31/08/2026
🎄 WELCOME BER MONTHS! 🌧️
Pumasok na ang pinakahihintay nating panahon ng taon! Kasabay ng ating paghahanda para sa Kapaskuhan, huwag ding kalimutan ang pagiging handa sa anumang banta ng panahon.
Mga Paalala sa Panahon ng Ber Months:
1. Handa sa Tag-ulan at Bagyo:
Ang pagpasok ng Ber Months ay kasabay rin ng panahon ng mga localized thunderstorms at bagyo. Palaging mag-abang sa mga opisyal na weather updates mula sa DOST-PAGASA at sa opisyal na page ng LGU Talavera at MDRRMO Talavera.
2. Ihanda ang GO-BAG:
Siguraduhing kumpleto at accessible ang emergency kit ng pamilya. Dapat itong maglaman ng:
✅Tubig at pagkain na hindi madaling mabulok (good for 3 days)
✅ First-aid kit at mga maintenance na gamot
✅ Flashlight, radyo na may baterya, at fully-charged powerbank
✅ Dokumento (nakatago sa waterproof pouch) at extra cash
3. Suriin ang Tahanan:
Linisin ang mga kanal o daluyan ng tubig sa paligid upang maiwasan ang pagbara at pagbaha. Talian o seguruhin ang mga bubong at gamit na madaling tangayin ng malakas na hangin.
4. Alamin ang Evacuation Route:
Tiyaking kabisado ng bawat miyembro ng pamilya ang pinakamalapit na Evacuation Center sa inyong barangay at ang mga safety protocol kung kinakailangang lumikas.
5. Ibahagi ang Tamang Impormasyon:
Iwasan ang pagpapakalat ng fake news. Maging responsable sa pag-share ng mga impormasyon tungkol sa panahon at sakuna.
TANDAAN: Ang pagiging handa at alerto ang pinakamabisang panlaban sa anumang banta ng sakuna.
Magin handa, alerto, at ligtas, Talaveraños!
Kung may emergency o kailangan ng tulong tumawag agad sa
MDRRMO Talavera Hotlines: 0915-568-6067 / 0953-509-3193 / 0955-891-8793
# Municipality of Talavera
