Surallah Tourism, Arts & Culture Development Center

12/08/2026

The Municipality of Surallah ranked 4th in same-day tourist arrivals and 3rd in overnight tourist arrivals among all municipalities and lone city in the Province of South Cotabato during the first half of 2026.

The figures reflect the growing appeal of Surallah as a tourism destination, as well as the intensive participation of tourism stakeholders and consistent data-gathering efforts of the Tourism, Arts, and Culture Development Center, headed by Senior Tourism Operations Officer Maylyn P. Diesto, under the administration of Municipal Mayor, the Honorable Pedro M. Matinong Jr.

Through continuous coordination with tourism establishments, attractions, communities, and other stakeholders, the Center strengthens tourism data collection and documentation, providing valuable information that supports tourism planning, promotion, and development.

For the first semester of 2026, South Cotabato recorded a total of 981,683 same-day tourist arrivals and 117,023 overnight tourist arrivals, reflecting the province’s continued growth as a tourism destination.

The achievement highlights the collective efforts of Surallah’s tourism stakeholders and the municipality’s continuing commitment to strengthening its tourism industry and positioning Surallah as a growing tourism destination in South Cotabato.



Source: Land of the Dreamweavers

09/08/2026

Today, as we celebrate National Indigenous Peoples Day, we honor and celebrate the rich culture, traditions, heritage, and contributions of our Indigenous brothers and sisters. Let this day remind us that celebrating diversity means making sure no culture is forgotten, no tradition is lost, and no community is left behind.

07/08/2026

Ngayong unang Biyernes ng Buwan ng Wikang Pambansa, ating itinatampok ang maikling kuwentong pambata na pinamagatang "Si Gulayat," na isinulat ni Bb. Ma. Selena Antoneitte P. Gedoria noong siya ay mag-aaral pa sa Lamian National High School. Ang akdang ito ay nakalathala sa zine na pinamagatang Sesuto: Dreams of the Worsts, na inilathala ng Payag Panulatan noong 2024.

𝐒𝐈 𝐆𝐔𝐋𝐀𝐘𝐀𝐓
𝑴𝒂. 𝑺𝒆𝒍𝒆𝒏𝒂 𝑨𝒏𝒕𝒐𝒏𝒆𝒊𝒕𝒕𝒆 𝑷. 𝑮𝒆𝒅𝒐𝒓𝒊𝒂

Isang batang lalaki ang diring-diri sa gulay at sukang-suka kapag ito ay natatanaw o hinahain sa lamesa. Oras na noon upang kumain ng hapunan ang pamilya ni Gulayat. Subalit sa kasamang palad, kinasusuklaman niya ito, dahilan ng pagbagsak ng kaniyang mumunting katawan. Hindi siya kumain at tumungo na lang sa kaniyang kwarto.

Isang gabi sa kanilang silid, si Gulayat ay inantok at nananata, tila gulay na hindi man lang nadiligan sa kaniyang katre. Siya pala ay naglalakbay na sa kaniyang panaginip patungo sa kaharian ng masusustansiyang mga gulay upang siya ay maturuan ng leksiyon. Siya ay napunta sa mahiwagang hardin na kung saan dapat ay matutunan niyang pahalagahan ang lahat ng pagkain, at una na rito ang mga masusustansiyang gulay.

Upang siya ay makabalik sa kanilang mundo, kailangan niyang magtagumpay sa tatlong hamon na kaniyang kakaharapin.

Ang unang hamon ay kinakailangan niyang kumain ng kalabasa habang papunta sa finish line. Habang siya ay tumatakbo, ngatngat nang ngatngat si Gulayat sa kalabasang buo. Maniwala kayo at sa hindi, naubos niya ang kalabasa at nagtagumpayan ang unang laro. Masarap naman daw pala ang kalabasa, manamis-namis at pampalinaw ng mata.

Ang pangalawang hamon ay kinakailangan niyang kumain ng sampung ampalaya. Kahit sobrang pait, pinikit lamang niya ang kaniyang mga mata at ngumunguya nang ngumunguya at saka lumunok nang lumunok. Natapos niya at napagtagumpayan niya ito!

