4Ps Tantangan

20/05/2026

Goodafternoon, may enrollment caravan po ang Golden State College po bukas. Nasa baba po ang detalye 🩷

13/05/2026

📲 From FYP to FYI, mga Ka-4Ps! ✨

Sasagutin ni Mrs. Caring ang inyong mga katanungan tungkol sa 4Ps — dahil siya ay laging handang makinig at tumugon nang may malasakit. 💙

💬 Ang tampok na tanong this week:

“Bakit mga bata ang pangunahing tinutulungan sa 4Ps?”

👩‍💼 For your information, narito ang sagot ni Mrs. Caring diyan:

“Ang kabataan ang pag-asa ng bayan,” wika ni Dr. Jose Rizal—kaya naman sa mga bata namumuhunan ang 4Ps. Naniniwala ang programa na nasa mga bata ang susi sa mas maganda at mas matatag na kinabukasan ng bawat pamilya at komunidad.

Sa pamamagitan ng suporta sa kanilang kalusugan, nutrisyon, at edukasyon, mas nabibigyan sila ng pagkakataong maabot ang kanilang mga pangarap at kalaunan ay maputol ang siklo ng kahirapan na naipapasa mula sa isang henerasyon patungo sa susunod.

Kaya naman goal ng programa na ang mga bata ay:

✔️ makapag-aral;
✔️ regular na makapagpa-check-up; at
✔️ mabigyan ng tamang nutrisyon at bakuna.

Sa pamamagitan nito, mas malaki ang posibilidad na magkaroon sila ng mas magandang kinabukasan at hindi na maranasan ang parehong kahirapan na minana pa mula sa mga nakaraang henerasyon.

Para ma-achieve ito, may mga kondisyon o co-responsibilities na kailangang tuparin ng pamilya sa ilalim ng 4Ps, tulad ng:

📚 hindi bababa sa 80% school attendance ng mga bata;
🩺 pagdalo sa health check-ups at immunization;
👨‍👩‍👧 pagdalo ng magulang sa Family Development Sessions (FDS), kung saan itinuturo ang tamang gabay sa pagpapalaki ng anak at pamamahala ng pamilya.

Tandaan: kung hindi natutupad ang mga kondisyong ito na nagpapabuti sa kalagayan ng mga bata, maaaring mabawasan ang tulong-pinansyal o ma-suspend ang pag-release ng grants, alinsunod sa mga patakaran ng programa. Ito ay upang matiyak na ang benepisyo ay talagang napupunta sa layunin nitong mapaunlad ang pamilya, lalo na ng mga bata. ⚠️

Ibig sabihin, ang 4Ps ay hindi panandalian o paulit-ulit na ayuda—ito ay investment sa edukasyon, kalusugan, at kinabukasan para sa pangmatagalang pag-angat ng pamilya.

✨ May gustong malaman tungkol sa 4Ps? Si Mrs. Caring na ang bahalang magbahagi ng impormasyong dapat ninyong malaman, mga Ka-4Ps!

📢 Patuloy na tumutok sa official page ng 4Ps para sa timely at accurate na impormasyon at updates!

10/05/2026

HAPPY MOTHER’s DAY!

Pagpupugay mula sa DSWD FO XII sa lahat ng mga ina na patuloy na nagsisilbing ilaw ng tahanan at inspirasyon ng bawat pamilya.

Salamat sa inyong walang sawang pagmamahal, sakripisyo, at malasakit para sa inyong mga mahal sa buhay at komunidad.

♥️

06/05/2026

𝗚𝗢𝗢𝗗 𝗡𝗘𝗪𝗦! ✅ Naaprubahan na sa third and final reading sa House of Representatives ang isinusulong nating 𝗘𝘅𝗽𝗮𝗻𝗱𝗲𝗱 𝟰𝗣𝘀 𝗕𝗶𝗹𝗹 (𝗛𝗕 𝟴𝟲𝟰𝟳).

Mga kababayan, malaking hakbang ito para sa mas matibay na suporta sa ating mga pamilyang Pilipino. Katuparan ito ng pangarap ng ating Pangulong Bongbong Marcos Jr. para sa isang Bagong Pilipinas.

Gusto ng ating Pangulo na ang bawat pamilya ay may kakayahang tumayo sa sariling mga paa. Gaya ng lagi niyang paalala sa atin, ang 4Ps ay hindi lang basta "hand-out"... ito ay 𝗽𝘂𝗵𝘂𝗻𝗮𝗻 natin para sa kinabukasan ng ating mga kabataan.

Ano-ano nga ba ang mga magandang pagbabago sa ating ?

✅ 𝗔𝗹𝗮𝗴𝗮 𝘀𝗮 𝗙𝗶𝗿𝘀𝘁 𝟭,𝟬𝟬𝟬 𝗗𝗮𝘆𝘀: May dagdag-suporta para sa mga buntis at mga sanggol. Mahalaga ito para masiguradong malusog ang bata simula pa lang sa sinapupunan.

✅ 𝗜𝗻𝘁𝗲𝗻𝘀𝗶𝗳𝗶𝗲𝗱 𝗖𝗮𝘀𝗲 𝗠𝗮𝗻𝗮𝗴𝗲𝗺𝗲𝗻𝘁: Sa ilalim ng bagong bill, mas palalakasin ang pag-gabay ng ating mga Social Workers para masiguradong ang bawat pamilya ay may malinaw na plano patungo sa pag-unlad at matagumpay na pag-graduate mula sa programa.

