BSWM-NSWRRDC HILLPEZ

24/07/2026

17/07/2026

06/07/2026

𝐍𝐒𝐖𝐑𝐑𝐃𝐂 𝐇𝐈𝐋𝐋𝐏𝐄𝐙 𝐎𝐍 𝐅𝐈𝐄𝐋𝐃 |

Bilang tugon sa kahilingan ng City Agriculture Office ng Tayabas City para sa isang resource speaker na may teknikal na kaalaman sa soil and water management, nagsagawa ang DA-BSWM-National Soil and Water Resources Research and Development Center for Hillyland Pedo-Ecological Zone (NSWRRDC HILLPEZ) ng pagsasanay sa Pagsusuri ng Lupa Gamit ang Soil Test Kit (STK) noong Hunyo 29–30, 2026 sa Brgy. Potol, Tayabas City, Quezon.

Ang pagsasanay, na pinangunahan ni Agriculturist II Aubrey Ann B. Ayaton-Carneo, ay isinagawa bilang bahagi ng "Training on Corn Mechanization in the City of Tayabas" at dinaluhan ng 141 magsasaka ng mais—75 sa unang araw, at 66 sa ikalawang araw—mula sa Corn Growers Association of Tayabas. Layunin nitong mabigyan ang mga kalahok ng kaalaman sa tamang pagsusuri ng lupa upang makapagbigay ng mas angkop na pamamahala sa sustansya ng kanilang mga taniman.

Isinagawa ang aktibidad sa ilalim ng Hillyland Agriculture Sustainability Help, Technical Assistance, and Guide in Farming (HASHTAG Farming), ang technical assistance program ng NSWRRDC HILLPEZ na naglalayong magbigay ng mga teknikal na serbisyo, kaalaman, at makabagong teknolohiya sa mga magsasaka upang mapabuti ang produktibidad, mapanatili ang kalusugan ng lupa, at maisulong ang sustenableng agrikultura sa mga hillyland areas.
✍️Marco T. Macopia, 𝘈𝘨𝘳𝘪𝘤𝘶𝘭𝘵𝘶𝘳𝘪𝘴𝘵 𝘐𝘐

06/07/2026

𝐍𝐒𝐖𝐑𝐑𝐃𝐂 𝐇𝐈𝐋𝐋𝐏𝐄𝐙 𝐎𝐍 𝐅𝐈𝐄𝐋𝐃 |

Bilang bahagi ng implementasyon ng Adaptive Balanced Fertilization Strategy (ABFS) for Rice, nagsagawa ang DA-Bureau of Soils and Water Management (DA-BSWM) National Soil and Water Resources Research and Development Center for Hillyland Pedo-Ecological Zone (NSWRRDC HILLPEZ) ng field activities sa Siniloan, Laguna mula ika-15 hanggang ika-18 ng Hunyo 2026.

Kabilang sa mga isinagawang aktibidad ang pamamahagi ng Inorganic Fertilizers at mga natitirang Organic Fertilizers sa 84 farmer-cooperators. Ang mga ipinamahaging agricultural inputs ay naglalayong suportahan ang pagpapabuti ng kalusugan ng lupa at mapataas ang produktibidad ng mga sakahan sa pamamagitan ng wastong paggamit ng mga abono alinsunod sa mga rekomendasyon ng programa.

Kasabay nito, nagsagawa rin ang Implementation Team ng pangongolekta ng 15 soil samples mula sa iba’t-ibang technology demonstration (techno-demo) sites. Ang mga nakolektang soil samples ay isasailalim sa pagsusuri upang matukoy ang kasalukuyang katangian ng lupa at sa pagbibigay ng angkop na rekomendasyon sa pamamahala ng sustansiya ng lupa.

Upang matiyak ang maayos na implementasyon ng mga nakaplanong gawain, nakipag-ugnayan ang Implementation Team sa Municipal Agriculture Office (MAO) ng Siniloan, Laguna upang talakayin ang mga aktibidad at tiyakin ang patuloy na suporta ng lokal na pamahalaan. Pinangasiwaan din ang pagpapapirma ng Memorandum of Agreement (MOA), na nagsisilbing pormal na kasunduan para sa patuloy na kooperasyon ng mga katuwang na institusyon sa pagpapatupad ng ABFS for Rice.
✍️Engr. Margie G. Blanquisco, 𝘚𝘤𝘪𝘦𝘯𝘤𝘦 𝘙𝘦𝘴𝘦𝘢𝘳𝘤𝘩 𝘈𝘯𝘢𝘭𝘺𝘴𝘵

06/07/2026

𝐍𝐒𝐖𝐑𝐑𝐃𝐂 𝐇𝐈𝐋𝐋𝐏𝐄𝐙 𝐎𝐍 𝐅𝐈𝐄𝐋𝐃 |

Bilang pagpapatuloy ng pagpapatupad ng Adaptive Balanced Fertilization Strategy (ABFS) for Corn, matagumpay na naisagawa ng DA-Bureau of Soils and Water Management (DA-BSWM) National Soil and Water Resources Research and Development Center for Hillyland Pedo-Ecological Zone (NSWRRDC HILLPEZ) ang serye ng field activities sa Daanbantayan, Cebu mula Hunyo 15–18, 2026.

