11/06/2026
MALAMPUSONG PAGPASIYAR UG AKTWAL NGA SUBDIVISION SURVEY ALANG SA DAR SPLIT PROJECT SA DAVAO DEL NORTE
Isip kabahin sa padayon nga pagpatuman sa DAR Support to Parcelization of Lands for Individual Titling (SPLIT) Project, malampusong nahuman ang pulong-pulong ug aktwal nga subdivision survey nga gipahigayon sa lain-laing barangay sa Probinsya sa Davao del Norte aron mapadali ang pag-isyu sa tagsa-tagsa nga titulo sa mga benepisyaryo sa agrarian reform.
Niadtong Mayo 25, 2026, gipahigayon ang usa ka koordinasyon ug oryentasyon mahitungod sa subdivision survey uban sa mga representante gikan sa Department of Agrarian Reform (DAR), Municipal Agrarian Reform Office (MARO), Provincial Agrarian Reform Coordinating Committee (PARCOM), Barangay Agrarian Reform Council (BARC), ug survey team. Gitambongan kini nila Engr. Dwayne Batino, Geodetic Engineer sa DAR Provincial Office Davao del Norte; Elvira P. Guhao, Municipal Agrarian Reform Program Officer; Engr. Darlyn Aniñon, Senior Agrarian Reform Program Technologist, Engr. Petrose A. Hangad ug Engr. Jayson Sagsagat nga mga Agrarian Reform Program Technologists; Trisha Monique Villa ug Maria Cirilah B. Flores nga mga MARO Staff; Samuel Cardenio ug Alma Grace Betua gikan sa PARCOM; Juanito Buncal sa Brgy. Tibal-og ug Irene Villamor sa Brgy. New Katipunan isip mga representante sa Barangay Agrarian Reform Council; ug si Engr. Nathaniel Tacugue, ang surveyor nga nangulo sa teknikal nga bahin sa kalihokan.
Human sa maong panagtigom, gilunsad dayon ang aktwal nga subdivision survey sa mga sakop nga yuta ubos sa DAR SPLIT Project. Niadtong Mayo 29, 2026, nahimo ang survey sa Brgy. Talomo, nga naglangkob sa mga yutang giokupahan nila Rolando P. Royo et al., Melanie M. Labra et al., Ferdinand B. Rico et al., ug Edgar S. Ybiernas et al.
Sa Mayo 30, 2026, gipadayon ang kalihokan sa Brgy. Lungaog ug Brgy. Kinamayan, diin naserbisyuhan ang mga benepisyaryo nga sila Jose Tremucha Cabrera et al., Joel M. Caspe et al., Josephine B. Banluta et al., Jolienger Majarucon et al., ug Leovie S. Majarucon et al.
Samtang sa Hunyo 1, 2026, nahuman usab ang subdivision survey sa mga barangay sa La Libertad, New Katipunan, Poblacion, ug Brgy. Dujali sa Munisipyo sa Braulio E. Dujali, diin naapil ang mga benepisyaryo nga sila Rosavilla Binondo et al., Romeo L. Bermudez et al., Ramel Q. Estrella et al., ug Josefina B. Rosas et al.
Pinaagi sa hiniusang paningkamot sa DAR, lokal nga panggamhanan, mga opisyal sa barangay, ug mga agrarian reform beneficiaries, malinawon ug organisado nga nahimo ang tanang kalihokan. Ang subdivision survey usa ka mahinungdanong lakang aron matino ang tukmang sukod ug utlanan sa matag parsela sa yuta, nga maghatag og mas lig-on nga katungod sa pagpanag-iya ug dugang oportunidad alang sa pag-uswag sa panginabuhian sa mga mag-uuma.
Ang kalampusan niini nga kalihokan nagpakita sa padayon nga dedikasyon sa Department of Agrarian Reform sa paghatag og episyente ug kalidad nga serbisyo ngadto sa mga agrarian reform beneficiaries ug sa pagpalig-on sa seguridad sa ilang pagpanag-iya sa yuta.
