https://www.facebook.com/100869536100241/

BJMP MMDJ Annex IV

Home
Philippines
Taguig
BJMP MMDJ Annex IV

Contact information, map and directions, contact form, opening hours, services, ratings, photos, videos and announcements from BJMP MMDJ Annex IV, Prison & Correctional Facility, Taguig.

29/05/2026

Zumba at Road Run sa MMDJ Annex 4

Nakiisa ang mga Personnel at JO1 Trainees ng Metro Manila District Jail Annex 4 sa isinagawang Zumba session na sinundan ng road run sa loob ng Camp Bagong Diwa bilang bahagi ng patuloy na programa ng tanggapan para sa kalusugan at pisikal na kahandaan. Personal ding dumalo at nakilahok si JCINSP JOHN Y. ACHAPERO SR., Officer-In-Charge, upang hikayatin ang lahat na panatilihin ang malusog na pangangatawan at aktibong pamumuhay habang pinapalakas ang samahan at pagkakaisa ng mga kawani at trainees.

Nagsimula ang programa sa isang masiglang Zumba activity kung saan masayang nakilahok ang mga personnel at trainees sa iba’t ibang dance fitness routines. Naging masaya at puno ng enerhiya ang aktibidad na nagbigay hindi lamang ng ehersisyo kundi pati ng pagkakataon upang mabawasan ang stress at mapalakas ang samahan ng bawat isa. Ipinakita rin ng mga kalahok ang kanilang disiplina, kooperasyon, at sigla sa buong aktibidad.

Matapos ang Zumba session ay isinagawa naman ang road run sa paligid ng Camp Bagong Diwa. Layunin ng naturang aktibidad na mapanatili ang tibay ng pangangatawan, disiplina, at kahandaan ng bawat personnel at trainee sa kanilang tungkulin sa serbisyo publiko. Sa pamamagitan ng mga ganitong programa, patuloy na isinusulong ng Metro Manila District Jail Annex 4 ang kahalagahan ng kalusugan, pagkakaisa, at kabuuang kapakanan ng kanilang mga kawani at trainees.

22/05/2026

JAIL INFORMATION & EDUCATION

Sa pangunguna nina JCINSP JOHN Y ACHAPERO SR, Officer-In-Charge at JINSP IMEE O CADAMPOG, Deputy Wardemn, matagumpay na isinagawa ng Jail Information and Education ng Metro Manila District Jail Annex 4 ang isang mahalagang pagpupulong na naglalayong tugunan ang iba’t ibang usapin at mga mahahalagang aktibidad sa loob ng piitan. Tinalakay sa naturang aktibidad ang mga kasalukuyang hamon ukol sa seguridad, kaayusan, at kapakanan ng Persons Deprived of Liberty (PDL), gayundin ang pagpapalakas ng koordinasyon sa pagitan ng mga kawani at mga kinauukulang sektor upang mapanatili ang maayos na operasyon ng piitan.

Binigyang-diin din ng pamunuan ang kahalagahan ng bukas na komunikasyon, disiplina, at pagkakaisa bilang pundasyon ng isang ligtas at maayos na institusyon. Sa pamamagitan ng Jail Information and Education program, mas pinaigting ang pagpapalaganap ng tamang impormasyon at kaalaman upang mabigyang-linaw ang mga polisiya, programa, at serbisyo ng pamahalaan para sa kapakanan ng lahat. Patuloy namang naninindigan ang pamunuan ng Metro Manila District Jail Annex 4 sa kanilang adhikaing makapaghatid ng mahusay, makatao, at makabuluhang serbisyo publiko.

22/05/2026

𝑮𝒂𝒍𝒂𝒘 𝒂𝒕 𝑰𝒏𝒅𝒂𝒌 𝒔𝒂 𝑴𝑴𝑫𝑱 𝑨𝒏𝒏𝒆𝒙 4 💃✨

Nagkaroon ng masigla at kapana-panabik na Zumba Activity ang mga kawani ng MMDJ Annex 4 kahapon sa ilalim ng pamumuno nina JCINSP PRINCE DJ B ORBASE, Acting District Jail Warden at JINSP IMEE CADAMPOG, Assistant Warden, bilang bahagi ng kanilang programa para sa kalusugan at wellness ng mga empleyado. Naging makulay at puno ng positibong vibes ang buong aktibidad na tunay na ikinatuwa ng lahat ng kalahok.

