Socorro Task Force Kapihan

18/01/2024

MOTION FOR ISSUANCE OF COMMITMENT ORDER, MOTION FOR ISSUANCE OF HOLD DEPARTURE ORDER UG MOTION FOR HOUSE AND HOSPITAL ARREST GIBASURA SA KORTE

Gibasura sa Huwes sa Regional Trial Court, Branch 31, Dapa, Surigao del Norte ang gipasaka sa trese (13) ka mga akusado nga mga lideres sa Kapihan nga Motion for the Issuance of Commitment Order ug Motion for House and Hospital Arrest ingon man ang Motion for the Issuance of Hold Departure Order nga gipasaka sa DOJ Panel of Prosecutors.

Ang Motion for the Issuance of Commitment Order naghangyo sa Korte nga mopagawas ug kamanduan nga ibalhin ang trese (13) ka mga akusado gikan sa NBI Detention Facility sa Muntinlupa ngadto sa prisohan nga anaa mahimutang sa lungsod sa Dapa.

Dugang pa, ang Motion for House and Hospital Arrest naghangyo sa Korte nga mopagawas ug kamanduan nga ang akusado nga si Mamerto D. Galanida pagabilanggoon sulod lamang sa ilang panimalay ingon man sa sulod sa hospital.

Sa laing bahin, ang Motion for the Issuance of Hold Departure Order naghangyo sa Korte nga mopagawas ug kamanduan nga did-an ang trese (13) ka mga akusado nga mobiyahe gawas sa nasud.

Sa Order nga gipagawas sa Korte kaniadtong adlaw nga Martes, Enero 9, 2024 GIBASURA ang maong duha (2) ka motion nga gipasaka sa mga akusado (Motion for Issuance of Commitment Order ug Motion for House and Hospital Arrest) lakip na ang usa (1) ka Motion nga gipasaka sa DOJ Panel of Prosecutors (Motion for the Issuance of Hold Departure Order).

18/01/2024

MOTION TO QUASH INFORMATION AND WARRANTS OF ARREST GIBASURA SA KORTE

Alang sa kasayuran sa tanan, ang trese (13) ka mga akusado nga mga lideres sa Kapihan nag file ug Omnibus Motion to Quash Information and Warrants of Arrest ngadto sa Korte.

Para sa mga dili abugado, unsa man ang kalainan sa Motion to Dismiss ug Motion to Quash?

Ang Motion to Dismiss nag-hangyo nga tapuson na sa Huwes ang kaso.

Ang Motion to Quash, sa laing bahin, nag-hangyo sa Korte nga i-deklara ang usa ka butang, sama sa Warrant of Arrest, nga inbalido o walay bili. Kini nga klase sa motion dili maka-tapos sa kaso.

Sa ato pa, ang mga akusado nag hangyo sa Korte nga i-deklarar nga inbalido ang INFORMATION o Mga Kaso nga gi-file sa DOJ Panel of Prosecutors ngadto sa Korte ingon man ang mga Warrants of Arrest nga giluwatan sa Korte batuk sa mga akusado.

Sa Order nga giluwatan sa Huwes sa RTC Branch 31, Dapa Surigao del Norte kaniadtong adlaw nga Miyerkules, Enero 17, 2024, Gi-DENY o GIBASURA tungod sa kakuwang sa merito o gimbug-aton ang Omnibus Motion to Quash Information and Warrants of Arrest nga gi-file sa trese ka mga akusado nga mga lideres sa Kapihan.

21/11/2023

OPENING SALVO NG IMPLEMENTASYON NG SOCORRO MUNICIPAL COMPREHENSIVE REINTEGRATION PLAN FOR SBSI NAGING MATAGUMPAY

Matagumpay na ginanap kahapon, Lunes, ika-20 ng Nobyembre, 2023 ang opening salvo sa pagpapatupad ng Socorro Municipal Comprehensive Reintegration Plan for Socorro Bayanihan Services, Inc. members sa Socorro Municipal Gymnasium.

Ito ay dinaluhan ng mga opisyales at empleyado ng MLGU- Socorro, na pinangunahan ni Mayor Riza Rafonselle Timcang, Vice-Mayor Gemma L. Ocon at mga Sangguniang Bayan Members; mga kasapi ng Socorro Task Force Kapihan; mga lideres at kasapi ng NGO na Siargao for Jesus Movement at Socorro for Jesus Ministry Christian Community Service at; mga pamilya na bumaba na sa kapatagan mula sa Sitio Kapihan simula noong taong 2019.

Ang banda na dala ng mga bisita ay tunay na nagpapasaya sa mga dumadalo.

Nagwakas ang programa sa pamamahagi ng tig-limang kilong bigas, na dala ng mga taga-NGO na mga bisita, sa bawat pamilya na may bilang na 267 na dumalo sa nasabing programa.

