https://www.facebook.com/770005116204405/

News Prime, Subic, Zambales, Subic (2026)

08/09/2026

𝗥𝗘𝗣. 𝗔𝗖𝗜𝗗𝗥𝗘: 𝗛𝗜𝗡𝗗𝗜 𝗠𝗔𝗧𝗔𝗧𝗔𝗪𝗔𝗥𝗔𝗡 𝗔𝗡𝗚 𝗠𝗚𝗔 𝗡𝗔𝗜𝗔𝗠𝗕𝗔𝗚 𝗡𝗜 𝗥𝗢𝗠𝗨𝗔𝗟𝗗𝗘𝗭 𝗦𝗔 𝗕𝗔𝗡𝗦𝗔

Nanawagan si Tingog party-list Rep. Jude Acidre sa publiko na pairalin ang pagiging patas sa pagtingin kay dating House Speaker at Leyte Rep. Martin Romualdez, kasabay ng mga usaping nag-uugnay sa umano’y anomalya sa ilang flood control projects.

Ayon kay Acidre sa isang pahayag noong Nobyembre 2025, wala pa umanong naipapakitang ebidensyang direktang nag-uugnay kay Romualdez sa mga kontrobersiyang ibinabato laban sa kanya.

Dahil dito, sinabi niyang hindi makatarungang agad humatol batay lamang sa mga haka-haka at hindi pa napatutunayang alegasyon.

“Wala naman kasing ebidensya that directly imputes Martin Romualdez to all these controversies,” wika ni Acidre.

Iginiit din ng mambabatas na dapat ibatay sa konkretong ebidensya, at hindi sa espekulasyon, ang anumang paghatol sa isang tao.

Dagdag pa ni Acidre, marami umanong naiambag si Romualdez sa bansa sa panahon ng kanyang panunungkulan bilang Speaker ng Kamara.

“He has also done so much good for the country, especially during his tenure as speaker.”

Naniniwala si Acidre na nararapat lamang na mabigyan si Romualdez ng pagkakataong maipaliwanag at maipagtanggol ang kanyang sarili laban sa mga paratang.

08/09/2026

71% 𝗦𝗔𝗧𝗜𝗦𝗙𝗔𝗖𝗧𝗜𝗢𝗡 𝗥𝗔𝗧𝗜𝗡𝗚 𝗡𝗚 𝗞𝗔𝗠𝗔𝗥𝗔, 𝗣𝗔𝗧𝗨𝗡𝗔𝗬 𝗨𝗠𝗔𝗡𝗢 𝗡𝗚 𝗧𝗜𝗪𝗔𝗟𝗔 𝗡𝗚 𝗣𝗨𝗕𝗟𝗜𝗞𝗢 𝗔𝗬𝗢𝗡 𝗞𝗔𝗬 𝗥𝗘𝗣. 𝗞𝗛𝗢𝗡𝗚𝗛𝗨𝗡

Nananatiling mataas ang antas ng kasiyahan ng publiko sa House of Representatives matapos lumabas sa isang survey na 71% ng mga Pilipino ang nagsabing kuntento sila sa pagganap ng mababang kapulungan ng Kongreso.

Ayon kay Rep. Jay Khonghun, ipinahihiwatig umano ng resulta na nakikita at nararanasan ng mga mamamayan ang mga serbisyo at programa ng kanilang mga kinatawan sa kani-kanilang lugar.

“The 71 percent satisfaction rating shows that, beyond national perception, our constituents feel the presence and service of their representatives in their daily lives,” pahayag ni Khonghun.

Sinabi rin ng mambabatas na maaaring sumasalamin ang mataas na marka sa pagpapahalaga ng publiko sa mga konkretong serbisyong direktang naihahatid sa mga komunidad.

Isinagawa ang survey mula Marso 10 hanggang 17 at nilahukan ng 1,455 respondents.

Naganap ang survey sa panahong mainit na pinag-uusapan ang impeachment complaint laban kay Vice President Sara Duterte.

Bagama’t kasabay ito ng kontrobersyal na usaping pampulitika, iginiit ni Khonghun na ipinakikita ng resulta ang positibong pagtingin ng publiko sa trabaho ng Kamara.

