Call for Justice for VM Roldan Benito Movement

01/10/2025

02/08/2025

We Demand Justice”: Prayer Rally Marks First Death Anniversary of South Upi Vice Mayor Roldan Benito

August 2, 2025 – South Upi, Maguindanao del Sur
A solemn yet defiant prayer rally was held on Saturday to commemorate the first death anniversary of Vice Mayor Roldan Benito and his security aide, Weng Marcos, who were tragically killed in an ambush on August 2, 2024, in Barangay Pandan.

The event, held in the heart of South Upi, drew family members, local officials, community leaders, and residents who gathered not only to honor the lives lost, but to make a collective cry for justice.

“𝘛𝘩𝘦𝘪𝘳 𝘢𝘤𝘵𝘪𝘰𝘯 𝘪𝘴 𝘱𝘶𝘳𝘦 𝘦𝘷𝘪𝘭, 𝘢𝘯𝘥 𝘸𝘦 𝘴𝘵𝘳𝘰𝘯𝘨𝘭𝘺 𝘤𝘰𝘯𝘥𝘦𝘮𝘯 𝘵𝘩𝘪𝘴 𝘢𝘤𝘵,” 𝘰𝘯𝘦 𝘤𝘰𝘮𝘮𝘶𝘯𝘪𝘵𝘺 𝘭𝘦𝘢𝘥𝘦𝘳 𝘴𝘢𝘪𝘥 𝘥𝘶𝘳𝘪𝘯𝘨 𝘵𝘩𝘦 𝘳𝘢𝘭𝘭𝘺. “𝘞𝘦 𝘥𝘦𝘮𝘢𝘯𝘥 𝘫𝘶𝘴𝘵𝘪𝘤𝘦 𝘯𝘰𝘵 𝘰𝘯𝘭𝘺 𝘧𝘰𝘳 𝘝𝘪𝘤𝘦 𝘔𝘢𝘺𝘰𝘳 𝘉𝘦𝘯𝘪𝘵𝘰 𝘢𝘯𝘥 𝘞𝘦𝘯𝘨 𝘔𝘢𝘳𝘤𝘰𝘴, 𝘣𝘶𝘵 𝘢𝘭𝘴𝘰 𝘧𝘰𝘳 𝘵𝘩𝘦𝘪𝘳 𝘧𝘢𝘮𝘪𝘭𝘪𝘦𝘴 𝘢𝘯𝘥 𝘧𝘰𝘳 𝘵𝘩𝘦 𝘱𝘦𝘰𝘱𝘭𝘦 𝘰𝘧 𝘚𝘰𝘶𝘵𝘩 𝘜𝘱𝘪 𝘸𝘩𝘰 𝘭𝘰𝘴𝘵 𝘵𝘳𝘶𝘦 𝘱𝘶𝘣𝘭𝘪𝘤 𝘴𝘦𝘳𝘷𝘢𝘯𝘵𝘴.”

The ambush took place in broad daylight as Vice Mayor Benito, his wife Analyn F. Benito the Chairwoman of Barangay Pandan and their 11-year-old daughter were traveling in a pickup truck. Both Mrs. Benito and their daughter sustained injuries, while Vice Mayor Benito and his aide were killed on the spot.

A laurel-laying ceremony, interfaith prayers, and candle lighting formed part of the program, with mourners calling on law enforcement and the national government to speed up the investigation and bring the perpetrators to justice.

Local leaders emphasized that Vice Mayor Benito was known for his unwavering commitment to Indigenous rights, grassroots development, and peace in the region. His death left a deep void in public service, and a painful reminder of the dangers faced by leaders who challenge violence and corruption.

𝐓𝐡𝐞 𝐫𝐚𝐥𝐥𝐲 𝐞𝐧𝐝𝐞𝐝 𝐰𝐢𝐭𝐡 𝐚 𝐮𝐧𝐢𝐟𝐢𝐞𝐝 𝐜𝐚𝐥𝐥: 𝐉𝐮𝐬𝐭𝐢𝐜𝐞 𝐟𝐨𝐫 𝐑𝐨𝐥𝐝𝐚𝐧 𝐁𝐞𝐧𝐢𝐭𝐨 𝐖𝐞𝐧𝐠 𝐌𝐚𝐫𝐜𝐨𝐬, and 27 who were killed and 𝐒𝐭𝐨𝐩 𝐭𝐡𝐞 𝐯𝐢𝐨𝐥𝐞𝐧𝐜𝐞. 𝐋𝐞𝐭 𝐭𝐫𝐮𝐭𝐡 𝐚𝐧𝐝 𝐚𝐜𝐜𝐨𝐮𝐧𝐭𝐚𝐛𝐢𝐥𝐢𝐭𝐲 𝐩𝐫𝐞𝐯𝐚𝐢𝐥

02/08/2025

MENSAHE MULA KAY MAYORA HELEN BENITO-PADUA

Agosto 2, 2025 – Unang Anibersaryo ng Pagkamatay ni Roldan M. Benito
Sitio Bahar, Pandan, South Upi, Maguindanao del Sur

Isang taon na ang lumipas simula nang biglaang pagkawala ng aking kapatid na si Roldan Mobwayaen Benito, kasama ang kanyang empleyado na si Sherwin “Weng” Marcos at malubhang sugat ng kamyang may bahay. Ang araw na ito ay hindi lamang simpleng paggunita kundi isang panawagan para sa katarungan.

