http://BarangayBagumbayan-taguig.com/

Brgy. Bagumbayan, Purok 3 MLQ Street Barangay Bagumbayan Taguig City, Taguig (2026)

02/06/2026

Patuloy na nagsusumikap ang Barangay Bagumbayan, sa pamamagitan ng sama-samang pagkilos ng Sangguniang Barangay at mga kawani, na maghatid ng mabilis, maayos, at episyenteng serbisyo para sa ating mga residente.

Kabilang sa mga serbisyong patuloy na inaasika*o sa ating tanggapan ang:

• Business Clearance
• Barangay Clearance
• Certificate of Indigency
• Barangay ID
• First Time Job Seeker Certification

Oras ng Operasyon: Lunes hanggang Biyernes, 8:00 AM – 5:00 PM
Lokasyon: Ika-3 Palapag, Barangay Hall
Ang patuloy na paghahatid ng serbisyo ay patunay ng dedikasyon at malasakit ng pamahalaang barangay sa pagtugon sa pangangailangan ng komunidad at sa pagpapatatag ng maunlad na Barangay Bagumbayan.

See less

02/06/2026

Mahalagang Abiso sa Pansamantalang Pagkakaroon ng Temporary Power Interruption

Nais naming ipaalam sa mga residente ng Daang Kalabaw na magkakaroon ng pansamantalang
paghinto ng supply ng kuryente mula sa Meralco dahil sa isasagawang maintenance activities.

Iskedyul ng Power Interruption:
• Simula: June 4, 2026, 10:00 pm
• Hanggang: June 5, 2026, 3:00 am

Hinihikayat namin ang lahat na mag-charge ng kanilang cellphones at mga portable fans bago ang nasabing petsa at oras upang maiwasan ang abala.
Humihingi kami ng paumanhin sa anumang hindi maginhawang sitwasyon na maaring idulot nito at lubos kaming nagpapasalamat sa inyong pang-unawa at kooperasyon. See less

01/06/2026

BRIGADA ESKWELA 2026
Bagumbayan National High School

Bilang bahagi ng matagumpay na Brigada Eskwela 2026, buong pusong nakiisa ang Pamahalaang Barangay ng Bagumbayan, kasama ang buong Sangguniang Barangay, sa paghahanda ng ating paaralan para sa ligtas, maayos, at handang pagbubukas ng klase.

Sa temang “Bayanihan sa Paaralan: Nagkaisa para sa Kaayusan at Kaalaman,” muling pinatunayan ang kahalagahan ng pagkakaisa at pagtutulungan ng komunidad, mga g**o, magulang, at mga opisyal ng barangay sa pagsusulong ng ligtas na kapaligiran para sa pagkatuto.

Taos-pusong pasasalamat sa pamunuan ng Bagumbayan National High School sa ilalim ng pamumuno ni G. Nelson Quintong sa inyong malasakit, aktibong pakikiisa, at patuloy na suporta sa mga programa ng barangay.

Maraming salamat sa lahat ng nakiisa sa Brigada Eskwela 2026. Sa sama-sama at tulong-tulong na pagkilos, mas pinatatag natin ang pundasyon ng dekalidad na edukasyon para sa kabataan.

01/06/2026

BRIGADA ESKWELA 2026
C.P Sta. Teresa Elementary School

Sa matagumpay na pagsasagawa ng Brigada Eskwela 2026, buong pusong nakiisa ang Pamahalaang Barangay ng Bagumbayan, kasama ang buong Sangguniang Barangay, sa paghahanda ng ligtas, malinis, at maayos na kapaligiran para sa pagbubukas ng klase.

Alinsunod sa temang “Bayanihan sa Paaralan: Nagkaisa para sa Kaayusan at Kaalaman,” ipinakita ng ating komunidad ang diwa ng bayanihan sa pagtutulungan ng mga opisyal ng barangay, g**o, magulang, at volunteers.

