What are the opening hours?

Monday 8am - 5pm Tuesday 8am - 5pm Wednesday 8am - 5pm Thursday 8am - 5pm Friday 8am - 5pm

Public Information Office- Sorsogon City

Home
Philippines
Sorsogon
Public Information Office- Sorsogon City

The premier bridge to information between the government and the public.

30/07/2026

PROJECT ARUGA: Disability Support Allowance (DSA) Payout, Isinagawa sa Sorsogon Provincial Gymnasium

Isinagawa noong Hulyo 28, 2026 sa Sorsogon Provincial Gymnasium ang Project ARUGA First Disability Support Allowance (DSA) Payout cm Project Orientation to Parents and/or Recognized Caregivers, katuwang ang City Social Welfare and Development Office (CSWDO), Department of Social Welfare and Development (DSWD), Provincial Social Welfare and Development Office (PSWDO), at Philippine Statistics Authority (PSA). Nabigyan ng ₱2,000 na Disability Support Allowance para sa buwan ng Hunyo ang 100 benepisyaryo, sa ilalim ng pamumuno ni Mayor Ester E. Hamor.

Bilang bahagi ng programa, isinagawa ang Project Orientation para sa mga magulang at kinikilalang caregivers, Commitment Setting and Regional Orientation, Land Bank Account Opening Orientation, at ang Disability Support Allowance (DSA) Payout. Layunin ng mga gawaing ito na ihanda ang mga benepisyaryo at kanilang mga pamilya sa wastong pamamahala ng programa at matiyak ang maayos na pagtanggap ng kanilang benepisyo.

Ang Project ARUGA ay programa ng DSWD na nagbibigay ng Disability Support Allowance (DSA) sa mga kwalipikadong persons with disabilities (PWDs) upang makatulong sa kanilang pang-araw-araw na pangangailangan at mapalakas ang kanilang kapakanan. Kasama rin sa programa ang pagbibigay ng sapat na impormasyon at gabay sa mga magulang at caregivers upang maging mas epektibo ang pagpapatupad ng proyekto.

Mahalaga ang programang ito dahil nagbibigay ito ng agarang pinansyal na suporta sa mga PWD at kanilang mga pamilya, habang pinalalakas ang kanilang kaalaman sa wastong paggamit ng benepisyo at iba pang serbisyong maaaring makatulong sa kanilang pangmatagalang pag-unlad.

Sa mga susunod na buwan, inaasahang magpapatuloy ang pamamahagi ng Disability Support Allowance at iba pang kaugnay na aktibidad sa ilalim ng Project ARUGA upang mas marami pang kwalipikadong benepisyaryo ang mabigyan ng kinakailangang suporta.

28/07/2026

Building a Better Future: Pag-asa at Mas Maliwanag na Bukas para sa mga Bata at Kanilang mga Pamilya

July 24,2026 I Cityhall Building

Isang makabuluhang hakbang tungo sa paghubog ng mas matatag na pamilya at mas maliwanag na kinabukasan ang isinagawa sa pamamagitan ng "Building a Better Future" Empowerment Seminar para sa mga batang benepisyaryo at kanilang mga magulang noong Hulyo 24, 2026, mula 8:30 ng umaga hanggang 12:00 ng tanghali sa SP Session Hall. Pinangunahan ang programa nina Konsehal Renalene Mae J. Duka, at Konsehal Mark Jason D. Jamisola, at Acting City Social Welfare and Development Officer - Uricar D. Diaz.

Kabilang sa mga tinalakay sa seminar ang "Empowering Children and Their Families: Building Values and Character" at "Promoting Healthy Living for Children and Their Families: Creating a Better Future." Sa pamamagitan ng mga sesyong ito, nabigyan ang mga kalahok ng kaalaman at inspirasyon upang higit na mapahalagahan ang mabuting asal, matatag na ugnayan ng pamilya, at malusog na pamumuhay bilang mga pundasyon ng isang mas maayos at masaganang buhay.

Ipinapakita ng programang ito ang patuloy na malasakit ng City Social Welfare and Development Office (CSWDO) at ng Pamahalaang Panlungsod ng Sorsogon sa kapakanan ng mga bata at kanilang mga pamilya sa pamamagitan ng pagbibigay ng gabay at oportunidad tungo sa mas magandang kinabukasan.

