DepEd ALS - Talavera North District

DepEd ALS - Talavera North District The only OFFICIAL page of the Alternative Learning System (ALS) Talavera North

It's ! mo na ba?Ang Alternative Learning System ay may Learning Strand (katumbas ng subject sa formal school) na tina...
02/09/2026

It's !

mo na ba?

Ang Alternative Learning System ay may Learning Strand (katumbas ng subject sa formal school) na tinatawag na Digital Citizenship. Ito ay katumbas ng subject na ICT sa formal school. Dito, tinuturuan ang mga mag-aaral sa elementary at Junior High School level na mag-aral ng mga skills o competencies na may kinalaman sa paggamit ng computer.

Sa Digital Citizenship, kinikilala ang pangangailangan ng mga mag-aaral na magkaroon ng kakayahang digital na magbibigay sa kanila ng pagkakataong makipagsabayan sa iba. Mahalaga ito lalo na sa kasalukuyan kung saan ang mga digital competencies na ito ay pangunahing pangangailangan hindi lamang sa pag-aaral kung hindi maging sa trabaho.

Sa ALS, bahagi ng kanilang pag-aaral ang pagkakaroon ng mga hands-on activities upang mas mapalawak ang kanilang kaalaman at mas mahasa ang kanilang kakayahan sa paggamit ng iba't-ibang mga tools sa computer.

ALS-mazing!





Kasabay ng pag-ulan ay ang pagbaha ng biyaya sa ALS Talavera North District!Kamakailan lamang ay nagtanggap ng ALS Talav...
01/09/2026

Kasabay ng pag-ulan ay ang pagbaha ng biyaya sa ALS Talavera North District!

Kamakailan lamang ay nagtanggap ng ALS Talavera North ang office and school supplies mula sa pamahalaang bayan ng Talavera, sa pangunguna ni Mayor Aries Gaboy Lim. Kabilang sa mga ito ay isang bagong L5290 Printer, mga ink, bondpapers, binding machine, at marami pang iba.

Kaya naman lubos ang aming pasasalamat sa Municipality of Talavera at sa ating mahusay na lingkod bayan, Mayor Aries Gaboy Lim , sa ipinagkaloob na mga supplies sa ating mga g**o at mag-aaral sa ALS. Sa kabila ng mga sunod-sunod na suspensyon ng klase dahil sa walang tigil na pag-ulan, malaking bahagi ang mga supplies na ito na upang mabawasan ang pagkakaroon ng learning gap ng mga mag-aaral sa pamamagitan ng tuloy na tuloy na pamimigay ng mga take-home learning materials at mga modules na magagamit nila para sa asynchronous learning sa kanilang mga tahanan.

Muli, isang taos pusong pasasalamat sa walang sawang pagsuporta sa ating programa!




CONGRATULATIONS!Maluwalhating idinaos ang ika-20 pagtatapos at ika-7 paglilipat ng antas ng dalawang (2) mag-aaral sa el...
16/07/2026

CONGRATULATIONS!

Maluwalhating idinaos ang ika-20 pagtatapos at ika-7 paglilipat ng antas ng dalawang (2) mag-aaral sa elementarya, at labing isang (11) mag-aaral sa Junior High School ng Alternative Learning System Talavera North District. Ito ay ginanap nitong ika-14 ng Hulyo, 2026 sa Talavera District Jail, Sampaloc, Talavera, Ecija.

Sa araw na ito, kinilala ang husay at pagpupunyagi ng mga PDL learners mula sa ating distrito na hindi lamang nagpamalas ng kahanga-hangang pagtatala ng isang daang porsyentong passing rate para sa A&E Exam kung hindi pati na rin ng kanilang dedikasyon na ipagpatuloy ang kanilang pag-aaral, at baguhin ang kanilang kinabukasan.

Ang bawat diplomang ito ay kwento ng hindi pagsuko sa mga hamon ng buhay at sa panibagong bukas na naghihintay sa bawat isa sa kanila.

Pagkilala rin ang araw na ito para sa mga mahuhusay na kasangga ng ating programa sa paghikayat at pagtulong sa ating mga PDL ALS learners na magsipagtapos ng pag-aaral.