Lubos ang aming pasasalamat sa pamunuan ng Sta. Teresa Elementary School sa pangunguna ng Punong G**o na si Gng. Marife Castillo sa inyong dedikasyon, malasakit, at pakikipagtulungan.

Maraming salamat po sa lahat ng nakiisa. Sama-sama para sa mas ligtas at maayos na paaralan para sa kabataan.

01/06/2026

PANIBAGONG LINGGO NG PAGLILINGKOD

Isang bagong Lunes ang ating pagsalubong, dala ang panibagong pagkakataon upang ipagpatuloy ang tapat, maayos, at tuloy-tuloy na paglilingkod para sa ating Barangay Bagumbayan. Sa bawat pagtaas ng watawat, muli nating pinagtitibay ang ating pagkakaisa at paninindigan na maglingkod nang may malasakit at integridad para sa kapakanan ng ating mga kabarangay.

Taos-puso ring pasasalamat sa ating mga kawani at katuwang sa pamahalaang barangay sa walang sawang dedikasyon at sakripisyo sa araw-araw na serbisyo. Ang inyong sipag at malasakit ang tunay na haligi ng ating patuloy na paglilingkod sa komunidad.

Sa linggong ito, sama-sama nating ipagpapatuloy ang mga adhikaing magdadala ng kaayusan, pag-asa, at mas maunlad na Barangay Bagumbayan para sa lahat.

01/06/2026

𝗗𝗔𝗟𝗛𝗜𝗡 𝗔𝗡𝗚 𝗔𝗟𝗔𝗚𝗔𝗡𝗚 𝗔𝗦𝗢 𝗔𝗧 𝗣𝗨𝗦𝗔 𝗦𝗔 𝗣𝗘𝗧 𝗖𝗔𝗥𝗔𝗩𝗔𝗡
𝗝𝗨𝗡𝗘 𝟯, 𝟮𝟬𝟮𝟲 • 𝗪𝗘𝗗𝗡𝗘𝗦𝗗𝗔𝗬 • 𝟳 𝗔𝗠 - 𝟰 𝗣𝗠
𝗛𝗢𝗟𝗬 𝗙𝗔𝗠𝗜𝗟𝗬 𝗩𝗜𝗟𝗟𝗔𝗚𝗘 𝗖𝗢𝗩𝗘𝗥𝗘𝗗 𝗖𝗢𝗨𝗥𝗧
𝗛𝗢𝗟𝗬 𝗙𝗔𝗠𝗜𝗟𝗬 𝗦𝗧. 𝗕𝗥𝗚𝗬. 𝗕𝗔𝗚𝗨𝗠𝗕𝗔𝗬𝗔𝗡
𝗧𝗔𝗚𝗨𝗜𝗚 𝗖𝗜𝗧𝗬
https://maps.app.goo.gl/191JNGaNuwATePgu5

• Free Pet Deworming
• Free Anti-rabies vaccination
• Free Pet tagging with microchip
• Free Pet Consultation
• Free Vitamin shots and medicines
• Libreng kapon - 100 slots available. No need to pre-register.

Walk-in only. First come, first served.
DALHIN ANG MGA SUMUSUNOD:

Patunay ng pagiging residente ng Taguig tulad ng valid ID na may address sa Taguig o barangay sa EMBO
Updated anti-rabies vaccination card ng alaga (kung meron)

Kulungan o tali para sa alaga
Tissue paper, basahan at plastic bag para sa
dumi at ihi ng alaga

Lagyan ng diaper ang alaga kung maaari. Magdala ng extra diaper. No diaper, no entry.

