https://www.facebook.com/1149686798230566/

ALON, Tarlac State University, Tarlac (2026)

10/06/2026

Ngayong araw, buong-pusong binabati ng buong partido ng ALON ang bagong halal na Senator on Audit sa pinakamataas na konseho ng mag-aaral ng Tarlac State University, 𝗦𝗲𝗻𝗮𝘁𝗼𝗿 𝗥𝗮𝗶𝗻𝗲𝗶𝗿 𝗚𝗮𝗿𝗰𝗶𝗮! 🎊

Maraming salamat sa iyong dedikasyon sa integridad at tapat na pamumuno na siyang tunay na nagpapatatag sa ating samahan. Ang iyong husay at talino ang nagsisilbing gabay upang masiguro na ang bawat hakbang at adhikain ng ALON ay patungo sa tamang direksyon para sa mas malawak na sektor na ating pinaglilingkuran.

Hangad namin ang iyong tagumpay, mabuting kalusugan, talas ng isip, at pusong patuloy na nag-aalab para sa serbisyo. Kasama mo kami sa bawat alon ng pagbabago!

𝗜𝘀𝗮𝗻𝗴 𝗺𝗮𝗸𝗮𝗯𝘂𝗹𝘂𝗵𝗮𝗻𝗴 𝗸𝗮𝗮𝗿𝗮𝘄𝗮𝗻, 𝗦𝗲𝗻. 𝗥𝗮𝗶𝗻𝗲𝗶𝗿! 💙

31/05/2026

𝗣𝗮𝘁𝘂𝗹𝗼𝘆 𝗮𝗻𝗴 𝗽𝗮𝗴𝘀𝘂𝗹𝗼𝗻𝗴 𝗻𝗴 𝗔𝗟𝗢𝗡! 🌊

Isang malaking hakbang ang ating naitala para sa naging matagumpay na pagpupulong sa nagdaang kampanya ng partidong ALON kasama ang IDIMSS at ang Office of the University President ng Tarlac State University!

Ang pagkakaisang ito ay patunay na lumalawak ang alon ng ating positibong pagbabago at kolaborasyon para sa komunidad. Maraming salamat sa mga opisina at kinatawan ng TSU sa inyong suporta at tiwala sa ating mga inisyatibo at adhikain.

Samahan niyo kaming saksihan ang mga susunod pang yugto ng ating kwento. Sabay-sabay nating palakihin ang ALON! 🙌

31/05/2026

𝗔𝗡𝗚 𝗔𝗟𝗢𝗡 𝗡𝗚 𝗣𝗔𝗚𝗕𝗔𝗕𝗔𝗚𝗢 𝗔𝗬 𝗡𝗔𝗜𝗧𝗔𝗡𝗚𝗜 𝗔𝗧 𝗡𝗔𝗡𝗔𝗚𝗨𝗠𝗣𝗔𝗬 𝗦𝗔 𝗦𝗨𝗣𝗥𝗘𝗠𝗘 𝗦𝗧𝗨𝗗𝗘𝗡𝗧 𝗖𝗢𝗨𝗡𝗖𝗜𝗟! 🌊

Sa buong komunidad ng Tarlac State University—mula sa 𝙈𝙖𝙞𝙣, 𝙎𝙖𝙣 𝙄𝙨𝙞𝙙𝙧𝙤, 𝙇𝙪𝙘𝙞𝙣𝙙𝙖, 𝙝𝙖𝙣𝙜𝙜𝙖𝙣𝙜 𝙨𝙖 𝙖𝙩𝙞𝙣𝙜 𝙢𝙜𝙖 𝙎𝙖𝙩𝙚𝙡𝙡𝙞𝙩𝙚 𝘾𝙖𝙢𝙥𝙪𝙨𝙚𝙨 𝙨𝙖 𝘾𝙖𝙥𝙖𝙨, 𝘾𝙤𝙣𝙘𝙚𝙥𝙘𝙞𝙤𝙣, 𝙖𝙩 𝙇𝙖 𝙋𝙖𝙯—isang dambuhala at rumaragasang pagbati sa inyong lahat!

Ang inyong boses ay narinig, ang inyong paninindigan ay nagmarka, at ang alon ng tunay, makatao, at pantay na serbisyo ay tuluyan nang dumaong sa ating pinakamataas na konseho ng mag-aaral!

