https://www.facebook.com/148495228353191/

Konsehal Jonjie M. Dedicatoria, Barangay Macabling, Santa Rosa (2026)

13/07/2026

🎓 Ang bawat pangarap ay nararapat bigyan ng pagkakataon.

Noong July 9, 2026, nakiisa tayo sa pagtatapos ng mga mag-aaral ng Alternative Learning System (ALS)—mga indibidwal na nagpamalas ng katatagan at determinasyong maabot ang kanilang mga pangarap.

Taos-pusong pasasalamat kina Mayor Arlene B. Arcillas, Vice Mayor Arnold B. Arcillas, at sa ating butihing Kapitana Adoracion Ong-iko sa kanilang patuloy na suporta sa mga programang pang-edukasyon para sa ating komunidad.

Bilang inyong lingkod, patuloy nating isusulong ang mga programang nagbibigay ng pag-asa at pagkakataon sa bawat kababayan, dahil naniniwala tayong ang edukasyon ang susi sa mas maunlad na kinabukasan.

Mabuhay ang ating ALS graduates! Patuloy kayong mangarap, magsikap, at magtagumpay.

02/07/2026

🎓 SUPORTA SA EDUKASYON, SUPORTA SA PANGARAP! 📚

Isang karangalan na makapag-abot ng munting suporta sa ating mga graduating learners ng Alternative Learning System (ALS) bilang paghahanda sa kanilang pagtatapos ngayong Hulyo 9, 2026.

Taos-puso po ang aming pagbati sa bawat magtatapos. Nawa'y magsilbi itong panibagong simula upang ipagpatuloy ninyo ang inyong mga pangarap. Patunay kayo na walang hadlang sa taong may determinasyon at tiyaga na makamit ang tagumpay.

Maraming salamat sa patuloy na tulong at suporta ng Sangguniang Barangay, sa pangunguna ng ating butihing Kapitana Adoracion "Baby" C. Ong-iko, sa walang sawang pagsusulong ng mga programang nagbibigay pag-asa at oportunidad sa ating mga kabarangay.

Ang edukasyon ay susi sa mas maliwanag na kinabukasan. Patuloy tayong magsama-sama sa paghubog ng isang mas maunlad at mas edukadong komunidad. 🧡

29/06/2026

🎓🤝 Pakikiisa sa Edukasyon, Pagbabahagi ng Karanasan sa Pamumuno

Isang karangalan ang maging bahagi ng panayam na isinagawa ng mga Tourism students ng Our Lady of Fatima University – Laguna Campus, kasama ang aking mga kapwa konsehal, upang ibahagi ang aming mga karanasan at pananaw sa panunungkulan bilang mga lider ng ating komunidad sa Barangay Macabling.

Nawa'y magsilbing inspirasyon at gabay ang aming mga ibinahaging karanasan sa mga kabataang patuloy na naghahanda para sa kanilang kinabukasan. Ang bawat pagkakataong makapagbahagi ng kaalaman ay isang hakbang tungo sa paghubog ng mas responsable, aktibo, at makabagong henerasyon.

Maraming salamat sa inyong pagtitiwala at nawa'y magpatuloy ang ugnayan ng akademya at pamahalaan para sa ikauunlad ng ating komunidad.

29/06/2026

🌿📚 PABASA SA NUTRISYON 2026

Tema: "Nutrisyon at Kalikasan, Ating Pangalagaan!"

52nd Nutrition Month
"Sa PPAN, Sama-sama sa Nutrisyong Sapat Para sa Lahat!"

Sa loob ng limang (5) araw, matagumpay na isinagawa ang Pabasa sa Nutrisyon 2026, isang programang naglalayong palawakin ang kaalaman ng ating mga kababayan tungkol sa wastong nutrisyon at pangangalaga sa ating kalikasan.

Ang kalusugan ng bawat pamilya ay nagsisimula sa tamang kaalaman at tamang pagkain. Kasabay nito, ang pangangalaga sa ating kapaligiran ay isang mahalagang hakbang tungo sa mas ligtas at mas maunlad na kinabukasan para sa susunod na henerasyon.

Taos-puso po ang aming pasasalamat sa lahat ng mga magulang na nakkiisa, mga g**o, mga volunteer, mga BNS, at sa lahat ng naging katuwang sa matagumpay na pagsasagawa ng programang ito. Ang inyong suporta at pakikilahok ang nagbibigay-buhay sa ating mga adhikain para sa isang mas malusog at mas matatag na komunidad.

Maraming salamat din sa patuloy na gabay at suporta ng ating butihing Kapitana Adoracion "Baby" C. Ong-iko at ng buong Sangguniang Barangay ng Macabling sa mga programang nagtataguyod ng kalusugan at kapakanan ng ating mga mamamayan.