27/07/2026

𝟭𝟬+𝟭+𝟭 𝗔𝗚𝗘𝗡𝗗𝗔 𝗨𝗣𝗗𝗔𝗧𝗘𝗦 | Pagpapalakas sa Kababaihan at Pamilya, Isinulong sa Parent Effectiveness Session at Pamamahagi ng Cash Subsidy sa Sorsogon City

Isinagawa ng Sorsogon City Local Council for Women, sa pangunguna ni Hon. Renalene Mae J. Duka at ni Acting CSWDO Head Uricar Diaz, katuwang ang mga pangulo ng Women's Federation mula sa West, East, at Bacon District, ang Parent Effectiveness Session (PES), Ikalawang Quarterly Meeting, at Pamamahagi ng Cash Subsidy noong Hulyo 25, 2026 sa Function Hall ng CDRRMO, Sorsogon City.

Tinalakay sa Parent Effectiveness Session ang iba't ibang paksang may kaugnayan sa pagpapalakas ng pamilya, kabilang ang Orientation on Circular Economy, Child Development, Positive Discipline, at ang sesyong "My Husband, My Bestfriend," na nakatuon sa pagpapatibay ng ugnayan ng mag-asawa bilang pundasyon ng isang matatag na pamilya. Sinundan ito ng quarterly meeting kung saan inilahad ang accomplishment report ng Women's Federation, tinalakay ang mga isyu at pangangailangan ng bawat distrito, at isinagawa ang pamamahagi ng cash subsidy sa mga benepisyaryo.

Sa mensahe ni Acting CSWDO Head Uricar Diaz, binigyang-diin niya na ang City Social Welfare and Development Office (CSWDO) ay patuloy na bukas at handang maghatid ng maagap, patas, at dekalidad na serbisyo publiko sa lahat ng mamamayan ng Sorsogon City. Aniya, nananatiling katuwang ng komunidad ang kanilang tanggapan sa pagpapatupad ng mga programang naglalayong mapabuti ang kapakanan ng mga kababaihan, bata, nakatatanda, at iba pang sektor na nangangailangan ng tulong. Hinikayat din niya ang mga kababaihan na patuloy na makiisa at makilahok sa mga programang inilulunsad ng CSWDO para sa kapakanan ng kanilang pamilya at komunidad.

CSWDO Sorsogon City

24/07/2026

𝐃𝐮𝐦𝐚𝐥𝐨 𝐚𝐧𝐠 𝐦𝐠𝐚 𝐊𝐚𝐰𝐚𝐧𝐢 𝐧𝐠 𝐏𝐚𝐦𝐚𝐡𝐚𝐥𝐚𝐚𝐧𝐠 𝐏𝐚𝐧𝐥𝐮𝐧𝐠𝐬𝐨𝐝 𝐬𝐚 𝐃𝐑𝐑 𝐎𝐫𝐢𝐞𝐧𝐭𝐚𝐭𝐢𝐨𝐧 𝐚𝐭 𝐁𝐚𝐬𝐢𝐜 𝐋𝐢𝐟𝐞 𝐒𝐮𝐩𝐩𝐨𝐫𝐭 𝐓𝐫𝐚𝐢𝐧𝐢𝐧𝐠

Bilang pakikiisa sa pagdiriwang ng National Disaster Resilience Month, lumahok ang mga itinalagang kawani mula sa lahat ng tanggapan ng Pamahalaang Panlungsod ng Sorsogon sa Disaster Risk Reduction (DRR) Orientation at Basic Life Support (BLS) Training na isinagawa noong Hulyo 21 hanggang 23, 2026 sa Emergency Operations Center (EOC) at City Disaster Risk Reduction and Management Office (CDRRMO) Building.

