25/03/2026
SIATON LGU NAGPAGAWAS OG ₱33M NGA PROJECTS ALANG SA MEDICINES UG BUGAS
Nagpagawas og duha ka Invitation to Bid ang Municipality of Siaton, Negros Oriental pinaagi sa Philippine Government Electronic Procurement System (PhilGEPS) alang sa procurement projects nga nagkantidad og kinatibuk-ang ₱33 milyon.
Ang unang proyekto adunay budget nga ₱15,000,000 para sa pagpalit og medicines ug medical supplies nga gamiton sa medical ug dental mission. Samtang ang ikaduhang proyekto nagkantidad og ₱18,000,000 para sa pagpalit og bugas nga ipanghatag sa 26 ka barangay ubos sa programang “Gasa sa Katawhan.”
Ang maong mga proyekto ipatuman pinaagi sa public bidding, subay sa procurement laws, aron masiguro ang transparency ug patas nga kompetisyon sa mga suppliers. Ang implementasyon gilauman mahuman sulod sa 60 ka adlaw gikan sa pag-isyu sa notice to proceed.
Ang PhilGEPS (Philippine Government Electronic Procurement System) usa ka online platform sa gobyerno sa Pilipinas nga gigamit para sa pagpalit og goods, services, ug infrastructure projects para dili makapangawat ang mga opisyales kay online man kini ug makita sa kinabagaang katawhan.
