NCIP Surigao del Norte

02/09/2026

01/09/2026

𝐂𝐀𝐓𝐀𝐌𝐂𝐎, 𝐍𝐀𝐍𝐀𝐖𝐀𝐆𝐀𝐍 𝐍𝐆 𝐌𝐀𝐒 𝐌𝐀𝐋𝐀𝐊𝐈𝐍𝐆 𝐏𝐀𝐆𝐊𝐈𝐋𝐀𝐋𝐀 𝐒𝐀 𝐊𝐀𝐀𝐋𝐀𝐌𝐀𝐍 𝐍𝐆 𝐌𝐆𝐀 𝐊𝐀𝐓𝐔𝐓𝐔𝐁𝐎 𝐒𝐀 𝐂𝐋𝐈𝐌𝐀𝐓𝐄 𝐀𝐂𝐓𝐈𝐎𝐍

NANANAWAGAN si NCIP Chairman at Secretary Nancy Catamco para sa mas malaking pagkilala sa kaalaman at ambag ng mga katutubo sa pangangalaga ng kalikasan at pagtugon sa climate change.

Ito ang mensahe ni Catamco bilang resource person sa National Press Forum on Climate Action and Environmental Sustainability, na naglalayong palakasin ang kamalayan at pagkilos para sa pangangalaga ng kalikasan.

Ayon kay Catamco, mahalagang pakinggan at kilalanin ang kaalamang nagmumula sa mga Indigenous Peoples na matagal nang namumuhay at nangangalaga sa kanilang kapaligiran. Aniya, may mahalagang ambag ang mga katutubo sa pangangalaga ng biodiversity at pagbuo ng mga sustainable na solusyon para sa mga komunidad.

Binigyang-diin din niya na magkaugnay ang pangangalaga sa likas na yaman, proteksyon sa ancestral lands, kultura at kabuhayan ng mga komunidad na umaasa rito.

Naniniwala si Catamco na ang pagkilos para sa kalikasan ay mahalagang bahagi ng pagtugon sa climate change at dapat isaalang-alang hindi lamang ang kasalukuyang henerasyon, kundi maging ang mundong ipapamana sa mga susunod na henerasyon.

01/09/2026

01/09/2026

𝗞𝗮𝘁𝘂𝘄𝗮𝗻𝗴 𝘀𝗮 𝗽𝗮𝗻𝗴𝗮𝗻𝗴𝗮𝗹𝗮𝗴𝗮 𝗻𝗴 𝗸𝗮𝗹𝗶𝗸𝗮𝘀𝗮𝗻 𝗮𝗻𝗴 𝗞𝗮𝘁𝘂𝘁𝘂𝗯𝗼𝗻𝗴 𝗣𝗮𝗺𝗮𝘆𝗮𝗻𝗮𝗻

Ang pangangalaga sa kalikasan ay kaakibat ng pagkilala at paggalang sa mga Katutubong Pamayanang matagal nang nangangalaga sa kanilang lupang ninuno at likas na yaman. Sa pamamagitan ng kanilang kaalaman, tradisyon, at mga nakaugaliang pamamaraan, may mahalagang ambag ang mga Katutubo sa pangangalaga ng ating kapaligiran.

Para kay NCIP Secretary at Chairperson Nancy Catamco, ang pangangalaga sa kalikasan at pagtataguyod ng karapatan ng mga Katutubo ay magkatuwang na bahagi ng isang makatarungan at napapanatiling pambansang kaunlaran.

“𝙈𝙖𝙨𝙖𝙜𝙖𝙣𝙖𝙣𝙜 𝙆𝙖𝙩𝙪𝙩𝙪𝙗𝙤𝙣𝙜 𝙋𝙖𝙢𝙖𝙮𝙖𝙣𝙖𝙣: 𝙎𝙖𝙣𝙙𝙞𝙜𝙖𝙣 𝙣𝙜 𝙋𝙖𝙢𝙗𝙖𝙣𝙨𝙖𝙣𝙜 𝙆𝙖𝙪𝙣𝙡𝙖𝙧𝙖𝙣”

01/09/2026

01/09/2026