Tarlac City Veterinary Office

29/08/2026

🐾✂️ 𝗨𝗠𝗨𝗟𝗔𝗡 𝗠𝗔𝗡, 𝗧𝗨𝗟𝗢𝗬 𝗔𝗡𝗚 𝗦𝗘𝗥𝗕𝗜𝗦𝗬𝗢 𝗣𝗔𝗥𝗔 𝗦𝗔 𝗔𝗧𝗜𝗡𝗚 𝗠𝗚𝗔 𝗔𝗟𝗔𝗚𝗔!🐶🐱🌧️

Sa kabila ng maulan na panahon, matagumpay na naisagawa ngayong araw ang Free Spay and Neuter Program ng Tarlac City Veterinary Office sa pakikipag-ugnayan nina Mayor Susan Yap at IWCT Philippines.

Sa pangunguna ng ating City Veterinarian, Dr. Noel M. Soliman III, kasama ang mga masisipag na volunteer veterinarians ng IWCT Philippines sa pangunguna ni Dr. Roland Arciga, mahigit 50 a*o at pusa ang matagumpay na naoperahan. Layunin ng spaying at neutering na makatulong sa responsableng pagkontrol sa populasyon ng mga a*o at pusa, maiwasan ang hindi planadong pagpaparami, at mabawasan ang bilang ng mga hayop na maaaring mapabayaan o mapunta sa lansangan.🐕🐈❤️

Hindi lamang libreng operasyon ang hatid ng programa—nagkaroon din ng maikling talakayan tungkol sa Responsible Pet Ownership at Rabies Awareness, upang mas mapalawak ang kaalaman ng ating mga fur parents sa responsableng pag-aalaga ng kanilang mga a*o at pusa.

Maraming salamat din sa B-MEG Nutri Chunks sa kanilang pakikiisa at pagbibigay ng mga feed sampler para sa ating mga participants! 🙏

💙💚🧡 Sa tulung-tulong na pagkilos, mas marami tayong magagawa para sa kapakanan ng ating mga hayop at ng ating komunidad!

-gdc

27/08/2026

🩺 𝗚𝗔𝗕𝗔𝗬 𝗡𝗚 𝗩𝗘𝗧 𝘄𝗶𝘁𝗵 𝗗𝗼𝗰 𝗡𝗼𝗲𝗹

💧𝗠𝗔𝗟𝗜𝗡𝗜𝗦 𝗡𝗔 𝗧𝗨𝗕𝗜𝗚: 𝗔𝗡𝗚 𝗣𝗜𝗡𝗔𝗞𝗔𝗠𝗨𝗥𝗔𝗡𝗚 𝗡𝗨𝗧𝗥𝗜𝗘𝗡𝗧 𝗣𝗔𝗥𝗔 𝗦𝗔 𝗠𝗚𝗔 𝗔𝗟𝗔𝗚𝗔

Maraming livestock raisers ang gumagastos para sa de-kalidad na pakain at supplements, ngunit madalas na nakakaligtaan ang pinakamahalagang nutrient ng lahat, ito ang malinis na tubig.

Ang tubig ay bumubuo ng mahigit kalahati ng katawan ng mga alagang hayop at mahalaga sa halos lahat ng proseso sa katawan. Kailangan ito sa panunaw ng pagkain, pagsipsip at pagdadala ng sustansya, regulasyon ng temperatura ng katawan, paggawa ng gatas, at pag-aalis ng mga dumi at la*on.

Kapag kulang o marumi ang inuming tubig, bumababa rin ang gana ng hayop na kumain, kaya naaapektuhan ang paglaki, reproduksyon, at produktibidad ng inyong farm.

✅ MAHALAGANG PAALALA

💧 Maglaan ng malinis, sariwa, at sapat na inuming tubig sa buong maghapon.

🧼 Linisin araw-araw ang painuman upang maiwasan ang pagdami ng algae, putik, at mikrobyo.

🌞 Ilagay ang painuman sa malilim na lugar upang manatiling presko at kaaya-aya ang tubig.

🚫 Iwasang painumin ang mga hayop sa mga sapa, kanal, baha, o iba pang hindi kontroladong pinagkukunan ng tubig. Maaaring kontaminado ang mga ito ng parasite eggs o larvae, protozoa, bacteria, at iba pang mikroorganismo na maaaring magdulot ng pagtatae, pagbaba ng timbang, anemia, at iba pang sakit.

