NFA Sorsogon Branch

07/08/2026

𝗡𝗙𝗔 𝗦𝗼𝗿𝘀𝗼𝗴𝗼𝗻 𝗕𝗿𝗮𝗻𝗰𝗵 𝗝𝗼𝗶𝗻𝘀 𝟯𝗿𝗱 𝗤𝘂𝗮𝗿𝘁𝗲𝗿𝗹𝘆 𝗘𝘅𝗲𝗰𝘂𝘁𝗶𝘃𝗲 𝗖𝗼𝗺𝗺𝗶𝘁𝘁𝗲𝗲 𝗠𝗲𝗲𝘁𝗶𝗻𝗴 𝗼𝗳 𝘁𝗵𝗲 𝗠𝗔𝗙𝗖

Dumalo ang National Food Authority (NFA) Sorsogon Branch sa 3rd Quarterly Executive Committee Meeting ng Municipal Agriculture and Fisheries Council (MAFC) na ginanap noong Agosto 7, 2026.

Ang paglahok ng NFA sa naturang pagpupulong ay bahagi ng patuloy na pakikipag-ugnayan sa mga katuwang na ahensya at sektor ng agrikultura upang maibahagi ang mga programa, serbisyo, at iba pang mahahalagang impormasyon na makatutulong sa mga magsasaka. Patuloy ring pinagtitibay ng NFA ang pakikipagtulungan sa MAFC at iba pang stakeholders tungo sa mas matatag at mas maunlad na sektor ng agrikultura sa lalawigan ng Sorsogon.

05/08/2026

Mula Hulyo 27–31, 2026, kabuuang 1,476 sako ng bigas ang naipamahagi sa mga redemption sites sa Sorsogon City at Masbate City, na nakapaglingkod sa 6,910 benepisyaryo.

Sa kabuuang naipamahaging bigas, 936 sako ang naipagkaloob sa Sorsogon City na nakinabang ang 4,211 benepisyaryo, habang 540 sako naman ang naipamahagi sa Masbate City para sa 2,699 benepisyaryo. Patuloy na nakikipagtulungan ang NFA sa FTI at mga katuwang na ahensya upang matiyak ang maayos at tuloy-tuloy na suplay ng bigas para sa mga kwalipikadong benepisyaryo sa ilalim ng programa.

04/08/2026

📣

04/08/2026

📢 PAUNAWA SA MGA BENEPISYARYO

Ipinapaalam ng FTI sa NFA Sorsogon Operating Site na magkakaroon ng bagong iskedyul ng pagbili ng bigas para sa mga benepisyaryo simula April 13, 2026.

Para sa mga MWF schedule, kabilang dito ang mga Senior Citizens, Farmers, Fisherfolk, at Drivers. Samantalang ang TTH schedule ay para naman sa mga PWD, Solo Parents, at 4Ps beneficiaries.

Mangyaring sundin ang nakatakdang araw upang maiwasan ang abala at mapanatili ang maayos na daloy ng serbisyo. Maraming salamat sa inyong kooperasyon.

𝙎𝙖 #𝘽𝙖𝙜𝙤𝙣𝙜𝙋𝙞𝙡𝙞𝙥𝙞𝙣𝙖𝙨
#𝙩𝙞𝙮𝙖𝙠𝙖𝙣𝙜𝙗𝙞𝙜𝙖𝙨𝙥𝙖𝙣𝙖𝙩𝙖𝙜𝙖𝙣𝙜𝙗𝙪𝙠𝙖𝙨
𝘼𝙣𝙜 #𝙉𝙚𝙬𝙉𝙁𝘼
#𝙈𝙖𝙮𝙈𝙖𝙡𝙖𝙨𝙖𝙠𝙞𝙩𝙈𝙖𝙖𝙖𝙨𝙖𝙝𝙖𝙣𝙏𝙪𝙢𝙪𝙩𝙪𝙜𝙤𝙣
𝙃𝙖𝙣𝙙𝙤𝙜 𝙖𝙮 #𝙎𝙚𝙧𝙗𝙞𝙨𝙮𝙤𝙣𝙜𝙏𝙖𝙥𝙖𝙩 𝙖𝙩 #𝙎𝙚𝙧𝙗𝙞𝙨𝙮𝙤𝙣𝙜𝙋𝙖𝙩𝙖𝙨

03/08/2026

𝗨𝗴𝗻𝗮𝘆𝗮𝗻 𝘀𝗮 𝗺𝗴𝗮 𝗠𝗮𝗴𝘀𝗮𝘀𝗮𝗸𝗮

Bilang bahagi ng paghahanda para sa nalalapit na main cropping season, pinalalakas ng NFA Sorsogon Branch ang pakikipag-ugnayan nito sa mga magsasaka sa pamamagitan ng serye ng Ugnayan sa mga Magsasaka, na sinimulan ngayong Lunes, Agosto 3, 2026. Tinalakay sa pagpupulong ang mga programa, polisiya, at proseso ng palay procurement ng ahensya upang maihanda ang mga magsasaka sa paparating na anihan at mapalalim ang kanilang kaalaman sa mga pagkakataong maaaring mapakinabangan sa pagbebenta ng kanilang ani sa NFA.

Binigyang-diin sa pagpupulong ang competitive na buying pricena iniaalok ng NFA at muling hinikayat ang mga magsasaka na ibenta ang kanilang ani sa ahensya. Ipinaabot din na nakahanda ang NFA Sorsogon Branch na higit pang palakasin ang palay procurement ngayong main cropping season upang mas maraming lokal na ani ang mabili at mas marami pang magsasaka ang mapaglingkuran. Sa pamamagitan ng tuloy-tuloy na dayalogo at pakikipagtulungan, nananatiling katuwang ng mga magsasaka ang NFA sa pagsusulong ng mas matatag na suplay ng bigas at seguridad sa pagkain.

