10/05/2025
Magandang gabi po sa inyong lahat, mga minamahal kong Tayabasin!
Hindi ako kandidato lang—ako’y naninindigang lingkod-bayan na may puso para sa tunay na serbisyo.
Buong puso akong muling humaharap sa inyo ngayon, dala ang panibagong lakas, malinaw na plataporma, at walang sawang malasakit sa ating lungsod.
Tayabas, kayo ang dahilan kung bakit ako tumatakbo. Dahil nakita ko ang sipag ng ating mga kababayan, ang sakripisyo ng mga ina at ama, ang potensyal ng kabataan, at ang pangangailangan ng ating mga senior citizens.
Gusto kong tumulong. Gusto kong mas marami pa tayong marating—sama-sama.
Una, isinusulong ko ang negosyo at trabaho. Kailangan natin ng mas maraming oportunidad para sa mga maliliit na negosyante, livelihood training, at job fairs para sa mga naghahanap ng hanapbuhay.
Pangalawa, naninindigan ako para sa empowerment ng kababaihan. Ang mga nanay, dalaga, solo parent, at working moms—kailangan may boses, may suporta, at may proteksyon. Magkakaroon tayo ng programs para sa skills development, women’s health, at gender-based education.
Pangatlo, ang ating mga magsasaka at ang sektor ng agrikultura—hindi natin sila dapat kalimutan. Magsusulong tayo ng mas modernong farming support, access sa pamilihan, at tulong sa panahon ng sakuna. Ang pagkain sa ating mesa ay galing sa kanila—dapat natin silang alalayan.
Pang-apat, ang kabataan ang kinabukasan ng Tayabas. Dapat silang bigyan ng scholarship programs, access sa technology, at mga proyektong maghahanda sa kanila sa mas maginhawang bukas.
At higit sa lahat, hindi ko po nakakalimutan ang ating mga senior citizens—ang haligi ng ating mga pamilya. Nararapat lang na sila’y alagaan, bigyan ng medical at wellness programs, at hindi pabayaan.
Ako po si Konsehala Elsa Rubio, numero 20 sa inyong balota— Ang Partner N’yo sa Pag-Asenso.
Hindi ko po kayang gawin ito mag-isa. Pero kung magtutulungan tayo, walang imposible para sa Tayabas. Suportahan po natin ang buong Team Reynoso-Pontioso-Dalida.
Kaya sa darating na halalan, piliin po natin ang tapat, masipag, at may malasakit—Muli po, Konsehala Elsa Rubio, #20 sa balota!
Maraming salamat po, mahal kong Tayabas! Mabuhay tayong lahat!
-Miting De Avance | May 10, 2025
⚫️ 20. RUBIO, ELSA (LAKAS)