Ang kirot ng pagkawala na walang hustisya ay patuloy na bumabalot sa buong komunidad ng mga Non-Moro Indigenous Peoples (NMIP) sa South Upi.

Bilang isang kapatid, isang anak, isang ina, at ngayong isang lingkod-bayan, dala ko ang bigat ng kirot at pangarap na naiwan nina Mamang at Udan. Hanggang ngayon, sariwa at masakit pa rin ang kanilang pagpanaw.

Sabi ko nga, “Kayo ni Mama at Dan, kayo ang may pinakamataas na pangarap para sa South Upi.”

Hindi naging madali ang lahat. Sa magkabilang panig ay may mga banta, diskriminasyon at pangmamaliit dahil babae ako, dahil isa akong Tëduray. Ngunit hindi nagpapabaya ang Diyos. Hindi rin nagpapabaya ang mamamayan ng South Upi.

Alam ko, may magandang bukas na darating. Ang tagumpay ko ngayon ay hindi para sa pansarili kong interes. Hiling ko lamang ang respeto sa mandato na ibinigay sa akin ng taumbayan.

Oo, may mga pagsubok at minsan mahirap gumalaw, pero ang inyong tiwala ang aking lakas. Getewa kuso Dan, enda fedaya mo begen. Ipahdasal ninyo ako, gabayan ninyo ako.

Mga pangarap natin sa South Upi isa-isa kong isusulong. Alam ko, ako ay instrumento lamang. Wala akong yaman, wala akong impluwensya kundi ang tapat na hangarin na maglingkod.

Sa ilalim ng aking flagship program na HELEN CARES, sisikapin kong maisakatuparan ang mga proyektong tunay na kailangan ng ating bayan.

Salamat sa inyong patuloy na panalangin at suporta. Kahapon, isang buwan na ako sa pwesto—isang buwang punô ng pagsubok at pag-asa.

Nagpapasalamat ako sa ating mga kasundaluhan at kapulisan, sa PNP at AFP, sa pagbibigay ng seguridad. Ibang-iba na ngayon kumpara noong buhay pa sina Mamang at Udan.

Kailangan natin magkaisa magtanim, magsikap, at magkaisa para sa pag-unlad. Bukas po ang opisina ng Municipal Mayor para sa lahat—Kristiyano, Tëduray, Moro, at iba pang tribo. Walang maiiwan.

Lalo na ang kababaihan dapat makaramdam ng tunay na serbisyo. Ang paninilbihan ko ay hindi biro—ang buhay ko ang nakataya. Gagawin ko ang lahat para maisakatuparan ang pangarap ng ating mga yumaong mahal sa buhay.

Nais kong makatulong sa mga conflict-affected areas. Sa kabila ng hirap, sa kabila ng giyera, babangon tayo tungo sa kapayapaan.

Marami pang proyekto mula sa gobyerno ang kailangan nating ipaglaban at ipatupad.

Maraming salamat sa lahat ng nag-initiate ng programang ito.

Muli, ito ay hindi lamang pag-alala kundi panata, panata ng pagmamahal, panata ng serbisyo, panata ng katarungan.

— MAYORA HELEN BENITO-PADUA
MUNICIPAL MAYOR, SOUTH UPI

01/08/2025

𝐎𝐏𝐈𝐒𝐘𝐀𝐋 𝐍𝐀 𝐏𝐀𝐇𝐀𝐘𝐀𝐆

𝐔𝐧𝐚𝐧𝐠 𝐀𝐧𝐢𝐛𝐞𝐫𝐬𝐚𝐫𝐲𝐨 𝐧𝐠 𝐏𝐚𝐠𝐤𝐚𝐦𝐚𝐭𝐚𝐲 𝐧𝐢 𝐒𝐨𝐮𝐭𝐡 𝐔𝐩𝐢 𝐕𝐢𝐜𝐞 𝐌𝐚𝐲𝐨𝐫 𝐑𝐨𝐥𝐝𝐚𝐧 𝐁𝐞𝐧𝐢𝐭𝐨 𝐚𝐭 𝐒𝐡𝐞𝐫𝐰𝐢𝐧 𝐌𝐚𝐫𝐜𝐨𝐬 𝐤𝐚n𝐲𝐚𝐧𝐠 𝐞𝐦𝐩𝐥𝐞𝐲𝐚𝐝𝐨