Ito ay pagpapatunay na seryoso ang Pamahalaang Bayan ng Socorro, sa pakikipatulungan ng ibat-ibang ahensya ng gobyerno at mga NGO, na ipatupad ang mga programa at proyekto na naglalayong matulungan ang ating mahal na mga kababayan na nasalanta sa trahedya ng Kapihan na bumaba na, kasama doon ang mga bababa pa, mula sa Sitio Kapihan at bumabalik na, at babalik pa, sa sibilisasyon at kabihasnan.

28/06/2023

ORDEN EHEKUTIBO NUMERO 49 GI-DEKLARAR NI GOBERNADOR BARBERS NGA HAUM SA BATAKANG BALAUD SA PILIPINAS

Kaniadtong Mayo 3, 2023, si Halangdong Mayor Riza Rafonselle T. Timcang mipagawas ug Orden Ehekutibo Numero 49 nga may titulo nga: "USA KA ORDEN NGA NAGPAHAMTANG SA TEMPRARYO NGA PAGDILI SA PAGPASULOD NGADTO SA SITIO KAPIHAN, BARANGAY N. SERING, SOCORRO, SURIGAO DEL NORTE SA NI BISAN KINSA NGA TAWO O MGA TAWO, MA PERSONAL MAN NGA KATUYUAN O NAGREPRESENTAR SA AHENSYA NGA PRIBADO O PUBLIKO KINSA DILI MGA LUMULUPYO SA MAONG SITIO GAWAS SA MGA KASO SA EMERHENSYA NGA GI-DEKLARA SA KAGAMHANANG LOKAL SA SOCORRO O SA UBAN NGA MGA MAY KATUNGOD NGA MGA AHENSYA.”

Ang Socorro Bayanihan Services, Inc., nga gi-representahan sa ilang abugado, mipadala ug sulat ngadto sa Opisina sa Halangdong Gobernador nga nag-hangyo nga ipa-deklarar ang maong Orden Ehekutibo nga naka-supak sa Batakang Balaud.

Sa usa ka sulat nga pinitsahan ug Hunyo 13, 2023, gi-deklarar ni Halangdong Gobernador Lyndon S. Barbers nga ang maong Orden Ehekutibo ingon man ang mga nagsunod-sunod nga may kalambigitan nga mga Orden Ehekutibo, lakip na ang dipanday nga Ordinansa kalabot niini, "NAHI-UYON" sa Batakang Balaud sa Pilipinas.

SINULAT UBOS SA PAGTUGOT SA CHAIRPERSON SA SOCORRO TASK FORCE KAPIHAN NI:

EDELITO C. SANGCO, MPM, CSEE
Point Person/Spokesperson, Socorro Task Force Kapihan

03/06/2023

https://m.facebook.com/story.php?story_fbid=631655688999772&id=100064660392926&mibextid=Nif5oz

03/06/2023

https://m.facebook.com/story.php?story_fbid=631608155671192&id=100064660392926&mibextid=Nif5oz

Republic of the Philippines
PROVINCE OF SURIGAO DEL NORTE
Municipality of Socorro

OFFICE OF THE MAYOR
Permit No: 01-2023

PERMIT TO ENTER INTO SITIO KAPIHAN

TO WHOM IT MAY CONCERN:

By virtue of Section 3 (F) (2) (c) “Temporary Ban on the Entry of Non-Residents Into Sitio Kapihan” of Municipal Ordinance No. 006-2003 enacted on May 30, 2023 entitled “An Ordinance Mandating The Use Of Pre-Emptive Measures During Imminent Danger From Civil Unrest In The Municipality Of Socorro, Surigao Del Norte And Providing Guidelines Thereof,” PERMIT IS HEREBY GRANTED to MR. QUIRINO LASALA; MS. JOSIE LASALA; MR. KING ATUEL AND MR. JOEL BENDULO to enter into Sitio Kapihan, Barangay N. Sering, Socorro, Surigao del Norte for the period from June 3-4, 2023.

Issued this 3rd day of June, 2023 at Socorro, Surigao del Norte, Philippines.


RIZA RAFONSELLE T. TIMCANG
Municipal Mayor/Chairperson,
Socorro Task Force Kapihan

01/06/2023

REKLAMO BATUK SA MGA LIDERES SA KAPIHAN GISANG-AT NA DIDTO SA PISKALYA

Malampuson nga gipahigayon ang pagsang-at sa mga ahente sa National Bureau of Investigation (NBI) ang mga reklamo batuk sa upat ka mga lideres sa Sitio Kapihan nga sila si Jey Rence B. Quilario, Mamerto D. Galanida, Karren J. Sanico ug Janeth T. Ajoc ngadto sa Opisina sa Provincial Prosecutor, Surigao del Norte Hall of Justice, Provincial Capitol, Surigao City sa alas 4 y media ang takna sa hapon (4:30 PM), Huwebes, Hunyo 1, 2023.

