Taft Water District

Taft Water District A Government Owned and Controlled Corporation serving the water needs of the municipality of Taft

Water Rationing para han mga lugar nga di na naaabot han serbisyo/tubig han Taft Water DistrictKaupod an mga bombero tik...
23/07/2026

Water Rationing para han mga lugar nga di na naaabot han serbisyo/tubig han Taft Water District

Kaupod an mga bombero tikang ha Taft Fire Station, iginpatuman yana nga adlaw, July 23, an una han tulo ka adlaw nga water rationing para ngadto han mga lugar nga diri na naaabot han tubig dara han inaabat nga water supply shortage dinhi ha aton.

Bisan kun hinay hinay na nga nga nakaka recover an aton mga water sources dara han pag-uran han naglabay nga mga adlaw, naghitaas naman an demand hit aton tubig dara hiton patron han bungto.

Nagpapasalamat an Taft Water District han iyo padayon nga suporta, pag intindi ngan kooperasyon samtang padayon kami nga naghihimo hin mga pitad para masiguro an padayon ngan sustenable nga supply han tubig ha aton bungto.

📢 WATER SERVICE ADVISORY Dara han temporaryo nga kakulang han suplay han tubig nga aton inaabat yana, an Taft Water Dist...
17/07/2026

📢 WATER SERVICE ADVISORY

Dara han temporaryo nga kakulang han suplay han tubig nga aton inaabat yana, an Taft Water District magkakamay-ada hin water rationing para han mga lugar nga "severely affected". Ginkikilala nga "severely affected" an lugar kun nagkakamay-ada la awas hin tubig hini nga lugar ha sulod hin 4 ka oras o kulang pa kada adlaw.

Ini nga water rationing igpapatuman la tikang yana nga July 23 ngada hiton July 25, 2026 kun diin dara hit pagsilibrar ta hit patron hit aton bungto, dugang pa nga mahitaas it aton demand o panginahanglan hin tubig.

An opisina han Taft Water District inaro hin bulig ha Local Gov't. pinaagi kan Mayor Gina Ty ngan ha Bureau of Fire - Taft station pinaagi han station chief, Sir Val Chicano para mahipatuman ini.

PAHIBARO HAN ISKEDYUL HAN WATER RATIONING
Hulyo 23–25, 2026 (Panahon han Pista han Bungto han Taft)

📅 Hulyo 23–25, 2026

🕒 ORAS 📍 MGA LUGAR NGA SERBISYUHAN
8:00 han Aga – 11:00 han Aga ✅ Cogon ngan Libon
2:00 han Kulop – 5:00 han Kulop ✅ Bliss ngan Tabok

Para ha Cogon, makadto an fire truck hirani han Brgy. Hall han Brgy. 3 pag deliver han tubig.

Para ha Libon, dara nga diri makaka sulod an aton fire truck, dida la kita han aragian tipasulod ngadto ha Libon.

Para ha Bliss, an fire truck dida ma deliver han tubig ha plaza han Bliss.

Para ha Tabok, dida ma deliver an fire truck hirani han Stallion Fuels.

📌 Dugang nga Pahinumdom

💧 An kada panimalay limitado la ha 200 ka litro nga tubig kada adlaw para magsarahid kita.
🪣 Alayon pag-andam hin malimpyo ngan may takop nga mga surodlan antes umabot an water tanker.
🚰 An tubig ipapanhatag para la ha importante nga mga panginahanglan sugad han pagluto, panhugas ngan panlimpyo ha lawas ug panimalay.
🤝 Nahangyo kami nga magtipid kita ha paggamit han tubig ngan magburubligay kita basi an ngatanan mahatagan hin igo nga suplay.

Salamat han iyo pagsabot ngan padayon nga kooperasyon.

Taft Water District Training ProgramAs Taft Water District concludes the 240-hour On-the-Job Training of our eight train...
13/07/2026

Taft Water District Training Program

As Taft Water District concludes the 240-hour On-the-Job Training of our eight trainees taking up Diploma in Civil Technology from TESDA-SNSAT, we congratulate and thank each of you.

Your dedication and hard work are commendable. We hope this training has given you valuable knowledge and experience for your future careers.

Good luck, trainees, and may you continue to grow and succeed in all your future endeavors!

📣 Public Advisory 📣 Magtitikang na an pag flushing han aton mga main water lines yana na alas 10:00 pm. Nag aabiso.an Ta...
10/07/2026

📣 Public Advisory 📣

Magtitikang na an pag flushing han aton mga main water lines yana na alas 10:00 pm. Nag aabiso.an Taft Water District nga diri la anay kita magsalod ngan gumamit han tubig tikang ha aton mga gripo tungod kay:

1. Hitaas an chlorine content, diri suitable pag gamit hin bisan ano.

2. Malubog an tubig.

Ini nga aktibidad naka schedule nga mahuman alas 12:00 han gab i.

