MSSD Maguindanao Del Sur

07/06/2026

📢𝗖𝗵𝗶𝗹𝗱 𝗗𝗲𝘃𝗲𝗹𝗼𝗽𝗺𝗲𝗻𝘁 𝗪𝗼𝗿𝗸𝗲𝗿𝘀' 𝗪𝗲𝗲𝗸 𝗖𝗲𝗹𝗲𝗯𝗿𝗮𝘁𝗶𝗼𝗻!

Narito ang opisyal na schedule para sa gaganaping Child Development Workers' Summit sa buong rehiyon.

Makilahok at makiisa sa selebrasyong ito na nagbibigay-pugay sa mahalagang papel ng ating mga Child Development Workers sa paghubog ng kinabukasan ng mga batang Bangsamoro!

Kita-kits, mga ka-Bangsamorong Child Development Workers! 👋

07/06/2026

07/06/2026

Ang MSSD ay nagbibigay-pugay sa ating mga Child Development Workers (CDWs) na patuloy na nagsisilbing katuwang sa pagtataguyod ng maagang pag-unlad at kapakanan ng mga batang Bangsamoro.

Salamat sa inyong dedikasyon, malasakit, at walang sawang paglilingkod sa paghubog ng mas maliwanag na kinabukasan para sa ating mga kabataan.

07/06/2026

04/06/2026

𝗜𝗿𝗼𝗻 𝗥𝗶𝗰𝗲 𝗙𝗼𝗿𝘁𝗶𝗳𝗶𝗲𝗱, 𝗜𝗽𝗶𝗻𝗮𝗺𝗮𝗵𝗮𝗴𝗶 𝘀𝗮 500 𝗦𝗘𝗖𝗨𝗥𝗘 𝗰𝗼𝗺𝗺𝘂𝗻𝗶𝘁𝘆 𝗽𝗮𝗿𝘁𝗻𝗲𝗿𝘀 𝘀𝗮 𝗯𝗮𝘆𝗮𝗻 𝗻𝗴 𝗠𝗮𝗺𝗮𝘀𝗮𝗽𝗮𝗻𝗼

MAMASAPANO – Matagumpay na isinagawa ang ika-anim na pamamahagi ng Iron Rice Fortified noong Hunyo 2, 2026 para sa may 500 community partners ng komunidad sa ilalim ng SECURE Program.

Ang nasabing tulong ay ipinamahagi ng World Food Program (WFP) na naglalayong tiyakin ang sapat at masustansyang pagkain ng mga community partners habang ginagawa ang mga proyekto ng SECURE program sa kanilang komunidad.

Mahalagang bahagi ng tagumpay ng aktibidad ang masigasig na suporta at pakikilahok ng MSSD, MAFAR, at MDRRMO, katuwang ang mga Barangay Local Government Unit ng Bagumbong at Mamasapano.

03/06/2026

𝗠𝗦𝗦𝗗, 𝗡𝗮𝗴𝘀𝗮𝗴𝗮𝘄𝗮 𝗻𝗴 𝗝𝗼𝗶𝗻𝘁 𝗦𝗶𝘁𝗲 𝗩𝗶𝘀𝗶𝘁 𝗮𝗻𝗱 𝗠𝗼𝗻𝗶𝘁𝗼𝗿𝗶𝗻𝗴 𝘀𝗮 𝗥𝗲𝗵𝗮𝗯𝗶𝗹𝗶𝘁𝗮𝘀𝘆𝗼𝗻 𝗻𝗴 𝗺𝗴𝗮 𝗖𝗵𝗶𝗹𝗱 𝗗𝗲𝘃𝗲𝗹𝗼𝗽𝗺𝗲𝗻𝘁 𝗖𝗲𝗻𝘁𝗲𝗿𝘀 𝘀𝗮 𝗗𝗮𝘁𝘂 𝗔𝗻𝗴𝗴𝗮𝗹 𝗠𝗶𝗱𝘁𝗶𝗺𝗯𝗮𝗻𝗴

DATU ANGGAL MIDTIMBANG, MDS – Isinagawa ng mga kawani ng Ministry of Social Services and Development (MSSD) ang Joint Site Visit and Monitoring ngayong araw, Hunyo 3, 2026, upang masuri ang takbo ng rehabilitasyon ng anim (6) na Child Development Centers (CDCs) sa nasabing bayan.

