Municipal Government of Sta. Cruz Zambales

31/08/2026

📣📣MAHALAGANG PAALALA📣📣

Ipinababatid sa publiko na walang pasok sa lahat ng antas para sa mga mag-aaral bukas Martes, Setyembre 01, 2026, dahil sa inaasahang epekto ng habagat.

Samantala, ang tanggapan ng ating Munisipyo ay mananatiling bukas at patuloy na magbibigay ng kaukulang serbisyo sa publiko.

Pinag-iingat ang lahat ng mamamayan at pinapayuhang maging mapagmatyag sa gitna ng masamang panahon.

Maraming salamat po.

31/08/2026

Today, we honor the courage of those who fought for our freedom, and the fire of those carrying it forward. 🇵🇭

Mabuhay, Pilipinas. Happy National Heroes Day!

31/08/2026

Isang dakilang pagpupugay sa ika-119 taong kapanganakan ng dakilang anak ng Zambales at ating "Kampeon ng Masa," ang ika-7 Pangulo ng Pilipinas na si Ramon Magsaysay! 🇵🇭✨

Bilang inspirasyon sa bawat kabataang Pilipino, lalo na sa kabataang Zambaleño, ang buhay ni Pangulong Magsaysay ay patunay na ang tunay na liderato ay hindi nasusukat sa estado sa buhay, kundi sa laki ng puso para sa kapwa. Ipinakita niya na ang pamahalaan ay dapat laging malapit sa mga tao.

Ramdam natin ang kanyang wagas at sinserong malasakit sa bawat henerasyon sa kanyang makasaysayang kataga: “Sapagkat ang pagmamahal ko sa bayan at pagmamahal ko sa inyo, gaya ng pagmamahal ko rin sa sarili kong pamilya at sarili kong anak.”

Kaya kabataan, gawin nating gabay ang kanyang simpleng pamumuhay, katapatan, at determinasyong maging boses ng pagbabago. Ipagmalaki natin ang ating sariling dangal ng Zambales sa pamamagitan ng patuloy na paglilingkod na may integridad at pagmamahal sa bayan.

Maligayang ika-119 kaarawan, Pangulong Ramon Magsaysay! Ang iyong alab ay mananatiling buhay sa puso ng kabataang Zambaleño. ✊🔥

30/08/2026

Taos-pusong pagbati

CONGRATULATIONS, REV. FATHER JOHN ABILLE ARGA!

Buong puso naming ipinapaabot ang aming taos-pusong pagbati sa iyong marangal at makabuluhang pagkakatalaga bilang Parish Priest ng St. Michael the Archangel Parish at Vicar Forane ng San Andres Vicariate.

Nawa’y patuloy kang pagkalooban ng Panginoon ng karunungan, lakas, malasakit, at banal na patnubay sa iyong paglilingkod sa sambayanan ng Diyos. Nawa’y maging instrumento ka ng pagkakaisa, pag-asa, at pagmamahal sa ating komunidad.

Hangad namin ang iyong matagumpay at mapagpalang paglilingkod bilang pastol ng ating mga kapatid sa pananampalataya.

Congratulations and God bless you always!

Hon. Consolacion M. Marty
Municipal Mayor
at ang buong LGU Sta. Cruz, Zambales

30/08/2026

AUGUST 30, 2026| Tuloy Tuloy Na Pagkalinga At Pagtugon Sa Ating Mga Kababayang Apektado Ng Habagat 🌧🙏

Tuloy tuloy na pagtugon at pagkalinga sa ating mga kababayang apektado ng habagat sa mandato at pangunguna ng ating Mayor Consolacion M. Marty isinagawa ang pamamahagi ng relief goods para sa ating mga kababayan na nasa evacuation centers ng Lucapon North, Lipay, Lomboy, at Tubotubo North.

Katuwang ang AFP, MSWD, MDRRMO, Philippine Coast Guard, at Mayor’s Office Staff, patuloy ang sama-samang pagkilos upang matugunan ang pangangailangan ng ating mga evacuees.

Sa panahon ng pagsubok at kalamidad patuloy ang ating pagtutulungan upang maibigay ang pangunahing pangangailangan ng ating kumunidad at makapag hatid ng serbisyo ❤️🙏

Mag-ingat po tayong lahat, manatiling alerto at sumunod sa abiso ng awtoridad🌧🙏

29/08/2026

AUGUST 29, 2026 | Patuloy Ang Pagkalinga At Pagtugon 🤝❤️🌧

Patuloy ang pagbibigay ng relief assistance sa mga apektadong pamilya na lumikas at kasalukuyang nananatili sa mga evacuation centers ng Brgy. Poblacion North, Brgy Gama, Brgy Bolitoc Sitio Longos,Brgy Naulo, Brgy Bayto, Brgy Pob South,San Fernando at Brgy Guisguis Sta. Cruz, Zambales ngayong araw, August 29, 2026.

Sa panahon ng kalamidad, patuloy ang ating pagtutulungan upang maibigay ang kanilang mga pangunahing pangangailangan at makapaghatid ng kaunting ginhawa sa gitna ng pagsubok. 🙏

Magingat po tayong lahat. Manatiling alerto at sumunod sa mga abiso ng ating mga awtorida 🌧️🙏

29/08/2026

August 29,2026 | Relief Operation Para Sa Mga Apektado Ng Habagat Sa Panahon Ng Kalamidad

Nagsagawa ng relief operation ang lokal na pamahalaan ng Sta. Cruz, Zambales na pinamumunuan ni Hon. Mayor Consolacion M. Marty kasama ang iba ibang departamento at ahensya sa Apektadong Brgy Bulawon, Brgy Pagatpat, Brgy Bangcol, Brgy Canaynayan, Brgy Pamonoran , at Brgy Malabago upang maihatid ang tulong at pangunahing pangangailangan sa mga pamilyang naapektuhan ng malakas na Habagat.

Ang bawat relief pack ay simbolo ng ating malasakit at patuloy na pagtugon sa pangangailangan ng ating mga kababayan na nasa evacuation areas.🌧️🤝

26/08/2026

24/08/2026

DOH: PROTEKTAHAN ANG PAMILYA SA MGA KARANIWANG SAKIT O W.I.L.D DISEASES TUWING TAG-ULAN

Tingnan ang detalye sa comment section.

19/08/2026

Paunawa po sa lahat! May pasok at bukas po ang lahat ng tanggapan sa Lokal na Pamahalaan ng Sta Cruz, Zambales bukas August 20, 2026 (HUWEBES), upang maghatid ng tuloy-tuloy na serbisyo sa publiko

Sa gitna ng mga nagdaang kanselasyon at hamon na dulot ng habagat, nananatiling nakatutok ang LGU ng Sta. Cruz, Zambales upang matiyak na patuloy na makatatanggap ng serbisyo at tulong ang ating mga kababayan.

Patuloy po tayong mag-ingat at maging ligtas sa lahat ng oras!