Damo nga salamat.

📢 PAHIBARO: EMERGENCY WATER SERVICE INTERRUPTIONNagpapahibaro an Taft Water District nga magkakamay-ada kita emergency n...
07/07/2026

📢 PAHIBARO: EMERGENCY WATER SERVICE INTERRUPTION

Nagpapahibaro an Taft Water District nga magkakamay-ada kita emergency nga pagparong han suplay hin tubig yana nga Hulyo 10, tikang alas-8:00 han aga tubtob alas-12:00 han gab-i.

Ini nga pagparong kinahanglan para han:

A. Pag-disinfect ngan paglimpyo han aton mga water source, ngan

B. Pag-flush ngan paglinis han bug-os nga water distribution lines tikang Brgy. Dacul ngadto ha Crossing.

Katuyoanan hini an pagtanggal han mga natirok nga hugaw, biofilm, ngan iba pa nga deposito ha sulod han mga tubo, para masiguro an malimpyo nga tubig.

⚠️ Importante nga Pahimangno:

Kun magtikang na an pagpaawas han tubig ngadto han aton mga tubo, alayon ayaw anay kamo paggamit han tubig tubtob nga magpahibaro an Taft Water District nga pwede na ini gamiton, tungod nga an tubig ha tinikangan:

A. May hitaas nga chlorine concentration, ngan
B. Malubog o may hugaw tungod han flushing.

Dara hini, nag aabiso kami nga kita ngatanan mag tirok hin igo la nga kadamo hin tubig nga pwede ta magamit dida hini nga schedule han water interruption. Importante nga an mga ginagamit ta nga tirokan hin tubig in malinis ngan may takop para malikayan ta an dengue ug an iba pa nga sakit nga pwede makuha.

Nahangyo gihapon kami han iyo pag intindi hini yana nga temporaryo nga kakulangan han aton tubig. Salamat han iyo pagsabot ngan padayon nga suporta. Ini nga trabaho ginbubuhat para mapauswag pa an kalidad han tubig ngan serbisyo han Taft Water District.

📢 PAHIBARO | GIN-APRUBARAN NA HAN BOARD OF DIRECTORS AN BAG-O NGA POLISIYA MAHIUNONG HAN PAGGAMIT HAN MGA WATER PUMPAn B...
26/06/2026

📢 PAHIBARO |

GIN-APRUBARAN NA HAN BOARD OF DIRECTORS AN BAG-O NGA POLISIYA MAHIUNONG HAN PAGGAMIT HAN MGA WATER PUMP

An Board of Directors han Taft Water District, ha ira Regular Board Meeting nga ginpahigayon han Hunyo 24, 2026, nag-aprubar han Board Resolution No. 8, Series of 2026, nga may titulo:

"A RESOLUTION REGULATING THE USE OF HOUSEHOLD BOOSTER PUMPS AND PROHIBITING THE DIRECT CONNECTION OF WATER PUMPS TO THE WATER DISTRIBUTION LINES OF THE TAFT WATER DISTRICT."

Ini nga resolusyon gin-aprubaran basi maprotektahan an kalidad han aton maiinom nga tubig, mapreserbar an integridad han aton water distribution system, ngan masiguro nga patas an paghatag hin suplay han tubig ha ngatanan nga concessionaires.

❌ ANO AN IGINBABAWAL?

Iginbabawal an direkta nga pagkabit han booster pump o water pump ngadto ha linya han Taft Water District o direkta katapos han water meter, diin an bomba mismo an nasupsop han tubig tikang ha aton main distribution line.

Ini nga paagi mahimo magresulta hin:

💧 Pag-ubos han pressure han tubig ha mga kahirani nga panimalay.

🦠 Peligro han kontaminasyon, tungod han kusog han paghigop makasulod an hugaw o bakterya ngadto ha pipeline kon may luho o leak,

⚙️ Kawakay han water meter, tubo, ngan iba pa nga pasilidad han Water District.

⚖️ Paglapas han mga balaod nga nagpoproteher han kalidad ngan kaluwasan han aton tubig.

✅ ANO AN GINTUTUGOT?

Puyde la gihapon gumamit hin water pump basta tikang ha storage tank ngan diri direkta ha linya han Water District.

