MSWDO SUBIC

30/07/2026

🌿 Municipal Nutrition Month Celebration 2026 🌿

"Nutrisyon at Kalikasan, Ating Pangalagaan." 💚🌱

Bilang bahagi ng adbokasiyang ito, nagsagawa ang Municipal Social Welfare and Development Office (MSWDO) Subic ng pagdiriwang ng Municipal Nutrition Month 2026 na may temang "Nutrisyon at Kalikasan, Ating Pangalagaan." Layunin ng aktibidad na palakasin ang kamalayan ng bawat pamilya sa kahalagahan ng wastong nutrisyon at pangangalaga sa kalikasan bilang pundasyon ng isang malusog at maunlad na pamayanan.

🏆 Congratulations sa ating mga nagwagi sa Healthy Cooking Contest!

🥇 1st Place – Manggahan III Child Development Center
Entry: Chicken Kangkong Rolls

🥈 2nd Place – Ilwas Child Development Center
Entry: Luntiang Sarap Patty

🥉 3rd Place – Calapandayan Child Development Center
Entry: Chicken Super Spaghetti

Taos-pusong pasasalamat sa ating butihing Mayor Jonathan John F. Khonghun sa kanyang patuloy na suporta at malasakit na naging daan upang maging posible at matagumpay ang aktibidad na ito.

Lubos din ang aming pasasalamat sa ating mga Child Development Parents at Child Development Workers sa kanilang aktibong pakikiisa at walang sawang suporta sa programa.

Isang taos-pusong pasasalamat din sa ating mga Board of Judges na naglaan ng kanilang oras at kaalaman:
• Dr. Elmer M. Madriaga – Focal for International Linkages of KNS & Instructor
• Annie Grace D. Domacena – Teacher III, SNHS
• Jaki Eon U. Barcelo – Child Representative, SNHS
• Maria Celia Artagame – MNAO Representative

Maraming salamat sa lahat ng nakiisa at naging bahagi ng pagdiriwang na ito. Sama-sama nating isulong ang wastong nutrisyon at pangangalaga sa kalikasan tungo sa isang mas malusog, mas ligtas, at mas maunlad na komunidad.

20/07/2026

Congratulations, Ms. Liezel Jhoy Mendigorin of Pamatawan!

Congratulations on winning Miss Inclusion 2026 during the celebration of the 48th National Disability Rights Week! 🏆✨

Thank you for proudly representing Subic and bringing home the victory! We are so proud of you!

Special thanks to Mayor Jon Khonghun for the continued support, and to all our PWD members for the love and support. This achievement is a win for all of us!

Good luck on your journey to the Regional Miss Inclusion 2026! We are all cheering for you! ❤️

P.S. Sabi nga namin, walang uuwi kapag hindi nanalo. HAHAHA. 🎉

20/07/2026

19/07/2026

DSWD Chief: Hindi Galing sa DSWD ang Listahan ng UPLIFT Beneficiaries

Nilinaw ni DSWD Secretary REX Gatchalian na ang listahan ng mga benepisyaryo ng UPLIFT Assistance para sa Group 2 at 3 ay hindi galing sa DSWD. Ang listahan ay nagmula sa Philippine Statistics Authority (PSA) at nakabatay sa 2024 Community-Based Monitoring System (CBMS), kung saan isinagawa ang pagtukoy sa mga kabahayan at kung sino ang kabilang sa mga "poor" at "not poor" households.

Ayon sa Kalihim, ang tungkulin ng DSWD ay ang cross-matching ng listahang ibinigay ng PSA para matiyak ang tamang implementasyon ng tulong-pinansyal. Binigyang-diin din niya na walang kapangyarihan ang Kagawaran na magdagdag o mag-alis ng mga pangalan sa listahan.

Dagdag pa ni Secretary Gatchalian, walang naging pakikialam ang sinumang politiko, opisyal o local government unit (LGU) sa pagpili ng mga benepisyaryo para matiyak na ang proseso ay nananatiling patas at nakabatay sa opisyal na datos.

