Mayor Inday Rubinos

16/04/2026

GOOD MORNING DUJALIÑO, maayong balita alang sa tanan! 🎉

Dako kaayo akong kalipay isip inyong Mayor nga ipahibalo sa tanan nga karong Lunes, Abril 20, 2025, alas 1:00 sa hapon, pormal na natong pag-ablihan ang DSWD CIU Satellite Office dinhi sa atong lungsod!

Ani na, dili na kinahanglan pa nga mubiyahe padulong sa Carmen, Tagum, o bisan asa pa nga DSWD office aron magpa-process sa ilang assistance. Diri na gyud sa atong bag-ong opisina himuon ang tanang proseso mas duol, mas paspas, ug mas sayon alang sa tanan.

Dako kini nga tabang labi na karong panahona nga nagtaas ang presyo sa mga palaliton. Makalikay na ta sa dugang gasto sa pamasahe ug fuel, serbisyo nga mas duol sa katawhan!

Dako usab akong pasalamat kang DSWD Regional Director Rhuelo Aradanas, sa iyang walay pagduha-duha sa pag-apruba sa atong hangyo nga mahatagan kita og satellite office dinhi sa atong banwa. Dakong kausaban kini alang sa atong komunidad.

📍 Nahimutang ang opisina sa atubangan sa Police Station.

Padayon ta sa pagserbisyo nga duol sa katawhan. 🤝❤️

!SerbisyongTINUD-ANAY!
!AYOS!

13/04/2026

Nagpahigayon kita og benchmarking visit kauban si Vice Mayor Atty. Yasmin Valle-Campion, atong Committee on Education Hon. Dona Mae Baldonado-Berndas ug ang atong Working Technical Group alang sa ipatukod nga Colegio de Dujali sa atong lungsod.

Miadto kita sa Samal Island City College (SICC) nga nahimutang sa Island City of Samal aron makakat-on ug makakuha og mga best practices nga makatabang sa hapsay ug epektibong pagtukod sa atong kaugalingong kolehiyo.

Kung inyong nahinumduman ang akong miaging post, kini na ang ikaduhang eskwelahan nga among gibisitahan aron mangayo og giya ug kaalam para sa kaayohan sa tanang Dujaliño nga nangandoy makapadayon og eskwela.

Dako kaayong pasalamat kang Mayor Lemuel Reyes ug sa tibuok pwersa sa SICC sa ilang mainiton nga pagdawat ug sa pagbahin sa ilang kahibalo.🤝

Padayon kita sa pagpaningkamot alang sa mas hayag nga kaugmaon sa edukasyon sa Braulio E. Dujali.🙌💙

!SerbisyongTINUD-ANAY!
!AYOS!

07/04/2026

Congratulations sa tanang SPES passers!

Isip inahan sa atong lungsog proud kaayo ta sa tanang nakapasar sa SPES sa DOLE! Ang inyong paningkamot ug determinasyon maoy nagdala ninyo dinhi, padayon sa pagpaningkamot ug gamita kining oportunidad aron mas mapalambo ang inyong kaugalingon ug ang atong komunidad.

Ug sa wala man makapasar karon, ayaw kabalaka dili ni katapusan kundi usa ka hagit nga magpadayon ug maningkamot. Naa pay daghang oportunidad nga moabot. Padayon lang, kabatan-onan!

Kamo gyud ang paglaum sa mas hayag nga kaugmaon.🎉💙

!SerbisyongTINUD-ANAY!
!AYOS!

07/04/2026

Akong gi sugdan ang semana na puno sa kalipay, pagpa-ilob ug pag higugma sa katawhang Dujaliño 💙🤝

!SerbisyongTINUD-ANAY!
!AYOS?

03/04/2026

GOOD MORNING DUJALIÑO💙

Karong adlawa Sabado de Gloria (Holy Saturday), usa kini ka adlaw nga hilum apan lawom ang kahulugan. Human sa kasakit ug sakripisyo sa Good Friday, ug sa dili pa ang kalipay sa Easter Sunday, ania kita karon sa tunga usa ka pahulay sa kahilom, paghunahuna, ug paglaum.