Una ay sa ating mga mahuhusay na kasama sa Talavera District Jail sa pangunguna ng ating magaling at supportive na District Jail Warden, JCINSP Daniel P. Sumedca, at ng ating maaasahan at masipag na Welfare and Development Officer, JO3 Raffy DC Llamas. Maraming salamat po sa walang sawang pag-eencourage sa ating mga mag-aaral na ipagpatuloy ang kanilang pag-aaral sa ilalim ng ating programa at sa walang patid na mainit na pagtanggap sa ating mga g**o.

Lubos din ang aming pasasalamat sa pagdalo ng ating minamahal na tagamasid pampurok, Ma'am Marivic J. Burgos at sa ating kagalanggalang na Administrative Assistant of the Mayor, Hon. Kerwin Macalinao bilang kinatawan ng ating mahusay na punong bayan, Mayor Aries Vincent Patrick G. Lim. Taos puso po kaming nagpapasalamat sa maalab na suporta ninyo sa ALS Talavera North na siyang daan upang lalong magtagumpay ang ating programa.

We are looking forward in celebrating more milestones with our dearest stakeholders and learners, and we continue to hope that our program would serve as catalyst of change in the lives of more PDL learners in our municipality!

Muli, CONGRATULATIONS!!!

PAGBATI sa mga mag-aaral ng elementarya at Junior High School ng Alternative Learning System Talavera North District na ...
09/07/2026

PAGBATI sa mga mag-aaral ng elementarya at Junior High School ng Alternative Learning System Talavera North District na maluwalhating nagsipagtapos at naglipat-antas sa nakaraang 20TH COMMENCEMENT EXERCISES and 7TH MOVING UP CEREMONY na ginanap sa Nagaño Gym, NEUST San Leonardo Campus nitong ika-8 ng Hulyo, 2026.

Sa kabuuang 5 mag-aaral sa elementarya at 31 mag-aaral sa Junior High School na nakapasa sa nakalipas na A & E Examination (regular ALS learners), nilahukan ang pagtitipon na ito ng 4 na mga mag-aaral sa elementarya at 26 na mag-aaral sa Junior High School.

Congratulations sa mga mahuhusay at dedicated na mga mag-aaral ng Talavera North District na nagpamalas ng kanilang sariling galing sa nakalipas na pagsusulit. Ito ay bunga ng inyong pagtitiyaga na makapagtapos ng pag-aaral sa kabila ng iba't-ibang pagsubok na inyong kinaharap. Pagpupugay ito sa hindi ninyo pagsuko sa inyong mga pangarap at isang pagkilala sa isang mas magandang bukas na inyong binuo para sa inyong mga sarili!

Maraming salamat din sa mga magulang, kapatid, kamag-anak, asawa, at kasintahan na matiyagang sumuporta sa mga mag-aaral. Higit sa lahat, maraming salamat sa pagkikiisa sa kanilang tagumpay. Hindi man mamutawi ang mga salitang ito sa kanilang mga labi, nawa'y madama ninyo ang kanilang kaligayahan na maibahagi ang kanilang personal na tagumpay sa mga importanteng tao sa kanilang buhay.

Sa mga g**o ng ALS Talavera North District, pagbati sa isa na namang taon ng matagumpay na pagtuturo, at pagbabahagi ng kaalaman at kabutihang asal na naglalayong baguhin ang kinabukasan ng mga kabataang ito. Higit sa mataas na marka, ang tunay na tagumpay ay ang maihanda sila sa mas mabibigat pang hamon na kanilang kakaharapin na sa pagkakataong ito ay baon nila ang paggabay at mga kaalamang kanilang natutunan sa isang taon ng kanilang pag-aaral.

Isang pasasalamat din sa aming punong g**o, Sir Romano Roxas, at sa buong pamunuan ng Talavera Central School FB Page, hindi lamang sa pagkalinga sa mga g**o at mag-aaral ng ALS kung hindi pati na rin sa walang sawang pagbibigay ng suporta sa ating mga g**o. Ang inyong tulong ay nagbigay daan upang mas marami pang mga mag-aaral ang maayos na makapag-aral sa paaralan man o sa kanilang tahanan.

