Sangguniang Kabataan- Barangay Yakal, Silang, Cavite

21/07/2026

Champions are made one game at a time. 🏀🏐

Congratulations sa ating Game Winners at Best Players ng nakaraang linggong palaro! 👏

Saludo kami sa inyong sipag, teamwork, at dedikasyon. Keep grinding and see you sa susunod na laban!

21/07/2026

Patuloy ang serbisyo para sa kabataang Yakal! 💼📄

Naghahanap ka ba ng trabaho o nagsisimula pa lang sa iyong employment journey? Hindi mo kailangang mag-isa. Bukas ang ating SK E-Library para magbigay ng libreng assistance sa ating mga kabataan sa paghahanda ng kanilang mga employment requirements.

Sa pamamagitan ng PROJECT SKILL UP (Yakal Youth Employment Assistance Program), layunin nating gawing mas madali at accessible ang proseso ng paghahanap ng trabaho para sa bawat kabataan.

📌 Services Offered:
✅ Registration Assistance for:
• NBI Clearance
• SSS
• Pag-IBIG
• TIN ID
• PhilHealth
• Police Clearance

✅ Resume Writing Assistance
✅ Photo ID Picture & Printing
✅ ID Lamination
✅ FREE Document Printing

Patuloy ang ating commitment na magbigay ng mga programang makakatulong sa paghubog ng mas handa at mas empowered na kabataang Yakal.

📍 Visit our SK E-Library at magpa-assist. Tara, sabay nating simulan ang iyong journey patungo sa trabaho at mas magandang oportunidad! 💙💛

20/07/2026

BARANGAY YAKAL SPORTS LEAGUE 2026 | WEEK 2 GAME SCHEDULE 🏆

Narito na ang Week 2 ng ating Barangay Yakal Sports League 2026! 🔥

Handa na ba ang lahat? Asahan ang mas matitinding laban, mas mataas na kumpetisyon, at mas exciting na aksyon sa bawat dibisyon. Suportahan natin ang ating mga manlalaro at ipakita ang tunay na sportsmanship sa loob at labas ng court.

📅 Week 2 Schedule
🗓️ July 21, 24, 25 & 26, 2026
📍 Barangay Yakal Covered Court

📢 PAALALA SA LAHAT NG PLAYERS:

✅ Dumating nang 8 minuto bago ang inyong nakatakdang laro.
✅ Siguraduhing kumpleto ang inyong mga dokumento at kagamitan.
✅ Panatilihin ang disiplina at respeto sa mga opisyal, coaches, teammates, at kalabang koponan.

🚨 NO UNIFORM, NO PLAY.
🚨 NO REQUIREMENTS, NO PLAY.

Maraming salamat sa patuloy na suporta ng ating komunidad. Kita-kits sa court at good luck sa lahat ng koponan! 💪🏀🏐

18/07/2026

📢 PAALALA MULA SA SANGGUNIANG KABATAAN NG YAKAL

Para sa tuloy-tuloy na pagpapanatili ng kalinisan at kaayusan ng ating Covered Court, naglagay ang Sangguniang Kabataan ng Yakal ng mga trash bin sa bawat poste ng venue.

Inaanyayahan namin ang lahat ng manlalaro, coaches, at manonood ng ating liga na makiisa sa pagpapanatiling malinis at maayos ang ating palaruan. Ugaliing itapon ang inyong mga basura sa tamang basurahan at iwasang magkalat.

Ang malinis na covered court ay responsibilidad nating lahat.

Maraming salamat sa inyong pakikiisa at kooperasyon!

14/07/2026

GAME SCHEDULE - JULY 14-19, 2026

📢 PAALALA:
Ang inilabas na schedule ng Basketball at Volleyball ay FINAL. Wala nang pagbabago rito maliban na lamang kung dahil ito sa masamang panahon o may opisyal na anunsyo mula sa SK Council.

Para sa anumang concern o paglilinaw, mangyaring iparating ito nang direkta sa SK Council. Iwasan po sana ang pagkalat ng reklamo sa comment section o sa ibang tao upang mapanatili ang maayos na koordinasyon.

Maraming salamat sa inyong pang-unawa at pakikiisa.

13/07/2026

13/07/2026

🏀🏐 Yakal Sports League 2026 has officially opened!🎉

Maraming salamat sa lahat ng teams, players, coaches, at mga kabarangay na nakiisa sa pagbubukas ng ating Yakal Sports League 2026.

Ang programang ito ay isinusulong ng Sangguniang Kabataan ng Barangay Yakal bilang bahagi ng ating layunin na mabigyan ng mas maraming oportunidad ang mga kabataang Yakaleno na maipakita ang kanilang talento sa larangan ng sports. Higit pa sa kompetisyon, nais nating palakasin ang sportsmanship, disiplina, respeto, at pagkakaisa sa ating komunidad.

Bilang patunay ng ating hangaring maging mas inklusibo ang ating mga programa, ang liga ngayong taon ay may Basketball at Volleyball divisions para sa Boys at Girls, upang mas maraming kabataan ang magkaroon ng pagkakataong makilahok, matuto, at maging bahagi ng ating lumalaking sports community.

Habang nagsisimula ang ating mga laban, nawa'y manaig ang respeto sa bawat manlalaro, ang magandang samahan ng bawat koponan, at ang tunay na diwa ng sportsmanship. Sa huli, hindi lamang panalo ang ating ipinagdiriwang, kundi ang pagkakaisa ng buong Barangay Yakal.

Ang tagumpay ng pagbubukas ng ating liga ay hindi magiging posible kung wala ang suporta ng maraming taong naniniwala sa ating mga kabataan. Maraming maraming salamat kay Mayor Gen. Ted Carranza sa kanyang walang sawang suporta, mula sa pagpapaganda ng ating covered court hanggang sa matagumpay na pagbubukas ng ating liga. Taos-puso rin kaming nagpapasalamat sa Sangguniang Barangay, sa pangunguna ni Kap. Jolly Boy Tiples Taguan, sa mga kabataang tumulong sa paglilinis at pagpipintura ng ating covered court, sa ABAKA Youth para sa kanilang malaking tulong sa pag-oorganisa ng opening program, at sa buong Sangguniang Kabataan ng Barangay Yakal na naglaan ng oras, sipag, at dedikasyon upang maisakatuparan ang programang ito.

Para sa schedule of games, manatiling nakaantabay sa mga susunod na anunsyo dito sa ating official page.

Simulan na ang laban!🔥