Higit sa lahat, ang tagumpay na ito ay hindi lamang para sa mga kandidatong nag-alay ng kanilang pagod, puyat, at talino sa gitna ng laban. 𝗔𝗻𝗴 𝘁𝘂𝗻𝗮𝘆 𝗻𝗮 𝗻𝗮𝗴𝘄𝗮𝗴𝗶 𝗻𝗴𝗮𝘆𝗼𝗻𝗴 𝗮𝗿𝗮𝘄 𝗮𝘆 𝗞𝗔𝗕𝗔𝗧𝗔𝗔𝗡𝗚 𝗧𝗦𝗨𝗶𝗮𝗻! 🙌

Taos-pusong pasasalamat sa bawat mag-aaral na naglaan ng oras, nagbukas ng kanilang mga portal, at nagtiwala sa plataporma at kakayahan ng ALON Partylist upang maging bahagi ng pagtatatag ng isang unibersidad na walang naiiwan—isang "One-TSU" na nagkakaisa at nagtutulungan para sa kapakanan ng lahat, lalo na ng ating mga marhinalisadong sektor na matagal nang naghihintay ng sapat na pansin at serbisyo.

Ang tagumpay na ito ay hindi dulo ng laban, kundi simula pa lamang ng mas mabigat na responsibilidad. Bitbit namin ang pangarap ng bawat estudyanteng naghahangad ng maayos na sistema, malayang pamamahayag, at pantay na distribusyon ng oportunidad sa ating pamantasan.

Panahon na para itindig ang mga ipinangakong polisiya at panindigan ang tiwalang ipinagkaloob. 𝗞𝗮𝘀𝗮𝗺𝗮 𝗮𝗻𝗴 𝗯𝘂𝗼𝗻𝗴 𝘂𝗻𝗶𝗯𝗲𝗿𝘀𝗶𝗱𝗮𝗱, 𝗽𝗮𝘁𝘂𝗹𝗼𝘆 𝘁𝗮𝘆𝗼𝗻𝗴 𝘀𝘂𝘀𝘂𝗹𝗼𝗻𝗴! 🦊☝

31/05/2026

𝗠𝘂𝗹𝗮 𝘀𝗮 𝗺𝗴𝗮 𝗴𝘂𝗵𝗶𝘁 𝗻𝗴 𝗶𝗺𝗮𝗵𝗶𝗻𝗮𝘀𝘆𝗼𝗻 𝘁𝘂𝗻𝗴𝗼 𝘀𝗮 𝗸𝗼𝗻𝗸𝗿𝗲𝘁𝗼𝗻𝗴 𝘁𝗮𝗴𝘂𝗺𝗽𝗮𝘆 𝗻𝗴 𝗱𝗲𝗺𝗼𝗸𝗿𝗮𝘀𝘆𝗮! 🌊

Isang malikhain at mapagpalayang pagbati sa bagong halal na 𝘾𝙤𝙡𝙡𝙚𝙜𝙚 𝙤𝙛 𝘼𝙧𝙘𝙝𝙞𝙩𝙚𝙘𝙩𝙪𝙧𝙚 𝙖𝙣𝙙 𝙁𝙞𝙣𝙚 𝘼𝙧𝙩𝙨 𝙎𝙩𝙪𝙙𝙚𝙣𝙩 𝘾𝙤𝙪𝙣𝙘𝙞𝙡 sa ilalim ng ALON Partylist! 🐴

Ipinakita ng CAFA na ang sining ay hindi lamang nagpapaganda ng paligid, kundi may kapangyarihan ding magdisenyo ng isang mas maliwanag at maayos na kinabukasan para sa buong kolehiyo.

𝗜𝘀𝗮𝗻𝗴 𝘁𝗮𝗼𝘀-𝗽𝘂𝘀𝗼𝗻𝗴 𝗽𝗮𝘀𝗮𝘀𝗮𝗹𝗮𝗺𝗮𝘁 𝗮𝗻𝗴 𝗮𝗺𝗶𝗻𝗴 𝗶𝗽𝗶𝗻𝗮𝗮𝗯𝗼𝘁 𝘀𝗮 𝗹𝗮𝗵𝗮𝘁 𝗻𝗴 𝗺𝗴𝗮 𝗺𝗮𝗴-𝗮𝗮𝗿𝗮𝗹 𝗻𝗴 𝗖𝗔𝗙𝗔 na naging kabahagi ng tagumpay na ito. Salamat sa pagtitiwala sa sining ng tunay na paglilingkod na bitbit ng ALON Partylist.

