https://www.facebook.com/490745051102386/

PUP SPEAK, Santa Mesa (2026)

05/05/2022

“Ipanalo natin para sa lahat!”

Sa ganap na ika-4 ng hapon, sa tapat ng PUP Main Gate, ang buong komunidad sa loob at labas ng Sintang Paaralan ay magdaraos ng Panalangin ng Bayan sa harap ng “Dambana ng Kabayanihan” upang ipanalanagin ang isang tapat at malinis na eleksyon sa Mayo Nuebe.

Ang lahat ay inaanyayahang makiisa at ipanalangin ang bayan para sa kulay rosas na bukas. Ipanalo natin ito bilang isang mamamayang may pagmamahal sa bayan at takot sa Diyos.

Sa huling pagkakataon, mga Iskolar, tara na!

04/05/2022

Kulay Rosas ang PUP SPEAK 🌸 | Leni-Kiko sa Diwa ng Bolunterismo

“HINDI KAMI BAYAD! HINDI KAMI BAYAD!”, sigaw ng mga tao.

Talaga namang People’s Campaign matatawag ang karera ni VP Leni at Sen. Kiko. Bunsod ito ng mga Pilipino na nagpupursigi upang manghikayat ng kapwa na bumoto ng karapat-dapat sa darating na Halalan.

Sig**o sa ngayon karamihan sa atin ay nakadalo na sa mga rallies na buhay na buhay upang ipakita ang ating pagkauhaw sa pagbabago. Pero paano nga ba nabubuo ang mga ganitong inisyatiba? Mula sa bolunterismo. Masikhay na paraan ng pagpapakita ng pagmamahal sa bayan. Ngunit hindi sa pag-organisa at pagdalo sa rallies nagtatapos ang People’s Campaign.

May mga nago-organisa at bumubuo ng mga “… 4 Leni-Kiko” na grupo na may mga kani-kaniyang inisyatiba tulad ng house-to-house campaigns, pagpinta ng murals, pagperform sa lansangan, pamimigay ng pagkain tulad ng kumalat na pink lugaw, pandesal, taho, p**o sorbetes, atbp. Mayroon ding pagbibigay ng Voter’s Education at pamimigay ng kapasidad upang matanggap sa trabaho tulad ng Leni-Kiko: Free Call Center Training, isang inisyatiba na lapat na lapat sa plataporma ng tambalan.

Syempre hindi rin natin makakalimutan ang mga kilalang artista, aktor, social media influencers, at iba pang bigating pangalan mula sa iba’t ibang industriya. Mga taong ginamit ang kanilang plataporma upang tumindig at bumahagi sa People’s Campaign.

At syempre, hindi ito limitado sa mga grupo. May mga indibidwal din na ginagamit ang kanilang kakayanan upang ikampanya ang Leni-Kiko. Kilalanin natin sila dahil malaki ang kanilang naging gampanin upang magfact check, iwasto ang kumakalat na historical revisionism, at magmulat ng kanilang mga pamilya at kabigan. Dito tayo sa kampanyang nakasentro sa tao at hindi nakaangkla sa pekeng impormasyon!

Talagang “you reflect who you support," ‘no? Sobrang lakas natin kapag nagsama-sama. Tara tuloy lang tayo sa panawagan para isang .

Ito ang tunay na unity! Ang tunay na unity ay mula sa tao, hindi sa nagsama-samang magnanakaw at uhaw sa kapangyarihan. Ang gusto ng tao ay pagbabago sa pamamagitan ni VP Leni Robredo at Kiko Pangilinan. Tambalang may angking talino, malinis na track record sa kabila ng ilang taon sa pulitika, sapat na kakayanan at kredensyal, at plano para sa ikabubuti ng bayan.

Bago dumating ang Halalan, tayo ay kumausap, magmulat, at mag-organisa. Mayroon pa tayong ilang araw bago matapos ang campaign period. Bumahagi at ikampanya ang karapat-dapat. Bitbitin si Leni at Kiko sa Malacañang!

May pakialam ang PIlipino! Ang Kabataan at ang Pilipino ang magdidikta sa darating na Halalan

Mga larawan ay minarcos mula sa:
• https://twitter.com/lenirobredo
• https://www.facebook.com/VPLeniRobredoPH
• https://legacy.senate.gov.ph/senators/sen_bio/pangilinan_bio.asp
• Leni People’s Campaign. https://twitter.com/cnnphilippines/status/1510100059748134914

Ang likhang sining na mural ay mula sa at likha ng:
• Youth For Leni-Kiko AKLAN. https://twitter.com/youthforleniAKL/

Ang litrato ng mural ay mula kay:
• https://twitter.com/itsmephats/status/1464940120600051719

03/05/2022

Kulay Rosas ang PUP SPEAK 🌸 | Sa Pagkapangulo, !