Kung aggresive ang alaga, lagyan ng mouth cover o busal

MGA DAPAT TANDAAN:

DEWORMING
• Dapat malusog ang alagang a*o at pusa
• May edad na 2 linggo pataas ang alaga

ANTI-RABIES VACCINATION
• Dapat malusog at walang sakit ang a*o at pusa
• May edad na 3 buwan pataas
• Kung babae ang alaga, hindi dapat naglalandi, hindi dapat buntis at hindi nagpapasuso
• Walang kinagat na tao sa nakalipas na 14 araw

SA IKAKAPON NA PUSA
• No need to pre-register. Walk-in only. First come, first served.
• Only 1 pet per owner is allowed.
• Dapat may gulang na 6 na buwan pataas at may timbang na 3 kilos pataas
• Hindi dapat buntis, nagpapasuso o naglalandi ang babae
• Dapat malusog at hindi nagkasakit sa nakalipas na 2 linggo
• Walang kinagat na tao sa nakalipas na 14 araw
• Dapat nag-fasting o ayuno ng 6-8 oras bago ikapon

SA IKAKAPON NA A*O
• No need to pre-register. Walk-in only. First come, first served.
• Only 1 pet per owner is allowed.
• Dapat may gulang na 6 na buwan pataas at may timbang na 4 kilos pataas
• Hindi dapat buntis, nagpapasuso o naglalandi ang babae
• Dapat malusog at hindi nagkasakit sa nakalipas na 2 linggo
• Walang kinagat na tao sa nakalipas na 14 araw
• Dapat nag-fasting o ayuno ng 6-8 oras bago ikapon

PAALALA:
Iwasang dumayo sa ibang barangay. Dahil sa limitasyon ng mga venue, iniiwasan po natin ang pagdagsa ng napakaraming tao at hayop na maaaring maging sanhi ng sobrang siksikan, mahabang pila at matagal na paghihintay.
Magkakaroon naman po ng Pet Caravan at LIbreng Kapon sa lahat ng barangay ng Taguig City. Hintayin lang po ang schedule ng inyong barangay.
Maraming salamat po sa inyong pang-unawa at kooperasyon.

PARA SA KARAGDAGANG IMPORMASYON:

Bumisita sa:
OFFICE OF THE CITY VETERINARIAN
MAIN OFFICE
#4 Model House
C6 Road, Purok 1
New Lower Bicutan
SATELLITE OFFICE
#16 Cadena de Amor St.
Pembo, Taguig City.
FB: https://www.facebook.com/ocv013

31/05/2026

𝗢𝗣𝗜𝗦𝗬𝗔𝗟 𝗡𝗔 𝗣𝗔𝗕𝗔𝗧𝗜𝗗 – HOLY FAMILY VILLAGE ACCESS POLICY

Kaugnay ng usapin sa ipinanukalang gate access schedule at “No Sticker, No Entry” policy sa Holy Family Village, nais po naming ipabatid na matapos ang koordinasyon sa pagitan ng Holy Family Village Homeowners’ Association, Pamahalaang Barangay ng Bagumbayan, at Pamahalaang Lungsod ng Taguig, napagkasunduan na mananatili muna ang kasalukuyang sistema (status quo) habang nagpapatuloy ang mga kinakailangang konsultasyon at pagtalakay sa nasabing usapin.

Ibig sabihin, hindi muna ipatutupad ang mga bagong access restrictions na nakapaloob sa ipinanukalang “No Sticker, No Entry” policy habang hinihintay ang resulta ng mga susunod na pag-uusap at koordinasyon ng mga kinauukulan. Ang mga umiiral na patakaran at kasalukuyang operasyon ng mga gate ay mananatiling epektibo sa ngayon.

Nais din po nating pasalamatan ang Pamahalaang Lungsod ng Taguig, sa pamamagitan ng City Executive Legal Office at City Administration, sa kanilang agarang pagtugon at pakikipag-ugnayan upang mabigyan ng maayos na proseso at pagkakataon ang lahat ng panig na maipahayag at mapag-usapan ang kanilang mga concern.

Gayundin, pinasasalamatan natin ang Holy Family Village Homeowners’ Association sa kanilang pakikipagtulungan at pagiging bukas sa patuloy na dayalogo para sa kapakanan ng mga residente at ng ating komunidad.

Kasabay nito, patuloy ang pakikipag-ugnayan ng Pamahalaang Barangay sa mga kinauukulang ahensya kaugnay ng mga isyung nakaaapekto sa daloy ng biyahe at road works sa Pa*o Street at iba pang kailangang agarang aksyon ng mga ahensya. Patuloy naming isinusulong ang agarang pagtingin at pagtugon sa mga concern ng ating mga kabarangay.