Agosto 2, 2025

Isang taon na ang lumipas mula nang brutal na paslangin si South Upi si Vice Mayor Roldan Mobuwayaen Benito at ang kanyang empleyado na si Sherwin Marcos sa isang madugong ambush sa Barangay Pandan. Sa parehong insidente, malubhang nasugatan ang kanyang asawa na si Barangay Chairwoman Analyn F. Benito at ang kanilang 11 taong gulang na anak.

Hanggang ngayon, malaya pa rin ang may kagagawan ng karumal-dumal na krimen na ito. Nasaan ang hustisya? Kailan lilitisin ang mga responsable? Kapangyarihan ba ang dapat manaig sa halip na katarungan?

Kung magagawa ito sa isang lider na katutubong lingkod-bayan, paano pa kaya ang karaniwang mamamayan? Patuloy ang pananabik ng mga taga-South Upi para sa hustisya. Hindi kami tatahimik hangga’t malaya at hindi napapanagot ang salarin. Ang krimeng ito ay hindi lamang laban sa isang pamilya—ito ay isang tahasang pag-atake sa katutubong komunidad at sa prinsipyo ng serbisyo publiko.

Kami ay nananawagan ng kapayapaan, seguridad, at tapat na pamumuno. Dapat panagutin ang mga may sala, isulong ang tunay na hustisya, at wakasan ang kultura ng karahasan at pananahimik. Mariin naming kinokondena ang ginawang karumal-dumal na krimen. Ang ginawa nila ay kasamaan, at kailangang managot ang gumawa nito sa ilalim ng ating saligang batas.

01/08/2025

27/07/2025

We are watching you!

PAHAYAG NG PAGKONDENA
Sa Patuloy na Pagpatay at Kawalang-Hustisya sa mga Katutubong Pamayanan sa South Upi at Maguindanao Del Sur.

Lubos ang aming dalamhati at matinding pagkagalit sa sunod-sunod na karahasan laban sa mga Katutubo (Non-Moro Indigenous Peoples o NMIPs) sa South Upi, Maguindanao del Sur, at sa iba pang bahagi ng Bangsamoro.

Kahapon, Hulyo 25, 2025, muling nadungisan ang ating pamayanan sa pamamagitan ng isang marahas at walang pusong pananambang na kumitil sa buhay ni Ginoong Nickasio Tayas Mindo, isang iginagalang na magsasaka at dating Barangay Kagawad ng Pilar. Kasama niyang sugatan ang kanyang maybahay, si Ginang Jenelyn Mutia Gunsi Mindo, isang dedikadong g**o sa Saramuray Elementary School. Ang pamamaril ay naganap sa gitna ng araw habang sila ay mapayapang bumibiyahe sa Sitio Lenan, Barangay Romongaob.

Hindi lamang ito pag-atake sa dalawang inosenteng sibilyan—ito rin ay tahasang paglapastangan sa kapayapaan, kaayusan, at dangal ng ating pamayanan na matagal nang ipinaglalaban.

Sa kasalukuyan, 29 na lider-katutubo ang napatay sa South Upi, at 93 naman sa buong Maguindanao del Sur at Maguindanao del Norte. Sa kabila ng ganitong bilang, ang hustisya ay nananatiling mailap. Ang mga salarin ay malaya, ang mga makapangyarihan ay hindi pinapanagot, at ang mga biktima ay tila ba nakalimutan na.

Nasaan ang hustisya?
Kung ang hustisya ay para lamang sa may pera at kapangyarihan, ito ba ay tunay na hustisya? Hanggang kailan tayo mananahimik sa harap ng mga karumal-dumal na krimen gaya ng pagpatay kay Vice Mayor Roldan Benito, isang kaso na hanggang ngayon ay wala pa ring linaw?

Panahon na para manindigan.
Nanawagan kami sa Sandatahang Lakas ng Pilipinas (AFP) at sa Pambansang Pulisya (PNP) na gampanan ang kanilang tungkulin nang patas at makatao. Hindi dapat natutulog ang batas. Ang seguridad at kapayapaan ay hindi dapat ipinagpapalit sa takot, pananakot, o pang-aabuso.

Hinihimok din namin ang bagong pamahalaang lokal ng South Upi na itigil na ang kulturang katiwalian, panagutin na ang may sala, ang pagsasamantala sa kaban ng bayan sa mga nakalipas na taon kapalit ng huwad na kapayapaan. Hindi dapat maging gatasan ang pamahalaan. Panahon na upang wakasan ang pang-aapi sa mga katutubo, ibalik ang hustisyang hindi nabibili, at ibalik ang tiwala ng mamamayan sa pamahalaan.