Ngayong Halalan, sa pangunguna ng nagiisang babae sa karera sa pagkapangulo, mas naging litaw ang pagka-misogynistic ng bansa. May mga banggit na karamihan ay mula sa mga kalalakihan, at ang iba naman ay mula sa kapwa kababaihan na talaga namang nakakalungkot.

Umusbong ang samu't saring ekspresyon ng diskriminasyon sa mga kababaihan dahil sa pagtakbo ni VP Leni bilang pangulo. Hindi na ito bago dahil noon pa man ay biktima na sila ng ganitong sistema na pilit nilang ipinaglalaban na baguhin. Madalas silang tignan na walang kakayahan, mahina, emosyonal, sunod-sunuran, at kung anu-ano pa.

Sa kabila ng mga pambabatikos at personal na atakeng ibinabato, si VP Leni ay lakas loob na humaharap sa Pilipino bilang kaisa-isang babaeng tumatakbo sa pinakamataas na posisyon sa bansa, lakas-loob na tumitindig sa lahat bilang representante ng kababaihan at ng PIlipino. Sa pamamagitan ng kanyang likas na talino, mabuting hangarin, at mga nagawa at plano para sa bayan, patuloy niyang pinapatunayan na wala sa kasarian ang kakayahan na mamuno.

Tignan natin ang ating paligid, mula sa pamilya, kaibigan, at hanggang sa mga kakilala sa trabaho o paaralan. Ilan sa kanila ang kababaihan na may ipinaglalaban? Kababaihan na nagsisikap? Kababaihan na may mabuting puso? Kababaihan na may malasakit? Kababaihan na namumuno?

Wala na tayo sa nakaraan, nabubuhay tayo sa kasalukuyan kung saan dapat na may pantay na pagtingin at karapatan ang lahat ng kasarian. Kung bayag ang basehan ng pagiging palaban, matapang, at mabuting lider, siguradong wala ito sa mga kalalakihang hindi kayang humarap sa taong bayan at nanawagan na umatras ang “No. 2” sa laban.

Ang aming boto ay para sa hindi magnanakaw, hindi duwag, hindi matapobre, hindi bayolente, at mas lalong hindi sinungaling. BABAE ANG AMING PRESIDENTE!

02/05/2022

PATULOY NA TUMINDIG!

7 Araw bago ang eleksyon 2022 nakakuha na tayo ng mahigit tatlong daang mga Iskolar ng Bayan at Alumni na sumusuporta sa Gobyernong Tapat ni VP Leni Robredo at Sen. Kiko Pangilinan!

Matapos ang Unang Araw sa pagtanda ng Deklarasyon ng Pagsuporta ng Komunidad ng PUP kay Leni at Kiko, dumadagdag rin ang ilang mga organisasyon sa ating pakikibaka sa pangunguna ng PUP College of Political Science and Public Administration Student Council na sinundan ng Youth for Chel Diokno - Sta. Mesa at Youth with Risa Hontiveros Manila PUP Society of Pangasinan Students PUP CTHTM Student Council
Padayon sa mga organisasyong umalpas at nakiisa sa ating krusada!

Ipanalo pa natin ang karapatan natin sa libre at inklusibong edukasyon; sa isang pantay at mas makataong karapatan ng mga manggagawang Pilipino. Kaya naman mga Iskolar ng Bayan, manggagawa ng PUP, at mga Alumni, basahin at lumagda na sa Deklarasyon ng Pagsuporta para kay Leni at Kiko!

Tignan ang orihinal na post mula sa PUP for LENI:
https://www.facebook.com/pup4lenikiko/posts/134894952454368

Iclick ang link na ito:
https://bit.ly/RadikalMagmahalPUP
https://bit.ly/RadikalMagmahalPUP
https://bit.ly/RadikalMagmahalPUP

01/05/2022

OPISYAL NA PAHAYAG NG PUP SPEAK HINGGIL SA IKATLONG ARAW NG PAGGAWA, SA PANAHON NG PANDEMYA, IKA-1 NG MAYO, 2022; NGAYONG PAMBANSANG HALALAN, PARA SA URING MANGGAGAWA!

