Tagkawayan Public Information Office

03/09/2026

PAALALA: WALA PO KAYONG DAPAT BAYARAN NA ANUMANG HALAGA kaugnay ng recruitment activities na isinasagawa o ipinapubliko ng PESO Tagkawayan.

Maging alerto, mapanuri, at mapagmatyag upang hindi mabiktima ng anumang uri ng panloloko.

Maaaring kontakin ang Peso-Tagkawayan sa kanilang FB Page o sa e-mail na: [email protected] at [email protected]

03/09/2026

𝙎𝘼 𝘽𝘼𝙒𝘼𝙏 𝙃𝙄𝘽𝙇𝘼 🎥🥥

Bawat hibla ay may kuwentong dala. Bawat likha ay bunga ng sipag, kasanayan, at kulturang ipinapamana mula sa isang henerasyon tungo sa susunod.

Sa pamamagitan ng dokumentaryong ito, masisilayan natin ang kuwento, tradisyon, at pagkakakilanlang patuloy na bumubuo sa ating bayan.

Panoorin ang ating entry sa Documentary Contest ng Likhang Niyogyugan 2026 at tuklasin ang mga kuwentong nakahabi sa bawat hibla. 🌴✨

🎬 Documentary Entry | Likhang Niyogyugan 2026

03/09/2026

02/09/2026

Panalangin sa Umaga

02/09/2026

ICS–UNIFIED COMMAND, IA-ACTIVATE SA FESTIVAL OF TALENTS

Nilagdaan ni Mayor Carlo Eleazar ang memorandum para sa activation ng Incident Command System (ICS) sa pamamagitan ng Unified Command (UC) bilang suporta sa Congressional District Festival of Talents na gaganapin sa Setyembre 3, 2026 sa Bayan ng Tagkawayan.

Batay sa rekomendasyon ng MDRRMC, magiging aktibo ang ICS mula Ika-7:00 ng umaga ng Setyembre 3 hanggang Ika-7:00 ng umaga ng Setyembre 5, 2026 upang matiyak ang maayos na koordinasyon, kaligtasan, seguridad, at mabilis na pagtugon sa anumang insidente.

Para sa impormasyon at gabay ng publiko.

-Office of the Information officer

02/09/2026

𝗕𝗨𝗪𝗔𝗡 𝗡𝗚 𝗧𝗨𝗥𝗜𝗦𝗠𝗢 𝟮𝟬𝟮𝟲 🌴

Sa panahon ng digital transformation, nagiging mahalagang katuwang ang teknolohiya at artificial intelligence sa pagpapalawak ng kaalaman, pagpapahusay ng serbisyo, at paglikha ng mas makabuluhang karanasan sa turismo.

Ngayong Buwan ng Turismo, sama-sama nating tuklasin kung paano nagiging tulay ang inobasyon upang mas maipakilala ang ating mga destinasyon, kultura, at mga kuwentong Pilipino sa mas maraming tao.

Habang umuunlad ang teknolohiya, patuloy din nating pinahahalagahan ang puso ng turismo: ang ating mga komunidad, tradisyon, at pagkakakilanlan.

02/09/2026

Ipinagbibigay alam po sa lahat ng Tagkawayanin at sa Publiko na ang lahat ng Recruitment Activity at Vacancies na sinasa-publiko ng PESO ay “LIBRE” at wala po kayong dapat bayaran na anumang halaga. Kung mayroon po kayong naringgan na ganitong klase ng modus na nag-aalok ng siguradong position o slot sa anumang kumpanya na may katumbas na halaga ay kumpirmahin po muna sa PESO o ipagbigay alam agad sa kinauukulan upang hindi po tayo mabiktima ng mga ganitong uri ng panloloko.

Maging alerto at mapanuri po tayo mga kababayan.

01/09/2026

Sa pagpasok ng bagong buwan, nakikiisa ang Lokal na Pamahalaan ng Tagkawayan sa pagdiriwang ng World Su***de Prevention Awareness Month na may temang "Changing the Narrative on Su***de".

Nawa'y maging instrumento tayo upang maramdaman ng iba na ligtas silang magpahayag, napakikinggan kapag sila ay nagbabahagi, at sinusuportahan sa oras ng pangangailangan.

Laging tandaan na IKAW AY MAHALAGA, IKAW AY MINAMAHAL, at IKAW AY SAPAT.