Pinangunahan ng City Disaster Risk Reduction and Management Office (CDRRMO), katuwang ang City Human Resource Management Office (CHRMO), ang tatlong araw na pagsasanay alinsunod sa Republic Act No. 10121 o ang Philippine Disaster Risk Reduction and Management Act of 2010. Layunin ng programa na palakasin ang kaalaman at kahandaan ng mga kawani ng pamahalaang panlungsod sa usapin ng disaster risk reduction at mabigyan sila ng mahahalagang kasanayan sa basic life support upang maging handa sa pagtugon sa mga emergency sa loob ng tanggapan at sa komunidad. Kabilang sa mga tinalakay ang tatlong uri ng life support, ang Unified Basic Life Support Chain of Survival, at ang kahalagahan ng respiratory, circulatory, at nervous system sa pagbibigay ng paunang lunas.

Ayon sa mga tagapag-organisa, bahagi ang pagsasanay ng patuloy na programa ng Pamahalaang Panlungsod upang mapaunlad ang kakayahan ng mga kawani sa maagap at epektibong pagtugon sa mga sakuna at iba pang emergency. Sa pamamagitan ng mga lecture, demonstrasyon, at hands-on na pagsasanay, higit pang nahasa ang kanilang kaalaman at kasanayan sa pagbibigay ng agarang tulong sa oras ng pangangailangan.

Ipinapakita ng pagsasagawa ng DRR Orientation at Basic Life Support Training ang patuloy na pangako ng Pamahalaang Panlungsod ng Sorsogon na isulong ang kultura ng kahandaan, kaligtasan, at katatagan sa hanay ng mga kawani. Sa pamamagitan ng mga ganitong programa, higit na napalalakas ang kakayahan ng bawat empleyado na maging handa at maagap sa pagtugon sa anumang sakuna o emergency para sa kapakanan ng buong komunidad.

Patuloy na magsasagawa ang CDRRMO at CHRMO ng mga katulad na capacity-building activities upang matiyak na ang bawat kawani ng Pamahalaang Panlungsod ay may sapat na kaalaman, kasanayan, at kahandaan sa pagharap sa mga sakuna at iba pang sitwasyong pang-emergency.

23/07/2026

PAALALA SA PUBLIKO 📢

PAG-IBIG FUND SORSOGON BRANCH, LILIPAT SA BAGONG LOKASYON!

Para sa mas madaling pag-access at mas maayos na serbisyo, ang PAG-IBIG Fund Sorsogon Branch ay lilipat sa bago nitong tanggapan sa:

📍 Sorsogon National Government Center
Capitol Compound, Sorsogon City, Sorsogon
🗓️ Magbubukas ang bagong lokasyon sa Agosto 3, 2026.

Inaasahan ang patuloy na serbisyo para sa lahat ng miyembro ng Pag-IBIG Fund sa bago at mas accessible na tanggapan.

21/07/2026

Bagong Direktor ng CSC–Sorsogon Field Office, Nakibahagi sa Lingguhang Flag Raising Ceremony

Ginanap kahapon ang regular na Flag Raising Ceremony ng Pamahalaang Lungsod ng Sorsogon, na dinaluhan ng bagong Direktor ng Civil Service Commission (CSC) Sorsogon Field Office - Director II Jocelyn L. Marifosque bilang panauhing pandangal.

Isinagawa ang seremonya alinsunod sa Republic Act No. 8491, na nag-aatas sa lahat ng tanggapan ng pamahalaan na magsagawa ng pagtataas ng watawat tuwing Lunes ng umaga, gayundin sa direktiba ng Malacañang na isama sa programa ang pag-awit ng Bagong Pilipinas Hymn at panunumpa bilang pagpapatibay ng diwa ng pagkakaisa at tapat na paglilingkod sa bayan.

20/07/2026

𝟭𝟬+𝟭+𝟭 𝗔𝗚𝗘𝗡𝗗𝗔 𝗨𝗣𝗗𝗔𝗧𝗘𝗦 | 2nd Quarter ERPAT Presidents Assembly, idinaos kasabay ng Father's Day Celebration

Idinaos ng City Social Welfare and Development Office (CSWDO) ang 2nd Quarter Empowerment and Reaffirmation of Paternal Abilities (ERPAT) Presidents Assembly cm Father's Day Celebration noong Hulyo 10, 2026, sa CDRRMO Function Hall. Dumalo sa aktibidad ang mga ERPAT Presidents mula sa West, East, at Bacon District, kasama sina Councilor Thess Hamor Gonzalez, Councilor Nestor J. Baldon, at CSWDO Head Uricar D. Diaz. Layunin ng pagtitipon na palakasin ang samahan ng ERPAT at kilalanin ang mahalagang papel ng mga ama sa pamilya at komunidad.