Taos-pusong sumasaludo ang PUP SPEAK sa mga manggagawa ng buong mundo!

Ang Mayo Uno ay para sa inyo! Sa buong mundo, Araw ng Manggagawa, ipagdiwang! Mga pasakit sa sektor ng manggagawa, wakasan!

Ngayong panahon ng pandemya, mas lalong naging malinaw ang linya ng importansya ng mga manggagawa sa ating pamayanan. Noong nagsisimula palang ang mga lockdown at nagkaroon ng pagsasara ng pintuan sa bawat munisipalidad at probinsya, naririyan ang ating mga manggagawa upang patuloy na gumampan.

Nakakalungkot na sa kabila ng mga sakripisyo ng ating mga bayani ay hindi sila nabibigyan ng sapat na suporta; pumapasok sila noon nang wala o limitado ang pampublikong transportasyon; walang proteksyon o PPE kontra sa kalaban na hindi nakikita; wala o hindi sapat ang sapat risk pay o allowance; may sahod na hindi nakabubuhay; at maski ang pagkilala para sa kanilang sakripisyo bilang mga frontliners, wala.

Sila ang mga nasa ospital, paaralan, botika, at mga nagpoproseso, nagbebenta, at naghahatid ng ating pagkain at iba pang kinakailangan sa buhay. Lahat nang ito sa kabila ng banta sa kanilang buhay buhat ng kumakalat na COVID-19 virus. Ang labis na pangangailangan natin sa kanilang serbisyo at pagtugon nila sa gampanin sa kabila ng kakulangan ng suporta ng estado at mga kapitalista ay nagpapakita lamang ng hindi makataong pagtingin sa mga uring-manggagawa.

Ang pagkilala sa mga manggagawa ay hindi limitado sa Araw ng Paggawa. Maipamamalas ito sa pamamagitan ng pakikinig mula sa kanilang hanay. Simulan ang mga diskusyon: pag-usapan ang isyu na pumapalibot sa kontraktuwalisasyon; ligtas na lugar-pantrabaho para sa lahat, at safe spaces para sa kababaihan at LGBTQIA+; pagpatay sa mga lider ng labor groups at unyon; at ang pagbibigay ng nakabubuhay na sahod.

Ang ilang dekada ng pagtitiis dahil sa kapabayaan ng estado ay dapat nang wakasan. Ang kakulangan ng polisiya, sahod, at benepisyo dulot ng estado at mga kapitalista ay ating ipanawagan!

Ngayong Pambansang Halalan, nasa ating mga kamay ang pagbabago. Hawak natin ang bola upang ihalal ang mga kandidato na iaabante ang mga itinataas natin. Marami ang mga pulitiko na may mga paulit-ulit at pare-parehong pangako kaya naman ating kilatasin ang mga ito, kung para ba talaga sila sa mga manggagawa at Pilipino.
- Doon tayo sa ibabandera tayo at titindig dikit-balikat at hawak-kamay nang walang pagaalinlangan.
- Doon tayo sa mga aktibo nang humaharap at gumagampan para sa mga manggagawa.
- Nagbibigay ng sapat na kakayanan sa mga Pilipino para magkaroon ng kapasidad na makapasok sa trabaho.
- Hindi lang nagbibigay ng oportunidad sa trabaho, ngunit nilalakbay at pilit na inaabot ang mga nasa hard to reach areas.
- Maraming tala na nalapat at nakikinig sa tunay na kalagayan ng mga mamamayan.
- Mayroong magandang relasyon sa mga pribadong sektor at handang makipag-ugnayan para sa trabaho ng mga Pilipino.
- Maalam sa reyalidad at bawat problema ng mga manggagawa mula sa edukasyon, transportasyon, oportunidad, at karapatan.

Ito na ang ikatlong paggunita ng Mayo Uno ngayong pandemya, maghalal tayo ng may adhikain upang tapusin ang pasakit na ito. Doon sa sisimulan at lilinisin ang sistemang medikal ng bayan. Contact tracing, pagbakuna, at iba pang rekomendasyon mula sa mga institusyong pangkalusugan. Doon tayo sa mayroong siyentipiko, konkreto, at malinaw na plano.