Ipinakita ng mga kawani ng MMDH Annex 4 ang kanilang aktibong pakikilahok at suporta sa naturang gawain, na naglalayong itaguyod ang healthy lifestyle at stress relief sa gitna ng kanilang mga tungkulin. Sa pamamagitan ng sama-samang paggalaw at pag-eehersisyo, higit pang napagtibay ang camaraderie at teamwork ng bawat isa. Inaasahan na magpapatuloy ang mga ganitong aktibidad upang mapanatili ang mabuting kalusugan at masayang samahan ng mga empleyado.

13/05/2026

Iisang layunin, iisang puso para sa pagtulong! 🤝🫂

13/05/2026

𝘽𝙖𝙮𝙖𝙣𝙞𝙝𝙖𝙣 𝙨𝙖 𝘽𝙖𝙬𝙖𝙩 𝙆𝙖𝙝𝙤𝙣 𝙣𝙜 𝙋𝙖𝙜-𝙖𝙨𝙖 🤝📦

11/05/2026

𝙒𝙖𝙩𝙖𝙬𝙖𝙩 𝙣𝙜 𝙋𝙞𝙡𝙞𝙥𝙞𝙣𝙖𝙨, 𝙎𝙖𝙡𝙪𝙙𝙤 𝙣𝙜 𝙎𝙚𝙧𝙗𝙞𝙨𝙮𝙤 𝙖𝙩 𝙆𝙖𝙧𝙖𝙣𝙜𝙖𝙡𝙖𝙣 🇵🇭✨

11/05/2026

𝙄𝙨𝙖𝙣𝙜 𝙢𝙖𝙠𝙖𝙗𝙪𝙡𝙪𝙝𝙖𝙣𝙜 𝙩𝙖𝙜𝙪𝙢𝙥𝙖𝙮 𝙣𝙖 𝙗𝙪𝙣𝙜𝙖 𝙣𝙜 𝙨𝙞𝙥𝙖𝙜, 𝙢𝙖𝙡𝙖𝙨𝙖𝙠𝙞𝙩, 𝙖𝙩 𝙥𝙖𝙜𝙠𝙖𝙠𝙖𝙞𝙨𝙖! 🏆

🏅 Top 3 District Jail Warden – JCINSP PRINCE DJ B ORBASE
🏅Top 2 Best District Jail
🏅Top 3 Best Newsletter – TINIG
🏅Best Jail Health Personnel (HIS at PDL Health Records) – JO2 Jimzon R Jamadre

Salamat sa walang sawang dedikasyon sa serbisyo publiko. Ang tagumpay na ito ay para sa lahat! ✨

11/05/2026

𝙒𝙖𝙩𝙖𝙬𝙖𝙩 𝙣𝙜 𝙋𝙞𝙡𝙞𝙥𝙞𝙣𝙖𝙨, 𝙎𝙖𝙡𝙪𝙙𝙤 𝙣𝙜 𝙎𝙚𝙧𝙗𝙞𝙨𝙮𝙤 𝙖𝙩 𝙆𝙖𝙧𝙖𝙣𝙜𝙖𝙡𝙖𝙣 🇵🇭✨

Matagumpay na isinagawa ng mga tauhan ng MMDJ Annex 4 sa ilalim ng pamumuno nina JCINSP PRINCE DJ B ORBASE, Acting District Jail Warden at JINSP IMEE CADAMPOG, Assistant Warden, ang lingguhang Flag Raising Ceremony bilang pagpapakita ng pagkakaisa, disiplina, at dedikasyon sa serbisyo publiko. Sa nasabing programa, kinilala at pinarangalan ang mga personnel na nakatanggap ng iba’t ibang parangal dahil sa kanilang natatanging pagganap, sipag, at kontribusyon sa tungkulin. Ipinakita ng mga pagkilalang ito ang patuloy na pagsisikap ng bawat kawani na mapanatili ang kahusayan at propesyonalismo sa kanilang hanay.