01/08/2026

𝗣𝗔𝗔𝗟𝗔𝗟𝗔𝗡𝗚 𝗣𝗔𝗠𝗣𝗨𝗕𝗟𝗜𝗞𝗢 ⚠️

31/07/2026

𝙉𝙁𝘼 𝙎𝙤𝙧𝙨𝙤𝙜𝙤𝙣 𝙉𝙖𝙠𝙞𝙗𝙖𝙝𝙖𝙜𝙞 𝙨𝙖 𝙎𝙤𝙧𝘾𝙤𝙢𝙉𝙚𝙩 𝙈𝙚𝙚𝙩𝙞𝙣𝙜

Nakibahagi ang NFA Sorsogon Branch sa isinagawang Sorsogon Communicator’s Network (SorComNet) Meeting noong Hulyo 30, 2026 sa Session Hall ng Sangguniang Panlalawigan, Capitol Compound, Sorsogon City. Pinagsama-sama sa naturang pagpupulong ang mga Information Officer at communication representatives mula sa iba’t ibang ahensya upang talakayin ang mahahalagang usapin hinggil sa disaster preparedness, kabilang ang seismic landscape ng Sorsogon, hazard monitoring tools at updates mula sa PAGASA, at port and coastal safety.

Naging pagkakataon din ang pagtitipon upang mapalakas ang ugnayan, koordinasyon, at pagbabahagi ng impormasyon sa hanay ng mga government communicators sa lalawigan. Sa patuloy na pakikibahagi ng NFA Sorsogon sa mga ganitong gawain, sinusuportahan ng Ahensya ang sama-samang pagsisikap na maihatid sa publiko ang tama, napapanahon, at mapagkakatiwalaang impormasyon, lalo na sa panahon ng kalamidad at iba pang sitwasyong nangangailangan ng maagap na pagtugon.

31/07/2026

“𝗣𝗮𝘁𝘂𝗹𝗼𝘆 𝗽𝗮 𝗿𝗶𝗻 𝗮𝗻𝗴 𝗽𝗿𝗼𝗴𝗿𝗮𝗺𝗮𝗻𝗴 𝗕𝗲𝗻𝘁𝗲𝗻𝗴 𝗕𝗶𝗴𝗮𝘀 𝗠𝗲𝗿𝗼𝗻 𝗡𝗮. 𝗜𝘁𝗼’𝘆 𝗻𝗮𝗸𝗮𝗽𝗮𝗴𝗯𝗶𝗯𝗶𝗴𝗮𝘆-𝗴𝗶𝗻𝗵𝗮𝘄𝗮 𝘀𝗮 𝗺𝗮𝗵𝗶𝗴𝗶𝘁 𝗹𝗮𝗯𝗶𝗻𝗴-𝗱𝗮𝗹𝗮𝘄𝗮𝗻𝗴 𝗺𝗶𝗹𝘆𝗼𝗻𝗴 𝗣𝗶𝗹𝗶𝗽𝗶𝗻𝗼 𝘀𝗮 𝗯𝘂𝗼𝗻𝗴 𝗯𝗮𝗻𝘀𝗮.”

Ito ang binigyang-diin ni Pangulong Ferdinand “Bongbong” R. Marcos Jr. sa kanyang State of the Nation Address (SONA) noong Hulyo 27, 2026, kung saan kanyang inihayag na magpapatuloy ang pagpapatupad ng programang Benteng Bigas Meron Na, na patuloy na nagbibigay ng abot-kayang bigas at ginhawa sa mahigit 12 milyong Pilipino sa buong bansa.

Bilang suporta sa programang ito, ang National Food Authority (NFA) Bicol Region ay nakapagpalabas na ng kabuuang 𝟏𝟕𝟔,𝟎𝟕𝟏 sako ng bigas sa Food Terminal Incorporated (FTI). Dahil dito, umabot sa 𝟖𝟖𝟎,𝟑𝟓𝟓 benepisyaryo sa rehiyon ang nagkaroon ng access sa abot-kayang bigas sa ilalim ng programa.

Patuloy namang ginagampanan ng NFA Bicol Region ang mahalagang papel nito sa tagumpay ng programa sa pamamagitan ng pagtiyak na may sapat at dekalidad na suplay ng bigas hindi lamang para sa mga mamamayan ng Bicol kundi pati na sa buong bansa.

29/07/2026

𝗣𝟮𝟬 𝗕𝗘𝗡𝗧𝗘𝗡𝗚 𝗕𝗜𝗚𝗔𝗦 𝗨𝗣𝗗𝗔𝗧𝗘 | 𝗝𝘂𝗹𝘆 𝟮𝟬–𝟮𝟰, 𝟮𝟬𝟮𝟲

Sa loob ng Hulyo 20–24, 2026, nakapag-isyu ang NFA Sorsogon Branch ng kabuuang 1,387 sako ng bigas sa Food Terminal Incorporated (FTI) bilang bahagi ng pagpapatupad ng P20 Benteng Bigas Program. Ang mga naipadalang suplay ay nakatugon sa pangangailangan ng 6,516 benepisyaryo sa Sorsogon City at Masbate City.

Patuloy na isinasagawa ng NFA ang pag-iisyu ng bigas alinsunod sa mga awtorisadong allocation at iskedyul ng programa, bilang suporta sa layunin ng pamahalaan na makapaghatid ng abot-kayang bigas sa mga kwalipikadong mamamayan.

28/07/2026