22/07/2026
BM Villamor Giduso ang Komprehensibong Development Plan alang sa 63 ka Island Barangays
Giduso ni Bohol Board Member Atty. Jiselle Rae Aumentado Villamor ang usa ka komprehensibong long-term development framework alang sa 63 ka island barangays aron matubag ang kakulang sa basic services, panginabuhian ug imprastraktura.
Gipresentar ni Villamor ang proposal atol sa iyang privilege speech sa regular nga sesyon sa Sangguniang Panlalawigan niadtong Martes, Hulyo 21, nga gipangulohan ni Vice Governor Nicanor Besas.
Matod niya, dakong kontribusyon sa ekonomiya sa Bohol ang mga island communities pinaagi sa ilang marine resources, fisheries ug tourism, apan nag-atubang gihapon kini og mga hagit tungod sa geographic isolation ug limitadong access sa importanteng serbisyo.
Lakip sa mga hagit ang access sa healthcare, edukasyon, transportasyon, potable water, kuryente, digital connectivity, emergency services ug economic opportunities.
Gipasidaan usab ni Villamor ang mga epekto sa climate change, lakip ang coastal erosion, pagsaka sa lebel sa dagat ug grabeng weather events, ilabina sa mga island barangays nga nahimutang sa mga lugar nga taas ang poverty incidence.
Ang proposed ordinance nagtumong sa pagpalig-on sa basic services, inter-agency coordination, sustainable livelihood, disaster ug climate resilience, ug pagpanalipod sa marine ecosystems.
Giduso usab ni Villamor ang pagtukod og Technical Working Group alang sa konsultasyon uban sa mga LGU, barangay officials, national government agencies, fisherfolk organizations, civil society, academe ug private sector.
Ang proposed legislation gi-refer sa Sangguniang Panlalawigan Committee on Environment and Natural Resources alang sa legislative action.
| Dave Responte