Maraming salamat din po sa aming mahusay at masipag na tagamasid pampurok ng Talavera NORTH District, Ma'am Marivic Burgos sa kanyang matalinong paggabay sa mga g**o ng ALS. Lubos po kaming nagpapasalamat sa inyong pagkilala at mabilis na pagtugon sa mga pangangailangan ng ating programa na siyang tulay upang mas maging produktibo ang ating mga g**o sa ALS.

Hindi rin matatawaran ang suporta ng ating lokal na pamahalaan sa pangunguna ng ating butihin at magaling na punong bayan, Mayor Aries Gaboy Lim. Isang taos pusong pasasalamat ang nais ipaabot ng aming programa sa inyong walang sawang pagbibigay ng tulong sa ating mga mag-aaral. Ang tulong na ito ang nagsisilbing langis na nagpapatakbo ng makinarya ng ating programa at nagbibigay daan upang marating ang mas marami pang mga kabataan at mga adults sa bayan ng Talavera at mabigyan sila ng isa pang pagkakataon na makamit ang kanilang mag pangarap.

Sa kasalukuyan, 20 sa kabuuang bilang ng mga mag-aaral na ito ang ang nagpatuloy ng kanilang pag-aaral sa Senior High School (formal at ALS) at sa Junior High School (formal at ALS).

Gayundin naman, lubos kaming nagpapasalamat kay Kuya Kenneth Fernandez at sa punong barangay ng San Miguel na Munti, Kap. Elmer Ballesteros, sa pagpapahiram ng sasakyan na ginamit ng mga mag-aaral sa pagpunta at pag-uwi mula sa graduation. Malaking tulong ito upang mas makatipid ang mga mag-aaral at mas maging maayos ang kanilang pagdalo sa pagtitipon.

Salamat din po kay Kuya Randy na matiyagang naghintay at sinig**ong maayos na makakarating ang ating mga mag-aaral papunta at pabalik sa Talavera.

Hindi magiging posible ang mga tagumpay na ito kung wala ang tulong ninyo.

Kaya naman ang pagtatapos na ito ay hindi lamang tagumpay ng mga g**o at mag-aaral kung hindi tagumpay ng paaralan, distrito, pamilya, at ng buong komunidad! Ito ang patunay na ang edukasyon ay hindi lamang responsibilidad ng iilan kung hindi resulta ng pagtutulungan ng isang buong bayan.

Muli, CONGRATULATIONS ALS Talavera North District!!!

To God be the highest glory for none of this shall be possible without Him.







Sa ilalim ng DepEd Order No. 006, s. 2026 o Guidelines on Ensuring Safe and Motivating Learning Environment (ESMLE), mas...
08/07/2026

Sa ilalim ng DepEd Order No. 006, s. 2026 o Guidelines on Ensuring Safe and Motivating Learning Environment (ESMLE), mas pinagtitibay ng DepEd ang mga hakbang para isulong ang kaligtasan, disiplina, responsableng asal, mental health, at proteksyon sa karapatan ng mga mag-aaral at personnel

Upang matiyak na ang paaralan ay ligtas, maayos, at positibong lugar para sa pagkatuto ng bawat learner, ipinatupad ng ALS Talavera North ang regular na pagkakaroon ng bag inspection sa mga ALS learner sa Talavera Learning Center.

Bukod sa mga mapanganib na kagamitan, at ang mga ipinagbabawal na mga bagay, kasama rin sa tinitingnan ay ang sigarilyo at v**e na mahigpit ring ipinagbabawal sa mga mag-aaral lalo na sa mga ALS learners na siyang dapat ay magsilbing mabuting ehemplo sa mga kabataan bilang nakakatanda sa paaralan.

Ang bag inspection ay pinangunahan ng mga piling student inspector sa ilalim ng paggabay ni Sir Hajji A. Delos Ama, District ALS Coordinator ng ALS Talavera North at ng kanyang mga katuwang na g**o.

Inaasahang sa pamamagitan nito, hindi lamang maging ligtas ang mga mag-aaral at mga kawani ng paaralan kung hindi matuon ang kanilang isipan nila sa mas produktibong mga gawain tulad ng pag-aaral!






This , !Sa ALS Talavera North, palaging sinisig**o ng mga g**o na ang pag-aaral ay hindi lamang paghahabol sa mga na...
07/07/2026

This , !