Mahinunduman nga pipila ka mga kanhi sakop sa Socorro Bayanihan Services, Inc. ang mipasaka ug mga reklamo ngadto sa National Bureau of Investigation (NBI) gumikan sa mga kalapasan sa tawhanong katungod nga ilang nahiaguman gikan sa nahisgutan nga mga lideres sa Kapihan.

Agi ug pagsunod sa eksakto nga proseso, gipadalhan ang maong mga lideres ug subpoena nga pa-adtuon sila sa NBI Regional Office sa Butuan City aron mopahayag sa ilang panig kabahin na sa maong mga reklamo kaniadtong Mayo 17, 2023. Apan nagpadala sila ug sulat-hangyo ngadto sa NBI mga i-uswag ang petsa sa pagpakig-atubang kanila gumikan kay si Jey Rence Quilario, Karren Sanico ug Janeth Ahoc didto pa sa Korea.

Tungod niini, gipadalhan na usab sila ug lain nga subpoena nga makig-atubang sa NBI, Butuan City sa adlaw nga Miyerkules, Mayo 31, 2023 sa alas 10 ang takna sa buntag. Apan pag-abot sa maong gitakda nga oras ug petsa, wala magpakita ang maong upat ka mga lideres sa Kapihan ngadto sa NBI ug nagpadala lamang ug abugado isip ilang representante.

Busa, nakahukom ang NBI nga isang-at na ang mga reklamo ngadto sa Piskalya.

Sa moabot nga pipila ka adlaw, patubagon na sa Piskalya ang maong upat ka mga lideres sa Kapihan kabahin na sa mga reklamo nga gisang-at batuk kanila.

Human niini, ang Piskalya na ang mo-desisyon kung ipasaka ba ang haum nga mga kaso ngadto sa Korte.

Sinulat Ubos sa Pagtugot sa Chairperson, Socorro Task Force Kapihan Ni:

EDELITO C. SANGCO, MPM, CSEE
Point Person/Spokesperson, Socorro Task Force Kapihan

31/05/2023

https://m.facebook.com/story.php?story_fbid=630155879149753&id=100064660392926&mibextid=Nif5oz

29/05/2023

ALANG SA KASAYURAN SA TANAN:

Angay nga mahibaluan sa tanan nga binase sa Seksyon 3 sa Executive Order No. 50, Series of 2023, nga giluwatan ni Halangdong Mayor Riza Rafonselle T. Timcang kaniadtong Mayo 5, 2023, usa lamang ang gitudlo nga Spokesperson sa Socorro Task Force Kapihan.

Busa, ang mga gi-publikar sa page sa Socorro Task Force Kapihan mao ang opisyal nga mga kasayuran sa mga kalihukan sa gobyerno kabahin na sa mga panghitabo sa Kapihan nga gikan mismo sa Task Force ug wala nay lain pa.

Kanang mga estorya nga nanggawas nga kuno sulongon na sa pwersa sa gobyerno ang Sitio Kapihan wala kana mag-gikan mismo sa Socorro Task Force Kapihan.

Atong ipahayag dinhi nga ang tanan nga mga kalihukan sa Socorro Task Force Kapihan gipahiluna kini sumala sa gimbut-an sa Batakang Balaud ug sa haum nga mga balaud nga gipasar sa Kongreso nga gi-aprubahan sa Presidente sa nasud nga Pilipinas.

Tungod niini, ang tanan ipa-agi gajud sa proseso. Sama sa bata nga gi-mabdos, paaboton gajud anay ang siyam ka buwan adiser kini ianak aron nga matawag nga normal nga pagkatawo sa bata. Mao nga, kadtong gilaajan na ug sige pangutana nga "UNSA MAN GAJUD?" huwat-huwat rakan anay mo kay lisud pud ug haunon dajon ang dinung-ag nga bugas nga maoy pay paghubas ug ibajang dajon sa plato nga segurado man nga mag-alburoto ag tijan sa makakaon niini.

Sinulat Ubos sa Pagtugot sa Chairperson sa Socorro Task Force Kapihan Ni:

EDELITO C. SANGCO, MPM, CSEE
Point Person/Spokesperson, Expanded Socorro Task Force Kapihan

28/05/2023

JOINT POLICE-MILITARY CHECKPOINT GIPAHIGAYON SA SOCORRO

Usa ka checkpoint ang gipahigayon sugod sa adlaw nga Sabado, Mayo 26, 2023 nga anaa mahimutang sa Junction sa Socorro-Pamosaingan-Songkoy Road haduol sa Amira Gas Station.