Husto nga paagi han pagkabit:

➡️ Main Line han Water District → Water Meter → Storage Tank → Water Pump → Sulod han Balay

📜 LEGAL NGA BASIHAN

Ini nga Resolusyon nasunod ha mga nasudnon nga balaod sugad han:

A. Republic Act No. 9275 (Philippine Clean Water Act of 2004) nga nagdidiri han direkta nga paggamit hin booster pump ha water distribution system nga makakaraot han kalidad han tubig.

B. Presidential Decree No. 856 (Code of Sanitation of the Philippines) nga nagbabawal han pagkabit hin booster pump nga direkta nakuha han tubig tikang ha water distribution line labi na kon habubo an pressure han tubig.

⚠️ MGA PENALIDAD KON DIRI MASUNOD

✔️ Una nga Pagtalapas

Makakakarawat hin Written Notice.
Tatagan hin 10 ka adlaw basi tanggalon an ilegal nga water pump ngan maitadong an koneksyon.

✔️ Kon Diri Sumunod

Puputlon an serbisyo han tubig tubtob nga makorek an ilegal nga instalasyon ngan ma-inspeksyonan han Water District.

✔️ Padayon nga Pagtalapas

Residential Connection: Multa nga ₱5,000.00
Commercial Connection: Multa nga ₱10,000.00

Alayon pag report nganhi ha opisina, o pinagi ha mensahe dinhi ha aton page an iyo nahibabaroan nga mayda water pumps nga posible naka direkta an koneksyon ngada han mainline han water district.

Ini nga iyo ihahatag nga impormasyon magpapadayon nga "anonymous" o "confidential" nga impormasyon.

Salamat han iyo padayon nga suporta ngan kooperasyon.

Para han impormasyon ngan kasayuran han ngatanan. Ano an Water District? An Taft Water District usa nga Government Owned...
26/06/2026

Para han impormasyon ngan kasayuran han ngatanan.

Ano an Water District?

An Taft Water District usa nga Government Owned and Controlled Corporation nga nagseserbisyo pinaagi hin paghatag hin malimpyo, sustainable ngan barato nga tubig para hit bug-os na komunidad hiton Taft.

Pero, bisan kun kanan gobyerno ini opisina, an water district diri nakakakarawat hin regular nga pondo tikang ha national o local government para hiton iya adlaw-adlaw nga operasyon. Lugod, an ginagamit han water district an tikang han koleksyon han water bills han mga konsomedor para pondohan an:

A. Kada adlaw na operasyon han mga pumping station
B. Bayad han kuryente han aton mga water pumps
C. Sweldo han mga empleyado
D. Repair ngan maintenance han mga gamit pagpaawas han tubig,ngan linya han tubig
E. Chlorination ngan water quality monitoring sugad han bayad han laboratory pagpa test han aton tubig

An mga dagko naman nga proyekto sugad hin water source, water line expansion pinopondohan pinaagi hin pangungutang o loans nga hinay-hinay binabayaran hit water district

Mahal ba an serbisyo han water district?

Diri. An minimum water rate in usa nga polisiya hit ngatanan nga water districts ha bug-os nga Pilipinas nga kun diin dapat diri malapos an minimum ha 5% han income han pinaka-ubos nga income hin usa nga pamilya dinhi ha aton komunidad. Subay han urhi nga water rate nga han tuig 2013 pa naaproban ngan gin implementar la han water district han 2022, an pinaka ubos nga income han usa nga pamilya dinhi ha aton nakantidad hin P6,000.00 kada bulan. An 5% hini asya an budget nimo ha tubig kada bulan nga nakantidad naman hin P300, o P295, an aton yana minimum.

Kay ano may minimum water rate?

Mayda kita minimum water rate kay an aton binabayaran diri man la an tubig nga aton nagamit. Nabayad daman kita han pagmintinar han bug-os nga pasilidad para in inga water district magin sustinable ngan padayon makag serbisyo bisan kun waray suporta nga pondo tikang han gobyerno. An tubig nga aton ginagamit nadadara ngada ha at mga panimalay pinaagi hin pagbomba nga ginagamitan hin kuryente, gin disinfect pinaagi hin chlorination nga may makina daman nga nagamit hin kuryente. Ha panahon nga brownout mayda kita tubig kay mayda man generator nga nagamit hin diesel pag operate.

Ha ilarom hini nga polisiya nga minimum water rate, ngatanan nga konsumedor nga nagamit tikang ha 0 (zero) ngada ha 10 (ten) in magbabayad han aprubado nga minimum water rate nga pinirmihan dida han water service contract.

Ano naman kun waray tubig o di nagagamit it tubig?

Kun mayda valid nga rason nga diri kita nakakagamit hit tubig sugad hiton drought o kathuraw o dara nga wara tawo han balay sulod hin sobra usa ka bulan, pwede an konsumidor mag apply para han Voluntary Disconnection.