Sa bawat gabi na inyong puyat sa paggawa ng mga plates, batid namin ang inyong mga sakripisyo, at ang inyong pagboto ay isang malinaw na hudyat na nais ninyo ng isang konseho na makikinig, aalalay, at magtatanggol sa inyong mga interes at kapakanan bilang mga malikhain at mag-aaral! ✊

31/05/2026

𝗠𝗴𝗮 𝗜𝗻𝗵𝗶𝗻𝘆𝗲𝗿𝗼 𝗻𝗴 𝗧𝗦𝗨, 𝗻𝗮𝗿𝗶𝗻𝗶𝗴 𝗻𝗮𝗺𝗶𝗻 𝗮𝗻𝗴 𝗶𝗻𝘆𝗼𝗻𝗴 𝘂𝗴𝗼𝗻𝗴 𝗮𝘁 𝗽𝘄𝗲𝗿𝘀𝗮! 🌊

Isang mainit at rumaragasang pagbati sa buong slate ng ALON Partylist na opisyal nang magsisilbi bilang bagong mga lider ng 𝘾𝙤𝙡𝙡𝙚𝙜𝙚 𝙤𝙛 𝙀𝙣𝙜𝙞𝙣𝙚𝙚𝙧𝙞𝙣𝙜 𝙎𝙩𝙪𝙙𝙚𝙣𝙩 𝘾𝙤𝙪𝙣𝙘𝙞𝙡! 🦈

Ang tagumpay na ito ay patunay lamang na ang mga mag-aaral ng kolehiyo ng Inhinyeriya ay hindi lamang mahusay sa kalkulasyon at disenyo, kundi matalas at mapanuri rin pagdating sa pagpili ng mga pinunong may subok na kakayahan at malinaw na direksyon para sa kolehiyo.

𝗜𝘀𝗮𝗻𝗴 𝗱𝗮𝗺𝗯𝘂𝗵𝗮𝗹𝗮𝗻𝗴 𝗽𝗮𝘀𝗮𝘀𝗮𝗹𝗮𝗺𝗮𝘁 𝗮𝗻𝗴 𝗶𝗽𝗶𝗻𝗮𝗮𝗯𝗼𝘁 𝗻𝗴 𝗔𝗟𝗢𝗡 𝗣𝗮𝗿𝘁𝘆𝗹𝗶𝘀𝘁 𝘀𝗮 𝗹𝗮𝗵𝗮𝘁 𝗻𝗴 𝗺𝗴𝗮 𝗺𝗮𝗴-𝗮𝗮𝗿𝗮𝗹 𝗻𝗴 𝗖𝗢𝗘! Maraming salamat sa inyong tiwala, sa inyong pagtanggap sa aming mga plataporma, at sa pagpapatunay na ang tunay na pagbabago ay nakasalalay sa pagpili ng lideratong may gawa at hindi lang salita.

Ang inyong pagboto at pakikilahok ay siyang pundasyon ng bawat proyektong ating itataguyod sa susunod na akademikong taon! ✊

31/05/2026

𝗣𝗮𝗿𝗮 𝘀𝗮 𝗹𝗮𝗵𝗮𝘁 𝗻𝗴 𝗧𝗦𝗨𝗶𝗮𝗻𝘀, 𝗽𝗮𝗿𝗮 𝘀𝗮 𝗶𝗻𝘆𝗼 𝗮𝗻𝗴 𝘁𝗮𝗴𝘂𝗺𝗽𝗮𝘆 𝗻𝗮 𝗶𝘁𝗼! 🌊✨

Hindi namin mapigilang maging emosyonal habang pinapanood muli ang sandaling ito.

Mula sa simula ng kampanya hanggang sa huling boto, hindi niyo kami iniwan. Sa bawat ngiti, bawat pagtanggap sa amin sa personal man o sa online, at sa bawat tiwalang ibinigay ninyo—maraming, maraming salamat! Ang makita ang inyong suporta ang tunay na nagbigay sa amin ng lakas para ipaglaban ang ating mga adhikaing pantay at makatarungan para sa bawat kampus ng TSU.

Hindi sapat ang salitang "salamat" sa tiwalang ipinagkaloob ninyo, ngunit asahan ninyong isusukli namin ito sa pamamagitan ng tapat, masipag, at totoong paglilingkod para sa buong pamantasan.