❤️

19/07/2026

📸 Photo Highlights

48th National Disability Rights Week
Psychological First Aid (PFA) Orientation

18/07/2026

48th National Disability Rights Week

Bilang pakikiisa sa pagdiriwang ng 48th National Disability Rights Week na may temang "Rights First, Legislation Forward: Strategic Action for Equal Participation and Inclusive Development," nagsagawa ang Municipal Social Welfare and Development Office (MSWDO) ng Psychological First Aid (PFA) Orientation para sa mga PWD Officers mula sa iba't ibang barangay ng Bayan ng Subic.

Layunin ng aktibidad na mapalawak ang kaalaman at mapalakas ang kakayahan ng ating mga PWD Officers sa pagbibigay ng agarang psychosocial support at tamang pagtugon sa mga indibidwal na nakararanas ng matinding stress o krisis. Sa pamamagitan ng pagsasanay na ito, mas magiging handa sila sa pagbibigay ng tulong at pagtaguyod ng mental health at psychosocial well-being sa kanilang mga komunidad.

Maraming salamat po sa ating butihing Mayor, Mayor Jon Khonghun, sa inyong patuloy na suporta at malasakit sa ating mga Persons with Disabilities (PWDs) at sa mga programang naglalayong itaguyod ang kanilang kapakanan.

Lubos din po kaming nagpapasalamat sa ating resource speaker, Ma'am Josefina Marañon, sa pagbabahagi ng inyong kaalaman, karanasan, at mahahalagang pananaw na naging daan upang higit pang mapalakas ang kakayahan at kahandaan ng ating mga PWD Officers sa pagbibigay ng Psychological First Aid sa kani-kanilang mga komunidad.

Patuloy nating isulong ang isang lipunang may pantay na karapatan, aktibong partisipasyon, at inklusibong pag-unlad para sa lahat.

27/06/2026

Child Development Workers’ Week Celebration 2026

Ang selebrasyong ito ay pagbibigay-pugay sa dedikasyon, pagmamahal, at walang sawang paglilingkod ng ating mga Child Development Workers na nagsisilbing pangalawang magulang at gabay ng ating mga kabataan.

Bilang bahagi ng pagdiriwang, matagumpay na naisagawa ang iba’t ibang capacity-building activities tulad ng Review of ECCD Accreditation Tool, Orientation on Republic Act No. 7610, at Psychological First Aid Training upang higit pang mapalakas ang kanilang kaalaman at kakayahan sa paglilingkod.

Maraming salamat sa ating mga Child Development Workers sa inyong malasakit at patuloy na paghubog sa kinabukasan ng mga bata. Kayo ay tunay na mga bayani ng pagkabata!

Maraming salamat din po sa ating butihing Mayor, Mayor Jon Khonghun, sa inyong patuloy na pagmamahal at suporta sa ating mga Child Development Workers at sa lahat ng programa para sa Early Childhood Care and Development (ECCD).

Taos-pusong pasasalamat din po kay Sir Janjo Khonghun, Chief of Staff ni Deputy Speaker Jay Khonghun, sa pagdalaw sa aming aktibidad at sa pagpapaunlak sa kahilingan ng ating mga Child Development Workers. Maraming salamat po sa inyong suporta at pakikiisa.

Lubos din po kaming nagpapasalamat sa ating mga resource speakers, sina Ma’am Jeane Español at Ma’am Josefina Marañon, sa pagbabahagi ng inyong kaalaman, karanasan, at mahahalagang pananaw na naging daan upang higit pang mapalakas ang kakayahan at kahandaan ng ating mga Child Development Workers sa kanilang mahalagang tungkulin.

Muli, maraming salamat sa lahat ng naging bahagi ng matagumpay na pagdiriwang na ito. Sama-sama nating ipagpatuloy ang pagtataguyod ng dekalidad na serbisyo para sa kapakanan at kinabukasan ng ating mga kabataan.

26/06/2026

𝐂𝐀𝐑𝐀𝐕𝐀𝐍 𝐎𝐅 𝐒𝐄𝐑𝐕𝐈𝐂𝐄𝐒 𝐅𝐎𝐑 𝟒𝐏𝐒 𝐁𝐄𝐍𝐄𝐅𝐈𝐂𝐈𝐀𝐑𝐈𝐄𝐒 𝟐𝟎𝟐𝟔

Taos-puso pong nagpapasalamat ang Municipal Action Team (MAT) Subic at Municipal Social Welfare and Development Office (MSWDO) sa lahat ng aming partner agencies, private institutions, at stakeholders na nakiisa at naglaan ng kanilang oras, serbisyo, at suporta para sa matagumpay na pagsasagawa ng ating Caravan of Services para sa mga benepisyaryo ng Pantawid Pamilyang Pilipino Program (4Ps).

