FITS Center Santa Cruz, Laguna - Office of the Municipal Agriculturist

17/07/2026

📍 𝐓𝐞𝐜𝐡𝐧𝐢𝐜𝐚𝐥 𝐁𝐫𝐢𝐞𝐟𝐢𝐧𝐠 𝐚𝐭 𝐅𝐢𝐞𝐥𝐝 𝐈𝐧𝐬𝐩𝐞𝐜𝐭𝐢𝐨𝐧 𝐩𝐚𝐫𝐚 𝐬𝐚 𝐓𝐞𝐜𝐡𝐧𝐨 𝐃𝐞𝐦𝐨 𝐅𝐚𝐫𝐦𝐬 | 𝐒𝐚𝐧𝐭𝐚 𝐂𝐫𝐮𝐳, 𝐋𝐚𝐠𝐮𝐧𝐚 🚁🕹️🌾

Isinagawa ang Technical Briefing sa FAES-OPAG, Brgy. Calios, Santa Cruz, Laguna, na sinundan ng field inspection sa mga barangay ng Bagumbayan at Calios bilang paghahanda sa pagtatatag ng Techno Demo Farms para sa Mechanical Precision (MP) Seeder at Drone Seeding Technology.

Ang aktibidad na ito ay isinagawa sa pakikipag-ugnayan kay Dr. Niño Banayo ng Office of the Provincial Agriculturist (OPA) Laguna (FAES-OPAg Laguna), bilang bahagi ng patuloy na pagtutulungan ng mga ahensya at institusyon upang maisulong ang makabagong teknolohiya sa produksyon ng palay.

Ang Techno Demo para sa MP Seeder ay pangungunahan ng University of the Philippines Los Baños (UPLB), habang ang Techno Demo para sa Drone Seeding ay pangungunahan ng International Rice Research Institute (IRRI). Layunin ng mga demonstration farms na maipakita sa mga magsasaka ang aktuwal na paggamit at mga benepisyo ng mga makabagong pamamaraan sa pagtatanim ng palay sa ilalim ng lokal na kondisyon ng Santa Cruz, Laguna.

Sa pamamagitan ng paggamit ng MP Seeder at Drone Seeding Technology, inaasahang mapapabilis ang operasyon sa bukid, mababawasan ang gastusin sa paggawa, magiging mas episyente ang paggamit ng binhi, at mapapataas ang ani. Higit sa lahat, magsisilbi itong pagkakataon para sa mga magsasaka na makita at masuri mismo ang performance ng mga teknolohiyang ito upang makagawa ng mas mahusay na desisyon sa kanilang mga sakahan.

🌾 Patuloy ang ating pagtutulungan sa pagitan ng LGU Santa Cruz, Office of the Provincial Agriculturist (OPA) Laguna, UPLB, at IRRI upang maisulong ang modernisasyon ng agrikultura at mapalakas ang produksyon ng palay sa ating bayan.

𝘚𝘢𝘮𝘢-𝘴𝘢𝘮𝘢 𝘱𝘢𝘳𝘢 𝘴𝘢 𝘮𝘢𝘴 𝘮𝘢𝘩𝘶𝘴𝘢𝘺, 𝘮𝘢𝘴 𝘣𝘶𝘬𝘢𝘴, 𝘢𝘵 𝘮𝘢𝘴 𝘮𝘢𝘶𝘯𝘭𝘢𝘥 𝘯𝘢 𝘚𝘢𝘯𝘵𝘢 𝘊𝘳𝘶𝘻.

𝘽𝙖𝙮𝙖𝙣 𝙣𝙜 𝙎𝙖𝙣𝙩𝙖 𝘾𝙧𝙪𝙯, 𝙎𝙚𝙣𝙩𝙧𝙤 𝙣𝙜 𝙋𝙖𝙜-𝙪𝙣𝙡𝙖𝙙!