Ang Holy Saturday nagtimaan sa panahon nga daw walay kasiguruhan ang kahimtang nga murag natapos na ang tanan, apan sa pagkatinuod, nag-andam diay ang usa ka bag-ong sinugdanan. Kini nga adlaw nagpahinumdum kanato nga bisan sa pinakalisod nga kahimtang, adunay paglaum nga naghulat sa unahan.

Isip inyong mayor, gina-awhag nako ang matag usa nga gamiton kining adlawa sa paghinumdom, pag-ampo, ug pagpalig-on sa atong pagtuo ug panaghiusa. Sa kahilom, makaplagan nato ang kusog; sa paghulat, makit-an nato ang kahulugan sa paglaum.

Magpabilin kita nga lig-on, mapailubon, ug nagkahiusa isip usa ka komunidad nga nagtuo sa mas hayag nga ugma.

Maayong Sabado de Gloria kanatong tanan.

!SerbisyongTINUD-ANAY!
!AYOS!

01/04/2026

Hello dear graduates of Braulio E. Dujali batch 2025-2026! 🎓✨

Napitikan ba ang tanan sa atong LGU photographer? Nakita na ba ninyo ang inyong mga hulagway sa atong official LGU Braulio E. Dujali page?

Usa gyud kini sa akong tumong isip inyong mayor nga matag usa kaninyo adunay mahinumduman nga hulagway isip simbolo sa inyong paningkamot ug kalampusan. Bisan pa man nga dili tanan na-picturan tungod sa kadaghan sa atong kalihokan ug kakulang sa maniniyot, kami naningkamot nga ma-capture ang pinakahinungdanon nga mga higayon.

Sa matag tan-aw ninyo sa inyong retrato, hinaot mabati ninyo dili lamang ang kalipay sa inyong nahuman, apan usab ang tinud-anay nga gugma ug suporta gikan sa inyong ginikanan, pamilya, ug sa among lokal nga panggamhanan.

Padayon kamo sa pagdamgo ug pagpaningkamot. Ang inyong kalampusan, kalampusan usab sa atong lungsod.

Gikan sa inyong Mayor, Vice Mayor ug SB Members, kami proud kaayo kaninyo. Padayon sa paglambo, mga kabatan-onan sa Braulio E. Dujali! 🎓💙✨

-Graduates, pwede ba ko mangayo ug mga pictures ninyo na na captured sa atong LGU photographer pinaagi sa pag comment sa inyong picture✨📸😊

!SerbisyongTINUD-ANAY!
!AYOS!

30/03/2026

Sa ngalan sa lokal nga panggamhanan sa Lungsod sa Braulio E. Dujali, ako nagahatag ug mainiton nga pagtimbaya sa tanan natong mga graduates karong tuiga. Ang inyong kalampusan dili lamang bunga sa inyong paningkamot, apan usab sa suporta sa inyong pamilya, magtutudlo, ug komunidad.

Ang inyong graduation usa ka dakong lakang padulong sa mas halapad nga kalibutan nga puno sa oportunidad ug mga hagit. Hinaut nga inyong dalhon ang kahibalo, disiplina, ug mga mithi nga inyong nakat-unan aron mahimong responsable ug mapuslanong mga lungsoranon.

Padayon sa pagdamgo ug pagpaningkamot. Ayaw kahadlok sa mga pagsulay, kay kini mao ang maghulma sa inyong kaugmaon. Ang inyong kalampusan mao usab ang kalampusan sa atong lungsod.

Kami naglaum nga kamo mahimong inspirasyon sa umaabot nga henerasyon ug maghatag ug dungog sa Braulio E. Dujali bisan asa man kamo paingon.

Usab, hinumdumi ninyo nga ang inyong lokal nga gobyerno kanunay anaa aron mosuporta ug motabang kaninyo sa inyong mga pangandoy.

Padayon sa paglambo, ug padayon sa pagserbisyo sa katawhan.

Daghang salamat, ug malipayong graduation! 🎉

!SerbisyongTINUD-ANAY!
!AYOS!