Bukod dito, naging bahagi rin ng programa ang paggunita sa Mother’s Day bilang pagbibigay-pugay sa lahat ng ina na nagsisilbing inspirasyon at haligi ng bawat pamilya. Sa mensahe ng pamunuan, binigyang-diin ang kahalagahan ng sakripisyo, pagmamahal, at malasakit ng mga ina hindi lamang sa tahanan kundi maging sa komunidad at serbisyo. Nagpahayag din ng pasasalamat ang MMDJ Annex 4 personnel sa lahat ng ina sa kanilang walang sawang pag-aaruga at suporta na nagbibigay-lakas at inspirasyon sa bawat isa.

09/05/2026

𝐋𝐮𝐧𝐭𝐢𝐚𝐧𝐠 𝐀𝐤𝐬𝐲𝐨𝐧 𝐧𝐠 𝐌𝐌𝐃𝐉 𝐀𝐧𝐧𝐞𝐱 4 🌱🧹

Nakiisa ang mga personnels ng MMDJ Annex 4 sa isinagawang Tree Planting at Community Cleanup Drive Activity sa DOST Compound bilang bahagi ng kanilang suporta sa pangangalaga sa kalikasan at pagpapanatili ng kalinisan sa komunidad. Sa pamamagitan ng sama-samang pagtutulungan, matagumpay na naisagawa ang paglilinis sa paligid ng compound at pagtatanim ng mga puno na magsisilbing ambag sa mas ligtas at luntiang kapaligiran.

Ipinakita ng mga personnels ang diwa ng pagkakaisa, disiplina, at malasakit sa kalikasan sa pamamagitan ng aktibong pakikilahok sa nasabing aktibidad. Ang simpleng gawaing ito ay patunay na ang bawat maliit na hakbang ay may malaking ambag tungo sa mas maayos at malinis na komunidad para sa lahat.

08/05/2026

MANDATORY DRUG TESTING SA MMDJ ANNEX IV

Bilang bahagi ng patuloy na kampanya laban sa ilegal na droga at pagpapanatili ng isang ligtas at maayos na pasilidad, nagsagawa ng Mandatory Drug Testing ang Metro Manila District Jail Annex 4 para sa 100% ng jail personnel at piling random na Persons Deprived of Liberty (PDL). Ang aktibidad ay pinangunahan nina JCINSP PRINCE DJ B ORBASE at JINSP IMEE O CADAMPOG bilang bahagi ng kanilang mahigpit na pagpapatupad ng mga programang naglalayong mapanatili ang integridad, disiplina, at kaayusan sa loob ng institusyon.

Pinangasiwaan naman ang isinagawang drug testing ni Dr. Norman Asi, MD FPCAM katuwang ang PDEA NCR Southern District Office upang matiyak ang maayos, patas, at transparent na proseso ng pagsusuri. Ipinakita ng aktibidad ang matibay na suporta ng pamunuan sa adbokasiya ng pamahalaan para sa isang drug-free workplace at correctional facility, gayundin ang kanilang dedikasyon sa pagpapanatili ng kaligtasan at kapakanan ng lahat ng personnel at PDL sa loob ng Metro Manila District Jail Annex 4.

Address

Taguig

Website

facebook.com

Alerts

Be the first to know and let us send you an email when BJMP MMDJ Annex IV posts news and promotions. Your email address will not be used for any other purpose, and you can unsubscribe at any time.

Shortcuts

Want your organization to be the top-listed Government Service in Taguig?

BJMP MMDJ Annex IV

29/05/2026

22/05/2026

22/05/2026

13/05/2026

13/05/2026

11/05/2026

11/05/2026

11/05/2026

09/05/2026

08/05/2026

Address

Website

Alerts

Shortcuts

Share

Category