17/07/2026

📍 𝐕𝐚𝐥𝐢𝐝𝐚𝐭𝐢𝐨𝐧 𝐨𝐟 𝐅𝐚𝐫𝐦𝐞𝐫 𝐀𝐬𝐬𝐨𝐜𝐢𝐚𝐭𝐢𝐨𝐧 𝐟𝐨𝐫 𝐭𝐡𝐞 𝐏𝐫𝐨𝐯𝐢𝐬𝐢𝐨𝐧 𝐨𝐟 𝐌𝐮𝐥𝐭𝐢𝐩𝐥𝐢𝐞𝐫 𝐅𝐚𝐫𝐦 𝐟𝐨𝐫 𝐆𝐨𝐚𝐭 𝐮𝐧𝐝𝐞𝐫 𝐭𝐡𝐞 𝐋𝐢𝐯𝐞𝐬𝐭𝐨𝐜𝐤 𝐄𝐜𝐨𝐧𝐨𝐦𝐢𝐜 𝐄𝐧𝐭𝐞𝐫𝐩𝐫𝐢𝐬𝐞 𝐃𝐞𝐯𝐞𝐥𝐨𝐩𝐦𝐞𝐧𝐭 (𝐋𝐄𝐄𝐃) 𝐏𝐫𝐨𝐠𝐫𝐚𝐦

Nagsagawa ng validation sa Samahan ng Magsasaka ng Calios (SAMACA) na isang samahan ng mga magsasaka bilang bahagi ng proseso para sa pagkakaloob ng Multiplier Farm for Goat sa ilalim ng Livestock Economic Enterprise Development (LEED) Program kasama ang DA-RAED (DA-Calabarzon) at DA Apco Laguna. Layunin ng aktibidad na masuri ang kahandaan at kakayahan ng samahan upang matiyak ang matagumpay na pagpapatupad ng programa at mapalakas ang kabuhayan ng mga magsasaka sa pamamagitan ng pag-unlad ng industriya ng paghahayupan.

🐐 Sama-sama nating isinusulong ang mas matatag at masaganang sektor ng agrikultura para sa ating mga komunidad.

Patuloy ang pagbibigay ng magandang serbisyo ng ating Tanggapan para sa kapakinabangan ng ating mga magsasaka at ibang mga sektor ng Agrikultura.

𝘚𝘢𝘮𝘢-𝘴𝘢𝘮𝘢 𝘱𝘢𝘳𝘢 𝘴𝘢 𝘮𝘢𝘴 𝘮𝘢𝘩𝘶𝘴𝘢𝘺, 𝘮𝘢𝘴 𝘣𝘶𝘬𝘢𝘴, 𝘢𝘵 𝘮𝘢𝘴 𝘮𝘢𝘶𝘯𝘭𝘢𝘥 𝘯𝘢 𝘚𝘢𝘯𝘵𝘢 𝘊𝘳𝘶𝘻.

𝘽𝙖𝙮𝙖𝙣 𝙣𝙜 𝙎𝙖𝙣𝙩𝙖 𝘾𝙧𝙪𝙯, 𝙎𝙚𝙣𝙩𝙧𝙤 𝙣𝙜 𝙋𝙖𝙜-𝙪𝙣𝙡𝙖𝙙!

17/07/2026

📍 𝐌𝐨𝐧𝐢𝐭𝐨𝐫𝐢𝐧𝐠 𝐧𝐠 𝐌𝐢𝐧𝐢 𝐒𝐨𝐥𝐚𝐫-𝐏𝐨𝐰𝐞𝐫𝐞𝐝 𝐈𝐫𝐫𝐢𝐠𝐚𝐭𝐢𝐨𝐧 𝐒𝐲𝐬𝐭𝐞𝐦 (𝐒𝐏𝐈𝐒) | 𝐒𝐚𝐧𝐭𝐚 𝐂𝐫𝐮𝐳, 𝐋𝐚𝐠𝐮𝐧𝐚

Noong Hulyo 9, 2026, nagsagawa ng monitoring ng Mini Solar-Powered Irrigation System (SPIS) sa barangay Bagumbayan at Calios, Santa Cruz, Laguna kasama ang FAES-OPAg Laguna. Layunin ng aktibidad na masuri ang kalagayan at maayos na operasyon ng SPIS upang matiyak ang tuloy-tuloy at episyenteng suplay ng patubig para sa ating mga magsasaka.

