26/10/2023
Sulod sa unom ka gabii, malampusong nagpahigayon og pulong-pulong sa tagsa nga mga Sitio sa Barangay Linao ang Pundok Kalidad - Team Luigi kauban ang Team Juntong.
Dakong pasalamat sa pundok sa mga katawhan sa mga Sitio sa paggahin sa ilahang oras, presensya, ug atensyon para maminaw ug makadungog sa pagpaila-ila sa mga kandidato apil ang pagbatbat sa ilang mga plataporma.
Sa unang gabii panahon sa kampanya, October 19, 2023, gipahigayon ang pinakauna nga pulong-pulong sa Sitio Antipolo kung diin malipayon og matalagdon nga naminaw ang mga lumulupyo sa pinaka-unang pagsaysay sa Pundok sa ilahang mga plano, plataporma, ug mga programa nga gusto ipaambit para sa kalamboan sa mga kabatan-onan sa Barangay Linao. Mainiton gayud ang pagsuporta sa Sitio Antipolo sa ilahang kaugalingong representante, SK Member Aspirant Therese Baynos. Kini nga pulong-pulong nahitabo kuyog ang , mga nagpaluyo sa tibuok Pundok, ug ang mga pamilya sa mga kandidato.
Sa sunod nga adlaw, October 20, gipahigayon ang ikaduhang pulong-pulong sa Sitio San Antonio kung diin aktibong naminaw dili lang ang mga kabatan-onan sa Sitio, apan ang mga edaran nga lumulupyo. Mahan-ay nilang gibatbat ang mga plano ug programa alang sa kabataan.
Sa ika-tulong pulong-pulong, October 21, sa Sitio Didos gipa-ambit sa Team Luigi ug Team Juntong ang ilahang mga programa para maka-abag sa ang mga isyung kabatan-onan sa maong Barangay. Sa kini nga panagtigom, gitaligsik man apan mainiton gihapon nga gidawat, gipaminaw, ug gisuportahan sa mga lumulupyo sa sitio sa mga kandidato, ilabina sa ilahang garbo ug representante, Cristian Deiparine.
Sa ika-upat nga gabii sa pulong-pulong, October 23, nagpadayag sa ilahang mga plano, plataporma, ug programa sa mga kabatan-onan ug edaran sa Sitio Candaya. Mainiton nga nagpakita ug suporta ang mga lumulupyo sa Pundok, ilabi na sa ilahang representante nga si Kylle Adlawan.
Niadtong, October 24, sunod nga nagpahigayon og pulong-pulong ang Pundok Kalidad - Team Luigi kauban ang Team Juntong sa Proper Linao kung diin bisan sa walay klaro nga dagan sa panahon, hapsay nga naambit sa grupo ang ilahang mga gustong mahitabo, mga plano, plataporma, ug programa sa mga kabatan-onan sa maong Sitio. Ug sa kini nga pulong-pulong, naggahin ang mga lumulupyo og atensyon sa pagpaminaw sa pundok, kuyog ang pagsuporta nila sa ilahang garbo ug representante, Kim Bacus.
Sa Sitio Pajo giahigayon sa grupo ang pulong-pulong sa Sitio, October 25. Pareho sa mga niagi nga pulong-pulong, padayon ang pagsaysay sa Pundok sa ilahang mga plano, plataporma, ug programa para sa mga kabatan-onan ug edarang lumulupyo sa Sitio Pajo kung asa masinati ang mainiton na pag-suporta sa mga tao.
Sa tanang lumulupyo sa Sitio Antipolo, San Antonio, Didos, Candaya, Proper Linao, ug Pajo nga nitambong sa pulong-pulong sa Team Luigi ug Team Juntong, grabe ka dako ang among pagpasalamat sa inyong suporta, oras, ug pagpaningkamot nga mukuyog sa pundok.
Sa mga wala nakatambong, hinaot nga mahatagan ninyo ang pundok ug usa pang higayon para mahatod kaninyo ang mga plano, programa, ug plataporma sa maong grupo. Gianyayahan sa Team Luigi and Team Juntong ang tanang lumulupyo sa Barangay Linao sa pagtambong sa among umaabot Grand Rally sa Sitio San Miguel karong Oktobre 28, 2023!
Daghang salamat, Barangay Linao!
Vote Straight Pundok Kalidad - Team Luigi! Vote Straight, Team Juntong!