🐄 Mas mataas ang pangangailangan sa tubig ng mga buntis, nagpapasusong inahin, mabilis lumaking hayop, at ng lahat ng hayop sa panahon ng matinding init.

🩺 𝗚𝗔𝗕𝗔𝗬 𝗡𝗜 𝗗𝗢𝗖 𝗡𝗢𝗘𝗟

Ang pinakamahal na pakain ay hindi magiging epektibo kung kulang o marumi ang inuming tubig. Kapag nabawasan ang pag-inom ng tubig, mabilis ding bumababa ang pagkain ng hayop, kaya naaapektuhan ang paglaki, produksyon ng gatas, reproduksyon, at pangkalahatang kalusugan.

Ugaliing suriin araw-araw ang dami at kalinisan ng tubig sa inyong farm. Ang simpleng paglilinis ng painuman at pagbibigay ng malinis na tubig ay isa sa pinakamura ngunit pinakamabisang paraan upang mapanatiling malusog at produktibo ang inyong mga alagang hayop.

-gdc

27/08/2026

25/08/2026

🐸🧐 𝗔𝗟𝗔𝗠 𝗡'𝗬𝗢 𝗕𝗔?

𝗨𝗠𝗜𝗜𝗡𝗢𝗠 𝗡𝗚 𝗧𝗨𝗕𝗜𝗚 𝗔𝗡𝗚 𝗣𝗔𝗟𝗔𝗞𝗔 𝗦𝗔 𝗕𝗔𝗟𝗔𝗧 𝗡𝗜𝗧𝗢!💧

🐸 Ang mga palaka ay may napaka-permeable na balat, kaya maaari silang mag-absorb ng tubig nang direkta sa pamamagitan ng balat. Sa maraming species, lalo na sa mga palakang nabubuhay sa lupa, malaking bahagi ng kanilang hydration ay nakukuha sa ganitong paraan.

💧 May espesyal na bahagi sa ilalim ng katawan ng maraming palaka na tinatawag na "pelvic patch o seat patch". Mas mataas ang kakayahan nitong magpa*ok ng tubig kaya kapag nauuhaw ang palaka, maaari itong dumapa o dumikit ang bahaging ito sa basang lupa, putik o tubig upang ma-absorb ang moisture.

Hindi ito simpleng “pag-inom sa balat.” Ang tawag dito ay cutaneous water absorption, ang pagpa*ok ng tubig sa katawan sa pamamagitan ng balat. Sa ilang species, may mga "aquaporin", mga espesyal na protein channel sa balat, na tumutulong sa paggalaw ng tubig papa*ok sa katawan.

💡𝗙𝘂𝗻 𝗙𝗮𝗰𝘁

🐸 Hindi lang tubig ang kayang i-absorb ng balat ng palaka—nakakakuha rin sila ng oxygen sa pamamagitan nito! 😮

Ang prosesong ito ay tinatawag na cutaneous respiration o paghinga sa pamamagitan ng balat. Dahil manipis at maraming blood vessels ang balat ng palaka, maaaring dumaan ang oxygen mula sa kapaligiran papunta sa dugo at lumabas naman ang carbon dioxide.

🤭 Kaya kung makakita ka ng palakang nakadapa sa basang lupa, baka hindi siya nagpapahinga, baka hydration time niya!😂💧

-gdc

23/08/2026

🐔🧐 𝗔𝗟𝗔𝗠 𝗡'𝗬𝗢 𝗕𝗔?

"𝟰𝟱 𝗗𝗔𝗬𝗦" 𝗣𝗔 𝗥𝗜𝗡 𝗕𝗔 𝗔𝗡𝗚 𝗣𝗔𝗕𝗢𝗥𝗜𝗧𝗢 𝗠𝗢𝗡𝗚 𝗞𝗔𝗜𝗡𝗜𝗡𝗚 𝗠𝗔𝗡𝗢𝗞?🤔

Baka ikagulat mo... mas maaga na silang umaabot sa tamang timbang dahil sa pag-unlad ng poultry science at hindi dahil sa hormones!

