14/07/2026
๐๐ก๐ ๐๐๐ง๐ข๐ง๐ข๐๐๐ก๐๐ก ๐ฆ๐ ๐ฅ๐๐๐๐๐๐ก๐ ๐๐ก๐ง:
๐๐๐ ๐๐ฅ, ๐๐จ๐ซ๐ฆ๐๐ฅ, ๐๐ญ ๐ฉ๐๐ซ๐ ๐ฌ๐ ๐๐๐ฌ ๐๐๐๐ข๐ฅ๐ข๐ฌ ๐ง๐ ๐๐๐ซ๐๐ข๐ฌ๐ฒ๐จ ๐๐ฎ๐๐ฅ๐ข๐ค๐จ
Bilang tugon sa mga lumabas na pahayag kamakailan, mahalaga pong ipaliwanag natin sa ating mga kababayan kung ano nga ba ang tunay na kalikasan ng realignment ng pondo sa ating lokal na pamahalaan.
Ang paglilipat o realignment ng pondo ay isang ganap na legal at normal na proseso sa ilalim ng ating lokal na pamamahala. Hindi ito krimen, hindi ito pagtatago ng pondo, at lalong hindi ito indikasyon ng kawalan ng plano. Sa katunayan, ito ay isang mahalagang pamamaraan (flexibility) na ibinibigay ng batas sa mga Lokal na Pamahalaan (LGUs) upang matiyak na ang pondo ay hindi natutulog at agad na nagagamit sa mga proyektong mas nangangailangan ng agarang implementasyon.
๐๐๐ซ๐ข๐ญ๐จ ๐ฉ๐จ ๐๐ง๐ ๐ข๐ฅ๐๐ง๐ ๐ฆ๐๐ก๐๐ก๐๐ฅ๐๐ ๐๐ง๐ ๐ฉ๐ฎ๐ง๐ญ๐จ ๐ง๐ ๐๐๐ฉ๐๐ญ ๐ง๐๐ญ๐ข๐ง๐ ๐ฆ๐๐ฅ๐๐ฆ๐๐ง:
1. Dumaan sa Sanggunian at Pinagtibay ng Mayorya
Walang pondo na maaaring i-realign nang walang pahintulot ng Sangguniang Bayan. Lahat ng ito ay isinasailalim sa deliberasyon at pormal na botohan. Kung ito po ay naaprubahan, ibig sabihin ay nakita ng mayorya ng mga konsehal na mas kapaki-pakinabang ang paglilipat ng pondo para sa kabutihan ng mas nakararami.
2. Ang Vice Mayor ay Bahagi ng Sanggunian
Bilang Presiding Officer o pinuno ng Sanggunian, ang ating Vice Mayor ay may buong pagkakataon at kapangyarihan na pamunuan ang diskusyon, magtanong, at maglahad habang isinasagawa ang sesyon. Dahil dumaan sa pormal na proseso ng konseho ang nasabing realignment, walang dahilan upang gawin itong isyu sa publiko o mag-ingay sa social media dahil nabigyan naman ng sapat na espasyo ang lahat ng panig sa loob ng plenaryo.
3. Mas Dynamic ang Pamamahala Kaysa sa Papel Lamang
Madalas magbago ang sitwasyon sa ating komunidad. Kung ang isang proyekto (gaya ng Slaughterhouse Improvement) ay may mga usapin pa sa lupa, permits, o iba pang technicalities na nagpapatagal sa pagsisimula nito, mas praktikal at mas matalino na ilipat muna ang pondo sa isang proyektong handang-handa na at hinihiling na ng mga mamamayanโgaya ng Bypass Road sa Sta. Cruz na magpapagaan sa trapiko ng lahat. Mas ayaw po natin na nakatiwangwang lang ang pera ng bayan habang may kalsadang maaari namang magawa agad.
4. Pagsunod sa Proseso ng Komite
Ang pag-apruba sa naturang realignment sa loob ng iisang sesyon ay hindi pagmamadali, kundi akto ng kahusayan (efficiency) ng ating Committee on Finance, Budget and Appropriations sa pamumuno ni Igg. Mark Angelo Clemente. Kapag kumpleto ang dokumento, malinaw ang katwiran ng Punong Bayan, at pabor ang mayorya para sa kapakanan ng publiko, walang dahilan upang patagalin pa ang pag-apruba nito sa burukrasya.
Ang tunay na Good Governance ay hindi lamang nangangahulugan ng pagsunod sa mga titik ng batas, kundi ang pagiging mabilis at tumutugon sa tunay na pangangailangan ng tao. Ang pag-unlad ay hindi dapat maantala dahil lamang sa pamumulitika.
Patuloy tayong magtrabaho para sa mas maayos at mabilis na serbisyo sa ating bayan!