🌾 Patuloy nating isinusulong ang makabago at napapanatiling teknolohiya para sa mas produktibong agrikultura at Patuloy ang pagbibigay ng magandang serbisyo ng ating Tanggapan para sa kapakinabangan ng ating mga magsasaka at ibang mga sektor ng Agrikultura.

𝘚𝘢𝘮𝘢-𝘴𝘢𝘮𝘢 𝘱𝘢𝘳𝘢 𝘴𝘢 𝘮𝘢𝘴 𝘮𝘢𝘩𝘶𝘴𝘢𝘺, 𝘮𝘢𝘴 𝘣𝘶𝘬𝘢𝘴, 𝘢𝘵 𝘮𝘢𝘴 𝘮𝘢𝘶𝘯𝘭𝘢𝘥 𝘯𝘢 𝘚𝘢𝘯𝘵𝘢 𝘊𝘳𝘶𝘻.

𝘽𝙖𝙮𝙖𝙣 𝙣𝙜 𝙎𝙖𝙣𝙩𝙖 𝘾𝙧𝙪𝙯, 𝙎𝙚𝙣𝙩𝙧𝙤 𝙣𝙜 𝙋𝙖𝙜-𝙪𝙣𝙡𝙖𝙙!

17/07/2026

𝙈𝘼𝙁𝘾 𝙖𝙣𝙙 𝘾𝘼𝙁𝙎𝘾𝙇 𝙈𝙤𝙣𝙩𝙝𝙡𝙮 𝙈𝙚𝙚𝙩𝙞𝙣𝙜
JULY 2026

Ang Tanggapan ng Pambayang Agrikultor ay nagsasagawa ng buwanang pagpupulong ng Municipal Agricultural and Fishery Council (MAFC) na binubuo ng mga pangulo ng mga magsasaka ng iba’t-ibang samahan sa kani-kanilang barangay sa bayan ng Santa Cruz at Coalition Alliance of Farmers in Santa Cruz, Laguna (CAFSCL) na na binubuo ng mga magsasaka ng palay, maggugulay, mangingisda, maghahayupan, magkakabute, at magniniyog sa bayan ng Santa Cruz.

Dumalo sa nasabing pagpupulong ang samahan ng magkekeso at magkakalabaw kasa rin ang pinuno ng Tanggapan ng MRO na si Mrs. Maricel Ramos at Tanggapan ng LEDIPO na si Hon. Patrocinia Kalaw upang talakayin at pag-usapan ang proseso ng pagpaparehistro ng samahan gayundin ang pagpapalakas sa sektor ng produktong Kesong Puti.

Layunin din ng pagpupulong na magkaroon ng malayang pagpapahayag para sa pagpapalakas ng mga samahan ng mga magsasaka at mabigyan solusyon ang mga problemang kinakaharap sa sakahan.

Patuloy ang pagbibigay ng magandang serbisyo ng ating Tanggapan para sa kapakinabangan ng ating mga magsasaka at ibang mga sektor ng Agrikultura.

𝘚𝘢𝘮𝘢-𝘴𝘢𝘮𝘢 𝘱𝘢𝘳𝘢 𝘴𝘢 𝘮𝘢𝘴 𝘮𝘢𝘩𝘶𝘴𝘢𝘺, 𝘮𝘢𝘴 𝘣𝘶𝘬𝘢𝘴, 𝘢𝘵 𝘮𝘢𝘴 𝘮𝘢𝘶𝘯𝘭𝘢𝘥 𝘯𝘢 𝘚𝘢𝘯𝘵𝘢 𝘊𝘳𝘶𝘻.

𝘽𝙖𝙮𝙖𝙣 𝙣𝙜 𝙎𝙖𝙣𝙩𝙖 𝘾𝙧𝙪𝙯, 𝙎𝙚𝙣𝙩𝙧𝙤 𝙣𝙜 𝙋𝙖𝙜-𝙪𝙣𝙡𝙖𝙙!