Pero alam mo bang ang "45 days chicken" ay isang nakagawiang tawag na lamang at hindi na ito ang karaniwang edad ng mga broiler chicken na ating kinakain ngayon? 🤯

🐥 Noong mga nakaraang dekada, maraming commercial broiler chicken ang karaniwang inaalagaan nang humigit-kumulang 6 na linggo (42–45 araw) bago dalhin sa merkado. Dahil dito, nakilala sila ng maraming Pilipino bilang "45 days chicken."

Ngunit sa paglipas ng panahon, malaki na ang inunlad ng genetics, nutrisyon, at farm management. Dahil dito, maraming modernong broiler ngayon ang naaabot ang target market weight sa loob lamang ng humigit-kumulang 28–35 araw, depende sa lahi (strain), target na timbang, at pangangailangan ng merkado.

🐔 Para mas mailarawan ang kaibahan, ang isang 30-araw na commercial broiler ay karaniwang tumitimbang na ng 1.4–1.8 kilo. Samantala, ang 30-araw na native chicken ay nasa 150–250 gramo pa lamang at nangangailangan pa ng humigit-kumulang 120 araw o higit pa bago maabot ang karaniwang timbang para sa merkado.

Kaya kahit hanggang ngayon ay ginagamit pa rin ang katawagang "45 days chicken," hindi na nito eksaktong inilalarawan ang edad ng karamihan sa mga broiler na ibinebenta sa kasalukuyan.

💡 𝗙𝘂𝗻 𝗙𝗮𝗰𝘁

🐔 🐔 Kung ang isang 30-araw na broiler at 30-araw na native chicken ay pagtabihin, maaaring 10 beses na mas mabigat at malaki ang broiler. Isa ito sa pinakamalaking epekto ng patuloy na selective breeding sa industriya ng manok.

🤭 Kaya sa susunod na may magtanong ng "45 days ba 'yan?"... puwede mong sabihin, "Hindi! malaking sisiw lang!" 😄

Mahilig ka rin bang kumain ng malalaking sisiw (broilers)? 🤣

-gdc

21/08/2026

𝗦𝗮 𝗔𝗹𝗮𝗮𝗹𝗮 𝗻𝗶 𝗡𝗶𝗻𝗼𝘆 𝗔𝗾𝘂𝗶𝗻𝗼: 𝗕𝘂𝗵𝗮𝘆 𝗻𝗴 𝗣𝗮𝗻𝗶𝗻𝗶𝗻𝗱𝗶𝗴𝗮𝗻, 𝗣𝗮𝗺𝗮𝗻𝗮 𝗻𝗴 𝗞𝗮𝗹𝗮𝘆𝗮𝗮𝗻 💛

Ngayong 43rd Death Anniversary ni dating Senador Benigno “Ninoy” S. Aquino Jr., ating ginugunita ang buhay at sakripisyo ng isang lider na nag-alay ng kanyang sarili para sa demokrasya at kalayaan ng sambayanan.

Sa kabila ng mga pagsubok at panganib, nanindigan si Ninoy para sa mga prinsipyong kanyang pinaniniwalaan. Ang kanyang tapang na tumindig at maglingkod ay naging mahalagang bahagi ng kasaysayan ng ating bansa at patuloy na nagbibigay-inspirasyon sa mga Pilipino.

Higit sa pag-alala sa kanyang pagpanaw, nawa’y magsilbing paalala ang kanyang buhay na ang tunay na pagmamahal sa bayan ay naipapakita sa pamamagitan ng tapang, paninindigan, at malasakit sa kapwa.

Sa bawat henerasyon, manatili sanang buhay ang aral ng kanyang sakripisyo: ang patuloy na pagpapahalaga sa kalayaan, demokrasya, at paglilingkod para sa bayan. 🇵🇭

𝗔𝘂𝗴𝘂𝘀𝘁 𝟮𝟭, 𝟮𝟬𝟮𝟲
𝟰𝟯𝗿𝗱 𝗗𝗲𝗮𝘁𝗵 𝗔𝗻𝗻𝗶𝘃𝗲𝗿𝘀𝗮𝗿𝘆 𝗼𝗳 𝗙𝗼𝗿𝗺𝗲𝗿 𝗦𝗲𝗻𝗮𝘁𝗼𝗿 𝗕𝗲𝗻𝗶𝗴𝗻𝗼 “𝗡𝗶𝗻𝗼𝘆” 𝗔𝗾𝘂𝗶𝗻𝗼 𝗝𝗿. 🇵🇭

