Tarlac City - POSO

09/10/2026

📢 𝐑𝐄-𝐌𝐈𝐍𝐈 𝐒𝐄𝐌𝐈𝐍𝐀𝐑 𝐏𝐀𝐑𝐀 𝐒𝐀 𝐌𝐆𝐀 𝐁𝐏𝐀𝐓 𝐀𝐓 𝐁𝐀𝐑𝐀𝐍𝐆𝐀𝐘 𝐂𝐎𝐔𝐍𝐂𝐈𝐋 𝐍𝐆 𝐁𝐀𝐑𝐀𝐍𝐆𝐀𝐘 𝐓𝐀𝐑𝐈𝐉𝐈, 𝐓𝐀𝐑𝐋𝐀𝐂 𝐂𝐈𝐓𝐘

Isinagawa ang isang Re-Mini Seminar para sa mga Barangay Peacekeeping Action Team (BPAT) at mga miyembro ng Barangay Council ng Barangay Tariji, Tarlac City sa pamumuno ni Barangay Chairman May Ann Montemayor Salvador, bilang bahagi ng patuloy na pagpapalawak ng kaalaman at kakayahan ng mga kawani ng barangay sa pagpapanatili ng kapayapaan, kaayusan at kaligtasan ng komunidad.

Tinalakay sa nasabing seminar ang mahahalagang paksa na magsisilbing gabay sa maayos at epektibong pagtupad sa kanilang mga tungkulin, kabilang ang mga sumusunod:
✅ Fire Prevention and Control
✅ Mga Tungkulin at Responsibilidad ng Bantay Bayan
✅ Republic Act 8485 o Animal Welfare Act
✅ Republic Act No. 9003 o Ecological Solid Waste Management
✅ Republic Act No. 9262 o Anti-Violence Against Women and Their Children (VAWC) Act
✅ Mga batas at alituntunin tungkol sa pag-aresto, Warrant of Arrest at Search Warrant
✅ Iba pang mahahalagang batas, ordinansa at mga tungkuling dapat ipatupad sa antas ng barangay

Nagsilbing mga tagapagsalita sina Pol. Col. Roldan N. Luna (Ret.), Pol. Col. Arthur L. Antonio (Ret.) at FSINSP Hermohenes Palomar Jr. (Ret.) na nagbahagi ng kanilang kaalaman at karanasan upang higit na maunawaan ng mga kalahok ang kanilang mga responsibilidad sa pagpapanatili ng kaayusan at pagpapatupad ng mga umiiral na batas.

Layunin ng aktibidad na higit pang mapalakas ang kakayahan ng mga BPAT at Barangay Council sa pagharap sa mga suliranin sa komunidad, pag-iwas sa mga insidente at pagbibigay ng maagap at angkop na serbisyo sa mga mamamayan.

Ang ganitong mga pagsasanay ay mahalagang hakbang tungo sa isang ligtas, maayos, disiplinado at mapayapang Barangay Tariji, Tarlac City.

Maraming salamat sa lahat ng naging bahagi ng matagumpay na pagsasagawa ng nasabing seminar! 🤝






🫡

09/10/2026

08/10/2026

🚨𝐓𝐑𝐀𝐅𝐅𝐈𝐂 𝐀𝐃𝐕𝐈𝐒𝐎𝐑𝐘🚨
⚠️𝐁𝐚𝐰𝐚𝐥 𝐧𝐚𝐧𝐠 𝐦𝐚𝐠𝐩𝐚𝐫𝐤 𝐬𝐚 𝐂𝐡𝐚𝐦𝐩𝐚𝐜𝐚 𝐒𝐭.⚠️

Simula Oktubre 12, 2026 (Lunes), mahigpit na ipatutupad ang 𝐍𝐎 𝐏𝐀𝐑𝐊𝐈𝐍𝐆 sa kahabaan ng Champaca St., Brgy. San Vicente, Tarlac City.

Ang hakbang na ito ay isinasagawa upang mabigyang-daan ang mas maraming sasakyan at mapaluwag at mapabilis ang daloy ng trapiko sa nasabing kalsada.