Ha ilarom hini na polisiya pwede:

A. Temporaryo nga idis-connect an serbisyo
B. Waray konsomo, waray bill
C. Pwede ibalik an tubig kun kinahanglan na, o ha yana nga sitwasyon, kun supesyente na ngan may awas na ha iyo lugar.

Damo nga salamat.

Public AdvisoryDara han maiha na nga huraw nga aton inaabat ngatanan, usa han aton water source, pumping station 1, in n...
26/06/2026

Public Advisory

Dara han maiha na nga huraw nga aton inaabat ngatanan, usa han aton water source, pumping station 1, in nag break suction na o hinubsan. Dara hini, inabat kita nga mas linuya pa an awas han aton tubig ngan an mga higrayo nga lugar sugad han Bliss, Cogon ngan Libon waray na awas.

Nadugang pa hini an pirmi hibubo nga voltahe ha pumping station 4 nga nakaka kawsa han sige nga pinarong parong han makina.

Padayon nga nagpapatuman an water district hin 24-hour operation para kunta awasan hin tubig ha gab-i o kaagahon an mga higrayo na lugar.

Nagpapatuman na daman kita service rationing schedule kun diin an Brgy Dacul ngan Brgy Polangi pinaparongan ta ngin gab i. Pero dara kay patron man han Brgy. Polangi pinapaawasan ta hira hit gab i nga asya daman an usa pa.nga rason nga maluya an tubig ha bungto.

An Taft Water District padayon an pag manage hini nga at limitado nga tubig yana nga mga panahon. Pero dara kay di ta man kontralado it panahon, ini nga huraw, asya nga ngatanan kita apektado.

Damo an pitad nga hinhihimo han opisina para ini ma solusyonan na. Aada an proposal nga himoon an Taft River nga water source para ini nga problema kada paghuhuraw ma solusyonan na. Pero kinahanglan ini hin dako nga pondo ngan ha pagkayana sige pa an aton panuroy hin makakabulig ha aton.

Ngahaw, naaro kami han iyo pag intindi ngan pag pasensya dara hini nga problema pagtaga tubig.

PUBLIC ADVISORYLIFTING OF BOIL WATER ADVISORYThe Taft Water District informs all concessionaires and the general public ...
16/06/2026

PUBLIC ADVISORY
LIFTING OF BOIL WATER ADVISORY

The Taft Water District informs all concessionaires and the general public that the previously issued Boil Water Advisory is hereby lifted effective immediately.

To further strengthen our water quality monitoring and disinfection program, the Water District has successfully procured and installed two (2) additional chlorinators and acquired chlorine residual test kits to regularly measure and verify the presence of adequate chlorine residual in the water distribution system. These measures are intended to ensure that the water supplied to our consumers remains properly disinfected and safe for everyday use.

With these improvements now in place, consumers may once again use water from the Taft Water District system for their normal daily needs.

The Taft Water District remains committed to continuously improving its facilities and maintaining the safety and quality of the water we provide to our valued concessionaires.

We thank everyone for their patience, understanding, and cooperation during the period of the Boil Water Advisory.

PUBLIC ADVISORYThe Taft Water District sincerely apologizes for the occurrence of turbid or discolored water experienced...
16/06/2026

PUBLIC ADVISORY

The Taft Water District sincerely apologizes for the occurrence of turbid or discolored water experienced by some concessionaires during the early morning hours.

Please be informed that our personnel conducted pressure testing and leak detection activities along the main water distribution lines on June 16, from 12:00 midnight to 3:00 a.m. This activity was undertaken to identify possible hidden leaks within the distribution system and to facilitate the necessary repairs.

During the testing process, the sudden increase and fluctuation in water pressure may have disturbed sediments naturally present inside the pipelines, resulting in temporary turbidity or discoloration of the water observed by some consumers.

We assure the public that the Taft Water District is closely monitoring the situation and is taking all necessary measures to restore normal water quality as quickly as possible.

We advise affected consumers to allow their faucets to run for a few minutes until the water becomes clear. Should the turbidity persist, please immediately report the matter to the Taft Water District for prompt assistance.

Once again, Taft Water District sincerely apologizes for the inconvenience and appreciates your understanding and continued cooperation as we work to improve our water distribution system and provide better service to our consumers.

Thank you for your patience and understanding.

TAFT WATER DISTRICT

Address

National Hi-Way, Barangay 03
Taft
6816

Website

Alerts

Be the first to know and let us send you an email when Taft Water District posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Taft Water District:

Shortcuts

Share

Category