Sama-sama nating isulong ang Nutrisyong Sapat Para sa Lahat! 🧡🥬🌱

22/06/2026

📚✨ Ang bawat batang Macabling ay nararapat magkaroon ng ligtas, maayos, at komportableng kapaligiran sa pagkatuto.

Bilang Komite sa Edukasyon, atin pong tinugunan ang mga kahilingan ng Macabling Child Development Center 1 at 2 sa pamamagitan ng paglalagay ng mga bagong air conditioning units, pagkukumpuni ng ilang pasilidad, at pagbibigay ng height and weighing scale at exhaust fan upang higit na mapabuti ang kalagayan ng ating mga Child Development Centers.

Ang mga inisyatibong ito ay naisakatuparan sa tulong at suporta ng Sangguniang Barangay Macabling, sa pangunguna ng ating butihing Kapitana, Adoracion “Baby” C. Ong-iko, na patuloy na nagsusulong ng mga programang nakatuon sa kapakanan ng ating mga kabataan.

Naniniwala tayo na ang pagkakaroon ng maayos na pasilidad at sapat na kagamitan ay mahalagang bahagi sa pagtataguyod ng dekalidad na edukasyon at pangangalaga sa ating mga munting mag-aaral.

Patuloy po tayong magiging katuwang ng ating mga g**o, magulang, at buong komunidad sa paghubog ng isang mas maliwanag na kinabukasan para sa kabataang Macabling. 🧡

15/06/2026

📖✨ Edukasyon ay Responsibilidad ng Lahat ✨📖

🗓️ June 11, 2026

Nakiisa tayo sa ginanap na State of the School Address (SOSA) ng Macabling Elementary School, kasama ang ating mga magulang, sangguniang barangay at stakeholders na patuloy na katuwang ng paaralan sa pagsusulong ng dekalidad na edukasyon para sa ating mga kabataan.

Ang programang ito ay nagsisilbing mahalagang daan upang maipakita ang mga tagumpay, hamon, at mga susunod na hakbang ng paaralan para sa kapakanan ng mga mag-aaral. Higit sa lahat, pinagtitibay nito ang samahan at pagtutulungan ng paaralan, pamilya, at komunidad tungo sa mas maliwanag na kinabukasan ng bawat bata.

Bilang lingkod ng barangay, patuloy po nating susuportahan ang mga programang pang-edukasyon dahil naniniwala tayo na ang edukasyon ang isa sa pinakamahalagang puhunan para sa mas maunlad na kinabukasan ng ating komunidad.

Maraming salamat sa lahat ng mga g**ong walang sawang naglilingkod, sa mga magulang na patuloy na gumagabay, at sa stakeholders na nagbibigay suporta para sa tagumpay ng ating paaralan at mga kabataan. ❤️

12/06/2026

𝐌𝐚𝐥𝐢𝐠𝐚𝐲𝐚𝐧𝐠 𝐈𝐤𝐚-𝟏𝟐𝟖 𝐀𝐫𝐚𝐰 𝐧𝐠 𝐊𝐚𝐥𝐚𝐲𝐚𝐚𝐧, 𝐏𝐢𝐥𝐢𝐩𝐢𝐧𝐚𝐬

Ngayong araw, ginugunita natin ang tapang, sakripisyo, at pagmamahal sa bayan ng ating mga bayani na nagbigay-daan upang matamasa natin ang kalayaang mayroon tayo ngayon.

Ang tunay na kalayaan ay hindi lamang nasusukat sa kasaysayan, kundi sa kung paano natin ito ipinagpapatuloy—sa pagkakaisa, malasakit, disiplina, at pagmamahal sa kapwa Pilipino.

Nawa’y magsilbi itong paalala sa bawat isa na tayo ay may tungkuling pangalagaan ang ating bansa, ipaglaban ang tama, at maging bahagi ng pag-unlad ng ating komunidad.

Mabuhay ang diwang Pilipino!
Mabuhay ang ating kalayaan!

Pagbati mula sa: 𝑻𝒆𝒂𝒎 𝑩𝒂𝒈𝒐𝒏𝒈 𝑯𝒆𝒏𝒆𝒓𝒂𝒔𝒚𝒐𝒏, 𝑨𝒌𝒔𝒚𝒐𝒏 𝑨𝒈𝒂𝒅

12/06/2026

╔════════════════════╗
📚 PARENTS ORIENTATION & STUDENTS ORIENTATION 📚
S.Y. 2026–2027
╚════════════════════╝

📖✨ Edukasyon ang ating puhunan para sa kinabukasan.

Nakiisa tayo sa isinagawang Parents Orientation ng Macabling Child Development Center 1 at Students Orientation ng Alternative Learning System (ALS) para sa School Year 2026–2027.