Isinagawa ang koordinasyon at pakikipagtulungan sa Regional Soil Laboratory (RSL) ng DA-Regional Field Office VII, Municipal Local Government Unit (MLGU) ng Daanbantayan, Barangay Local Government Unit (BLGU) ng Dalingding, at sa mga farmer-cooperators na Dalingding Agrarian Reform Beneficiaries Association (DAARBA) at Purgason Maya Farmers Association (PURMAFA) upang matiyak ang maayos na implementasyon ng mga gawain.

Pinangasiwaan din ang Technical Briefing at Capacity Building para sa mga miyembro ng DAARBA upang mapalawak ang kanilang kaalaman sa ABFS technology. Kasabay nito, isinagawa ang Agro-Socio Economic Survey sa walong (8) farmer-cooperators ng DAARBA bilang baseline data ng proyekto.
Nagbigay rin ng teknikal na suporta sa delivery at online inspection ng 500 sako ng organic fertilizer na inilaan para sa DAARBA. Samantala, minonitor ang land preparation ng mga farmer-cooperators ng PURMAFA bilang bahagi ng implementasyon ng ABFS for Corn.

Bukod pa rito, nakipagpulong din ang Implementation Team sa Municipal Agriculturist ng Daanbantayan upang ibahagi ang progreso at mga isinagawang aktibidad kaugnay ng implementasyon ng ABFS for Corn sa kanilang munisipalidad.
✍️Engr. Margie G. Blanquisco, 𝘚𝘤𝘪𝘦𝘯𝘤𝘦 𝘙𝘦𝘴𝘦𝘢𝘳𝘤𝘩 𝘈𝘯𝘢𝘭𝘺𝘴𝘵

03/07/2026

🎉 Malugod na pagbati sa Team SOILMATIK sa kanilang pagkamit ng 2nd Place sa STCIEERD Undergraduate Research and Development Competition 2026! 👏🌱

Isang karangalan ang makitang kinikilala ang kanilang pananaliksik na "SOILMATIK: AI-Based Soil Analysis and Crop Recommendation Device Using Model Fusion," na nagpapakita kung paano maaaring magamit ang artificial intelligence upang higit pang mapaunlad ang precision agriculture at matulungan ang mga magsasaka sa mas matalinong pagpapasya para sa kanilang mga pananim.

Ipinagmamalaki ng DA-BSWM National Soil and Water Resources Research and Development Center for Hillyland Pedo-Ecological Zone (NSWRRDC HILLPEZ) na maging bahagi ng tagumpay na ito. Sa pamamagitan ng HASHTAG Farming (Hillyland Agriculture Sustainability Help, Technical Assistance, and Guide in Farming), nakapagbigay ang Center ng kinakailangang soil data at technical consultations na naging bahagi ng kanilang thesis development.

Nawa'y magsilbing inspirasyon ang tagumpay na ito sa iba pang mga mag-aaral na nagsasagawa ng pananaliksik sa larangan ng soil, water, at agriculture.

📚 May thesis o research ka bang may kaugnayan sa lupa, tubig, at agrikultura? Handa ang HASHTAG Farming na magbigay ng teknikal na gabay, konsultasyon, at iba pang kinakailangang suporta upang makatulong sa inyong pag-aaral.

📩 Makipag-ugnayan lamang sa NSWRRDC HILLPEZ at sama-sama nating isulong ang makabuluhang pananaliksik para sa mas maunlad at mas sustenableng agrikultura.