Ngayong Mayo Uno, nakikiisa ang PUP SPEAK, at ang malawak na hanay ng Iskolar ng Bayan sa mga manggagawa. Kami ay kasama ninyo sa bawat hakbang upang itaas ang kampanya para sa bawat karapatan na dapat matagal nang kinilala. Mayo Uno, Araw ng Paggawa, kilalanin ang mga isyu ng manggagawa!

Ang kapakanan ng mga manggagawa ay hindi na dapat maisantabi! Sistemang mapang-alipin, dapat nang iwaksi! Proteksiyunan at pahalagahan ang mga manggagawa. Nakakabubuhay na sahod, sapat na benepisyo, at hindi pasistang pulisiya ang dapat!

01/05/2022

𝐍𝐆𝐀𝐘𝐎𝐍𝐆 𝐀𝐑𝐀𝐖 𝐍𝐆 𝐔𝐑𝐈𝐍𝐆 𝐌𝐀𝐍𝐆𝐆𝐀𝐆𝐀𝐖𝐀, 𝐇𝐔𝐊𝐁𝐎𝐍𝐆 𝐌𝐀𝐏𝐀𝐆𝐏𝐀𝐋𝐀𝐘𝐀. 𝐓𝐈𝐍𝐀𝐓𝐀𝐊𝐃𝐀𝐀𝐍 𝐍𝐀 𝐍𝐀𝐓𝐈𝐍 𝐀𝐍𝐆 𝐃𝐄𝐊𝐋𝐀𝐑𝐀𝐒𝐘𝐎𝐍 𝐍𝐆 𝐏𝐀𝐆𝐒𝐔𝐏𝐎𝐑𝐓𝐀 𝐍𝐆 𝐒𝐈𝐍𝐓𝐀𝐍𝐆 𝐏𝐀𝐀𝐑𝐀𝐋𝐀𝐍 𝐏𝐀𝐑𝐀 𝐊𝐀𝐘 𝐋𝐄𝐍𝐈 𝐀𝐓 𝐊𝐈𝐊𝐎.

“Mula sa iyo, Para sa Bayan” – tatak na sa pagkakakilanlan ng Sintang Paaralan
ang pagsilbihan ang sambayanan. Pandayan ito ng husay at kagalingang nararapat na
ilapat sa tunay na interes ng mga mamamayan tungo sa pag-unlad ng bansa.

Sa hanay ng sektor ng edukasyon, parehong g**o at mga estudyante ang nakaranas ng kabulukan ng sistema ng edukasyon. Sa ganitong mga mapapait na karanasan ay nabuo ang kolektibong panawagan “Ligtas Na Balik-Eskwela!” kung saan isinusulong nito ang tunay, demokratiko, at ligtas na pagbabalik natin sa pisikal na klase. Ang rekomendasyon nina Leni Robredo at Kiko Pangilinan na itaas sa 6% ng GDP o kita ng bansa ay substansyal na tungtungan upang maabot ang tunay na ligtas balik-eskwela, nakabubuhay na pasahod sa mga kaguruan, at tuloy-tuloy para sa kalidad na edukasyon. Mula rito, hangad ng sektor ng edukasyon ang maisulong ang alternatibong oryentasyon na kung saan ang edukasyon ay makabayan, siyentipiko, at makamasa.

Ang mga maliliit na negosyo ang siyang nagbibigay ng kalakhan ng trabaho sa bansa. Ayon sa DTI (2020), 99.5% ng mga negosyo sa bansa ay mga maliliit na kung saan 62.66% o 5.38 milyon ang trabahong naibibigay nito. Kaya sa pagsasara ng karamihan rito, naparalisa ang kalakhan sa mga manggagawang Pilipino. Sa sektor ng agrikultura, atrasado pa rin ang mga praktika nito – mula sa mga kagamitan, sa mga pagproseso ng mga produkto, at sa kawalan ng sariling lupang sinasaka na nagpapaigting ng mababang pagtingin at prayoridad sa sektor. Kaya naman, ating panawagan ay “Ligtas balik kabuhayan at tunay na reporma sa lupa!”.

Hinahamon at hinihikayat namin ang mga Iskolar ng Bayan, mga propesor, trabahador ng PUP, at mga manggagawa sa paligid ng Unibersidad; lumabas sa lilim ng kaaliwalasan at gisingin ang natutulog na lakas! Makipag usap tayo, tao-sa-tao, Pilipino-sa-Pilipino. I-abante natin ang isang gobyernong may puso at may kahandaan para sa mga susunod na taon ng ating bansa.