Sa ALS Talavera North, palaging sinisig**o ng mga g**o na ang pag-aaral ay hindi lamang paghahabol sa mga naiwanang aralin. Sa halip, we always make sure that every learning experience is FUN, ENGAGING, and INTERACTIVE!

Sa pamamagitan ng mga group activities, hindi lamang natututo ang mga mag-aaral, nabibigyan din sila ng pagkakataon upang ipamalas ang kanilang kaalaman batay sa kanilang mga sariling karanasan, makipagtalastasan sa kanilang mga kamag-aral sa kabila ng kanilang mga kaibahan, at bumuo ng mga bagong pagkakaibigan na magpapalakas ng kanilang self-confidence.

Nahahasa rin nito ang kanilang cooperation at collaboration skills sa pamamagitan ng brainstorming at peer teaching.

ALS-mazing 'di ba?

Kung gusto mo ring matuto at magkaroon ng mga bagong kaibigan, TARA NA at mag-ENROLL sa ALTERNATIVE LEARNING SYSTEM TALAVERA NORTH DISTRICT!

Yes, you read it right! Tuloy pa rin ang enrollment sa ALS!

Magdala lamang kayo ng kopya ng iyong birth certificate sa aming opisina sa loob ng district office sa Talavera Central School. Bukas ito tuwing Lunes hanggang Biyernes mula alas 8 hanggang alas 5 ng hapon!

Para sa mga dagdag na katanungan, maaari kayong magmessage sa aming page o sa aming numero.

SEE YOU MGA KA-ALS!









mo na ba?Ang Alternative Learning System ay may programa na tinatawag na Basic Literacy Program.Noon, ang Basic Litera...
06/07/2026

mo na ba?

Ang Alternative Learning System ay may programa na tinatawag na Basic Literacy Program.

Noon, ang Basic Literacy Program ay para sa mga mag-aaral na may hindi pa marunong o hirap pang bumasa at sumulat. Dito ay tinuturuan sila ng mga pangunahing skills tulad ng communication skills (English at Filipino) at ng numeracy skills.

Sa ilalim ng Enhanced ALS Curriculum, ang mga mag-aaral na hindi nakapag-aral o hindi nakatapos ng Grade 3 ay itinalagang kabilang sa Basic Literacy Program. Sa ganitong paraan, hindi lamang nila nahahasa ang kakayahan sa pagbasa, pagsulat at pagbilang. Sa bagong curriculum, higit pang pinapaunlad at pinapatibay ang tatlong skills na ito na siyang maituturing na pundasyon upang makamit nila ang mga competencies na makakatulong sa kanila sa elementarya.

Kaya naman kung ikaw ay may kakilala na hindi nakatapos o nakatuntong ng Grade 3, ito na iyong pagkakataon.

ENROLL NA sa ALTERNATIVE LEARNING SYSTEM sa TALAVERA NORTH DISTRICT!

Magdala lamang kayo ng kopya ng iyong birth certificate sa aming opisina sa loob ng district office sa Talavera Central School. Bukas ito tuwing Lunes hanggang Biyernes mula alas 8 hanggang alas 5 ng hapon!

Para sa mga dagdag na katanungan, maaari kayong magmessage sa aming page o sa aming numero.

SEE YOU MGA KA-ALS!







MAHALAGANG PAALALA!!!
03/07/2026

MAHALAGANG PAALALA!!!

mo na ba?Sa ALS Talavera North, ang mga Learning Activity Sheets at modules ay nakaCONTEXTUALIZED at LOCALIZED.Ano ang...
25/06/2026

mo na ba?

Sa ALS Talavera North, ang mga Learning Activity Sheets at modules ay nakaCONTEXTUALIZED at LOCALIZED.

Ano ang ibig sabihin nito?

Ibig sabihin ang mga module ay gumagamit ng mga halimbawa, lugar, tao, kultura, produkto, at sitwasyon na matatagpuan sa lokal na komunidad ng mga mag-aaral tulad ng pagtatanim at mga karanasan ng isang ALS learner.

Para saan ito?