07/09/2026

𝗣𝗜𝗡𝗦𝗔𝗡 𝗡𝗜 𝗩𝗣 𝗦𝗔𝗥𝗔, 𝗧𝗜𝗡𝗔𝗪𝗔𝗚 𝗡𝗔 𝗗𝗨𝗪𝗔𝗚 𝗔𝗡𝗚 𝗕𝗜𝗦𝗘 𝗣𝗥𝗘𝗦𝗜𝗗𝗘𝗡𝗧𝗘

Hindi naitago ni Nuelle Duterte ang kanyang reaksyon sa mga naging aksyon ng kanyang pinsan na si Vice President Sara Duterte matapos itong hainan ng warrant of arrest kaugnay ng kasong may kinalaman sa pagbabanta.

Sa isang post, binanggit ni Nuelle ang mga umano’y pagbabanta ng bise presidente laban kay Pangulong Ferdinand “Bongbong” Marcos Jr., First Lady Liza Araneta-Marcos, at dating House Speaker Martin Romualdez.

Ayon kay Nuelle, hindi umano dapat sabihin ng kanyang pinsan na nasa panganib siya, lalo na’t binibigyan naman siya ng pagkakataong dumaan sa due process ng batas.

“She was issued a warrant of arrest and given the chance to receive due process. Maangas kapag siya ang nagbabanta, pero duwag kapag humaharap sa tamang proseso ng batas.”

Ang pahayag ni Nuelle ay kanyang sariling reaksyon sa naging sitwasyon ng bise presidente.

Sara Duterte

06/09/2026

𝗦𝗘𝗡. 𝗟𝗜𝗧𝗢 𝗟𝗔𝗣𝗜𝗗, 𝗡𝗔𝗡𝗔𝗪𝗔𝗚𝗔𝗡 𝗦𝗔 𝗣𝗨𝗕𝗟𝗜𝗞𝗢 𝗦𝗔 𝗚𝗜𝗧𝗡𝗔 𝗡𝗚 𝗕𝗔𝗛𝗔

Nagbigay ng mensahe si Senador Lito Lapid sa publiko matapos ang pagbaha sa iba't ibang bahagi ng Luzon dulot ng Habagat.

Ayon kay Lapid, hinimok niya ang publiko na magtiis muna habang gumagawa ng mga hakbang ang administrasyon ni Pangulong Ferdinand “Bongbong” Marcos Jr. upang matugunan ang problema sa pagbaha.

Nauna nang sinabi ni Pangulong Marcos na kabilang sa mga dahilan ng matinding pagbaha ang epekto ng climate change.

06/09/2026

𝟭𝟬𝟵 𝗣𝗔𝗞𝗘𝗧𝗘 𝗡𝗚 𝗜𝗡𝗔𝗔𝗟𝗔𝗡𝗚 𝗞𝗨𝗦𝗛, 𝗡𝗔𝗧𝗔𝗚𝗣𝗨𝗔𝗔𝗡 𝗦𝗔 𝗬𝗔𝗖𝗛𝗧 𝗦𝗔 𝗦𝗨𝗕𝗜𝗖

Nadiskubre ng joint operatives ang karagdagang 109 pakete ng hinihinalang “kush” na tinatayang nagkakahalaga ng ₱204.44 milyon sa isinagawang re-inspection sa isang sailing yacht sa Subic Bay Yacht Club (SBYC), Zambales noong Setyembre 4, 2026.

Natagpuan ang mga pakete sa forward hatch ng yacht. Dinala ang mga ito sa Bureau of Customs (BOC) Collection District XIII, Port of Subic, para sa inventory at kaukulang proseso.

Ayon kay PCG Spokesperson Commodore Noemie Cayabyab, nakikipag-ugnayan ang Philippine Coast Guard (PCG) sa BOC para suriin ang mga kaukulang dokumento at navigation systems ng yacht.

Layunin ng pagsusuri na matukoy ang naging biyahe at mga galaw ng sasakyang-dagat, kabilang ang mga posibleng rutang pandagat na ginamit sa transportasyon ng hinihinalang ilegal na droga.

Ito ay kasunod ng pagkakasamsam noong Setyembre 2, 2026 ng tinatayang 89 kilo ng hinihinalang high-grade ma*****na na nagkakahalaga ng ₱106.8 milyon mula sa parehong yacht.

