28/08/2026
๐๐๐๐๐๐๐ ๐๐๐๐๐๐๐๐๐๐๐ ๐๐ ๐๐๐๐๐๐๐ ๐๐๐ ๐๐๐ ๐๐๐๐๐๐๐๐๐๐ ๐๐๐ ๐๐๐๐๐๐๐๐๐๐๐ ๐๐๐๐๐๐ ๐๐๐๐๐๐๐ ๐๐๐ ๐๐๐๐๐๐
Nagapanguna ang Sibalom halin sa 18 ka mga munisipalidad sa Antique nga may pinakaduro nga nabakunahan kontra measles kag rubella ukon makayha kag tipgas pagkatapos nga nakabakuna kang 3,688 ka mga kabataan, dya base sa pinakaurihi nga datos nga ginpresentar kang Sibalom Primary Care Facility (PCF) kadya nga Biyernes, Agosto 28.
Sa amo man nga datos, nagapangatlo ang Sibalom sa probinsya nga nakabuul kang mataas nga coverage sa pag-implementar kang Measles-Rubella Supplemental Immunization Activity (MR SIA).
Suno kay Sibalom Municipal Health Officer Dr. Leonie Joy J. Gumia, nangin madinarag-un ang kampanya kang Sibalom sa pag-implementar kang MR SIA.
โSa atun nga MR SIA campaign and activity kadya nga August, mahambal gid natun nga successful kay base sa atun nga accomplishment, nagapangatlo or third kadya ang Sibalom sa Antique sa may pinakaduro nga nabakunahan,โ suno kay Dr. Gumia.
Dyang numero ka mga kabataan nga bakunado sa Sibalom ang may katupung nga 63.8% base sa projected target kang Department of Health (DOH) kag rugyan sa 92.4% ang bakunado base sa anda aktwal nga target kang Sibalom PCF.
Dugang ni Dr. Gumia, sa piyak ka mga pagpanghangkat sa mga health workers nga magtugro kang nasambit nga bakuna parehas kang distansya kag kaduruhon kang populasyon kang Sibalom, pag-engganyo sa mga ginikanan nga nagaduwa-duwa sa pagpabakuna ka anda mga kabataan tungud sa fake news sa social media, gintinguwaan ka mga health workers nga malab-ot ang mga benepisyaryo paagi man sa bulig kang gobyerno-lokal kang Sibalom.
Angut dya kara, nagpadangat kang pasalamat kag panginbulahan si Dr. Gumia sa mga ginikanan nga nagbaton kang bakuna para sa anda mga kabataan para man makalikaw sa sakit nga makayha kag tipgas kag naghingyo sa mga ginikanan nga magpakig-angut sa mga health workers sa tion nga may mabatyagan nga sintomas ang anda mga kabataan.
โPasalamatan gid natun ang tanan nga mga ginikanan or family nga nag-participate gid, nga nagdara ka anda mga kabataan sa mga vaccination site para pabakunahan sa measles kag rubella kag matugruan kang Vitamin A supplement,โ dugang sa pahayag ni Dr. Gumia.
Lakip man sa ana ginapasalamatan amo ang mga health workers nga nagtinguwa nga makatugro kang dyang bakuna sa tanan nga mga kabaranggayan sa Sibalom, amo man ang bahul nga suporta lang LGU Sibalom sa pagpanguna man ni Mayor Gian Carlo Occeรฑa.
Matandaan nga ang dyang MR SIA campaign ang gin-umpisahan kang Agosto 10 hasta 28 pero nagtugro kang dugang nga sangka semana ang DOH kun sa diin, mahimo nga padayunon ka mga health workers ang pagpamakuna para sa iba pa nga mga kabataan nga napaslawan sa pagpabakuna sa anda nauna nga schedule.
Para sa dugang nga detalye, magpamati kag maglantaw sa ๐๐๐ ๐๐๐ฅ๐ข๐ญ๐ kada Lunes hasta Biyernes, 4:00-5:00 sa hapon.