✅ 𝗜𝗻𝘃𝗲𝘀𝘁𝗺𝗲𝗻𝘁 𝘀𝗮 𝗘𝗱𝘂𝗸𝗮𝘀𝘆𝗼𝗻: Itataas din ang monthly cash assistance para sa elementary, junior high, at senior high. Suportado natin ang pangarap ng bawat batang Pilipino na makatapos ng pag-aaral.

✅ 𝗠𝗮𝗻𝗱𝗮𝘁𝗼𝗿𝘆 𝗦𝗸𝗶𝗹𝗹𝘀 𝗧𝗿𝗮𝗶𝗻𝗶𝗻𝗴: Required na ang entrepreneurship at livelihood training para sa mga magulang. Hindi lang tayo nagbibigay ng pinansyal na tulong, tinuturuan din natin silang magkaroon ng sariling kabuhayan.

Salamat sa ating mga taxpayers dahil sa inyo, mahigit 1.4 million families na ang matagumpay na nag-graduate sa programa! Mas pagbubutihin pa natin ang pag-angat ng buhay ng bawat Pilipino. 🙏🏼

Malaking panalo na ito sa Kamara… looking forward tayo sa susunod na hakbang sa Senado hanggang sa tuluyan na itong maging ganap na batas.

28/04/2026

𝗨𝗻𝘀𝗮 𝗮𝗻𝗴 𝗟𝗶𝗳𝗲𝗹𝗶𝗻𝗲 𝗔𝗰𝘁 𝗼𝗳 𝟮𝟬𝟮𝟮?

Ang Lifeline Extension Act of 2022 o ang Republic Act 11552 usa ka balaod nga gapalawig sa pagpatuman sa socialized pricing mehcanism alang sa mga kabus nga nagkonsumo og kuryente.

Kaniadto, 20 ka tuig lang, karon, 50 na ka tuig.

Ilalom sa balaod, target niini ang 4Ps ug mga kabus nga dili sakop sa 4Ps nga gakonsumo og kuryente nga dili molapas sa 100 kilowatt matag billing.

Aron makabenepisyo sa diskwento, kinahanglan magparehistro ang mga 4Ps ug kabus nga dili sakop sa 4Ps ngadto sa electric cooperative nga nag-supply kanila og kuryente.

Nagpasabot nga dili automatic ihatag ang diskwento ug dili tanan sakop sa 4Ps maka-diskwento.

Giklaro usab sa balaod nga dili libre ang pagkonsumo sa kuryente alang sa mga sakop sa 4Ps ug sa tanang kabus nga dili sakop sa 4Ps.

Alang sa dugang pangutana, duol sa inyong mga electric cooperative.

Daghang salamat.
==

22/04/2026

16/04/2026

✨ Mga Ka-4Ps, mula sa pulso ng inyong katanungan— narito na si Mrs. Caring para makinig at tumugon nang may malasakit!

𝗗𝗼𝗹𝗲-𝗼𝘂𝘁 𝗻𝗴𝗮 𝗯𝗮 𝗮𝗻𝗴 𝟰𝗣𝘀? 🤔

Alamin natin ang tunay na layunin ng Pantawid Pamilyang Pilipino Program (4Ps), isang programang hindi lang basta nagbibigay ng tulong pinansyal, kundi nagtataguyod ng responsibilidad para sa wastong kalusugan, edukasyon, at kinabukasan ng bawat pamilya.

Sa pamamagitan ng pagtupad sa mga kondisyon tulad ng pagpapaaral ng mga anak, regular na pagpapacheck-up, at pagdalo sa Family Development Sessions, unti-unting natutulungan ng pamahalaan ang mga mahihirap na pamilya na abutin ang kanilang mga pangarap na mas maayos at matatag na buhay.

💙 Hindi ito simpleng ayuda—ito ay tulong na may layunin at aral!

15/04/2026

15/04/2026

14/04/2026

Ang Republic Act No. 11315 (CBMS Act) ay ginagamit na ngayon bilang bagong batayan sa pagpili kung sino ang magiging benepisyaryo ng Pantawid Pamilyang Pilipino Program (4Ps).

👉 Ibig sabihin: Hindi na lang sa dating listahan o waitlist base, kundi sa aktwal na datos ng kahirapan sa barangay (CBMS)

📌 Sino ang apektado?

Ang mga nasa waitlist (Set 12 C, D, E) na may status na:

CS21 – Approved pero processing pa

CS9 – Hindi rehistrado

❗ Sa ngayon, hindi muna sila ituturing na posibleng benepisyaryo.

📌 May chance pa ba sila?

✔️ MERON PA RIN.

Kung sa resulta ng CBMS ay mapatunayan na sila ay kabilang sa mahihirap na pamilya:

Maaari pa rin silang maisama sa 4Ps

Dadaan lang sa validation at verification ng Department of Social Welfare and Development (DSWD)

📌 Ano yung listahan sa barangay?

May bagong listahan na naka-post ngayon (April 2026) sa barangay

Ito ay galing sa CBMS

❗ Hindi pa ito final — dadaan pa sa pagsusuri bago maging official 4Ps beneficiaries

🧾 Simpleng buod:

👉 Hindi na automatic ang pagpasok sa 4Ps kahit nasa waitlist ka
👉 CBMS na ang basehan kung sino ang mahirap
👉 Kahit natanggal sa waitlist, may pag-asa pa basta ma-validate sa CBMS