Ipanalo natin ang karapatan natin sa libre at inklusibong edukasyon, sa isang pantay at mas makataong karapatan ng mga manggagawang Pilipino kaya naman, mga Iskolar ng Bayan, manggagawa ng PUP, at mga Alumni, basahin at lumagda sa Deklarasyon ng Pagsuporta para kay Leni at Kiko!

Iclick ang link na ito:
https://bit.ly/RadikalMagmahalPUP
https://bit.ly/RadikalMagmahalPUP
https://bit.ly/RadikalMagmahalPUP

IPAKITA ANG ATING PAGKAKAISA, AT KRUSADA PARA SA LABANG TUNGO SA GOBYERNONG TAPAT, EDUKASYON PARA SA LAHAT!

01/05/2022

OPISYAL NA PAHAYAG NG PUP SPEAK HINGGIL SA PAGTANGGI NG TUMATAKBO SA PAGKAPANGULO AT ANAK NG DIKTADOR NA SI BONGBONG MARCOS JR. SA DEBATE KONTRA KAY VP LENI ROBREDO

Noong Biyernes, ika-29 ng Abril, inanyayahan ni VP Leni Robredo si Bongbong Marcos sa isang debate upang “mabigyan ang taumbayan ng pagkakataong makaharap siya at matanong tungkol sa mga kontrobersiyang pumapalibot sa kanya.” Malapit na ang Halalan ngunit hindi pa rin kinikilala ni Marcos Jr. ang madilim na dinanas ng bayan noong panahon ng Martial Law. Dagdag pa ang kanyang kwestiyunableng track record, credentials, at mga hindi malinaw na plano para sa bayan.

Ilang oras lamang matapos ang imbitasyon mula kay VP Leni ay mayroon na agad tugon na “hindi ito kailanman mangyayari” mula sa kampo ni Marcos Jr. at sinabi rin na ang kampanya ni VP Leni ay nakaangkla sa negatibo, kasinungalingan, at paninirang-puri. May nakita tayong mga isyu mula sa tugon na ito. Sa ating paglilista, ito ang mga sumusunod:

1. Ang mensahe ni VP Leni ay direktang hamon para kay Marcos Jr. kaya tama lamang na siya mismo ang magpahayag ng pagtanggi bilang kapwa tumatakbo sa Halalan, kandidato laban sa kandidato. Tumatakbo si Marcos Jr. sa pinakamataas na posisyon sa bansa, hindi maaaring spokesperson ang magsasalita sa bawat isyung kinakaharap ng pangulo. Ang pangulo ay dapat humaharap, lumalapat, at malinaw sa kanyang mga hangarin at plano para sa bayan, mga bagay na hindi nakikita kay Marcos Jr.

2. Taliwas sa binanggit ni BBM Spokesperson Vic Rodriguez, hindi si VP Leni ang puno’t dulo ng kasinungalingan at negative campaigning. Kung talagang “positive campaigning” ang ganap ng , kailangang linawin ang mga kasinungalingan na si Marcos Jr., ang pamilya Marcos, at mga miyembro ng ang nakikinabang. Dagdag pa rito, si VP Leni mismo ang biktima ng mga kumakalat na fake news patungkol sa kanyang sarili, pagkababae, at husay bilang ina at lingkod-bayan. Ang pagsingil at panawagan para sa mga biktima ng Martial Law at iba pang kinasangkutang katiwalian ng mga Marcos ay hindi paninira, ito ay base sa katotohanang nakasulat sa ating kasaysayan.

3. Si VP Leni na mismo ang nagbigay ng entablado upang magharap ang dalawang nangunguna sa karera bilang pagkapangulo. Bawat kampo ay may nasasabi sa isa’t isa, ngunit ang pagkakaiba, si Marcos Jr. ay hindi humaharap sa taumbayan. Kung ang pagpapanagot sa mga Marcos ay pawang propaganda, bakit hindi nila ito salubungin at pabulaanan? Ito ay dahil saksi ang kasaysayan sa kalapastanganan ng mga Marcos. Ang pinakamaliit na bagay na magagawa ng mga ito ay kilalanin man lang ang mga abuso na nangyari bagkus binabalewala nila at nagkakabulol-bulol upang protektahan ang imahe ng pekeng pagkakaisa.