Sa kabila ng abalang iskedyul at hindi magandang panahon, pinili pa rin ninyong makibahagi at maghatid ng iba’t ibang serbisyong tunay na nakatulong sa ating mga kababayan. Dahil sa inyong suporta at pakikipagtulungan, mas marami tayong pamilyang nabigyan ng impormasyon, oportunidad, at serbisyong makatutulong sa kanilang pang-araw-araw na buhay.

Maraming salamat din sa ating mga 4Ps beneficiaries sa inyong pakikiisa, kooperasyon, at aktibong pakikilahok sa aktibidad na ito. Ang inyong presensya at suporta ay naging malaking bahagi ng tagumpay ng programang ito.

Lubos din po ang aming pasasalamat sa aming butihing Mayor, Mayor Jon Khonghun, sa kanyang patuloy na suporta sa mga programa at serbisyong inilalapit sa ating komunidad. Maraming salamat din sa lahat ng naging bahagi ng aktibidad na ito. Ang tagumpay ng programang ito ay patunay na mas marami tayong magagawa kapag sama-sama tayong naglilingkod para sa kapakanan ng bawat isa.

Muli, maraming salamat po sa inyong patuloy na suporta at pakikiisa. Hanggang sa susunod na pagkakataon ng sama-samang paglilingkod!

26/06/2026

PUGAY TAGUMPAY 2026

Matagumpay na naidaos ang Pugay Tagumpay Graduation Ceremony 2026 nitong ika-26 ng Hunyo sa pangunguna ng Municipal Action Team ng Subic, katuwang ang Municipal Social Welfare and Development Office (MSWDO).

Taos-puso po kaming nagpapasalamat sa lahat ng aming partner agencies na naglaan ng oras at pagsisikap upang makadalo sa nasabing seremonya. Batid po namin ang inyong mga abalang iskedyul, kaya lubos naming pinahahalagahan ang inyong pagdalo upang masaksihan at makibahagi sa mahalagang tagumpay ng ating mga benepisyaryo.

Ang matagumpay na pagsasagawa ng programang ito ay naging posible dahil sa patuloy na suporta ng ating Punong Bayan, Mayor Jon Khonghun. Maraming salamat po, Mayor, sa inyong walang sawang pagsuporta sa mga programa ng MSWDO katuwang ang DSWD para sa kapakanan ng ating mga mamamayan.

Lubos din po kaming nagpapasalamat kay Deputy Speaker, Congressman Jay Khonghun, sa kanyang ipinadalang suporta, mensahe, at regalo para sa ating mga nagsipagtapos na 4Ps beneficiaries sa pamamagitan ng kanyang Chief of Staff na si Sir Janjo Khonghun, Sir maraming salamat po.

Nagpapasalamat din po kami kina Konsehal Joben Felarca at Konsehal Edgar Aximoso sa kanilang pagdalo at pakikiisa sa mahalagang okasyong ito.

At para sa ating mga nagsipagtapos, ang inyong pagtatapos sa programa ay hindi katapusan, kundi simula ng panibagong yugto ng mga oportunidad at tagumpay para sa inyo at sa inyong mga pamilya. Nawa’y magsilbi itong inspirasyon upang patuloy kayong magsumikap at maging huwaran sa inyong komunidad.

Mabuhay ang mga nagsipagtapos na beneficiaries ng Pantawid Pamilyang Pilipino Program.

04/06/2026

🎉🎂 SENIOR CITIZENS BIRTHDAY CELEBRATION 🎂🎉

Malugod po naming inaanyayahan ang ating mga senior citizen celebrants na may kaarawan noong buwan ng Abril, Mayo, at ngayong Hunyo sa ating Birthday Celebration na gaganapin sa:

📅 Petsa: June 29, 2026 (Lunes)
🕖 Oras: 7:00 ng umaga
📍 Lugar: Subic Sports Complex (SSC)

Halina't sama-sama nating ipagdiwang ang inyong espesyal na araw kasama ng Provincial Government of Zambales at Local Government Unit of Subic.

Kita-kits po tayo! 🎈🎁🎊