Naging tampok sa programa ang mga orientation ukol sa EU Circular Economy Advocacy and Learning, Leading by Example, at The Modern Father's Roles in Mental Health and Family Violence Prevention. Kasabay nito ang Father's Day Celebration, kung saan kinilala at binigyan ng tokens of appreciation ang bawat ERPAT President. Sa kanyang mensahe, binigyang-diin ni Councilor Thess Hamor Gonzalez ang kahalagahan ng mental health ng mga ama at ang kanilang mahalagang gampanin bilang haligi ng pamilya. Samantala, ibinahagi ni Councilor Nestor J. Baldon, may-akda ng ERPAT Ordinance, ang mga programang magpapalakas pa sa samahan ng ERPAT sa lungsod.

Ayon sa CSWDO, mahalaga ang naturang aktibidad upang mapaunlad ang kakayahan ng mga ama bilang responsableng magulang, maiwasan ang karahasan sa pamilya, at mapatatag ang ugnayan ng mga pamilya at komunidad. Inaasahan ding magpapatuloy ang mga programang magpapalakas sa ERPAT at maghihikayat ng mas aktibong pakikilahok ng mga ama sa mga inisyatiba ng Pamahalaang Lungsod ng Sorsogon.

CSWDO Sorsogon City

17/07/2026

HSRP MOA SIGNING, NAGPATIBAY NG PARTNERSHIP PARA SA MAS MATATAG NA HEALTH SYSTEM SA SORSOGON

Pormal na nilagdaan noong Hulyo 14, 2026 ang Health System Resilience Project (HSRP) Ceremonial Memorandum of Agreement (MOA) sa Function Hall, 2nd Floor, NGC Building, Capitol Complex, na dinaluhan ng mga opisyal ng Department of Health, Provincial Health Office, City Health Office, at mga lokal na pamahalaan sa lalawigan.

Layon ng HSRP na palakasin ang sistemang pangkalusugan sa pamamagitan ng climate-resilient infrastructure at mas matibay na ugnayan ng mga health institutions. Ayon kay Dr. Renato B. Bolo Jr., Provincial Health Officer II, kinikilala ang Sorsogon bilang isa sa mga nangunguna sa pagpapalakas ng lokal na serbisyong pangkalusugan. Samantala, tiniyak ni Vice Governor Krunimar Antonio D. Escudero II ang buong suporta ng pamahalaang panlalawigan sa programa.

Sa pamamagitan ng kasunduang ito, inaasahang higit pang mapapahusay ang mga pasilidad at serbisyong pangkalusugan upang maging mas handa ang lalawigan sa mga hamon dulot ng kalamidad at climate change.

14/07/2026

AMAZING RACE 2026, NAGHATID NG SAYA, PAGKAKAISA, AT HAMON SA MGA KABATAAN

Noong Hulyo 11, 2026, matagumpay na ginanap ang Amazing Race 2026, kung saan nagsama-sama ang mga kabataan sa isang araw na puno ng saya, pagkakaisa, at mga kapana-panabik na hamon. Sa pamamagitan ng iba't ibang hamon at gawain, naipamalas ng mga kalahok ang kanilang pagtutulungan, determinasyon, at sportsmanship.

Tunghayan ang kabuuang karanasan at balikan ang mga hindi malilimutang sandali ng Amazing Race 2026. Panoorin ang buong video at sariwain ang bawat hamonat masasayang alaala na nabuo sa nasabing aktibidad.

Address

Sorsogon

Opening Hours

Monday	8am - 5pm
Tuesday	8am - 5pm
Wednesday	8am - 5pm
Thursday	8am - 5pm
Friday	8am - 5pm

Website

http://sorsogoncity.gov.ph/

Alerts

Be the first to know and let us send you an email when Public Information Office- Sorsogon City posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Public Information Office- Sorsogon City:

Want your organization to be the top-listed Government Service in Sorsogon?