4. Ilang beses nang tumanggi si Marcos Jr. sa mga panayam at debate na binuo ng mga lehitimo at mapagkakatiwalaang personalidad at organisasyon. Isa sa matatandaang halimbawa nito ay noong tinawag ni BBM Spokesperson Vic Rodriguez na biased ang isa sa mga kinikilalang mamamahayag sa buong mundo na si Jessica Soho. Ito ay dahil tututok lamang daw ang panayam sa mga negatibong isyu na pumapalibot kay Marcos Jr. Ngunit, sa SMNI na pagmamay-ari ni Quiboloy na supporter ng ay naroon siya upang bumahagi.

5. Ang pekeng diwa ng “pagkakaisa” ay malakas na umaalingasaw mula sa bulsa na punong-puno ng ninakaw na kaban ng bayan. Ang pagkakaisa ng mga magnanakaw upang manatili sa kapangyarihan ay hindi pagkakaisa para sa sambayanang Pilipino. Higit na nakakabahala sa lahat, nagsama-sama pa ang Marcos-Duterte-Arroyo-Estrada, ang Avengers ng katiwalian. Ang tunay na diwa ng pagkakaisa ay mula sa pagkakaisa ng mga tao, ng mga Pilipino at hindi mula sa mga trapong pamumulitika.

6. Ang pahayag na ito ni BBM Spokesperson Vic Rodriguez ay nagpasiklab ng apoy ng historical revisionism. Hindi paninira ang mga panawagan, hindi rin ito kasinungalingan. Responsibilidad ng mga buhay na Marcos ang kanilang mga kinasangkutan at iniwan ng dating pangulo. Kahit na anong baluktot, ang kasaysayan ay mananatiling sumisigaw ng diktador, mamamatay tao, magnanakaw, at sinungaling laban sa Rehimeng Marcos. Tumatakbo pa lamang si Marcos Jr. ngunit sangkot na siya sa katiwalian at nakikitaan na siya ng paulit-ulit na kasinungalingan, dagdag sa pagdikit sa mga bahagi ng .

Katawa-tawa na ang kaisa-isang babae na kumakandidato na minamaliit ng mga sumusuporta kay Marcos Jr. ay ang nanghamon sa kanyang humarap. Mas naging katawa-tawa na ganoon pa ang naging tugon ng kanyang kampo, “na hindi kailanman mangyayari” ang debate.

Patunayan mo sa bayan na ikaw ay karapat-dapat, Bongbong Marcos. Harapin mo ang Pilipino.

Kaisa ang PUP SPEAK sa paghamon ni VP Leni Robredo na dumalo sa debate ang nabanggit na kandidato. Bilang tumatakbong pangulo ng bansa, iparinig mo ang iyong mga plataporma, pakitaan mo kami ng iyong mga nagawa bilang lingkod-bayan, harapin mo ang mga isyu na ibinabato sa iyo, at higit sa lahat, kilalanin at managot ka sa masalimuot na kasaysayan ng Administrasyong Marcos.

30/04/2022

Dahil may mas malaking laban, nagsama-sama na sila!

UMALPAS sa tradisyunal na kultura ng pagiging isang Iskolar ng Bayan. MAGKAISA sa iisang pangarap na manalo ang isang mas maayos na bukas para sa masang Pilipino. At MANALO nang sama sama para sa isang matatag na bansa.

Para sa LIBRENG EDUKASYON,
Para sa LIGTAS NA BALIK-ESKWELA,
Para sa KALIKASAN,
Para sa mga MANGGAGAWA,
At para sa MAS MAAYOS NA BUKAS.

Antabayanan ang deklarasyon ng pagkakaisa ng PUP Community bukas, Mayo Uno 2022.

IPAPANALO NATIN ITO, MGA ISKOLAR NG BAYAN!

Rise for Education - PUP PUP SPEAK PUP Sentral na Konseho ng Mag-aaral SAMASA PUP Independent CPSPA PUP College of Political Science and Public Administration Student Council

29/04/2022

Kulay Rosas ang PUP SPEAK 🌸 | Dapat si Kiko: Bawat Leni sa Balota, May Kiko na Kasama!

“I HOPE you will grow up in a country you can be proud of, in a society that is safe wherever you go,” banggit ng tumatakbo bilang Pangalawang Pangulo ng bansa na si Sen. Kiko Pangilinan sa kaniyang anak na si Kakie noong 2001.

Noong panahon ng diktadurya ng mga Marcos, isa si Kiko sa mga nangalampag, nagsumigaw, at nakibaka para sa Pilipino bilang lider-estudyante sa Unibersidad ng Pilipinas.