25/03/2026

🎉 Malipayong Adlawng Natawhan, Sir Rhuelo Dalilis Aradanas🎉

Sa ngalan sa among komunidad, among ginahatag ang kinasingkasing nga pagbati sa imong espesyal nga adlaw.🥳

Sir, dako kaayo ang among pasalamat sa imong dedikasyon ug matinud-anong pag-alagad isip Regional Director sa DSWD XI. Ang imong pagpangulo nagpadayon sa paghatag paglaum ug tabang sa daghang pamilya nga nanginahanglan.🙌

Hinaut nga hatagan ka pa ug maayong panglawas, kalipay, ug dugang kusog ni ALLAH aron magpadayon sa imong misyon sa pagserbisyo sa katawhan.🤝

🎂 Malipayong kaarawan ug daghang salamat sa imong serbisyo!

Greetings from the people of Braulio E. Dujali👍❤️

!SerbisyongTINUD-ANAY!
!AYOS!

25/03/2026

Good Morning Dujaliño💙

Bisan dili pa kaayo kusog ang ulan, magpabilin gihapon kita nga alerto:

☔ Amping sa pagbiyahe, labi na sa madanlog nga dalan.
☔ Bantayi ang updates sa panahon aron malikayan ang kalit nga pagbaha.
☔ Siguroha nga limpyo ang mga kanal aron dili magtapok ang tubig.

Padayon kita sa pag-amping ug pagtinabangay aron malikayan ang disgrasya.

Daghang salamat ug amping kanunay.💙

!SerbisyongTINUD-ANAY!
!AYOS!

25/03/2026

Daghang salamat DSWD Regional Director Rhuelo Dalilis Aradanas sa walay pag duha-duha na pag YES sa akong hangyo na matagaan ug opisina ang among lungsod na dili na kailangan na mo byahi pa ang dujaliño sa mga kasikbit na lugar sama sa Carmen ug Tagum aron lang mag process sama sa Hospital Bill, Burial, Resita ug uban pa. Diri najud mismo mag process ang dujaliño sa Dujali.
Gipadool najud nimo RD para sa dujaliño ang tinuoray na ASENSO para sa pag unlad at PUSO na may malasakit💙

-Walay kailangan na REFERRAL NOTE para matabangan, kay ang DSWD na ahensya para sa tanan.🙌

!SerbisyongTINUD-ANAY!
!AYOS!

TAN-AWA | Nagpahigayon og courtesy visit si RD Rhuelo D. Aradanas kang Mayora Margarita Inday Rubinos aron mas mapalig-on ang panag-uban tali sa DSWD ug sa LGU. Tumong niini nga panagtagbo ang pagpalig-on sa partnership sa duha ka ahensya aron mas mapalapad pa ang pag-implementar sa mga programa ug serbisyo para sa katawhan sa munisipalidad.

Gipadayag usab ni RD Aradanas nga adunay plano nga magtukod og satellite office sa Crisis Intervention Unit (CIU) sa maong lungsod aron mas dali ug mas duol nga mahatagan og tabang ang komunidad. Kini nga inisyatibo nagpakita sa padayon nga paningkamot sa DSWD sa pagdala og serbisyo nga mas accessible ug responsive sa panginahanglan sa mga katawhan. ✨

🫰🏼

24/03/2026

Ako, isip inyong Mayor, nagahatag og mainiton ug kinasingkasing nga pagbati sa atong mga Day Care graduates kagahapong adlawa. Dako kaayo ko’g kalipay nga makita ang inyong kahago ug paningkamot nga nagbunga na gyud. Bisan gamay pa mo, dako na kaayo ang inyong naabot, ug kini sinugdanan pa lamang sa mas hayag nga kaugmaon.

Sa atong mga ginikanan ug magtutudlo, daghang salamat sa inyong walay kapuyong paggiya ug paghigugma. Kamo ang haligi sa kalampusan sa atong mga kabataan.

Sa atong mga graduates, padayon lang mo sa pagdamgo ug pagpaningkamot. Ayaw kahadlok mosulay ug motunob sa mas taas nga hagdan sa inyong edukasyon. Hinumdumi ninyo nga ang inyong lungsod kanunay nga nagaalalay ug naga-suporta kaninyo.

Congratulations sa inyong tanan! Padayon sa kahayag ug kalampusan! 🌟

Daghang salamat ug mabuhay ang kabataan!

!SerbisyongTINUD-ANAY!
!AYOS!