17/07/2026

📍 𝐌𝐨𝐧𝐢𝐭𝐨𝐫𝐢𝐧𝐠 𝐚𝐭 𝐒𝐮𝐫𝐯𝐞𝐢𝐥𝐥𝐚𝐧𝐜𝐞 𝐧𝐠 𝐁𝐮𝐠𝐭𝐨𝐤 𝐃𝐢𝐬𝐞𝐚𝐬𝐞 | 𝐒𝐚𝐧𝐭𝐚 𝐂𝐫𝐮𝐳, 𝐋𝐚𝐠𝐮𝐧𝐚

Ngayong Hulyo 17, 2026, nagsagawa ng monitoring at surveillance ng Bugtok Disease sa Santa Cruz, Laguna sa pakikipagtulungan ng APCO Laguna at Regulatory Division Region IV-A CALABARZON. Layunin ng gawaing ito na maagap na matukoy at mapigilan ang pagkalat ng sakit upang maprotektahan ang produksyon ng saging at masuportahan ang ating mga magsasaka.

🌱 Sama-sama nating pangalagaan ang kalusugan ng ating mga pananim para sa mas ligtas at masaganang agrikultura.

Patuloy ang pagbibigay ng magandang serbisyo ng ating Tanggapan para sa kapakinabangan ng ating mga magsasaka at ibang mga sektor ng Agrikultura.

𝘚𝘢𝘮𝘢-𝘴𝘢𝘮𝘢 𝘱𝘢𝘳𝘢 𝘴𝘢 𝘮𝘢𝘴 𝘮𝘢𝘩𝘶𝘴𝘢𝘺, 𝘮𝘢𝘴 𝘣𝘶𝘬𝘢𝘴, 𝘢𝘵 𝘮𝘢𝘴 𝘮𝘢𝘶𝘯𝘭𝘢𝘥 𝘯𝘢 𝘚𝘢𝘯𝘵𝘢 𝘊𝘳𝘶𝘻.

𝘽𝙖𝙮𝙖𝙣 𝙣𝙜 𝙎𝙖𝙣𝙩𝙖 𝘾𝙧𝙪𝙯, 𝙎𝙚𝙣𝙩𝙧𝙤 𝙣𝙜 𝙋𝙖𝙜-𝙪𝙣𝙡𝙖𝙙!

02/07/2026

02/07/2026

02/07/2026

16/06/2026

𝐏𝐀𝐁𝐀𝐓𝐈𝐃 𝐒𝐀 𝐏𝐔𝐁𝐋𝐈𝐊𝐎 | 𝐒𝐏𝐄𝐂𝐈𝐀𝐋 𝐍𝐎𝐍-𝐖𝐎𝐑𝐊𝐈𝐍𝐆 𝐇𝐎𝐋𝐈𝐃𝐀𝐘

Alinsunod sa 𝐑𝐞𝐩𝐮𝐛𝐥𝐢𝐜 𝐀𝐜𝐭 𝐍𝐨. 𝟏𝟏𝟏𝟒𝟒, idineklara ang 𝐇𝐮𝐧𝐲𝐨 𝟏𝟗 bilang 𝐒𝐩𝐞𝐜𝐢𝐚𝐥 𝐍𝐨𝐧-𝐖𝐨𝐫𝐤𝐢𝐧𝐠 𝐇𝐨𝐥𝐢𝐝𝐚𝐲 sa buong Lalawigan ng Laguna bilang paggunita sa kaarawan ng ating Pambansang Bayani, Dr. Jose P. Rizal.

Sa araw na ito, ating alalahanin at pahalagahan ang kanyang mga ambag, sakripisyo, at mga aral na patuloy na nagsisilbing inspirasyon sa bawat Pilipino sa pagtataguyod ng pagmamahal sa bayan, pagkakaisa, at makabuluhang paglilingkod sa kapwa.

Nawa’y maging makahulugan ang pagdiriwang na ito bilang pagkilala sa pamana ng isa sa mga dakilang anak ng Laguna at ng sambayanang Pilipino.

𝐁𝐚𝐲𝐚𝐧 𝐧𝐠 𝐒𝐚𝐧𝐭𝐚 𝐂𝐫𝐮𝐳, 𝐒𝐞𝐧𝐭𝐫𝐨 𝐧𝐠 𝐏𝐚𝐠-𝐔𝐧𝐥𝐚𝐝!