rina Andrea Delos Santos, na inimbitahan sa programa. Nagkaroon din ng pagkakataon si Mayor Abe na makadaupang-palad ang beauty queen sa naturang pagtitipon.

Ibinahagi ni Mayor Abe ang tatlong katangiang nais niyang manatiling gabay ng bawat tauhan ng PNP: “Matino, health conscious, at maka-Kristianong serbisyo.”

Para sa alkalde, mahalaga ang pagiging maayos sa trabaho, pangangalaga sa kalusugan at pagkakaroon ng matibay na prinsipyo sa paglilingkod sa publiko.

Bilang dating opisyal ng Philippine Army, nagbalik-tanaw si Mayor Abe sa kaniyang mga karanasan sa kabundukan at sa mga pagsasanay na kaniyang hinarap noong siya ay nasa serbisyo militar. Aniya, may mga katulad na aktibidad na isinagawa noong panahon na hawak niya ang mahahalagang tungkulin bilang Regimental Commander ng First Scout Ranger Regiment (FSRR), Deputy Commandant ng Philippine Military Academy (PMA), at Commandant ng Philippine Army Officer Candidate School (PAOCS).

Mula sa kaniyang mga karanasan, isang tuwiran ngunit mahalagang paalala ang iniwan ni Mayor Abe sa mga kalahok: magpokus sa trabaho at gawin kung ano ang nararapat at naaayon sa batas.

🖋️ M.P Ulep-Ambrosio
📸 Mayor's Office

21/09/2026

UPDATE: Naibalik na po ni Ferdimar Turda ang mobile phone sa may-ari. ☺

--------
‼️NAWAWALA‼️

Bayanihan po tayo sa paghahanap sa nawawalang mobile phone tulad nasa larawan.

Ayon sa may-ari, maaring nahulog sa daan habang siya ay namamasada.

Detalye ng mobile phone:

Brand/model: Samsung A15 5g
color: black
Phone Case : black
Wallpaper: family picture

Sino man po ang makahanap o nakahawak, maaring isurrender kay B**g Dumapal sa numerong ito: 09165945607 o kaya sa Tourism and Information Office sa 2nd floor ng ating munisipyo.

Umaasa po kami sa ating muling bayanihan, at sana'y manaig ang kabutihang-loob sa kung sino man ang nakapulot ng nasabing gamit.

Maraming Salamat po.

21/09/2026

Inihatid ng Municipal Health Office (MHO), sa pangunguna ni Dr. Vivien Cachapero, ang Child Fluoridization Activity na may temang: “Bright Smiles, Healthy Futures” noong Setyembre 17-18, 2026 sa Barangay Centro 2 Gymnasium.

Hindi lamang tungkol sa fluoride application ang isinagawang aktibidad. Pinagsama rin dito ang iba’t ibang serbisyong makatutulong sa mga bata at kanilang pamilya, kabilang ang pagpaparehistro sa Philippine Statistics Authority (PSA) para sa National ID at PhilHealth enrollment, pati ang Yaman ng Kalusugan Program (YAKAP) enrollment, bago isinagawa ang pangunahing child fluoridization activity.

Dinaluhan ito ng mga Child Development Workers (CDWs) at mga daycare pupils sa buong bayan, na sumailalim sa mga aktibidad na naglalayong palakasin ang kanilang kaalaman at pangangalaga sa kalusugan, partikular sa wastong pag-aalaga ng ngipin.

Naging bahagi rin ng aktibidad si DMD Justino Tagoc Jr., Dentist mula sa Provincial Health Office (PHO) kasama mga dentista ng ating bayan na sina DMD Alexis Jeanelle Cachapero, DMD Josie Cachapero, DMD Jeny Glen Abran Enteria, DMD Vida Faye Mangosing-Asuncion, at DMD Mary Lyn Pearl Ignacio-Cioco na pawang naglaan ng kanilang oras at serbisyo para sa mga bata.

Nagbigay naman ng welcome remarks si SBM Melbina S. Mangosing, bago isinagawa ni George A. Liban, Jr., YAKAP Team Leader ng Local Health Insurance Office (LHIQ), ang orientation tungkol sa YAKAP enrollment.

Ramdam din sa programa ang suporta ng pamahalaang lokal sa personal na pagdalo ni Mayor Abe Bagasin na nagpahayag ng kagalakan sa pagkakaroon ng ganitong aktibidad para sa bata. Ang kinatawan naman ng PhilHealth na si Mary Jaine Baybayan, Head ng LHIQ, ang nagbigay ng tugon at impormasyon kaugnay ng kanilang programa.

Sinundan ito ng demonstration on proper toothbrushing -- isang simpleng aral na mahalagang maagang matutuhan ng mga bata upang maging bahagi ng kanilang pang-araw-araw na gawain ang wastong pangangalaga sa ngipin.

Pagkatapos nito, isinagawa ang Child Fluoride Application sa pangunguna ng buong dental team na naroon.

📸 A. Sadoy
🖋️ M.P Ulep-Ambrosio

LGU Sanchez Mira

24/09/2026

24/09/2026

24/09/2026

23/09/2026

23/09/2026

23/09/2026

23/09/2026

22/09/2026

21/09/2026

21/09/2026

Address

Opening Hours

Website

Alerts

Contact The Organization

Shortcuts

Share

Category

Listing takedown request

Monday	8am - 5pm
Tuesday	8am - 5pm
Wednesday	8am - 5pm
Thursday	8am - 5pm
Friday	8am - 5pm