📚 Ang matagumpay na edukasyon ay nagsisimula sa gabay ng mga magulang, suporta ng komunidad, at dedikasyon ng mga g**o. Patuloy nating susuportahan ang mga programang magbibigay ng mas magandang oportunidad sa ating mga kabataan at ALS learners.

🧡 Sama-sama para sa edukasyon, sama-sama para sa mas maunlad na kinabukasan. 🧡

✨ Para sa edukasyon. Para sa kabataan. Para sa magandang bukas. ✨

11/06/2026

📍𝐘𝐨𝐮𝐭𝐡 𝐄𝐦𝐩𝐨𝐰𝐞𝐫𝐦𝐞𝐧𝐭 | 𝐅𝐫𝐢𝐞𝐧𝐝𝐬 𝐢𝐧 𝐅𝐨𝐜𝐮𝐬 𝐘𝐨𝐮𝐭𝐡-𝐂𝐞𝐧𝐭𝐞𝐫𝐞𝐝 𝐏𝐫𝐞𝐯𝐞𝐧𝐭𝐢𝐨𝐧 𝐈𝐧𝐢𝐭𝐢𝐚𝐭𝐢𝐯𝐞

Isang taos-pusong pagbati sa ating mga kabataang matagumpay na nagtapos matapos ang anim (6) na Sabado ng pag-aaral, pagsasanay, at makabuluhang paghubog ng kaalaman, disiplina, at pagkatao sa ilalim ng programang Friends in Focus Youth-Centered Prevention Initiative. 🎓

Ang programang ito ay naging posible sa pamamagitan ng sama-samang pagtutulungan at suporta ng iba’t ibang ahensya at organisasyon tulad ng United Nations Office on Drugs and Crime (UNODC), CADAC, Santa Rosa City Anti-Drug Abuse Council, at Association of Anti-Drug Abuse Coalitions of the Philippines Incorporated, katuwang ang suporta ng aming butihing Kapitana, Hon. Adoracion “Baby” C. Ong-iko, na patuloy na nagsusulong ng mga programang makabuluhan para sa kapakanan at magandang kinabukasan ng ating mga kabataan.

Taos-puso rin po ang aming pasasalamat sa patuloy na suporta at malasakit ng ating butihing Ina ng Lungsod, Mayor Arlene B. Arcillas, at kay Kuya Vice Mayor Arnold B. Arcillas, sa walang sawang pagsuporta sa mga programang nagbibigay pag-asa, direksyon, at magandang kinabukasan para sa ating mga kabataan.

Lubos din po naming kinikilala at pinasasalamatan ang ating mga katuwang na naging bahagi ng matagumpay na pagsasagawa ng programang ito:

✨ Ma’am Elvira Marcelo – CADAC Secretariat
✨ Ma’am Zarina Ibañez – CADAC Secretariat
✨ Ma’am Pelilia Villar – Brgy. Secretary
✨ Ma’am Cecil Laviña – ABA Focal Person
✨ Ma’am Elsa Rodriguez – BRGY. BADAC Focal Person
✨ Ma'am Emily Santillan - Brgy. VAWC

Ang inyong dedikasyon, panahon, at malasakit ay malaking bahagi sa tagumpay ng programang ito. Sa sama-samang pagkilos, mas napapalakas natin ang paggabay sa ating kabataan tungo sa isang ligtas, responsable, at mas maliwanag na kinabukasan. 🧡

Muli, pagbati sa ating mga nagsipagtapos! Nawa’y magsilbi itong inspirasyon upang lalo ninyong pagbutihin ang inyong mga pangarap at maging mabuting ehemplo sa ating komunidad.

08/06/2026

📍 BACK TO SCHOOL | Munting Handog para sa Ating mga Mag-aaral 🎒📚

Sa munting paraan, nais po naming maging bahagi ng mas masayang pagbabalik-eskwela ng ating mga batang mag-aaral.

Ngayong unang araw ng pasukan, kami po ay namahagi ng munting handog para sa ilang mag-aaral sa elementarya tulad ng suklay, payong, at biscuits bilang simpleng suporta at pagpapakita ng pagmamalasakit.

Maaaring simpleng bagay lamang ito para sa iba, ngunit para sa isang batang papasok sa paaralan, ang makatanggap ng munting handog ay maaaring magbigay ng saya, dagdag kumpiyansa, at pakiramdam na sila ay mahalaga at may mga taong sumusuporta sa kanilang pangarap.

Patuloy po nating suportahan ang edukasyon at pangarap ng ating kabataan. 🧡

Maligayang Balik-Eskwela sa ating mga mag-aaral!

Konsehal Jonjie M. Dedicatoria

13/07/2026

02/07/2026

29/06/2026

29/06/2026

22/06/2026

15/06/2026

12/06/2026

12/06/2026

11/06/2026

08/06/2026

Address

Website

Alerts

Shortcuts

Share

Category