11/07/2026
📢 MENSAHE PARA SA MAMAMAYAN NG BARANGAY TAMBUNAN I
Assalamu Alaikum Warahmatullahi Wabarakatuh.
Sa ating minamahal na mga kabarangay, lubos naming ipinapaabot ang aming taos-pusong pakikiramay at pagdamay sa lahat ng pamilyang naapektuhan ng pananalasa ng Bagyong Inday nitong Hulyo 9, 2026. Batid namin ang hirap at pagsubok na inyong kinakaharap dulot ng malakas na ulan, at pagbaha na nagdulot ng pinsala sa mga tahanan, kabuhayan, at mga ari-arian.
Sa kabila ng unos na ating naranasan, nananatili tayong matatag bilang isang komunidad. Ang bawat pagsubok ay malalampasan sa pamamagitan ng pagkakaisa, pagtutulungan, at pagmamalasakit sa isa't isa.
Ang Pamahalaang Barangay ng Tambunan I ay patuloy na nagsasagawa ng assessment at pakikipag-ugnayan sa ating Municipal LGU at iba pang kinauukulang ahensya upang maipaabot ang kinakailangang tulong sa mga apektadong pamilya.
Huwag tayong mawalan ng pag-asa. Sa tulong ng Allah (SWT), sa ating pagkakaisa, at sa malasakit ng bawat isa, muli nating maibabangon ang ating barangay.
Maraming salamat sa inyong pagtutulungan, pag-unawa, at patuloy na pananalig.
Nawa'y patuloy tayong gabayan at ingatan ng Allah (SWT). Ameen.
— Pamahalaang Barangay ng Tambunan I