The undergraduate research titled “𝐒𝐎𝐈𝐋𝐌𝐀𝐓𝐈𝐊: 𝐀𝐈-𝐁𝐚𝐬𝐞𝐝 𝐒𝐨𝐢𝐥 𝐀𝐧𝐚𝐥𝐲𝐬𝐢𝐬 𝐚𝐧𝐝 𝐂𝐫𝐨𝐩 𝐑𝐞𝐜𝐨𝐦𝐦𝐞𝐧𝐝𝐚𝐭𝐢𝐨𝐧 𝐃𝐞𝐯𝐢𝐜𝐞 𝐔𝐬𝐢𝐧𝐠 𝐌𝐨𝐝𝐞𝐥 𝐅𝐮𝐬𝐢𝐨𝐧,” conducted by 𝐑𝐚𝐲𝐥𝐚𝐧 𝐏. 𝐑𝐞𝐩𝐚𝐥𝐝𝐚, 𝐆𝐢𝐥𝐥𝐢𝐚𝐧 𝐏𝐚𝐭𝐫𝐢𝐜𝐢𝐚 𝐑. 𝐌𝐢𝐥𝐥𝐚𝐝𝐨, 𝐆𝐢𝐚𝐧 𝐀𝐧𝐝𝐫𝐞 𝐀. 𝐏𝐚𝐫𝐢𝐧𝐚𝐬, 𝐑𝐨𝐦𝐞𝐥 𝐅. 𝐒𝐚𝐧𝐭𝐨𝐬, and 𝐘𝐞𝐨𝐣 𝐇𝐞𝐧𝐫𝐢𝐞 𝐒. 𝐒𝐚𝐲𝐚𝐝𝐢, undergraduate students of the Bachelor of Science in Electronics Engineering (BS Electronics Engineering) program under the guidance of their undergraduate research adviser, 𝐄𝐧𝐠𝐫. 𝐉𝐞𝐦𝐮𝐞𝐥 𝐕. 𝐋𝐚𝐧𝐝𝐞𝐫𝐢𝐭𝐨, earned 𝟐𝐧𝐝 𝐏𝐥𝐚𝐜𝐞 in the 𝐒𝐓𝐂𝐈𝐄𝐄𝐑𝐃 𝐔𝐧𝐝𝐞𝐫𝐠𝐫𝐚𝐝𝐮𝐚𝐭𝐞 𝐑𝐞𝐬𝐞𝐚𝐫𝐜𝐡 𝐚𝐧𝐝 𝐃𝐞𝐯𝐞𝐥𝐨𝐩𝐦𝐞𝐧𝐭 𝐂𝐨𝐦𝐩𝐞𝐭𝐢𝐭𝐢𝐨𝐧 during the 𝟐𝐧𝐝 𝐒𝐭𝐚𝐭𝐞 𝐂𝐨𝐥𝐥𝐞𝐠𝐞𝐬 𝐚𝐧𝐝 𝐔𝐧𝐢𝐯𝐞𝐫𝐬𝐢𝐭𝐢𝐞𝐬 𝐈𝐧𝐧𝐨𝐯𝐚𝐭𝐢𝐨𝐧, 𝐄𝐱𝐭𝐞𝐧𝐬𝐢𝐨𝐧, 𝐚𝐧𝐝 𝐑𝐞𝐬𝐞𝐚𝐫𝐜𝐡 𝐚𝐧𝐝 𝐃𝐞𝐯𝐞𝐥𝐨𝐩𝐦𝐞𝐧𝐭 (𝐒𝐓𝐂𝐈𝐄𝐄𝐑𝐃) 𝟐𝟎𝟐𝟔, with the theme “Driving Growth and Transformation Through Innovation in Industry, Energy, and Emerging Technologies,” the competition was held on July 2, 2026, at Batangas State University – Alangilan Campus.

This achievement highlights the students' excellence in research and innovation and reflects the valuable mentorship of their adviser, showcasing the potential of artificial intelligence to advance precision agriculture through intelligent soil analysis and crop recommendation technologies.

01/07/2026

𝐏𝐡𝐢𝐥𝐢𝐩𝐩𝐢𝐧𝐞 𝐀𝐠𝐫𝐢𝐜𝐮𝐥𝐭𝐮𝐫𝐢𝐬𝐭𝐬’ 𝐌𝐨𝐧𝐭𝐡!

Ngayong Philippine Agriculturist Month, binibigyang-pugay natin ang mga agrikulturistang patuloy na nagsisilbi para sa pag-unlad ng ating agrikultura.

Kinikilala natin ang kanilang mahalagang ambag sa pangangalaga ng ating lupa at tubig, at sa pagsusulong ng seguridad sa pagkain ng bawat Pilipino.

Saludo tayo sa kanilang dedikasyon, pananaliksik, at paggamit ng agham at inobsyon para sa isang mas matatag at masaganang sektor ng agrikultura.

(©Info)

30/06/2026

𝐍𝐒𝐖𝐑𝐑𝐃𝐂 𝐇𝐈𝐋𝐋𝐏𝐄𝐙 𝐎𝐍 𝐅𝐈𝐄𝐋𝐃 |

Nagsagawa ang DA-BSWM-National Soil and Water Resources Research and Development Center for Hillyland Pedo-Ecological Zone (NSWRRDC HILLPEZ) ng iba’t ibang aktibidad para sa implementasyon ng Adaptive Balanced Fertilization Strategy (ABFS) for Rice noong ika-8 hanggang ika-11 ng Hunyo 2026 sa Siniloan at Victoria, Laguna.

