25/12/2022
ππ¬ππ§π πππ¦π’π₯π²π πππ²π¨ ππ ππ²π¨π§π πππ¬π€π¨!π
πππ ππππ’ π§π ππ¬ππ§π πππ₯π’π ππ²ππ§π πππ¬π€π¨ ππ πππ§π’π π¨π§π πππ π¨π§π πππ¨π§!β€οΈ
Tunay na kakaiba ang pagdiriwang ng pasko ngayong taon. Para sa iilan dahil ito sa handaan, mga regalo, o sa aguinaldo. Ngunit para sa iba, mahirap, masakit, at mabigat ang realidad ng pasko para sa taong ito. Ang tanong pa nga ay saan nga ba aabot nag 500 piso mo?
Sa kabila ng mga ngiti ng bawat isa ay nakakubli rito ang dagok dulot ng pagtaas ng presyo ng mga bilihin. Ang dating mga pagkaing nakahain tila ngayo'y mahirap nang abutin. Kung ating sasariwain kahit hindi pasko may naihahanda tayo kahit papaano. Ngunit paano ang mga maralitang Pilipino? Ano ang kanilang maihahanda ngayong pasko?
Kasabay pa ng problemang ito ay ang libo-libong naging biktima ng pandemyang ito. Napakabilis ng pangyayari, tatlong taon na at tayo'y nasa pandemya pa rin. At ang nakapanlulumo pa rito ay mukhang aabot pa ito ng pang-apat na taon. Tila walang hangganan ang sanga-sangang problema ng bansa. Nasaan nga ba ang dulo at mga sagot para sa mga isyung ito?
Kaya ngayong kapaskuhan, masasabi naming hindi na ito katulad ng dati. Kung kaya't dapat tayong makibahagi sa pakikibaka tungo sa hinahangad na tunay na pagbabago. Malayo pa ngunit malayo na ang nilakbay ng ating pakikiisa sa laban ng bawat isa.
Ngayon at kailanman, higit na kailangan ng lipunan natin ang mga taong magsisilbing daan na magbibigkis sa mga tao mula sa malalayong lugar tungo sa mga kalapit nito. Ngayon ang panahon upang tayo ay magpatuloy sa buhay at sabay-sabay tunguhin ang inaasam na pagbabago para sa bayan.
Muli, isang mapagpalaya at mapagpamulat na Pasko sa bawat isa.
Pagbati mula sa TATAK Movement!
π·: JP Copo