Kabilang sa mga pasilidad na binisita ay ang Poblacion Nunangan CDC, Old Nunangan CDC, Sabuka Child Development Center, Endap Child Development Center, Tulunan Child Development Center, at Poblacion Tugal CDC.

Nakiisa sa nasabing joint site visit at monitoring ito ang mga kinatawan mula sa MSSD Regional Office. Sila ay sina Engr. Salahudin N. Kindeg at Engr. Al Mishari W. Anda ng Engineering Unit; Nasser L. Bantuas ng Commission on Audit (COA) Division; at Jacquelyn P. Yurag ng Legal and Legislative Liaison Division, kasama ang mga kawani ng MSSD Datu Anggal Midtimbang.

Ang layunin ng aktibidad ay masusing matiyak ang kalagayan ng mga pasilidad, matukoy ang mga natitirang pangangailangan, at siguraduhing ang rehabilitasyon ay mabilis, ligtas, at sumusunod sa itinakdang pamantayan.

Ayon sa talaan, ang anim na Child Development Centers na ito ay kabilang sa mga lubos na napinsala nang salantain ng Bagyong Paeng ang bayan noon taong 2022. Sa pamamagitan ng pagtutulungan, sinisiguro ng ahensya na muling magkakaroon ng maayos, ligtas, at kasiya-siyang lugar ang mga bata para sa kanilang pag-aaral at paglago.

03/06/2026

𝗠𝗴𝗮 𝗰𝗵𝗶𝗹𝗱 𝗱𝗲𝘃𝗲𝗹𝗼𝗽𝗺𝗲𝗻𝘁 𝗰𝗲𝗻𝘁𝗲𝗿 𝘀𝗮 𝗗𝗮𝘁𝘂 𝗔𝗻𝗴𝗴𝗮𝗹 𝗠𝗶𝗱𝘁𝗶𝗺𝗯𝗮𝗻𝗴, 𝗛𝗮𝗻𝗱𝗮 𝗻𝗮 𝗽𝗮𝗿𝗮 𝘀𝗮 𝗽𝗮𝗴𝗯𝘂𝗯𝘂𝗸𝗮𝘀 𝗻𝗴 𝗸𝗹𝗮𝘀𝗲

MAGUINDANAO DEL SUR, BARMM — Nagkaisa ang mga magulang, barangay officials, at mga Child Development Workers (CDWs) ng MSSD sa pagsasagawa ng Bayanihang Bulilit 2026 upang ihanda ang iba't ibang Child Development Centers (CDCs) sa bayan ng Datu Anggal Midtimbang para sa nalalapit na pagbubukas ng klase sa Hunyo 15, 2026.

Isinagawa ang aktibidad noong Mayo 29, 2026, kung saan nagtulungan ang mga kalahok sa paglilinis, pagkukumpuni, at pagsasaayos ng mga pasilidad ng daycare centers upang matiyak na handa ang mga ito sa pagdating ng mga batang learners para sa School Year 2026–2027.

Layunin ng Bayanihang Bulilit na makapagbigay ng ligtas, maayos, at angkop na kapaligiran sa pagkatuto para sa mga batang naka-enroll sa CDCs at Supervised Neighborhood Play (SNP) sa pamamagitan ng patuloy na pagpapabuti at pagpapanatili ng mga pasilidad ng daycare centers. (𝗔𝗝𝗔𝗠/𝗜𝗖𝗗)

📌Follow MSSD for more updates!
FB: https://facebook.com/MSSDBangsamoro/
IG: https://www.instagram.com/mssdbangsamoro/
X: https://x.com/MSSDBangsamoro
YT: https://www.youtube.com/
Tiktok: https://www.tiktok.com/.barmm