Ang huling hamon ay kinakailangan niyang kumain ng iba pang gulay katulad ng sitaw, okra at talong. Ang hamon na ito ay ang huling susi upang siya ay makabalik sa kaniyang katawan. Sa pagsikat ng araw ay dapat niyang matapos ang kaniyang hamon. Kapag ito ay hindi niya natagumpayan siya ay hindi na makakabalik kailanman sa kaniyang mundo. Kung kaya, sa kaniyang determinadong mukha at tiyaga sa pagharap sa mga hamon, siya ay lumamon nang lumamon at napagtagumpayan ito bago pa man sumikat ang araw. Umaga na nang nagising si Gulayat, at bakas ang kasiyahan sa kaniyang mukha.

Simula noon, si Gulayat ay lagi nang kumakain ng mga masusustansiyang mga gulay at naging paborito na niya itong kainin araw-araw.

06/08/2026

𝗚𝗔𝗪𝗔 𝗡𝗚 𝗜𝗦𝗜𝗣
𝑲𝒓𝒊𝒔 𝑶. 𝑯𝒖𝒆𝒄𝒂𝒔

Ako’y isang estudyanteng nag-aaral ng marangal,
estudyanteng naghahangad ng samot-saring parangal,
Puso’t-isipan buong inilaan.
Mga gawi ko sa paaralan, siya ring gawi ko sa tahanan.

Dumating ang pandemya at edukasyon ay binago ng sistema,
ang nakasanayang pag-aaral pinaglayo ng distansiya.
Dating mga gawi ay labis ding naapektuhan,
Pamilya, kaibigan, sarili ko’t isipan.

Ang dating mga gawain sa silid-aralan,
akin nang ginagawa sa silid ng tahanan,
akala ko’y mas madali kapag ganito,
unti-unti na palang nagbabago ang takbo ng isip ko.

Ang isip ko’y paiba-iba ang direksiyon,
isip dito, isip doon, wala pa ring tamang desisyon.
Mga tanong sa papel na naghihintay at nababagot
tumutulo na ang mga luha wala pa ring maisagot.

Dumating ang mga araw,
isip at puso ko’y di ko na ma-kontrol.
Ako’y punong-puno na ng ilusyo’t imahinasyon,
mga simpleng bagay binibigyan ko nang mabigat na rason.

Araw-gabi sa aki’y may bumubulong,
Mga boses na nang-aakit nilalaro ang aking isip.
Ako’y gulong-gulo’t nalilito
hindi ko na maintindihan ang sarili ko.

Mga kilos ko’y naimpluwensiyahan,
Pamilya ko’y lubusang nasaktan,
Sa mga gawi kong di-normal.

Ang dating mga iniisip na akala ko’y totoo.
Gawa lang pala ng isip ko.

***

Mababasa ang akda ni Kris O. Huecas sa zine na pinamagatang "MAPANG-AKIT NA DILIM" na inilathala ng Payag Panulatan noong Marso 2025 para sa Lamian National Highway School. Sa kasalukuyan, si Kris ay kumukuha ng kursong Bachelor in Technical-Vocational Teacher Education Major in Food and Service Management sa South Cotabato State College.

05/08/2026

𝐀𝐧𝐠 𝐋𝐨𝐤𝐚𝐥 𝐧𝐚 𝐏𝐚𝐦𝐚𝐡𝐚𝐥𝐚𝐚𝐧 𝐧𝐠 𝐒𝐮𝐫𝐚𝐥𝐥𝐚𝐡 𝐚𝐲 𝐧𝐚𝐤𝐢𝐤𝐢𝐢𝐬𝐚 𝐬𝐚 𝐩𝐚𝐠𝐝𝐢𝐫𝐢𝐰𝐚𝐧𝐠 𝐧𝐠 𝐁𝐮𝐰𝐚𝐧 𝐧𝐠 𝐖𝐢𝐤𝐚𝐧𝐠 𝐏𝐚𝐦𝐛𝐚𝐧𝐬𝐚 𝐧𝐠𝐚𝐲𝐨𝐧𝐠 𝐀𝐠𝐨𝐬𝐭𝐨 𝟐𝟎𝟐𝟔 𝐧𝐚 𝐦𝐚𝐲 𝐭𝐞𝐦𝐚𝐧𝐠:

“𝐖𝐢𝐤𝐚𝐧𝐠 𝐅𝐢𝐥𝐢𝐩𝐢𝐧𝐨 𝐚𝐭 𝐀𝐈: 𝐊𝐚𝐬𝐚𝐧𝐠𝐤𝐚𝐩𝐚𝐧 𝐬𝐚 𝐏𝐚𝐧𝐚𝐧𝐚𝐥𝐢𝐤𝐬𝐢𝐤 𝐚𝐭 𝐓𝐮𝐥𝐚𝐲 𝐬𝐚 𝐘𝐚𝐦𝐚𝐧 𝐧𝐠 𝐈𝐦𝐩𝐨𝐫𝐦𝐚𝐬𝐲𝐨𝐧.”


#𝗠𝗼𝗿𝗲𝗦𝗠𝗜𝗟𝗘𝗠𝗼𝗿𝗲𝗔𝗖𝗧𝗜𝗢𝗡𝗦
#𝗦𝗠𝗜𝗟𝗘𝗦𝘂𝗿𝗮𝗹𝗹𝗮𝗵
#𝗦𝗠𝗜𝗟𝗘𝗦𝘂𝗿𝗮𝗹𝗹𝗮𝗵𝗕𝗜𝗗𝗔𝗞𝗔
#𝗰𝗼𝗺𝗺𝘂𝗻𝗶𝘁𝘆𝗱𝗲𝘃𝗲𝗹𝗼𝗽𝗺𝗲𝗻𝘁𝗶𝗻𝗳𝗼𝗿𝗺𝗮𝘁𝗶𝗼𝗻𝗽𝗿𝗼𝗴𝗿𝗮𝗺

05/08/2026

𝗣𝗔𝗚-𝗔𝗠𝗜𝗡
𝑻𝑱 𝑭𝒂𝒊𝒈𝒂𝒏𝒂𝒏

Heto na naman ako nagsisimulang sumulat ng isang tula tungkol sa'yo.
Saan ba akong pwedeng magsimula: Sa ugaling meron ka?
O di kaya sa pisikal na ganda? Simulan ko kaya sa iyong mga mata?
Mata mong napakaganda na para bang bituin,
O di kaya sa ngiti mong kahit pagod na pero lumalaban pa?
Hindi ko nga lang alam kung anong meron ka.
Pero naaalala mo pa ba no'ng unang araw na makita kita?
Para akong may nakasalubong na diwata na umaapak sa lupa.
Lumilipas ang mga araw, unti-unti kong namamalayan,
Mga ngiti mo na pala ang nagpapasaya sa aking araw
at kapag 'di kita makita para bang kulang ang araw ko.
Hindi ko alam.
Pero habang tumatagal nararamdaman ko sayo'y lalong lumalalim.
'yong boses at tawa mo sa pandinig ko'y parang isang musika
Na sa akin ay nagbibigay ng ligaya,
hindi ko alam bakit nararamdaman ko ito sa'yo,
Sig**o ay dahil napamahal na talaga ako sa'yo?
pero kahit ilang taon man ang lilipas,
pagkagusto ko sayo'y hindi kukupas
Inaamin ko sayo na gusto na kita at mahal na rin kita
At kung bigyan man ako ng isang bilyong kahilingan
Ikaw at ikaw pa rin ang aking hihilingin.

***

Si TJ FAIGANAN ay nagtapos ng sekundarya sa Lamian National High School, Barangay Lamian, Surallah, South Cotabato. Ang akda niyang "PAG-AMIN" ay nailathala sa zine na pinamagatang "SESUTO: DREAMS OF THE WORSTS", na inilathala ng Payag Panulatan noong 2024. Sa ngayon, si TJ ay kumukuha ng kursong Bachelor of Technology and Livelihood Education major in Information and Communication Technology sa SEAIT.