20/08/2026

🐃🐐 𝗚𝗔𝗕𝗔𝗬 𝗡𝗚 𝗩𝗘𝗧 𝘄𝗶𝘁𝗵 𝗗𝗢𝗖 𝗡𝗢𝗘𝗟🩺

🌧️ 𝗙𝗢𝗢𝗧 𝗥𝗢𝗧: 𝗞𝗔𝗣𝗔𝗚 𝗣𝗨𝗧𝗜𝗞 𝗔𝗡𝗚 𝗞𝗔𝗟𝗔𝗕𝗔𝗡 𝗡𝗚 𝗣𝗔𝗔!🐾

Ngayong tag-ulan, mas mataas ang panganib ng foot rot sa mga alagang hayop dahil sa palaging basang paa, putik, maruming kulungan, at hindi maayos na drainage.

⚠️ Abangan ang mga palatandaan:
• Biglaang pagkapilay o hirap maglakad
• Pamamaga at pananakit ng paa
• Mabahong amoy o discharge sa pagitan ng mga kuko
• Pag-ayaw tumayo o maglakad
• Pagbaba ng pagkain at produksyon kapag lumala ang kondisyon

🩺𝗚𝗮𝗯𝗮𝘆 𝗻𝗶 𝗗𝗼𝗰 𝗡𝗼𝗲𝗹!

Panatilihing malinis at tuyo ang kulungan, ayusin ang drainage, at regular na suriin ang paa ng mga hayop. Alisin din ang matutulis na bagay na maaaring makasugat sa paa. Gawin ang regular na hoof trimming lalo na sa mga hayop na inaalagaan sa confinement setting.

Huwag hintaying lumala ang pagkapilay bago kumilos. Kung may hayop na biglang napipilay, may namamagang paa, o may mabahong sugat sa pagitan ng mga kuko, ipatingin agad sa beterinaryo upang matukoy kung foot rot o ibang kondisyon ang sanhi.

💚 Malinis at tuyong paa, mas ligtas sa pagkapilay!

-gdc

20/08/2026

Maligayang Kaarawan, DR. GIAN CANLAS!🎂🎊🎉

Taos-pusong pagbati sa isang taong may malaking dedikasyon sa kanyang trabaho at tungkulin. Ang inyong talino, paninindigan, kasipagan, at malasakit sa inyong propesyon ay tunay na kahanga-hanga at nagsisilbing inspirasyon sa mga taong inyong nakakasama sa trabaho.

Nawa’y patuloy kayong pagkalooban ng mabuting kalusugan, karunungan, lakas, tagumpay, at maraming pagpapala. Hiling namin ang mas marami pang taon ng makabuluhang paglilingkod at masayang pagsasama kasama ang inyong mga mahal sa buhay.

Nawa’y maging makabuluhan, masaya, at puno ng biyaya ang inyong espesyal na araw.

19/08/2026

📢 𝗔𝗚𝗥𝗜𝗖𝗨𝗟𝗧𝗨𝗥𝗔𝗟 𝗔𝗗𝗩𝗜𝗦𝗢𝗥𝗬 | Agosto 19–25, 2026🌾

🌾 Mga magsasaka, alamin ang mahahalagang paalala at update para sa ating mga pananim at sakahan ngayong linggo!

Dahil sa Tropical Depression “Neneng” at Enhanced Habagat, inaasahan ang patuloy na pag-ulan sa Tarlac City. Mahalagang maging alerto at handa upang maprotektahan ang inyong mga pananim, alagang hayop, poultry, at kagamitang pangsakahan.

Kasama sa advisory ang 7-day weather forecast, rainfall forecast, AWS weather update, at mahahalagang rekomendasyon para sa palay, high-value crops, livestock, poultry, at farm machinery.

🌱 Ugaliing subaybayan ang lagay ng panahon, panatilihing maayos ang drainage, at regular na inspeksyunin ang mga pananim upang maagapan ang posibleng pinsala at pagdami ng mga peste at sakit.

📌 Basahin ang bawat larawan para sa kumpletong detalye at mahahalagang paalala.**