Sa malagim na bahagi ng kasaysayan na ito namulat at nahubog si Sen. Kiko sa kinakaharap ng masa. Tulad ng ibang kabataan na may pakielam sa kalagayan ng kapwa, nagsaliksik siya, nagtanong at ginamit ang karunungan na ito para sa bayan. “Tinulak kami ng pangangailangan na maging matapang at maglingkod,” aniya sa kaniyang Twiter post noong ika-48 na anibesaryo ng Deklarasyon ng Martial Law.

Dito siya unang nakilala bilang lider, dagdag sa pagiging Rehente ng Mag-aaral ng UP, pati na rin noong nahalal siya bilang pinakabatang Konsehal ng Quezon City. Patunay na si Sen. Kiko ay maalam sa kinakaharap ng mga aktibong mag-aaral, representante ng mamamayan, at humaharap batay sa kaniyang pagiging bahagi ng pagpapatalsik sa nakatatandang Marcos.

Maaaring mas nakilala siya sa pamamagitan ng Sagip Saka Act na naglalayong tulungan ang ating magsasaka at mangingisda, ngunit tulad ng naunang nabanggit, hindi roon nagsisimula at nagtatapos si Sen. Kiko. Tignan sa ibaba ang kaniyang mga naiambag mula noong maupo siya sa Senado.

Tulad ni VP Leni, isa rin siyang akademiko na nagtapos ng patong-patong na karangalan na kaniyang ginagamit para sa bayan. Dagdag pa rito, naniniwala siya na mayroon siyang kakayahan upang harapin ang graft at corruption, ibang-iba sa mga pangako ng ibang pulitiko na may parehong salita ngunit may bahid ng katiwalian.

Si Sen. Kiko ay may malinis na track record, sapat na credentials, at higit sa lahat may nagawa at plano para sa bayan.

Tulad ng hangarin ni Sen. Kiko para sa kaniyang anak, sana ang ating kabataan ay lumaki na ipinagmamalaki ang bayan kung saan sila ay ligtas. Ito na ang kaniyang sinimulan sa pamamagitan ng kaniyang upuan sa Senado, ngunit mas maiaabante natin ito kapag siya na ang ating Pangalawang Pangulo.

Doon tayo sa Pangalawang Pangulong hindi magnanakaw at sinungaling. Doon tayo sa representante at tumatalima sa ating mga pinanghahahawakang prinsipyo: 𝗧𝗿𝗮𝗻𝘀𝗽𝗮𝗿𝗲𝗻𝗰𝘆, 𝗔𝗰𝗰𝗼𝘂𝗻𝘁𝗮𝗯𝗶𝗹𝗶𝘁𝘆, at 𝗔𝗰𝗮𝗱𝗲𝗺𝗶𝗰 𝗘𝘅𝗰𝗲𝗹𝗹𝗲𝗻𝗰𝗲

Huwag kalimutan na Dapat si Kiko: Bawat Leni sa Balota, May Kiko na Kasama!

Kaya naman sa Ika-9 ng Mayo, Pangalawang Pangulo. Ika-7 sa balota: Pangilinan, Kiko (LP)
https://twitter.com//status/1307874984434348033

28/04/2022

Kulay Rosas ang PUP SPEAK 🌸 | Dapat si Leni: Sama-sama nating kilalanin si VP Leni Robredo!

“Leni Lugaw!”, sigaw ng mga kritiko ng ating butihing Pangalawang Pangulo, pumapatungkol sa pamimigay ng lugaw ng Bise at sa kaniya raw paraan ng pagsagot sa mga katanungan.

Ngunit, sa mabilisang paggampan ng lugaw upang magbigay-sustansya at pumawi ng gutom, nakita ng mga tao na talaga namang humahalintulad ito kay VP Leni. Mapapatunayan ito ng kaniyang pagiging makamasa, at agarang paghahanap ng solusyon at pagkilos sa mga kinahaharap ng bayan. Kaya naman, taos-pusong niyakap nang buo ng mga ang pangkukutiya na ito.

Lubos na nakilala bilang asawa ng dating Secretary of the Interior and Local Government na si Jesse Robredo, ngunit malinaw na hindi lamang nakatakda sa pagiging asawa ng isang pulitiko at ina ng mga mahusay na akademiko ang isang babae.

Ipinamalas niya ito sa pagbabalik at pagsisilbi sa kanilang bayan bilang abogado, humarap at tumindig kasama ang mga tao para sa hustisya. Ganoon din ang naging ganap niya noong nabigyan ng pagkakataon na maupo sa Kongreso at Pangalawang Pangulo ng bansa.