04/08/2026

𝙈𝘼𝙇𝙄𝙂𝘼𝙔𝘼𝙉𝙂 𝘽𝙐𝙒𝘼𝙉 𝙉𝙂 𝙒𝙄𝙆𝘼

Ngayong buwan ng Agosto, ating ipinagdiriwang ang Buwan ng Wikang Pambansa 2026 na may temang:

“𝙒𝙞𝙠𝙖𝙣𝙜 𝙁𝙞𝙡𝙞𝙥𝙞𝙣𝙤 𝙖𝙩 𝘼𝙄: 𝙆𝙖𝙨𝙖𝙣𝙜𝙠𝙖𝙥𝙖𝙣 𝙨𝙖 𝙋𝙖𝙣𝙖𝙣𝙖𝙡𝙞𝙠𝙨𝙞𝙠 𝙖𝙩 𝙏𝙪𝙡𝙖𝙮 𝙨𝙖 𝙔𝙖𝙢𝙖𝙣 𝙣𝙜 𝙄𝙢𝙥𝙤𝙧𝙢𝙖𝙨𝙮𝙤𝙣.”

Sa patuloy na pag-unlad ng teknolohiya, lalo nating pinagtitibay ang mahalagang papel ng Wikang Filipino bilang daluyan ng kaalaman, pananaliksik, at makabuluhang komunikasyon. Kasabay ng pag-usbong ng Artificial Intelligence (AI), nawa'y magamit natin ang teknolohiya nang may pananagutan upang higit pang mapayaman ang ating wika, kultura, at edukasyon.

Sama-sama nating ipagmalaki, gamitin, at paunlarin ang ating pambansang wika—isang wikang nagbubuklod sa bawat Pilipino at nagsisilbing tulay tungo sa mas maliwanag at mas makabagong kinabukasan.

Maligayang Buwan ng Wikang Pambansa 2026!

04/08/2026

Bilang pakikiisa sa pagdiriwang ng Buwan ng Wikang Filipino, ibabahagi ng Tanggapan ng Turismo, Sining, at Kultura ng Surallah ang ilan sa mga akda at komposisyon ng mga manunulat mula sa ating bayan. Ang mga akdang ito ay nakalathala sa mga zine na kanilang ipinagkaloob sa ating tanggapan at kasalukuyang maaaring mabasa sa Surallah Municipal Library.

Unang itinatampok ang akda ni G. Rexcel V. Samulde, isang g**o at manunulat mula sa Barangay Centrala, Surallah. Ilan sa kanyang mga akda ay kinilala at nagwagi na sa iba't ibang patimpalak sa panitikan, na nagpapakita ng kanyang husay at mahalagang ambag sa panitikang Filipino.

***

𝗦𝗮 𝗕𝘂𝗿𝗼𝗹 𝗻𝗴 𝗣𝗮𝗴𝗵𝗶𝗵𝗶𝗻𝘁𝗮𝘆
𝑹𝒆𝒙𝒄𝒆𝒍 𝑽. 𝑺𝒂𝒎𝒖𝒍𝒅𝒆

Nakaupo sa mantsadong puting monoblock
Ang isang matandang lalaking di ko kilala
Nadadaanan ko palagi sa gilid ng kalsada,
Tinitingnan ngunit di ko pa nagawang ngitian siya
Tahimik na kausap niya ang sariling boses sa utak,
Malayo ang tingin, sig**o'y may binabalik-tanaw
Habang pinapalamig ang kapeng barako
Sa medyo kinakalawang na tasang sartin
Na inilapag niya sa mahamog na damuhan.

Binibilang ng mata ang mga motorsiklo
Kinikilala ng malabo niyang paningin
Ang mukha ng mga lumilingon:
Mga pasahero't drayber ng magkaibang henerasyon.
Hindi kumpleto ang biyahe sa Derilon
Kapag wala siya sa kanyang silyang
Ipinuwesto sa taas ng burol
Katabi ng mga mantiw na kawayan.