📌 𝐏𝐀𝐑𝐀 𝐒𝐀 𝐋𝐀𝐇𝐀𝐓 𝐍𝐆 𝐌𝐎𝐓𝐎𝐑𝐈𝐒𝐓𝐀
❌ Huwag magparada o mag-iwan ng sasakyan sa kahabaan ng Champaca St.
🚗 Panatilihing maluwag ang daanan para sa tuloy-tuloy na daloy ng trapiko.
👮 Sundin ang mga traffic signs, road markings at mga tagubilin ng mga traffic enforcers.

Ang kooperasyon ng bawat motorista ay mahalaga upang mapanatili ang maayos, ligtas at mabilis na daloy ng trapiko sa lugar.

Paalala mula sa City Government of Tarlac, Brgy. SanVicente Council at PNP. Maraming salamat po.






🫡

06/10/2026

🏍️ 𝐃𝐀𝐋𝐀𝐖𝐀𝐍𝐆 𝐈𝐌𝐏𝐎𝐔𝐍𝐃𝐄𝐃 𝐍𝐀 𝐌𝐎𝐓𝐎𝐑𝐒𝐈𝐊𝐋𝐎, 𝐍𝐀𝐓𝐔𝐊𝐎𝐘 𝐍𝐀 𝐂𝐀𝐑𝐍𝐀𝐏𝐏𝐄𝐃

Bilang bahagi ng patuloy na pagpapatupad ng mga alituntunin sa kalsada at pagpapanatili ng seguridad sa lungsod, nagsagawa ang Tarlac City Public Order and Safety Office (POSO) ng Oplan Sita noong Nobyembre 2025 sa Market View, Joemac Subdivision, Brgy. Maliwalo, Tarlac City.

Sa isinagawang operasyon, dalawang motorsiklo ang nasita at kalaunan ay na-impound matapos mapag-alamang may mga paglabag sa batas trapiko.

Ang mga motorsiklo ay:
🔹 Suzuki Raider FI 150
🔹 Honda Click Blue/White V2

Sa paunang pagsisiyasat, ang mga driver ay nagpakilalang sina Albert Agader Panelo, na ayon sa ulat mula sa General Tinio Police Station, Nueva Ecija ay kasalukuyang nakadetine sa General Tinio, at Benedict Tampepe Rosario para naman sa Honda Click.

Kabilang sa mga initial violation na naitala sa mga nasabing motorsiklo ay:
• No Helmet
• No Side Mirror
• OR/CR Not Carried
• No Plate
• Driving Without License

Dahil dito, isinagawa ng mga POSO personnel ang nararapat na pag-impound sa dalawang motorsiklo.
Matapos ma-impound, hindi na ito na-claim o na-settle ng mga driver at sa halip ay iniwan ang mga motorsiklo sa pangangalaga ng POSO. Mula Nobyembre 2025 hanggang sa kasalukuyan, nanatili ang mga ito sa kustodiya ng tanggapan.

🔎 𝐒𝐀 𝐏𝐀𝐊𝐈𝐊𝐈𝐏𝐀𝐆-𝐔𝐆𝐍𝐀𝐘𝐀𝐍 𝐒𝐀 𝐏𝐍𝐏, 𝐍𝐀𝐓𝐔𝐊𝐎𝐘 𝐀𝐍𝐆 𝐓𝐔𝐍𝐀𝐘 𝐍𝐀 𝐒𝐓𝐀𝐓𝐔𝐒
Sa patuloy na pakikipagtulungan at koordinasyon ng Tarlac City POSO sa PNP General Tinio, Nueva Ecija, isinagawa ang karagdagang verification at pagsisiyasat sa pagkakakilanlan at rekord ng dalawang motorsiklo.
Dito napag-alaman na ang dalawang motorsiklo ay iniulat na carnapped.

Para sa Suzuki Raider FI 150, natukoy na ang rehistradong may-ari ay si Mico Factor Padolina, residente ng General Tinio, Nueva Ecija.
Samantala, patuloy pa ring isinasagawa ang verification upang matukoy ang tunay na may-ari ng Honda Click Blue/White V2.

Ang insidenteng ito ay nagpapakita ng kahalagahan ng patuloy na pagpapatupad ng Oplan Sita, hindi lamang para matiyak ang pagsunod sa mga batas trapiko, kundi maging sa pagtukoy at pag-iwas sa paggamit ng mga sasakyang maaaring sangkot sa mga ilegal na gawain.