Kasama niyo kami sa bawat hakbang ng bagong yugtong ito. Mabuhay ang mag-aaral ng TSU! 🦊🙌

27/05/2026

Mula sa unang sigaw, hanggang sa pinakahuling palakpak, pinatunayan ng sangkaes𝗧𝗦𝗨dyantehan na ang kolektibong boses ay kayang yanigin hindi lamang ang 𝗧𝗦𝗨 𝗚𝘆𝗺𝗻𝗮𝘀𝗶𝘂𝗺 kundi pati ang sistema ng lideratong hindi marunong makinig.

Maraming salamat sa bawat estudyanteng dumalo, nakinig, nakiisa, at tumindig kasama ang 𝗔𝗟𝗢𝗡 sa 𝗠𝗜𝗧𝗜𝗡𝗚 𝗗𝗘 𝗔𝗩𝗔𝗡𝗖𝗘. Ang araw na ito ay hindi lamang naging pagtatapos ng kampanya, kundi simula ng mas malakas na panawagan para sa pamumunong may prinsipyo, malasakit, at konkretong aksyon.

Ang bawat sigaw ng suporta, bawat taas ng inyong mga kamay, at bawat estudyanteng naniwalang posible ang mas makataong konseho ang mas lalong nagpalakas sa agos ng 𝗔𝗟𝗢𝗡.

Hindi dito nagtatapos ang laban, isang bagay ang sigurado: hindi tatahimik ang boses ng estudyante.

Padayon, 𝗧𝗦𝗨𝗶𝗮𝗻𝘀!

Approved by: TARLAC STATE UNIVERSITY COMMITTEE ON STUDENT ELECTIONS

27/05/2026

𝗧𝗦𝗨𝗜𝗔𝗡𝗦, 𝗞𝗔𝗬𝗢 𝗔𝗡𝗚 𝗔𝗟𝗢𝗡 𝗡𝗚 𝗣𝗔𝗚𝗕𝗔𝗕𝗔𝗚𝗢! 🌊

HIndi sapat na maging boses lang sa social media; oras na para isalin ang ating mga hinaing tungo sa konkretong aksyon! ✊

Sa darating na 𝗠𝗮𝘆 29, 2026, buksan ang inyong 𝗦𝘁𝘂𝗱𝗲𝗻𝘁 𝗣𝗼𝗿𝘁𝗮𝗹 at gamitin ang kapangyarihang magpasya.

Ang ating boto ang magdidikta sa direksyon ng ating institusyon at ng bawat sangkaesTSUdyantehan!

Huwag hayaang ang iba ang magtakda ng iyong kinabukasan. Isang click lang ang kailangan para simulan ang dambuhalang 𝗔𝗟𝗢𝗡 ng pagbabago. 🌊✊

𝗠𝗔𝗞𝗜𝗔𝗟𝗔𝗠. 𝗠𝗔𝗞𝗜𝗟𝗔𝗛𝗢𝗞. 𝗕𝗨𝗠𝗢𝗧𝗢 𝗡𝗔𝗡𝗚 𝗧𝗔𝗠𝗔!

Approved by: TARLAC STATE UNIVERSITY COMMITTEE ON STUDENT ELECTIONS

27/05/2026

Ang bawat marka sa balota ay hindi lang basta pagpili—ito ay deklarasyon ng ating karapatan at kinabukasan. ✊

Huwag nating iasa sa iba ang ating nararapat nating matamasa. Narito ang opisyal na 𝗔𝗟𝗢𝗡 𝗣𝗮𝗿𝘁𝘆𝗹𝗶𝘀𝘁 𝗦𝗮𝗺𝗽𝗹𝗲 𝗕𝗮𝗹𝗹𝗼𝘁 para sa isang organisado, matalino, at siguradong pagboto.

Siguraduhing tama ang bawat pangalan, dahil ang bawat tamang boto ay dagdag-lakas sa 𝗔𝗟𝗢𝗡 ng tunay na pagbabago. 🌊

Sabay-sabay nating itindig ang ating paninindigan at demokrasya!

𝗜𝗜𝗦𝗔𝗡𝗚 𝗟𝗔𝗬𝗢𝗡. 𝗜𝗜𝗦𝗔𝗡𝗚 𝗔𝗟𝗢𝗡.

Approved by: TARLAC STATE UNIVERSITY COMMITTEE ON STUDENT ELECTIONS

ALON

10/06/2026

31/05/2026

31/05/2026

31/05/2026

31/05/2026

31/05/2026

27/05/2026

27/05/2026

27/05/2026

Address

Website

Alerts

Shortcuts

Share

Category