Minsan, tanging bangko lang ang nakapatong
Sa burol. Katinginan ang mga halama't damong
Singtanda ng may-ari ng lupa sa tabok—
Araw-gabing nagkakatitigan
Ang mga puno't halaman at plastik na upuan
Nagpapatibayan ng paa at ugat, naghihintayan
Kung sino ang unang gagapang
At luluhod sa lupa pagkatapos ng tag-ulan.

Kapag wala nang nakaupo ng ilang araw
Nagtitipon ang mga dahon ng kawayan
Sa malamig na puwitan ng puting bangko
Naghihintay na bigyang init ng hita't balakang
Ang nanghihinang plastik na kapag di nagamit
Ay nagiging marupok ang buong katawan—
Katulad ng tao: Sa init nalulusaw, sa init nabubuhay,
Sa init umaasa, at sa init nakasalalay.

At minsan, tuwing alas siyete ng umaga
Kapag hindi iniilawan ng puting balbas niya
Ang karimlan ng paligid sa mariit na burol,
Iniisip kong baka umiiyak na ang mga
Kuliglig at lamok na nakiramay na sa kanya.
Kapag wala siya sa kanyang tambayan
Ang mga halaman at upuang nagkakatinginan
Ay may mga kuro-kuro nang wala sa kanila
Ang talo sa pagpapatibayan ng ugat at paa.

Sa likod ng burol na hindi saklaw ng balintataw,
Sadyang may mga hindi na makakasabay
Sa paggising ng mga sinag ng panibagong araw.
Umaasa akong muling masilayan ang burol,
Na sa tuktok ay may humihigop pa rin ng nitib na kape
Na siyang pampalakas ng tibok ng puso at pulso
Sa loob ng manipis na balat sa dibdib at kamay,
At sa isa pang umaga,
Magtagpong muli ang aming mga mata,
Mabigyan siya ng isang ngiti, kahit hindi ko alam
Kung ang mga pagbati ay naaaninag pa niya.

03/08/2026

2026 ATOSC General Assembly

The Association of Tourism Officers of South Cotabato (ATOSC) successfully conducted its 2026 General Assembly on July 31, 2026, at Viajera Hotel, City of Koronadal, bringing together tourism officers, designates, and staff from the 10 municipalities and the lone city of the province.

The assembly was presided over by ATOSC President Maylyn P. Diesto of the Municipality of Surallah, who presented her President's Report, while Ma. Isel Octaviano of the Municipality of Sto. Niño delivered the Treasurer's Report.

The event was graced by Sangguniang Panlalawigan Committee Chairperson on Tourism, Board Member Alicia Nicole Causing-Labordo, who expressed her unwavering support for the association and its future endeavors. She also assured the officers that she would serve as their voice in the Sangguniang Panlalawigan in advancing programs and initiatives for the tourism sector.

Also in attendance were representatives from the Department of Tourism Region XII, PNP South Cotabato, the Tourism and Hospitality Educators Association of South Cotabato, and the Tourism and Hospitality Council of South Cotabato, who shared messages of support, updates, and collaborative initiatives for the continued growth of tourism in the province.

Meanwhile, Francisco Cerbo Jr., ATOSC Secretariat Head from the Arts, Culture, Tourism, and Museum Unit of the Provincial Government of South Cotabato, presented and discussed the upcoming activities, including the Tourism Month Celebration, 3rd and 4th ATOSC Quarterly Meetings, Philippine Travel Mart in Manila, the Association of Tourism Officers of the Philippines (ATOP) 2026 National Convention in Ormoc, Race to Eleven, and the Accreditation Caravan.

During the assembly, Mr. Bren Tamayo, Tourism Officer of the Municipality of Tupi, was also elected as the new Public Relations Officer (PRO) of ATOSC.

The assembly also featured GCash, which introduced its digital payment solutions and highlighted the importance of cashless payments in advancing tourism services across the province.

The gathering reaffirmed the commitment of ATOSC and its partners to strengthen collaboration, promote innovation, and further advance sustainable tourism development in South Cotabato.

03/08/2026