Lumahok sa operasyon ang mga tauhan mula sa PCG, BOC, Philippine Drug Enforcement Agency (PDEA), Subic Bay Metropolitan Authority (SBMA), at Subic Bay Yacht Club.

06/09/2026

𝗣𝗖𝗚, 𝗧𝗨𝗠𝗔𝗡𝗚𝗚𝗔𝗣 𝗡𝗚 𝟮 𝗕𝗔𝗚𝗢𝗡𝗚 𝟮𝟳-𝗠𝗘𝗧𝗘𝗥 𝗩𝗘𝗦𝗦𝗘𝗟𝗦

Noong Setyembre 4, 2026, tinanggap ng Philippine Coast Guard (PCG) ang dalawang bagong 27-meter Marine Protector-Class vessels mula sa Baltimore, USA.

Ang mga barko ay pinangalanang BRP Pag-Asa (PATS 2701) at BRP Patag (PATS 2702) at ipinagkaloob sa pamamagitan ng isang U.S. grant.

Inaasahang magagamit ang mga bagong sasakyang-dagat para sa search and rescue operations, marine environmental protection, at pagpapalakas ng maritime domain awareness ng bansa.

Ang mga ito ay bahagi rin ng pagpapalakas ng operational capability ng PCG at ng pakikipagtulungan ng Pilipinas sa mga international partners sa larangan ng maritime security at safety.

📸 Photo/Info: Philippine Coast Guard

06/09/2026

𝗨𝗣𝗗𝗔𝗧𝗘 | 𝗦𝗔𝗠𝗔𝗟–𝗗𝗔𝗩𝗔𝗢 𝗕𝗥𝗜𝗗𝗚𝗘, 𝗣𝗔𝗧𝗨𝗟𝗢𝗬 𝗔𝗡𝗚 𝗞𝗢𝗡𝗦𝗧𝗥𝗨𝗞𝗦𝗜𝗬𝗢𝗡

DAVAO — Patuloy ang konstruksyon ng Samal Island–Davao City Connector Bridge, na target makumpleto bago matapos ang termino ni Pangulong Ferdinand Marcos Jr. sa 2028.

Ang proyekto ay isang four-lane at toll-free bridge na may tinatayang haba na 4.76 kilometro. Ikokonekta nito ang Davao City at Island Garden City of Samal.

Kapag natapos at nabuksan sa publiko, inaasahang mababawasan ang oras ng biyahe sa pagitan ng dalawang lugar mula sa humigit-kumulang 30–50 minuto na biyahe sa ferry tungo sa tinatayang limang minuto.

Inaasahan ding magkaroon ito ng epekto sa transportasyon, turismo, kalakalan, at pagbiyahe ng mga residente at produkto sa pagitan ng Davao City at Samal.

Patuloy ang proyekto habang tinutugunan ang mga usaping may kaugnayan sa pondo, construction costs, at right-of-way.

📸 Photo courtesy: Lipad ni Renzkie

05/09/2026

𝗧𝗜𝗡𝗚𝗡𝗔𝗡 | 𝗟𝗜𝗕𝗥𝗘𝗡𝗚 𝗚𝗔𝗠𝗢𝗧 𝗔𝗧 𝗜𝗕𝗔 𝗣𝗔𝗡𝗚 𝗔𝗦𝗦𝗜𝗦𝗧𝗔𝗡𝗖𝗘 𝗦𝗔 𝗔𝗖𝗧𝗜𝗢𝗡 𝗖𝗘𝗡𝗧𝗘𝗥𝗦

Patuloy na nagbibigay ng libreng gamot at iba pang assistance ang mga Cong. Jay Khonghun Action Centers para sa mga residente ng Unang Distrito ng Zambales at Lungsod ng Olongapo.

Matatagpuan ang mga Action Center sa Brgy. Aningway-Sacatihan, Subic at sa gilid ng City Hall sa Olongapo.

Kabilang sa mga assistance ang maintenance medicines, laboratory assistance, hospital assistance, burial assistance at iba pang serbisyong naaayon sa pangangailangan at itinakdang proseso.

📸 Photos: Cong. Jay Khonghun

News Prime

08/09/2026

08/09/2026

07/09/2026

06/09/2026

06/09/2026

06/09/2026

06/09/2026

05/09/2026

Address

Website

Alerts

Shortcuts

Share

Category

Listing takedown request