Sibagat Angat

08/10/2026

Now in Del Rosario!

Kasamtangang nagpadayon ang atong Serbisyong Sibagat on the GOW (Government on Wheels) karong adlawa sa Barangay Del Rosario.

08/10/2026

Salamat sa kadasig, Barangay Tag-Oyango! 🤝🙌

06/10/2026

𝗞𝗮𝗺𝗼 𝗻𝗮 𝘀𝗮𝗯, 𝗕𝗮𝗿𝗮𝗻𝗴𝗮𝘆 𝗧𝗮𝗴-𝗢𝘆𝗮𝗻𝗴𝗼!

Magkita-kita ta ninyo ugma katawhan sa barangay Tag-Oyango para sa Serbisyong Sibagat on the GOW (Government on Wheels).

Atong pahimuslan ang mga libreng serbisyo gikan sa nagkadaiyang buhatan sa lokal nga panggamhanan, partner agencies, ug mga organisasyon sa lungsod!

Kini pinangulohan ni Mayor Thelma G. Lamanilao ug Vice Mayor Maria Liza Evangelista. 🥰💚

We're excited to see you!

05/10/2026

𝗠𝗮𝗹𝗶𝗽𝗮𝘆𝗼𝗻𝗴 𝗶𝗸𝗮-𝟮𝟵 𝗻𝗴𝗮 𝗜𝗻𝗱𝗶𝗴𝗲𝗻𝗼𝘂𝘀 𝗣𝗲𝗼𝗽𝗹𝗲𝘀’ 𝗠𝗼𝗻𝘁𝗵 𝘂𝗴 𝗜𝗣𝗥𝗔 𝗖𝗼𝗺𝗺𝗲𝗺𝗼𝗿𝗮𝘁𝗶𝗼𝗻!🫶

Nakighiusa ang Lokal nga Panggamhanan sa Sibagat sa nasudnong pagsaulog sa Indigenous Peoples Month karong Oktubre, nga gipasiugdahan atol sa Monday Convocation Program karong adlawa, Oktubre 5.

Gipangulohan sa mga IPMR, Tribal Leaders, ug NCIP ang flag-raising ceremony, diin usa sa mga tampok mao ang pagpasundayag sa tradisyonal nga sayaw sa kulturang Manobo—usa ka buhing pagpahayag sa dato nga kultura ug kabilin sa mga lumadnong komunidad.

Sulod sa maong programa, nagpaabot og mensahe si Vice Mayor Maria Liza Lamanilao-Evangelista mahitungod sa dakong kontribusyon sa mga lumadnong komunidad sa kalamboan sa Sibagat ug ang kaimportante sa pagrespeto, pagpanalipod, ug pagpreserbar sa ilang katungod, kultura, ug tradisyon.

03/10/2026

𝗣𝗥𝗢𝗨𝗗𝗟𝗬 𝗠𝗔𝗗𝗘 𝗜𝗡 ✨𝗦𝗜𝗕𝗔𝗚𝗔𝗧✨

Sibagat Weaves bida sa grand stage sa Mindanao Tourism Expo (MTEx) 2026.

Mapasigarbohong gipasundayag sa Munisipalidad sa Sibagat ang kaugalingong ‘Sibagat Weaves’ atol sa Weaves of Mindanao fashion show kagabii, Oktubre 2, ngadto sa MTEx sa Isulan, Sultan Kudarat.

Isip representante sa Caraga region, garbo nga gidala sa Sibagat ang mga maanindot nga pinasahi nga mga disenyo sa mga sinina nga hinimo gikan sa abaca ‘pinokpok’ ug ‘sinamay.’

Kini nga inisyatiba dakong tabang sa lungsod aron sa pagpromotar sa kaugalingong textiles isip labing gipangga nga mga orihinal nga hinabing obra sa mga kababayen-ang Sibagatnon.

Dako gayud nag potensyal sa atong mga produkto sa abaca. Lahi ra gyod basta Sibagat Weave!

Designer | Robert Manza
Co-Designer | Luisito Culob
Adviser | Emi-Alexander Englis and Doreen Evite
Tailor | Sheena Grace

Photos courtesy: DOT Caraga

02/10/2026

𝐒𝐢𝐛𝐚𝐠𝐚𝐭 𝐖𝐞𝐚𝐯𝐞𝐬 𝐬𝐚 𝐌𝐓𝐄𝐱 𝟐𝟎𝟐𝟔!

Gisugdan karong adlawa, Oktubre 2, ang Mindanao Tourism Expo (MTEx) 2026 ngadto sa Isulan, Sultan Kudarat. Kini nagatigom sa mga tourism stakeholders ug mga lokal nga destinasyon ug produkto gikan sa nagkalain-laing bahin sa nasod.

Lakip sa mga misalmot ang Munisipalidad sa Sibagat, Agusan del Sur, nga midala sa usa sa labing gipangga ug gipasigarbo nga lokal nga industriya sa lungsod—ang mga produkto nga hinimo gikan sa abaca.

Kabahin sa gipasiugda sa Sibagat ang Sibagat Weaves, mga abaca textile nga gihimo gamit ang sinamay ug pinokpok. Labaw pa sa usa ka produkto, ang mga hinabing abaca nagdala sa tinood nga kulturang Sibagatnon.

Karong gabhiona, mopatigbabaw ang Sibagat sa “Weaves of Mindanao” fashion show isip representante sa rehiyon sa Caraga. Ipahigayon ang maong kalihokan sa Sultan Kudarat Provincial Capitol Grounds, diin ipasundayag ang mga hinabing obra nga naghiusa sa lokal nga materyales, pagkamamugnaon, ug kultura.

Sibagat Representatives:

Robert Manza – Designer
Evelyn D. Paydong - Sinai Abaca Weavers and Farmers Association President
Luisito Culob – Assistant Designer

Adviser:

Emi-Alexander Englis
Doreen Evite

Tailor:

Sheena Grace

Photos courtesy: Robert Manza

02/10/2026

Agusan del Sur has been placed under a state of calamity as prolonged El Niño conditions damage agricultural production, reduce water supplies and leave farmers struggling to plant their crops.

By Chris V. Panganiban

Read more: https://tinyurl.com/57pue6zz

01/10/2026

𝗜𝘁'𝘀 𝗵𝗮𝗽𝗽𝘆 𝗳𝗮𝗺𝗶𝗹𝘆 𝗱𝗮𝘆 𝗳𝗼𝗿 𝗟𝗚𝗨 𝗦𝗶𝗯𝗮𝗴𝗮𝘁! 🥳🎊

Sa pagkulmina sa ika-126 nga Philippine Civil Service Anniversary, ang lokal nga panggamhanan sa lungsod sa Sibagat nagpahigayon sa LGU Family Day kagahapon, Setyembre 30, sa Catian Beach Resort.

Puno sa kalipay nga mitambong ang mga empleyado nga giduyogan sa lokal nga mga opisyales sa lungsod nga gipangunahan ni Mayor Thelma G. Lamanilao ug ni Vice Mayor Maria Liza Lamanilao-Evangelista. Sa iyang mensahe, gipasalamatan niya ang kakugi ug sakripisyo sa mga empleyado ug nag-awhag usab nga ipadayon ang paghiusa alang sa pagkab-ot sa sustenableng kalambuan sa Sibagat.

Sentro sa selebrasyon ang koronasyon sa Hot Mama, Yelling Contest, ug ang mga paduwa para sa mga empleyado.

Sulod sa isa ka bulan nga kompetisyon, gideklara isip Over-all Champion ang Team Fire og kini gisundan sa Team Air, Team Earth, ug Team Water.

01/10/2026