Sa Siniloan, Laguna, isinagawa ang courtesy call at pakikipag-ugnayan sa lokal na pamahalaan bilang bahagi ng paghahanda para sa maayos na pagsisimula ng proyekto. Kasabay nito ang inspeksyon at pamamahagi ng mga organiko at inorganikong pataba sa 109 farmer-cooperators ng proyekto, gayundin ang pagpapapirma ng distribution list at Pledge of Commitment bilang bahagi ng opisyal na pagsisimula ng implementasyon ng ABFS Rice sa bayan.

Samantala, sa Victoria, Laguna, isinagawa ang inspeksyon, pagtitimbang, at pamamahagi ng mga inorganikong pataba sa mga benepisyaryong magsasaka para sa pagpapatuloy ng maayos na implementasyon ng proyekto sa ikalawang cropping season nito. Nagpatuloy din ang pagpapapirma ng mga kinakailangang dokumento at ang pamamahagi ng gabay sa tamang pag-aapply ng pataba upang matiyak ang pagsunod sa protocol ng proyekto at maisulong ang mas mahusay at sustenableng produksyon ng palay.
✍️Marco T. Macopia, 𝘈𝘨𝘳𝘪𝘤𝘶𝘭𝘵𝘶𝘳𝘪𝘴𝘵 𝘐𝘐

30/06/2026

𝐍𝐒𝐖𝐑𝐑𝐃𝐂 𝐇𝐈𝐋𝐋𝐏𝐄𝐙 𝐎𝐍 𝐅𝐈𝐄𝐋𝐃 |

Bilang bahagi ng pagpapatuloy ng implementasyon ng Adaptive Balanced Fertilization Strategy (ABFS) for Rice sa Region VII, nagsagawa ang DA-BSWM-National Soil and Water Resources Research and Development Center for Hillyland Pedo-Ecological Zone (NSWRRDC HILLPEZ) ng iba’t ibang aktibidad sa bagong technology demonstration site nito sa Dagohoy, Bohol noong ika-8 hanggang ika-12 ng Hunyo 2026.

Kabilang sa mga isinagawang aktibidad ang inspeksyon at pamamahagi ng inorganikong pataba sa 83 farmer-cooperators ng proyekto, na binubuo ng 53 miyembro ng SAMILCA-IA at 30 miyembro ng CASAMDA-IA. Nagsagawa rin ng briefing at pamamahagi ng Activity Guide upang matiyak ang wastong pagsunod ng mga magsasaka sa protocol ng proyekto at sa tamang paggamit ng mga ipinagkaloob na inputs.

Bukod dito, isinagawa rin ang Agro-Socio-Economic (ASE) interview benchmarking para sa Dry Season sa SAMILCA-IA at monitoring ng mga aktibidad sa techno demo areas ng CASAMDA-IA. Sa pamamagitan ng mga gawaing ito, patuloy na pinatitibay ng proyekto ang maayos at organisadong implementasyon ng ABFS Rice tungo sa mas mahusay at sustenableng produksyon ng palay sa rehiyon.
✍️Marco T. Macopia, 𝘈𝘨𝘳𝘪𝘤𝘶𝘭𝘵𝘶𝘳𝘪𝘴𝘵 𝘐𝘐

30/06/2026

𝐍𝐒𝐖𝐑𝐑𝐃𝐂 𝐇𝐈𝐋𝐋𝐏𝐄𝐙 𝐎𝐍 𝐅𝐈𝐄𝐋𝐃 |

Bilang paghahanda sa implementasyon ng Adaptive Balanced Fertilization Strategy (ABFS) for Vegetables sa bago nitong lokasyon, nagsagawa ang DA-BSWM-National Soil and Water Resources Research and Development Center for Hillyland Pedo-Ecological Zone (NSWRRDC HILLPEZ) ng iba’t ibang preparatory activities noong ika 8 hanggang ika-9 ng Hunyo 2026 sa Dolores, Quezon.

Kabilang sa mga isinagawang aktibidad ang pakikipag-ugnayan sa Local Government Unit (LGU) ng Dolores at mga farmer-cooperators upang maihanda ang maayos na implementasyon ng proyekto. Bilang bahagi naman ng pagtatatag ng technology demonstration, isinagawa ang clearing at layout ng experimental plots sa tatlong site bilang bahagi ng superimposed research and development component ng proyekto.

Isinagawa rin ang paglalagay ng chicken manure sa mga ABFS plots bilang paunang hakbang sa pagpapatupad ng mga itinakdang protocol ng proyekto. Sa pamamagitan ng mga gawaing ito, inaasahang mas mapagtitibay ang pagpapakita ng mga teknolohiyang naglalayong suportahan ang mas mahusay at sustenableng produksyon ng gulay sa lugar.
✍️Marco T. Macopia, 𝘈𝘨𝘳𝘪𝘤𝘶𝘭𝘵𝘶𝘳𝘪𝘴𝘵 𝘐𝘐