23/08/2026
SALAMAT, JUAN PROJECT PH!
Taos-pusong pasasalamat ang ipinapaabot ng Sangguniang Kabataan ng Pulong Buhangin sa Juan Project PH para sa isang produktibo, makabuluhan, at matagumpay na partnership para sa Student Leadership Enhancement Program (SLEP) 2026 – “DALUYONG: Making Waves of Positive Change.”
Bilang isang non-partisan, youth-led organization na nakatuon sa community transformation at youth empowerment, tunay na kahanga-hanga ang inyong adhikaing palakasin ang kabataan at tulungan silang tuklasin at gamitin ang kanilang buong potensyal upang makapagbigay ng makabuluhang ambag sa lipunan.
Ang inyong misyon ay lubos na nakaayon sa layunin ng DALUYONG na hubugin ang mga kabataan upang maging responsable, makabuluhan, at transformative na mga lider na hindi lamang mahusay mamuno, kundi higit sa lahat ay handang maglingkod at gumawa ng positibong pagbabago sa kanilang komunidad.
Saludo kami sa Juan Project PH at sa inyong patuloy na pamumuhunan sa kabataan at sa inyong paninindigang ang bawat kabataan ay may kakayahang maging bahagi ng pagbabago.
Maraming salamat sa pagbabahagi ng inyong kaalaman, karanasan, at inspirasyon sa ating mga batang lider. Sa pamamagitan ng mga partnership na tulad nito, mas marami tayong kabataang nahuhubog, nabibigyang-lakas, at nahahanda upang maging mga community leaders ng hinaharap.
Juan Project PH 🤝🏼 SK Pulong Buhangin