Ang mga kaso ng panggagahasa, pagpatay, pulitikal na paniniil, at pang-aagaw ng lupa ay dapat wakasan at papanagutin ang mga salarin, lalo na kung sila ay makapangyarihan.

Sa bagong administrasyon, dapat magbago ang takbo ng pamumuno. Dapat bigyang halaga ang tunay na serbisyo, hindi ang interes ng iilan. Dapat itaguyod ang karapatan ng mga katutubo sa lupaing ninuno, sa dignidad, at sa buhay.

Panawagan sa bawat katutubo:
Manindigan tayo. Tumindig para sa ating karapatan, para sa ating pamayanan, para sa ating kinabukasan. Hindi tayo istatistika. Tayo ay mga buhay na nararapat igalang, pangalagaan, at ipaglaban.

Itigil ang pagdanak ng dugo. Panagutin ang mga salarin. Wakas na sa pang-aapi. Hustisya para sa mga katutubo.

- Kabataang Tedurise

fans

22/05/2025

JUSTICE FOR ROLDAN BENITO MOVEMENT (JRBM)
South Upi, Maguindanao Del Sur

Panawagan sa lahat ng mga Kababayan natin dito sa South Upi, Maguindanao Del Sur!

Nais po naming ipaabot sa lahat ng South Upians ang hinggil sa pagkahuli kay Mayor Reynalbert “Obet” Insular at ang kanyang asawa na si Janeth Insular kahapon, May 20, 2025 sa Making, Parang Maguindanao. Ang pagkahuli sa Kanila ay kaugnay sa pag ambush sa ating butihing Bise Alkalde na sanhi ng kanyang agarang kamatayan kabilang na ang kanyang security Aid na si Erwin Marcos at pagkasugat ng kanyang maybahay na si Kapitana Analyn Benito at ng isa pang batang babae noong August 2, 2024 sa sitio Lenangkat, Pandan, South Upi Maguindanao Del Sur.

Sa mga pangyayaring ito ay labis ang paghihinagpis ng lahat ng mamamayan ng south upi lalo na ang mga katulad nating mga Katutubong Teduray at Lambangian at nagpapatuloy ang pagsigaw ng Hustisya para sa ating Vice Mayor Roldan Benito kabilang na ang iba pang mga biktima ng mga Injustices sa bayan ng South Upi. Sa pangyayaring ito ay tila tayo po ay nabunutan ng tinik dahil sa mga napabalitang pagkahuli sa mga taong sangkot sa nangyaring krimen.

Bagaman ang ating mga hinanaing at pagsigaw ng Hustisya ay mukhang nagkaroon na ng katuparan hinihiling po namin sa lahat ng mga nagsimpatiya sa ating Yumaong Bise alkalde Roldan Benito at sa lahat ng mga mamamayan ng South Upi, tayo po ay manatiling kalmado at ilagay sa mahinahon ang ating mga sarili sa kabila ng samut-saring pambabatikos ng mga taga suporta ni Mayor Obet Insular. Huwag po tayo lalahok sa anumang aktibidades ng mga grupo ni Insular dahil ginagamit lamang tayo upang itago ang buong katutuhanan at maaring tayo ay ipag-away away lamang lalo na sa mga kapwa nating Teduray at Lambangian.

Lagi po nating isaalang alang na meron po tayong mga Legal na proseso at batas na dapat sundin. Kung maari lamang po huwag na nating gatungan pa ang mga negatibong komentaryo ng iba dahil ang lahat ng ito ay sa Korte lamang mabibigyan ng tamang kasagutan. Sa korte lamang po nila mapapatunayan kung sila po ay guilty or not guilty batay sa mga matibay na ebidensya na naging dahilan ng pagsampa ng Kaso laban sa kanila.

Sa muli, kami po ay nanawagan sa lahat na tigilan na ang mga negatibong komentaryo sapagkat ito po ay hindi nanakatulong na malutas ang ang mga isyu na kinakaharap ng ating bayan ng South Upi, bagkus tayo po bukas sa isat isa para sa pagkakaisa at pagtutulungan para tugunan ang krisis pampulitika sa ating bayan.

Hanggang dito na lamang po at lubos po ang aming pasasalamat sa walang humpay na suporta para sa pagkamit ng Hustisya sa lahat ng mga biktima ng karahasan at nagpapasalamat din tayo dahil sa Kapanalunan ng ating Butihing Mayora Helen Benito.

Fiyo bagi, Meuyag mula sa JRBM