01/06/2026
๐ผ๐ก๐๐๐๐ฃ๐ ๐๐๐ฃ๐๐จ ๐๐ฃ ๐ฝ๐๐ง๐๐ฃ๐๐๐ฎ ๐๐ฃ๐ง๐๐ฆ๐ช๐ ๐๐๐ก๐ก๐๐ฃ๐ช๐๐ซ๐ ๐งก
Malampuson ug malinawon nga natapos ang Idol Ko Si Nanay One-Day Culminating Activity sa Barangay Enrique Villanueva kaniadtong Mayo 18, 2026. Usa kini ka malipayong kalihokan nga nagpasalamat ug nagpasidungog sa kadasig, sakripisyo, ug gugma sa mga inahan sa pag-amuma sa nutrisyon ug kahimsog sa ilang pamilya.
Ang Idol Ko Si Nanay usa ka community-based learning class nga nagtudlo sa mga inahan kabahin sa husto nga nutrisyon, panglawas, ug pag-atiman sa pamilya, ilabi na sa kritikal nga unang 1,000 ka adlaw sa kinabuhi sa bata.
Pinaagi sa Philippine Multisectoral Nutrition Project (PMNP), magpadayon ang tanang barangay sa Sibulan sa pagpatuman sa Idol Ko Si Nanay Classes alang sa mga mabdos ug nagpasusong inahan, ingon man sa mga inahan nga adunay mga anak nga nag-edad og 0โ59 ka bulan. Ang mga interesado mahimong mangutana sa ilang Barangay Health Station alang sa iskedyul ug dugang nga impormasyon.
Daghang salamat sa Barangay Enrique Villanueva sa ilang aktibong partisipasyon, inisyatiba, ug kooperasyon sa pagpalambo sa nutrisyon ug kahimsog alang sa tanang pamilya sa Sibulan. Magpadayon kita sa pag-amuma sa mas himsog ug mas malungtarong kaugmaon para sa atong mga kabataan ug komunidad! ๐งก
