04/07/2026
BRGY. CAFE NAGBUYLOG SA MUNICIPAL-WIDE SIMULTANEOUS TREE GROWING ACTIVITY 2026
Nagbuylog ang Barangay Cafe sa Municipal-wide Simultaneous Tree Growing Activity nga ginpatigayon sang banwa sang Santa Barbara subong nga adlaw, Hulyo 4, 2026.
Kapin 5,000 ka seedlings ang ginapananom sa nagkalain-lain nga barangays sa Santa Barbara. Lakip sa mga gintanom sa mga riverbanks amo ang narra, to-og, kag star apple, samtang sa mga roadside naman gintanom ang balayong, caballero, kag nagkalain-lain nga fruit-bearing trees pareho sang cabugao, lomboy, bayabas, lipote, kag mangka.
Ang ini nga aktibidad kabahin sang pagpatuman sang Municipal Ordinance No. 59, Series of 2014 ukon Arbor Day and Environmental Day Ordinance, Municipal Ordinance No. 100, Series of 2023 ukon Roadside Tree Planting Ordinance, kag Executive Order No. 159, Series of 2024 nga nagaalayon sa Tanum Iloilo for MoRProGRes program.
Ang tree growing activity ang ginpangunahan ni Mayor Doc Dennis Superficial kag ginpatigayon paagi sa Municipal Environment and Natural Resources Office (MENRO) sa pagpamuno ni MENRO Designate Remia Serisola. Ginbuligan man ini sang mga barangay officials, pumuluyo, stakeholders, kag mga empleyado sang LGU.
Tuigan nga ginahiwat ini nga aktibidad agud maprotektahan kag mapauswag ang palibot, kag mapabilin ang kinamatarong sang tagsa ka pumuluyo nga magpangabuhi sa isa ka malimpyo kag balanse nga ekolohiya.
Let's Grow Green Together! 🌱🌳
