Provincial Agriculturist’s Office-Davao del Norte

06/07/2026

06/07/2026

25𝒕𝒉 𝑲𝒂𝒅𝒂𝒈𝒂𝒚𝒂𝒂𝒏 𝑭𝒆𝒔𝒕𝒊𝒗𝒂𝒍: LGU Kapalong, LGU Braulio E. Dujali ug Provincial RIC nanguna sa Booth Contest

𝙏𝘼𝙂𝙐𝙈 𝘾𝙄𝙏𝙔, 𝘿𝙖𝙫𝙖𝙤 𝙙𝙚𝙡 𝙉𝙤𝙧𝙩𝙚 – Naka-angkon sa unang puwesto ang LGU Kapalong sa District 1 Category ug ang LGU Braulio E. Dujali sa District 2 Category sa LGU Booth Contest, samtang ang Provincial Rural Improvement Club (RIC) maoy naka-angkon sa unang puwesto sa Rural-Based Organization (RBO) Booth Contest atol sa 25th Kadagayaan Festival: Agri-Tourism Trade Fair 2026.

Kabahin sa selebrasyon sa ika-59th Araw ng Davao del Norte ang 25th Kadagayaan Festival, diin gipahigayon ang LGU ug RBO Booth Contest aron ipasundayag sa mga local government units ug rural-based organizations ang ilang mga produkto, mga atraksyong panturismo, ug mga inisyatiba sa pagpalambo sa agrikultura ug turismo.

Sa District 1 Category, ang LGU Kapalong maoy nakadaog sa unang puwesto, gisundan sa LGU Asuncion sa ikaduhang puwesto ug LGU Talaingod sa ikatulong puwesto.

Sa District 2 Category, ang LGU Braulio E. Dujali maoy nakadaog sa unang puwesto, samtang ang LGU Santo Tomas ug LGU Carmen ang nakadaog sa ikaduha ug ikatulong puwesto.

Sa RBO Category, ang Provincial Rural Improvement Club (RIC) maoy nakadaog sa unang puwesto, gisundan sa Cavendish Banana DavNor Council sa ikaduhang puwesto ug Davao del Norte Coconut Farmers Federation sa ikatulong puwesto.

Gipahigayon ang awarding ceremony alang sa mga mananaog sa lain-laing kompetisyon atol sa panapos nga programa niadtong Hulyo 5, 2026. Mitambong sa maong kalihokan si Arnel Montero isip representante ni Governor Edwin I. Jubahib, uban ni Acting Provincial Agriculturist Engr. Christopher S. Dalisay ug SK Provincial Federation President Helen Mae Discaya.

03/07/2026

Happy 59th Araw ng Davao del Norte and 25th Kadagayaan Festival
Rural base Organization Tent ,Davao del Norte Sports and Tourism Complex

03/07/2026

Happy 59th Araw ng Davao del Norte and 25th Kadagayaan Festival
Atong suportahan ang nagkalain-laing produkto nga gipasigarbo matag LGU!
Busa, suroy na! Davao del Norte Sports and Tourism Complex

03/07/2026

25𝓽𝓱 𝑲𝑨𝑫𝑨𝑮𝑨𝒀𝑨𝑨𝑵 𝑭𝑬𝑺𝑻𝑰𝑽𝑨𝑳: ‘𝐅𝐚𝐫𝐦𝐞𝐫𝐬, 𝐅𝐢𝐬𝐡𝐞𝐫𝐟𝐨𝐥𝐤, 𝐚𝐧𝐝 𝐀𝐄𝐖 𝐅𝐮𝐧 𝐃𝐚𝐲’

𝐓𝐚𝐠𝐮𝐦 𝐂𝐢𝐭𝐲, 𝐃𝐚𝐯𝐚𝐨 𝐝𝐞𝐥 𝐍𝐨𝐫𝐭𝐞 – Isip pag-ila sa dakong kontribusyon sa mga mag-uuma, mangingisda, ug Agricultural Extension Workers (AEWs) sa pagpalambo sa sektor sa agrikultura, malampusong gipahigayon ang “Farmers, Fisherfolk and AEW Fun Day” isip kabahin sa selebrasyon sa 59th Araw ng Davao del Norte ug 25th Kadagayaan Festival.

Ang maong kalihokan nagtumong sa pagpasidungog sa ilang walay puas nga paningkamot sa pagsiguro sa padayon nga produksyon sa pagkaon, ug ang pagpalambo sa lokal nga ekonomiya. Lakip usab sa tumong niini ang pagpalig-on sa panaghiusa, ug panaghigalaay tali sa mga lokal nga panggamhanan pinaagi sa inter-LGU competitions.

Aktibo kini nga gisalmotan sa onse (11) ka mga LGUs sa probinsya, diin gisubli sa lain-laing mga kompetisyon ang ilang kahanas, kooperasyon, ug talento.

Mga Resulta sa mga Kompetisyon:

🔹 Amazing Race: Larong Pinoy Challenge
• 🥇 Champion – LGU Carmen
• 🥈 1st Place – LGU Dujali
• 🥉 2nd Place – LGU Panabo City

🔹 Hataw Agri- Sayaw Group Dancing Competition
• 🥇 Champion – LGU IGACOS
• 🥈 1st Place – LGU Asuncion
• 🥉 2nd Place – LGU Kapalong

Dugang pa, gipahigayon ang PINAKA Contest, diin gipasundayag sa matag LGU ang ilang labing talagsaon ug labing dagkong produkto nga timailhan sa kadagaya sa yuta sa probinsya ug sa kapasidad sa mga Dabaonon nga mag-uuma sa ilang ma-ampingong pag-alima sa ilang umahan.

🔹 PINAKA Contest
• 🏆 Pinaka taas nga Batong – LGU New Corella
• 🏆 Pinaka bug-at nga Talong – LGU Tagum
• 🏆 Pinaka bug-at nga Kalabasa – LGU IGACOS
• 🏆 Pinaka bug-at nga Bulig sa Saging – LGU New Corella
• 🏆 Pinaka bug-at nga Camote – LGU Talaingod
• 🏆 Pinaka bug-at nga Tilapia – LGU Braulio E. Dujali
• 🏆 Pinaka bug-at nga Hito – LGU Panabo City

Mitambong sa maong kalihokan si Kuya Gov Edwin I. Jubahib pinaagi sa iyang representante nga si Provincial Administrator Atty. Ralph P. Dela Cruz. Gitambongan usab kini ni Vice Governor Clarice T. Jubahib pinaagi sa iyang representante, uban sa mga Municipal Agriculturists sa lokal nga panggamhanan.

Matapos ang semana nga selebrasyon karong umaabot nga Dominggo, July 5, 2026, diin igapahibalo usab ang mga kampyon sa LGU ug Rural-Based Organizations (RBO) Booth Contest.

Gilauman nga magpadayon ang supporta sa publiko sa pagsubay sa nahibilin nga mga kalihokan nga nagtimaan sa garbo, panaghiusa, ug kadagaya sa probinsya.

30/06/2026

HAPPY 59TH ARAW NG DAVAO DEL NORTE
Civic Parade