“Nasaan na si Leni?”, tanong ng tao tuwing kalamidad, ito ay paulit-ulit namang sinasagot ng ating , ng kaniyang opisina, at partners ng resibo na sila ay totoong dumarating at lumalapat sa mga apektado at nangangailangan. At nakamamangha pa sa lahat, ang kanilang paggampan ay may resibo at lehitimong sentimiyento mula sa mga nabigyan ng tulong.

Alam natin na ang pagiging tapat ay dapat pinakamababang batayan upang ikonsidera ang isang kandidato. Nakakalungkot, ngunit sa kasalukuyang lagay ng sistemang pulitikal sa bansa, talaga namang tinitingala ang malinis na track record at aktibong pagkilos batay sa kaniyang mga sinumpaang tungkulin bilang Bise.

Higit sa lahat, isa siyang ina. Nakakapagtaka na sobrang minamaliit ng tao ang kakayanan ng mga ina, na tila ang kakayanan ay nakakupot sa bawat apat na sulok ng kusina, at bawat kwarto ng tahanan. Babae siya, hindi babae lang. Tagapagtaguyod ng tatlong anak na babae na matalino at may puso para sa bayan.

Doon tayo sa Pangulong hindi magnanakaw at sinungaling. Doon tayo sa representante at tumatalima sa ating mga pinanghahawakang prinsipyo: 𝗧𝗿𝗮𝗻𝘀𝗽𝗮𝗿𝗲𝗻𝗰𝘆, 𝗔𝗰𝗰𝗼𝘂𝗻𝘁𝗮𝗯𝗶𝗹𝗶𝘁𝘆, 𝗮𝗻𝗱 𝗔𝗰𝗮𝗱𝗲𝗺𝗶𝗰 𝗘𝘅𝗰𝗲𝗹𝗹𝗲𝗻𝗰𝗲

Kaya naman sa Ika-9 ng Mayo, Pangulo. Ika-10 sa balota: Robredo, LENI (IND.)

28/04/2022

WORLD DAY FOR SAFETY AND HEALTH AT WORK

Cheers to all the diligent and persistent workers around the world!

On this day, the 28th of April, we honor the World Day for Safety and Health at Work. It advocates the avoidance and preclusion of professionals not only from minor injuries but from major tragedies as well.

Like in our current situation, we are still trying to solve and put an end to this pandemic. It is a big fight between the people and the virus that we have not seen using our naked eyes in which sowing a deluge for more than two years. Therefore, it has an impact on every individual who works in different sectors and industries.

A friendly reminder, be mindful and be attentive about safety when it comes to your workplace for you to be an active worker and avoid doing harmful activities that can cause bad results, not only on yourself but also on your colleagues.

22/04/2022

Invest in our Planet 2022

As the only planet known to possess life, having our Mother Earth is surely a reason to celebrate! Today is International Mother Earth Day, and we must all be a part of this day's holiday. Celebrate this holiday in these simple ways:

1. Plant a tree
Deforestation, for some reason, is practiced in many areas of our country. This practice may be continued because it is really needed yet it must be replaced by another practice, which is planting trees. Trees are very essential in maintaining the life of our planet. Trees regulate the exchange of gases, primarily oxygen and carbon dioxide. It also has a vital role in stabilizing the soil and giving life to the earth's wildlife. By planting a tree, we can all help the earth in maintaining its life.

2. Clean your surroundings
A simple act as it is. Cleaning may sound a little vague but it is really a helpful act in decreasing the pollution in land, water, and even in the air.
3. Reduce, Reuse, and Recycle
Sounds cliche yet this system has a big part in minimizing the trash that the people on this earth are producing. Why? Instead of directly throwing your trash, you can either reduce, reuse, or recycle the trash that you are about to throw. These 3Rs are really interesting because it brings out the creativity inside you.

Aside from these, there are many other ways to celebrate Earth day and to really protect the planet. Together, let us invest in different ways, make a stand, and start our part in saving the earth!

PUP SPEAK

05/05/2022

04/05/2022

03/05/2022

02/05/2022

01/05/2022

01/05/2022

01/05/2022

30/04/2022

29/04/2022

28/04/2022

28/04/2022

22/04/2022

Address

Website

Alerts

Contact The Organization

Shortcuts

Share

Category