Barangay 901 Communications Affairs Bureau

Barangay 901 Communications Affairs Bureau Ito ang “Official page” ng Bagong 901.

Dito ay maaari ninyong malaman ang mga ulat, panawagan, at programa ng pamunuan ng Barangay 901 at mas madaling maipapaabot ang mga pahayag o impormasyon sa aming nasasakupan.

Ngayong araw ating ipinagdiriwang ang ika-455 Taong Anibersaryo ng pagkakatatag ng ating minamahal na Lungsod ng Maynila...
24/06/2026

Ngayong araw ating ipinagdiriwang ang ika-455 Taong Anibersaryo ng pagkakatatag ng ating minamahal na Lungsod ng Maynila, sa higit 455 taon nakita natin ang hamon ng panahon sa bawat Batang Maynila ngunit tayong mga Manileño ay pinatatag ng panahon at patuloy na pinagtitibay sa bawat hamon.

Patuloy nating mahalin ang ating minamahal na Lungsod ng Maynila, ipaglaban sa kahit na anumang mga pagsubok.

20/06/2026

Nakiisa ang Barangay 901 sa isinagawang earthquake drill upang maging handa sa tinatawag na "The Big One.”

Dahil hindi naghihintay ng sakuna ang ating barangay, tayo ay naghahanda.

Ang kaalaman ay sandata. Ang kahandaan ay buhay.

Ligtas ang may alam. Maging handa. Makiisa.

Alinsunod sa kautusan ng Civil Defense Office, ngayong araw ay isinagawa ang ating Barangay Wide Earthquake Drill bilang...
18/06/2026

Alinsunod sa kautusan ng Civil Defense Office, ngayong araw ay isinagawa ang ating Barangay Wide Earthquake Drill bilang pakikiisa at kahandaan ng bawat residente ng Barangay 901 sa oras ng pangangailangan.

Ang gawain ay pinangunahan ng pamunuaan ng Barangay 901 Committee on Risk Reduction (Kag. Fidel Avestruz, Comm. Chair) sa tulong at gabay ng Manila Disaster Risk Reduction Management Office (MDRRMO) at mga residente ng Barangay 901.

Gayundin, ang pamunuan ng Barangay 901 ay lubos na nagpapasalamat sa pamahalaang lungsod, Yorme Isko Moreno Domagoso sa dagliang pagtugon sa kahilingan na maisagawa ang gawain sa gabay ng mga kawani ng MDRRMO.

Sa darating na Hulyo 2026 nakatakda rin ang isang training series para sa pagbuo at pagsasanay ng Barangay 901 Emergency Response Team.

Patuloy ang ating Barangay sa pangunguna ng ating butihing Punong Barangay Jerome S. Advincula na isusulong ang mga gawain na higit na makakatulong para sa kaligtasan at kapakanan ng bawat isa.


Ang buong pamunuan ng Barangay 901 Zone 100 District VI, sa pamumuno ni P/B Jerome S. Advincula ay taus-pusong bumabati ...
15/06/2026

Ang buong pamunuan ng Barangay 901 Zone 100 District VI, sa pamumuno ni P/B Jerome S. Advincula ay taus-pusong bumabati sa ating Tanod Ex-O Enrico Pereira ng isang Maligayang Kaarawan!

Ngayong araw ating ipinagdiriwang ika-128 Taong Anibersaryo ng Araw ng Kalayaan ng Pilipinas, nuong taong Hunyo 12, 1898...
11/06/2026

Ngayong araw ating ipinagdiriwang ika-128 Taong Anibersaryo ng Araw ng Kalayaan ng Pilipinas, nuong taong Hunyo 12, 1898 sa bahay ng dating Pangulong Emilio Aguinaldo unang iniwagayway ang unang bandila ng ating Republika ng Pilipinas.

Sa pamamagitan ng Acta de la Proclamación de Independencia del Pueblo Filipino (Act of the Proclamation of Independence of the Philippine People) nuong taong 1898… Pagkaraan ng ika-100 Taong Anibersaryo ng Centennial nuong taong 1998 ideneklara ni dating Pangulong Fidel V. Ramos ang Republic Act No. 4166 na nagbabalik sa ating Kalayaan mula Hulyo 4 pabalik ng Hunyo 12.

Congratulations, DANIELA ISABELA SAN JUAN for graduating Cum Laude with a degree of BS Hospitality Management at Univers...
10/06/2026

Congratulations, DANIELA ISABELA SAN JUAN for graduating Cum Laude with a degree of BS Hospitality Management at University of the East - Manila.

Barangay 901 community is proud of you! 🫡


Mga ka-Barangay! Magandang buhay po sa ating lahat…Narito po ang mga EMERGENCY HOTLINES 24/7 na maari niyo pong matawaga...
09/06/2026

Mga ka-Barangay! Magandang buhay po sa ating lahat…

Narito po ang mga EMERGENCY HOTLINES 24/7 na maari niyo pong matawagan sa mismong Manila City DRRM Department para sa mga agarang pangangailangan sa oras ng emergency, sakuna o anumang oras ng panganib.

Ngayong araw ay tinanggap ng limang Presidential Scholars mula sa ating Barangay ang kani-kanilang mga tseke na nagkakah...
03/06/2026

Ngayong araw ay tinanggap ng limang Presidential Scholars mula sa ating Barangay ang kani-kanilang mga tseke na nagkakahalaga ng P20,000.00 na ipinagkaloob ng Office of The President sa ilalim ng programang “Bawat Barangay Makikinabang” katulong ang Pamahalaang Lungsod ng Maynila sa pangunguna ni Yorme Isko Moreno Domagoso at VM Chi Atienza.

Layon ng financial assistance na maging karagdagang pang gastos ng mga estudyante gaya ng tuition fee, transportation at meal allowance at iba pang miscellaneous fees upang maitawid ang kanilang nalalapit na pagtatapos sa kolehiyo.

Pinili ang mga presidential scholars sa pamamagitan ng selection committee na pinangunahan ni Kag. Ryan Dave O. Escober (Comm. Chair on Education) at mga miyembro ng Sangguniang Barangay 901.

Ang mga scholars ay ang TOP 5 college students na nagtala ng pinakamatataas na grado mula sa hanay ng mga aplikante.


Address

Barangay 901 Zone 100 District VI
Santa Ana
1009

Website

Alerts

Be the first to know and let us send you an email when Barangay 901 Communications Affairs Bureau posts news and promotions. Your email address will not be used for any other purpose, and you can unsubscribe at any time.

Shortcuts

Share

Category