Sa tulong ng mga localized at contextualized module:

✅mas madaling maunawaan ang mga aralin;
✅napapalakas ang pagpapahalaga sa sariling kultura at komunidad;
✅Nakikita ng learner ang gamit ng aralin sa totoong buhay
✅Nagpapataas ng interes at partisipasyon
✅Mas mataas ang retention o pagkatanda sa aralin
✅Napauunlad ang critical thinking at problem-solving
✅Mas madaling maikonekta ang natutuhan sa trabaho, pamilya, komunidad, at kabuhayan.

Higit sa lahat, ang bawat module na ito ay matiyagang inayos ng mga ALS teachers upang masig**o na makukuha ng mga mag-aaral ang best learning experience sa kabila ng mga limitasyon ng kaalinsabay ng pagiging isang ALS learner.

Ang lahat din ng ito, ALIGNED sa bagong curriculum guide ng DepEd kaya naman nasisig**ong ang bawat aralin ay may katumbas ng competency na naglalayong ihanda sila para sa mas mataas na antas ng pag-aaral.

Kaya naman kung hindi ka pa naka-enroll sa ALS, HUWAG NG MAGPAHULI PA!

ENROLL NA sa ALTERNATIVE LEARNING SYSTEM sa TALAVERA NORTH DISTRICT!

Magdala lamang kayo ng kopya ng iyong birth certificate sa aming opisina sa loob ng district office sa Talavera Central School. Bukas ito tuwing Lunes hanggang Biyernes mula alas 8 hanggang alas 5 ng hapon!

Para sa mga dagdag na katanungan, maaari kayong magmessage sa aming page o sa aming numero.

SEE YOU MGA KA-ALS!






Nagsimula na ang ang FIRST WEEK of CLASSES sa ALS Talavera North!Masipag na nakilahok ang mga mag-aaral sa iba't-ibang l...
24/06/2026

Nagsimula na ang ang FIRST WEEK of CLASSES sa ALS Talavera North!

Masipag na nakilahok ang mga mag-aaral sa iba't-ibang learning activities na inihanda ng mga g**o sa bawat learning strand.

Ang bawat klase ay nahahati sa 3: BLP, Elementary, at Junior High School. Ito ay upang masig**o na matutukan ng bawat g**o ang mga mag-aaral sa kanilang mga aralin at mabigyang pansin ang angkop na competency na kailangan matutunan ng bawat level.

Sa unang linggo pa lamang ng school year ay nagpamalas na ang mga mag-aaral ng kanilang dedikasyon at aktibong partisipasyon sa klase. May mga mag-aaral din na agad na nagpakitang gilas sa iba't-ibang learning strand.

Higit sa academics, ang unang araw ng klase ay unang hakbang din upang hasain ang kanilang pakikipagkapwa at pakikipagtalastasan sa kanilang mga g**o at kamag-aral. Gayundin, ito ay hamon sa mga g**o na tulungan silang ibalik ang kanilang kompyansa sa sarili at mas maging mahusay sa pagbabahagi ng kanilang mga kaalaman.

NAIS MO RIN BANG MAGING BAHAGI NG PAGBABAGONG ITO?

Alam mo ba? Sa ALS, EVERY DAY IS ENROLLMENT DAY!

Tama! Kahit na nagsisimula na ang klase sa ALS, maaari ka pa ring humabol at mag-enroll para sa SY 2026 - 2027.

Kaya naman ano pang hinihintay mo?

TARA NA at mag-enroll sa ALTERNATIVE LEARNING SYSTEM TALAVERA NORTH DISTRICT.

Magdala lamang kayo ng kopya ng iyong birth certificate sa aming opisina sa loob ng district office sa Talavera Central School. Bukas ito tuwing Lunes hanggang Biyernes mula alas 8 hanggang alas 5 ng hapon!

Para sa mga dagdag na katanungan, maaari kayong magmessage sa aming page o sa aming numero.

SEE YOU MGA KA-ALS!








Address

Talavera Central School, Maestrang Kikay
Talavera
3114

Opening Hours

Monday 8am - 5pm
Tuesday 8am - 5pm
Wednesday 8am - 5pm
Thursday 8am - 5pm
Friday 8am - 4pm

Telephone

+63324294686

Website

Alerts

Be the first to know and let us send you an email when DepEd ALS - Talavera North District posts news and promotions. Your email address will not be used for any other purpose, and you can unsubscribe at any time.

Shortcuts

Share

Category