24/06/2021
Bulag, lumpo, at mag-isang lolo mula sa Sta.Rosa, Nueva Ecija, sinorpresa ng grocery donation ni Senator Kiko Pangilinan!
Nitong 14 Hunyo 2021, nakiusap si “Tatay Pasyo” na siya ay kuhanan ng video para maipaabot sa tanggapan ng senador.
Si Bonifacio Antonino o mas kilala bilang “Tatay/Ka-Pasyo” ay naninirahang mag-isa lamang sa Brgy. Sto.Rosario, Sta.Rosa, Nueva Ecija, na walang pinagkakakitaan at kuryente. Maliban sa kaniyang mahirap na kondisiyon, tinamaan pa siya ng kapansanan mula sa kaniyang pagkabata na: bulag sa kaliwang mata at lumpo sa kanan na mata. Dahil dito, ang tanging mga libangan niya ay alagaan ang kaniyang a*o, at ang pakikinig sa radyo at tumutuon sa programa ni VP Leni Robredo pagka-linggo kaya’t nakilala ang mabusilak na senador.
Sa katandaan ni Ka-Pasyo hindi siya marunong gumamit ng telepono at siya ay pinupuntahan na lamang ng kanyang ministro mula sa kapilya. Naikwento ni tatay Pasyo na sa bahay niya ay dinadaga at linalamok. Ito rin ay madalas pasukin ng ulan. Ang kaniyang banyo naman ay malalim na hukay lamang, at ang kanyang labahan, paliguan, at kulungan ng hayop ay iisang kuwarto lamang. Si tatay ngayon ay umaasa na lamang sa senior center para sa kanyang mga gamot, at sa mga social worker ng bayan para sa kaniyang mga kakainin.
Dahil walang pamilya’t anak si Ka-Pasyo, ang mga volunteer ang nagsilbing kaniyang pamilya nitong Araw ng mga Ama. Nitong Sabado, 19 Hunyo 2021, ay siyang pinatingin sa doktor at inayos ang kaniyang bahay habang siya ay na sa clinic. Laking tuna at galak ni tatay ng makita niyang siya ay may makakaing 20kg ng bigas, mga delata’t noodles; pa-ilaw, hygiene kit, saklay, at beddings. Nang dahil tumugon sa pagtulong si Sen. Kiko, nagsanib puwersa sila ng: LGU ng Sta.Rosa sa pangunguna ni Mayor Otep Angeles at Exec. Assist. Apple Angeles, Sta.Rosa Municipal Police Station, Eagle Community Responders - NE, at ng KATLAHI (LGBTQ+ Community ng Sta.Rosa).
Lubos ang pasasalamat ni Ka-Pasyo pagkat siya ay nabigyang pansin ng kanyang Kaibigan sa Senado!
