PNP Tagbilaran City Police Station

14/06/2026

12/06/2026

12/06/2026

128th Philippine Independence Day Flag Raising Ceremony

11/06/2026

CARNAPPING SUSPECT NASIKOP; NAKAWAT NGA MOTORSIKLO NABAWI SA TCPS

Pinaagi sa paspas ug episyenteng follow-up investigation ug hot pursuit operation sa Theft and Robbery Section sa Tagbilaran City Police Station ubos sa direktang pagdumala ni PLTCOL Joey Mallare Bicoy, Officer-in-Charge, usa ka suspek sa kaso sa carnapping ang malampusong nadakpan sa sayong kabuntagon sa Hunyo 11, 2026 didto sa kilid sa Dao Public Market, Brgy. Dampas, Tagbilaran City.

Ang operasyon misangpot sa pagdakop sa suspek nga alyas “Totong” ug sa pagkabawi sa usa ka Honda Click 125 nga motorsiklo nga kolor orange ug black nga adunay plate number G243PJ, nga gi-report nga gikawat.

Atol sa operasyon, gigamit sa mga operatiba ang PNP Body-Worn Camera (BWC) aron maseguro ang transparency ug accountability sa pagpatuman sa balaod.

Ang suspek karon anaa na sa kustodiya sa Tagbilaran City Police Station alang sa hustong disposisyon ug pagpasaka sa angay nga kaso tungod sa paglapas sa Republic Act No. 10883 o ang New Anti-Carnapping Act of 2016.

Ang TCPS nagpasalamat sa kooperasyon sa publiko ug nagpadayon sa pagpanalipod sa kinabuhi ug kabtangan sa matag Tagbilaranon.

11/06/2026

SUSPECT SA KASO NGA PHYSICAL INJURY, GIDAKOP SA TCPS

Dali nga aksyon sa mga personnel sa Tagbilaran City Police Station ang miresulta sa pagdakop sa usa ka lalaki nga giakusahan sa pagpanakit sa usa ka babaye atol sa usa ka insidente nga nahitabo sa Purok 1, Horizon Street, Barangay Booy, Tagbilaran City niadtong Hunyo 10, 2026.

Base sa inisyal nga imbestigasyon, ang suspek, nga giingong ubos sa impluwensya sa makahubog nga ilimnon, nakiglalis ug kalit nga misumbag sa biktima pag-abot niini gikan sa trabaho. Tungod sa natamong mga samad, ang biktima gihatagan dayon og medikal nga tabang pinaagi sa Tarsier 911.

Human sa insidente, ang suspek gidakop sa responding personnel sa TCPS ug gipahibalo sa iyang mga katungod subay sa balaod. Siya karon anaa sa kustodiya sa TCPS alang sa hustong disposisyon ug pagpasaka sa angay nga kaso.

Ang Tagbilaran City Police Station nagpadayon sa pagpanalipod sa kalinaw ug kaluwasan sa komunidad ug nag-awhag sa publiko sa pagreport sa tanang matang sa krimen ug kagubot aron mapadayon ang usa ka luwas ug malinawon nga dakbayan.

10/06/2026

NADAWAT NGA PASIDUNGOG! 🏆

Ang Tagbilaran City Police Station (TCPS) nagpasalamat pag-ayo sa Sangguniang Panlungsod sa Dakbayan sa Tagbilaran tungod sa pag-apruba sa usa ka Resolusyon nga naghatag og komendasyon sa TCPS ubos sa pagpanguna ni PLTCOL Joey Mallare Bicoy alang sa talagsaon nga pagserbisyo ug epektibong seguridad atol sa “Maoy Sa Mayo Concert” nga gipahigayon niadtong Mayo 30, 2026.

Ang maong pasidungog gidawat sa ngalan ni PLTCOL Bicoy ug sa tanang personnel sa TCPS ni PLT Marigay Orapa, kinsa maoy mitambong ug nagrepresentar sa estasyon atol sa ceremonial turnover sa Resolusyon.

Kining maong pag-ila usa ka pagpamatuod sa dedikasyon, propesyonalismo, ug panaghiusa sa tanang personnel sa TCPS, force multipliers, kaabag nga ahensya, ug mga stakeholder nga nagkugi aron maseguro ang kaluwasan, kahapsay, ug kalinaw sa maong kalihokan.

Tungod sa koordinado ug lig-on nga security measures nga gipatuman sa TCPS ug mga kaabag nga ahensya, ang “Maoy Sa Mayo Concert” natapos nga adunay Zero Crime Incident, usa ka mahinungdanong kalampusan nga nagpakita sa kahanduraw ug pagka-andam sa kapulisan sa pagpanalipod sa katawhan.

Among ipaambit kining dungog sa tibuok komunidad sa Tagbilaran. Ang inyong pagsalig ug suporta maoy among inspirasyon sa padayon nga paghatag og matinud-anon, episyente, ug dekalidad nga serbisyo alang sa katawhan.

“Sa Bag-ong Pilipinas, Ang Gusto sa Pulis, Luwas Ka!”

09/06/2026