Patuloy ang Tarlac City POSO, katuwang ang Philippine National Police (PNP) at iba pang kaukulang ahensya, sa pagpapanatili ng kaayusan, kaligtasan at seguridad ng mga motorista at mamamayan ng Tarlac City.






NDC🫡

01/10/2026

🚨𝐏𝐀𝐀𝐋𝐀𝐋𝐀 𝐒𝐀 𝐌𝐆𝐀 𝐌𝐎𝐓𝐎𝐑𝐈𝐒𝐓𝐀 🚨
📍𝐎𝐍𝐄-𝐖𝐀𝐘 𝐬𝐚 𝐂𝐡𝐚𝐦𝐩𝐚𝐜𝐚 𝐒𝐭. 𝐓𝐚𝐫𝐥𝐚𝐜 𝐂𝐢𝐭𝐲📍

Ipinapaalam sa lahat ng motorista na pansamantalang isasailalim sa 𝐎𝐍𝐄-𝐖𝐀𝐘 𝐓𝐑𝐀𝐅𝐅𝐈𝐂 𝐒𝐂𝐇𝐄𝐌𝐄 ang 𝐂𝐡𝐚𝐦𝐩𝐚𝐜𝐚 𝐒𝐭. Magmula 𝐎𝐤𝐭𝐮𝐛𝐫𝐞 𝟓, 𝟐𝟎𝟐𝟔 (𝐋𝐮𝐧𝐞𝐬) upang mapanatili ang maayos na daloy ng trapiko at maiwasan ang pagkakabuhol-buhol ng mga sasakyan sa lugar ng Capitol Area.

🔴 𝐌𝐆𝐀 𝐃𝐀𝐏𝐀𝐓 𝐓𝐀𝐍𝐃𝐀𝐀𝐍:
➡️ 𝐌𝐮𝐥𝐚 𝐬𝐚 𝐍𝐎𝐑𝐓𝐇
➡️ Maaaring Kumanan RIGHT TURN sa Champaca St. (From TSU and Diwa ng Tarlac)
➡️ 𝐌𝐮𝐥𝐚 𝐬𝐚 𝐒𝐎𝐔𝐓𝐇
❌ NO LEFT TURN papasok ng Champaca St. (From Red Cross, Hospital Drive and Macabulos Drive)
➡️ 𝐌𝐮𝐥𝐚 𝐬𝐚 𝐖𝐄𝐒𝐓:
❌ NO LEFT TURN papasok ng Champaca St. near Magsaysay Village (From Agana Bridge and San Pablo)
Ang mga residente lamang na nakatira sa Champaca St. ang pinapahintulutang pumasok sa nasabing lugar.
❌ NO RIGHT TURN papasok ng Champaca St. near Magsaysay Village (From Macabulos Drive)
Ang mga residente lamang na nakatira sa Champaca St. ang pinapahintulutang pumasok sa nasabing lugar.

⚠️ 𝐌𝐀𝐇𝐀𝐋𝐀𝐆𝐀𝐍𝐆 𝐏𝐀𝐀𝐋𝐀𝐋𝐀:
Ang lahat ng sasakyang papasok sa Champaca St. (ALONG CAPITOL AREA & DIWA NG TARLAC) ay 𝐇𝐈𝐍𝐃𝐈 𝐏𝐈𝐍𝐀𝐇𝐈𝐇𝐈𝐍𝐓𝐔𝐋𝐔𝐓𝐀𝐍𝐆 𝐁𝐔𝐌𝐀𝐋𝐈𝐊 o 𝐦𝐚𝐠-𝐔-𝐓𝐔𝐑𝐍 upang muling lumabas sa nasabing kalye.
Ang hakbang na ito ay ipinatutupad upang maiwasan ang pagsisikip at pagkakabuhol-buhol ng trapiko at upang mapanatili ang ligtas at maayos na daloy ng mga sasakyan.
🙏 Hinihiling sa lahat ng motorista na sumunod sa mga traffic signs, road markings at instructions ng mga Traffic Enforcers.






NDC🫡