Ang maong checkpoint gidumala sa mga sakop sa kapulisan sa lungsod sa Socorro ug sa pwersa gikan sa Philippine Army.

Mahinumdoman nga nagpatawag si Mayor Riza Rafonzelle T. Timcang ug usa ka Emergency Meeting sa mga mga sakop sa Expanded Socorro Task Force Kapihan nga gipahigayon kaniadtong adlaw nga Biyernes, Mayo 26, 2028 sa may alas 6 ang takna sa sayong kagabhion didto sa Opisina sa Bise Mayor.

Apil sa nahisgutan sa maong meeting ang nagkaanam ug ka-tandugon nga kahimtang sa kahapsay ug kalinaw sa lungsod sa Socorro gumikan sa mga panghitabo sa Sitio Kapihan.

Nauyonan sa Task Force, uban sa pagpasalig sa Hepe sa Kapulisan nga si PCAPT Aubrey Rose Rivero, nga magpahigayon ug 24/7 checkpoint sa mga pinili nga dapit niining islahanon nga lungsod.

Sinulat Ubos sa Pagtugot sa Chairperson sa Expanded Socorro Task Force Kapihan Ni:

EDELITO C. SANGCO, MPM, CSEE
Point Person/Spokesperson, Expanded Socorro Task Force Kapihan

24/05/2023

PANAGTAGBO SA SOCORRO TASK FORCE KAPIHAN UG SA EXPANDED SURIGAO DEL NORTE INTER-AGENCY TASK FORCE FOR HUMAN RIGHTS COMPLIANCE AND PREVENTION OF HUMAN RIGHTS VIOLATIONS MALAMPUSON

Malampuson nga gipahigayon ang pinaka-una nga panagtagbo sa mga representante sa Expanded Socorro Task Force Kapihan ug sa Expanded Surigao del Norte Inter-Agency Task Force for Human Rights Compliance and Prevention of Human Rights Violations nga gipahigayon sa adlaw, nga Lunes, Mayo 22, 2023 didto sa Opisina sa Gobernador, Provincial Capitol, Surigao City.

Lakip sa mga mitambong sa maong panagtagbo mao si Halangdong Mayor Riza Rafonselle G. Taruc Timcang; Halangdong Bise-Mayor Gemma R. Lasala-Ocon; Legal Consultant Atty Richard M. Dano; Municipal Agriculturist Edelito C. Sangco; Municipal Social Welfare and Development Officer Chien Cen B. Dizon; Local Government Operations Officer Wenefredo R. Lasala, Jr.; Municipal Police Station Commander PCAPT Aubrey Rose Rivero ug usa niya ka sakop nga pulis isip mga repesentante sa Expanded Socorro Task Force Kapihan. Sa panig usab sa Expanded Surigao del Norte Inter-Agency Task Force for Human Rights Compliance and Prevention of Human Rights Violations ang mitambong mao si Halangdong Gobernador Robert Lyndon S. Barbers; ang Provincial Health Officer; Provincial Social Welfare and Development Officer ug uban pa nga mga opisyales sa Lalawigan sa Surigao del Norte.

Mahinumduman nga gi-mugna pinaagi sa Orden Ehekutibo Numero 48 nga giluwatan ni Mayor Rafonselle T. Timcang kaniadtong Abril 10, 2023 ang Socorro Task Force Kapihan ug gipalapdan kini pinaagi sa Orden Ehekutibo Numero 50 pinetsahan ug Mayo 5, 2023 nga nagtukod sa Expanded Socorro Task Force Kapihan.

Mahinumduman usab nga si Halangdong Gobernador Robert Lyndon S. Barbers mipagawas sa Orden Ehekutibo Numero 018, penitsahan ug Mayor 2, 2023 CREATING AN INTER-AGENCY TASK FORCE FOR HUMAN RIGHTS COMPLIANCE AND PREVENTION OF HUMAN RIGHTS VIOATIONS IN THE PROVINCE OF SURIGAO DEL NORTE. Gipalapad usab kini sa Orden Ehekutibo Numero 018-1 nga pinetshan ug Mayo 19, 2023 diin nahilakip na ang Kagamhanag Lokal sa Lungsod sa Socorro isip sakop niini.

Nahisgutan sa maong panagtagbo ang hiniusa nga mga lakang sa Kagamhanag Lokal sa Lungsod sa Socorro ug sa Kagamhanang Lokal sa Lalawigan sa Surigao del Norte tumong ug tuyo nga mahatagan ug kasulbaran ang nag-anam ug ka-grabe nga problema sa Sitio Kapihan, Barangay N. Sering, niining atong lungsod.

Sinulat Ubos sa Pagtugot sa Chairperson sa Socorro Task Force Kapihan Ni:

EDELITO C. SANGCO, MPM, CSEE
Point Person/Spokesperson, Expanded Socorro Task Force Kapihan