Patuloy pong magbibigay ng update ang Pamahalaang Barangay sa sandaling may mahahalagang impormasyon na maaari nang ipabatid sa publiko.

Maraming salamat po sa inyong pang-unawa at pakikipagtulungan.

31/05/2026

𝗣𝗔𝗕𝗔𝗧𝗜𝗗 𝗦𝗔 𝗣𝗨𝗕𝗟𝗜𝗞𝗢

Magandang araw po sa ating mga kabarangay.

Kaugnay ng mga katanungan tungkol sa ipinanukalang gate access sa Holy Family Village, patuloy po ang koordinasyon ng Pamahalaang Barangay sa HFVHAI at Pamahalaang Lungsod upang mabigyan ng maayos na gabay ang nasabing usapin.

Sa ngayon, hinihiling po namin na hintayin muna ang opisyal na update mula sa Barangay habang isinasagawa ang pag-uusap ng mga kinauukulan upang matiyak ang maayos at patas na pagtalakay para sa lahat.

Makakaasa po kayo na ilalabas ng Barangay ang opisyal na update sa sandaling matapos ang kasalukuyang koordinasyon.

Maraming salamat po sa inyong pang-unawa.

30/05/2026

Lubos po ang ating taos-pusong pasasalamat at pagpupugay sa ating kandidata na si Ms. Ingrid Maria Noel sa kanyang makabuluhang paglahok at buong pusong representasyon sa Barangay Bagumbayan sa Mutya ng Taguig.

Ang kanyang ipinamalas na tapang, kagandahang-loob, at dedikasyon sa buong kompetisyon ay tunay na nagbigay ng karangalan sa ating barangay. Sa bawat hakbang na kanyang ginawa sa entablado, bitbit niya ang galing at pagkakakilanlan ng kabataang Bagumbayeño.

Ang kanyang adbokasiyang “Boses ng Kabataan: Bayan Makinig” ay patuloy na nagbibigay inspirasyon sa atin na kilalanin ang mahalagang papel ng kabataan bilang katuwang sa pagbabago at pag-unlad ng lipunan.

Mula sa Pamahalaang Barangay Bagumbayan, buong puso po naming ipinagmamalaki si Ingrid. Bagumbayan is proud of you. 👑✨

29/05/2026

Lubos po nating ipinagmamalaki ang ating kandidata na si Ms. Ingrid Maria Noel, na buong tapang at dedikasyon na kumakatawan sa ating barangay. Ang kanyang pagsali ay isang malaking karangalan na sumasalamin sa galing at pagkakaisa ng ating komunidad.

Bukas na po gaganapin ang Coronation Night ng Mutya ng Taguig, kaya naman atin pong ipakita ang ating buong suporta at pagkakaisa sa pamamagitan ng pagbibigay sa kanya ng lakas ng loob at panalangin para sa kanyang tagumpay.

Bitbit niya ang adbokasiyang “Boses ng Kabataan: Bayan Makinig,” isang panawagan na kilalanin ang kakayahan ng kabataan na maging boses ng pagbabago. Layunin nitong patunayan na ang kabataan ay hindi hadlang ang edad upang makibahagi sa pamumuno at sa mahahalagang usapin ng lipunan, kundi sila ay mahalagang katuwang sa paghubog ng komunidad at pag-unlad ng bayan.

Nawa’y sama-sama natin siyang suportahan at ipakita ang ating buong tiwala sa kanyang kakayahan bilang kinatawan ng ating barangay.

Best of luck, Ingrid! Ipinagmamalaki ka ng ating barangay! 👑✨

Brgy. Bagumbayan

02/06/2026

02/06/2026

01/06/2026

01/06/2026

01/06/2026

01/06/2026

31/05/2026

31/05/2026

30/05/2026

29/05/2026

Address

Website

Alerts

Shortcuts

Share

Category